Во Грција не помагаат ни новите налепници што ги лепиме поради нив. Граѓани кои деновиве биле кај јужниот сосед се жалат дека на нивните автомобили во делот за налепница на регистарската ознака било залепено.

„You are not Makedonians, you are Slavs Vadaska“.

Поради обврските од Договорот од Преспа, Македонците покрај без нов пасош, возачка и сообраќајна не можат ни без сина налепница на која стои НМК.

The post „Вие не сте Македонци туку „Слав-Вадаска“ лепат Грците врз новите налепници appeared first on Република.

Најбарана работа во Скопје денеска е налепница за возила на кое стои кодот НМК. Во центрите за технички преглад тешко се наоѓаат а возила има повеќе од изработени налепници.

Затоа во Чаир можеш да најдеш сѐ што ти треба па дури и фалсификат налепници.Во неколку дуќани за авто делови се прадаваат вакви налепници за само 50 денари.

Кој сака нека повели може да бирате и боја.

The post Немате налепница: Нема проблем, во Чаир продаваат на „диво“ за 50 денари appeared first on Република.

Министерството за внатрешни работи ги известува граѓаните дека до 31 декември 2024 е продолжен рокот за ставање налепница на која е испишана ознаката „НМК“ односно за замена на регистарските таблички кои ја содржат ознаката „МК“ и на оние кои немаат никаква ознака.

МВР наведува дека тоа е утврдено во измените на Правилникот за формата и содржината на образецот на барањето за издавање на пробните таблици, формата и содржината на регистарските таблици и на пробните таблици на возилата, како и начинот и постапката на нивно издавање, кои вчера (12 февруари 2024) се објавени во „Службен весник“.

Исто така, ги информираме оние граѓани кои ќе бидат спречени од страна на граничните полициски службеници да направат излез од државата поради тоа што поседуваат патна исправа со името „Република Македонија“, дека можат да побараат писмено известување во кое ќе бидат наведени причините поради кои се оневозможени да направат излез, соопшти МВР.

The post МВР: До 31 декември 2024 е продолжен рокот за ставање налепница appeared first on Република.

Со ново име се испечатени некаде околу 525.000 возачки дозволи, тоа се активни возачки дозволи, кои не се дуплираат. Со старото име во важност се 272.000 возачки дозволи. Тоа се важечки возачки дозволи кои не се обновени со новото име и сега со законските измени за безбедност во сообраќајот тие ќе важат до 31.12.2024 година“, истакна вчера министерот за внатрешни работи Панче Тошковски.

https://republika.mk/vesti/makedonija/badijala-graganite-vadea-novi-soobrakajni-dozvoli-grtsija-bara-nmk-i-odbiva-vozachi-so-dokumenti-mkd/

„350.000 налепници се дистрибуирани до станиците за технички преглед“, информираше министерот за внатрешни работи Панче Тошковски во вечерашната Топ Тема.

https://republika.mk/vesti/makedonija/ako-ne-staveshe-potpis-veke-nemashe-da-smee-da-se-lepat-toshkovski-go-potpisha-pravilnikot-za-nalepnitsite/

На прашањето дали тоа ќе бидат фрлени пари или ќе се промени Правилникот од 2019, изменет во 2020 и 2023 година, според кој министер за внатрешни работи не смее, ниту да дистрибуира, ниту да лепите налепници НМК, Тошковски одговори дека службите во МВР моментално изработуваат нов правилник.

Тој нагласи дека овој правилник ќе биде сменет и заклучно со 31.12.2024 година и дека нема да има проблем да се движат овие моторни возила во државата, но доколку патуваат надвор мора да ја залепи налепницата НМК.

https://republika.mk/vesti/makedonija/toshkovski-za-pasoshi-fotografirani-se-100-000-gragani-a-obrastsi-ima-za-15-000/

The post Досега се дистрибуирани 350.000 налепници, Тошковски најавува нов правилник за нив appeared first on Република.

Во станиците за технички преглед во Дебар денеска не е почнато поставувањето на сообраќајни налепници со новиот код НМК.

Немаме добиено вакви налепници. Најавено е дека ќе ни пристигнат, но до 13:30 часот немаме. Има поголем број сопственици на возила кои доаѓаат и се враќаат, велат од станиците за технички преглед.

Од полициски извори потврдуваат дека повеќе од сигурно е дека налепнците со кодот НМК ќе бидат дистрибуирани до утре, од кога ќе може да се ставаат на возилата.

The post Во Дебар сè уште нема соoбраќајни налепници со новиот код НМК appeared first on Република.

