Пендаровски продолжува да шири лажни вести, лично имам потпишано десетици решенија за колеги Албанци во Агенцијата за разузнавање, обвини Наке Чулев.

Претседателот Стево Пендаровски во негов стил продолжува да шири лажни вести, манипулирајќи ја јавноста во очајнички обид да се спаси од катастрофалниот пораз, изјавувајќи дека додека не дошол тој “пред десет или 15 години Албанците во Агенцијата за разузнавање само го уредувале дворот”.

На овој начин претседателот директно ги омаловажува и навредува сите колеги Албанци, кои имале многу одговорни и сензитивни работни позиции, а со кои заеднички сме работеле за безбедноста на граѓаните на Македонија. Такви во Агенцијата за разузнавање имало многу.

Токму, еден од доајените на македонското разузнавање, Шејнаси Мемети, кој уште од самото основање на Агенцијата за разузнавање беше на раководна позиција, пред точно 21 година, во 2003 година, беше именуван за заменик директор за разузнавање, а со тоа не бил градинар во Агенцијата пред да се појави Стево. Исто така, и почитуваниот колега Мухамед Исмаили кој во периодот 2003-2015 успешно ја објавуваше функцијата заменик директор, а потоа беше и на друга раководна функција во Агенцијата немал во описот на работното место уредување на дворот на Агенцијата.

Исто така, сегашниот директор на АР, Еролд Муслиу, речиси цел работен век во Агенцијата го поминал на високи раководни функции, а во време на претседателот Иванов, беше назначен за помошник на директорот за координација на оперативните работи.

Јас лично имам потпишано решенија за десетици колеги Албанци на раководни позиции и за претставници на Агенцијата во странство. По којзнае кој пат, Стево со лажни вести ја манипулира јавноста или пак неговиот директор, како по обичај лажно го информирал. Во секој случај ова е големо омаловажување на трудот и придонесот на колегите Албанци кои по цена на безбедносен ризик по животот биле на браникот на државата.

За оваа лажна теза, ќе мора Пендаровски да се демантира сам или да престане да верува на лагите на директорот на АР. Воедно, тој треба јавно да се извини за искажаните невистини на сите припадници на АР од албанска националност кои се грижеа за безбедноста на државата и унапредуваа во кариерата пред да се појави Стево како претседател. По 8- ми мај Пендаровски ќе има можност да уредува градини како пензиониран претседател.

Нека го праша Еролд Муслиу дали како градинар бил на средбава со тогашниот претседател Иванов на состанок во АР или како помошник на генералниот директор пред повеќе од 10 години

The post Чулев го обвини Пендаровски дека шири лажни вести appeared first on Република.

Наќе Чулев од ВМРО-ДПМНЕ во емисијата „10МИНУТИ“ на ТВ21 ја коментираше сегашната ситуација со вадењето на личните документи, во која огромен број граѓани се принудени да чекаат многу часови и се соочуваат со многу гужви и турканици за вадењето нови документи.

Чулев вели дека целава состојба, каде што македонските граѓани во нехумани услови, на минусни температури чекаат со часови за да се сликаат за нови лични документи не е случајна. Тој истакна дека министерот за внатрешни работи, Оливер Спасовски намерно го повторува хаосот со документи пред новата Техничка влада, како што беше тоа случај и во 2020 година кога тој беше министер за внатрешни работи во тогашната Техничка влада.

И сега како и тогаш, нема доволен број на обрасци за нови пасоши за да ги задоволат потребите на заинтересираните граѓани, постоечките се при крај, а новите обрасци се очекува да пристигнат на средината на март.

 

2020 година на 3 јануари беше изгласана техничка влада. Прв проблем со кој се соочивме беше немањето обрасци за пасоши, и тоа беше огромен проблем кој со судни маки успеавме да го решиме, и на најитен начин беа доставени количини на пасоши. Чудна коинциденција и јас би рекол не е случајност дека после четири години речиси истиот месец, воочи на парламентарни избори и на нова Техничка влада, се случува истиот проблем. Долги редици на граѓани кои се борат во нехумани услови и минимални, ниски температури да извадат пасош, а проблемот е што немаме обрасци за пасоши.

 

Дури на средината на март треба да стигнат нови. Друг проблем е самото подигнување на пасоши, има целосна неорганизација, има голем дел изгубени пасоши, со погрешни податоци“, рече Чулев.

Во однос на имињата од редовите на ВМРО-ДПМНЕ кои треба да бидат дел од новата техничка влада, Чулев изјави дека партијата ќе ги објави до крајот на следната недела.

Имаше состанок на ИК и на ЦК на партијата, и беа донесени одлуки, за кои што информиравме, но од позначајните одлуки беше утврден списокот на делегати кои ќе гласаат за избор на претседателски кандидат на ВМРО-ДПМНЕ, исто така донесена одлука ВМРО-ДПМНЕ да учествува во Техничката влада, да гласа воздржано за гласањето за владата и претседателот Мицкоски има право да ги утврди кандидатите во идната влада“, изјави Чулев.

The post Чулев: Спасовски намерно го повторува хаосот со лични документи пред новата техничка влада appeared first on Република.

Завчера во Македонија се случи настан кој не е виден не само во Европа, туку и во најнеразвиените земји во светот. Група од партиски функционери на владејачката ДУИ, на чело со Беким Незири, инаку инспектор за контрола на летање и близок соработник на директорот на М-НАВ, претседател на огранокот на ДУИ во Чаир и човек кој извршувал високи државни функции, упаднаа во еден од најзаштитените објекти во државата М-НАВ и физички ги нападнаа контролорите на летање, кои во истиот момент извршувале сложени работни задачи од кои зависат илјадници животи, ова денеска преку прес-конференција го истакна Наќе Чулев од ВМРО-ДПМНЕ.

За време на насилниот упад, биле физички нападнати повеќе лица, а еден од нападнатите бил удрен од позади, по што истиот паднал врз апаратурата, со која се контролираат авионите, кои се во моментот биле над македонското небо. Како што дознаваме, неофицијално, во моментот на насилниот упад, на македонското небо вршеле прелет околу 40 авиони, а 2 авиони, од кој еден бил на сериозна авио компанија, кружеле над Скопје повеќе време и чекале дозвола за слетување. Во текот на денот имало и две слетувања на НАТО воздухоплови на аеродромот во Скопје. Да биде трагедијата уште поголема, во упадот учествувало и самото обезбедување, кое има задача да го штити објектот, но очигледно тоа не се случило, туку овие лица играле улога на поддршка на насилниците. Името на агенцијата за обезбедување е озогласената кичевска фирма 2СС, која има промет од околу 3 милиони евра годишно и е позната по милионските тендери, посебно во институциите, кои ги раководат кадри на ДУИ. Па на листата на институции, кои ги користат нивните услуги се: АЕК, ЈП Државни Патишта, скопската Градската болница „8 Септември“, како и Архелошкиот музеј, Музеј на Македонија, здравствен дом Кичево, Државната лотарија, ТИРЗ Кичево и Струга, Клиниката за гинекологија, Фонд за здравствено осигурување, Општина Центар во делот на училишта и градинки, Клиника за хематологија, скопската Клиника за кардиологија, Управата за заштита на културно наследство, Агроберза, Општина Струга и други. Односно накратко секаде каде ДУИ и СДС се на власт“, вели Чулев.

Тој додава дека дополнително, уште еден бенчмарк исполнет од европскиот фронт СДС-ДУИ, е фактот дека тепачите од М-НАВ беa пуштени без притвор. Скандалозно е што насилниците по извршениот упад во М-НАВ и делењето на шамари и клоци судот ги пушти без притвор, само со мерки за претпазливост. Во тие мерки, во соопштението, не се наведува дека им е забрането да одат повторно во институцијата, каде извршија кривично дело, што значи дека тепачите на ДУИ потмогнати од СДС, можат во секое време да го повторат делото.

Овој страотен настан, според голем дел од експертите е терористички акт, а во најмала рака претставува кривично дело Загрозување на безбедноста на воздушниот сообраќај, за кое според Кривичниот законик, превидена е казна затвор од пет до десет години. Извршен е насилен упад во М-НАВ, кој е објект на критична инфраструктура, и било загрозено небото над Македонија, која патем е НАТО членка, а со тоа било загрозено и европското небо и животите на илјадници патници, како домашни, така и странски, кои во тој момент се наоѓале во авионите. МВР, како и секогаш, во овие 7 години, во кои Оливер Спасовски е министер, е само нем набљудувач, се до моментот кога македонската јавност ќе направи огромен притисок, па дури потоа доцна се реагира, а како резултат на тоа 4 лица од групата, се уште се во бегство и не се достапни на органите на прогонот. Затоа оваа неевропска коалиција, ќе одговара европски. Една од првите одлуки по преземањето на институциите и МВР ќе биде одговорност пред законот без исклучок на сите вмешани во овој сериозен меѓународен скандал. Ова ли е европската агенда на ДУИ и СДС? Ова ли е начинот на кој ќе ја внесуваат Македонија во ЕУ? После ваков невиден настан, непознат во Европа и светот, мора да следат оставки веднаш, од врвот па надоле. Одговорност мора и ќе имае! Никогаш не било полошо! Време е да ги поразиме, додава Чулев.