Во дел од станиците за технички преглед во Скопје има налепници НКМ, во некои сè уште немаат добиено, а дел веќе ги потрошиле.

Од станиците за технички преглед што ги контактираше МИА, како Авто-мото сојузот на Македонија, станиците за технички преглед на Здружението на возачи на Македонија во Кисела Вода и Карпош, ПСС и Цертус, налепници има во дел од нив.

Во Кисела Вода  налепниците веќе се потрошени поради гужвите кои почале од утрината и како што ни изјавија оттаму не знаат кога ќе добијат нови налепници, додека во станицата за технички преглед на Здружението на возачи во Карпош не добиле налепници и не знаат кога ќе добијат.

Во станицата за технички преглед Цертус во населбата Ченто велат дека налепници за регистарските таблички со три бројки немаат, додека за оние со четири бројки имаат.

Од Министерството за внатрешни работи велат дека освен оние возила што ја имаат ознаката НМК, сите останати треба да имаат налепница.

Возачите треба да дојдат во станиците за технички преглед со сопственото возило каде ќе пополат барање, а со себе треба да понесат лична карта и сообраќајна дозвола.

Нелепниците се даваат бесплатно, но треба да бидат ставени на регистарските таблички од страна на контролорите во станиците за технички преглед.

Обврската за налепниците НМК на регистарските таблички на возилата произлегува од одредбите на Преспанскиот договор потпишан со Грција.

The post Нема налепници со НМК во повеќето скопски станици за технички преглед appeared first on Република.

Дали метежот кој го гледавме пред пунктот Пролет, од понеделник ќе се преслика и пред станиците за технички преглед ?! Пред граѓаните е уште еден предизвик. Налепницата НМК која од понеделик ќе треба да ја има на сите регистарски таблици ќе биде бесплатна, но возачите нема да ја добијат брзо и лесно.

Од станиците за технички прегледи за Канал 5 велат дека веќе ги добиле новите налепници но и правилникот како треба да оди целата процедура. Па така велат дека од понеделник очекуваат големи гужви, бидејќи за да ги добијат - граѓаните ќе треба со автомобилот и сообраќајната да дојдат во станиците за технички преглед и најпрво да пополнат барање на шалтерите на МВР. Потоа налепницата под видео надзор и од страна на вработените ќе им биде залепена на регистарската таблица.

„Со вашето возило ќе дојдете на шалтер на МВР ќе пополните барање, сообраќајна и потоа нашите контролори ќе мора да ги залепат налепниците. Како што стои во правилникот се тоа ќе се снима затоа ќе мора секое возило да дојде, под видео надзор да се сними како се местат налепниците.

е очекува да има гужви повеќе со оглед на тоа што ќе се пополнуваат и барања за налепнци.

Да да ќе има, тие што ќе доаѓаат за налепници, редовните странки за регистрација, многу ќе се менуваат и сообраќајни со „Северна.“ “ вели Маја Кануркова, координатор на станица за технички преглед

Налепниците требаше да чинат од 30 до 50 денари, но МВР одлучи да бидат бесплатни.

Сепак, во јавноста излегоа непотврдени информации дека за самата постапка граѓаните сепак ќе треба да платат некаков надоместок, но и од МВР и од станиците за технички прегледи уверуваат дека граѓаните нема да ги чини ништо.

The post Прекомплицирана е процедурата за налепниците „НМК“ – се очекува метеж во станиците за технички преглед appeared first on Република.

Ќе се користат налепници со ознаката „НМК“ наместо нови регистарски таблички, за заштита на граѓаните од финансиски трошоци и вадење нова документација. Ова го соопштија од Владата по денешната седница.

Владата на денешната 154-та седница ја разгледа и усвои и Информацијата за потребата од ставање налепници со „НМК“ ознака на регистарските таблици, предложена од Министерството за внатрешни работи.

Со ставањето налепница на регистарските таблици, во целост се почитува обврската за ознаката на новиот код на Република Македонија на регистарските таблици на возилата, од една страна, а од друга страна, финансиските издатоци за ова решение се речиси неспоредливи со износот потребен за замена на регистарските таблици со нови регистарски таблици.

По разгледувањето на Информацијата, задложено е Министерството за внатрешни работи да изготви Правилник за изменување и дополнување на Правилникот за формата и содржината на образецот на барањето за издавање на пробните таблици, формата и содржината на регистарските таблици и на пробните таблици на возилата, како и начинот и постапката на нивно издавање.

The post Наместо нови регистарски таблички, ќе се користат налепници со ознаката „НМК“ appeared first on Република.