The post Чулев: Во моментот на инцидентот во М-НАВ имало 40 прелети, авион оставен да кружи appeared first on Република.

Зградата на М-НАВ претставува објект од критична инфраструктура кој е од исклучителна важност за функционирањето на државата, но и за безбедноста на меѓународниот воздушен сообраќај. Упадот во ваков објект е безбедносен скандал од меѓународни рамки за кој треба да се понесе одговорност и истиот мора најстрого да биде санкциониран, вели поранешниот министер за внатрешни работи, Наќе Чулев.

Вчерашниот настан, каде организирана група насилно упаѓа во објектот на Македонската навигација (М-НАВ) и физички напаѓа дел од вработените говори за сериозно непочитување на безбедносните протоколи и потфрлување на институциите кои се задолжени за безбедноста. Станува збор за кривично дело „Загрозување на безбедноста на воздушниот сообраќај“ за кое според Кривичниот законик, предвидена е казна затвор од пет до десет години.

Упатувам силна поддршка, но и благодарност до синдикатот и професионалците во оваа институција кои по цена на својот живот и своето работно место, решија да истраат во намерата да го заштитат М-НАВ и безбедноста на македонското небо, порача Чулев.

Тој го повика МВР и ЈО, во најкраток рок да ги санкционираат учесниците во вчерашниот настан, а владата веднаш да го разреши раководството на институцијата, чиј основач е државата, а која треба да функционира согласно пропишани европски и светски стандарди.

Дополнително, Министерството за внатрешни работи согласно Законот за приватно обезбедување треба да утврди пропуст во постапувањето на агенцијата 2СС од Кичево, што го обезбедува објектот, и преку соодветна постапка да ја одземе дозволата за работа на истата. Воедно, треба да се утврди дали таа агенција имала важечки договор со М-НАВ за обезбедување во 2024 година, со оглед дека претходниот е истечен на 14.12.2023 година, и доколку се утврди дека договорот е истечен, дополнително да се побара и утврди кривична одговорност за директорот на М-НАВ кој дозволил приватна агенција да обезбедува објект од критична инфраструктура без важечки договор, појаснува Чулев.

The post Чулев: Упадот во М-НАВ е безбедносен скандал од меѓународни рамки, за кој мора да има одговорност appeared first on Република.

Веднаш по формирањето на техничката Влада, во рамките на МВР ќе се спроведе интерна ревизија на преземените дејствија во врска со истрагата за убиствата на Вања Ѓорчевска и Панче Жежовски и ќе се поднесат соодветни дисциплински постапки ако се утврди дека се направиле клучни пропусти во истрагата, најави Наќе Чулев во интервју за порталот Курир.мк.

Веднаш по формирањето на техничката Влада, во рамките на МВР ќе се спроведе интерна ревизија на преземените дејствија и во двата кривично правни случаи. Врз основа на тоа што ќе биде утврдено во рамки на внатрешната ревизија, против сите оние кои направиле клучни пропусти во истрагата со несовесно, непрофесионално и нестручно постапување, ќе се покренат соодветни дисциплински постапки, а истовремено и ќе се информира и ОЈО за ГОКК за новите информации и елементи од истрагата. Доколку има елементи ќе се поднесат и соодветни кривични пријави до ОЈО за ГОКК. Воедно, за сите нови моменти од истрагата транспарентно ќе се информира македонската јавност. Истовремено, ќе се направат максимални обиди со цел што е можно побрзо изведување на главниот осомничен пред лицето на правдата. Убиствата на малолетничката Вања и Панче се само врв на сантата мраз кога е во прашање нестручно и непрофесионално постапување на МВР под раководство на Оливер Спасовски. Нашите сознанија зборуваат дека истрагата можела многу поквалитетно и поефикасно да се спроведе, а доколку не се направени сериозни професионални и стручни пропусти и се преземени должни дејствија кои согласно полициските и криминалистичките процедури требало да се преземат, сигурно можело и да се превенира киднапирањето и последователното убиство на Вања. И тоа пред сѐ, е резултат на лошите кадровски и менаџерски политики на раководството на МВР, вели Чулев.

Според него, целокупниот разузнавачко-безбедносен систем е на колена, а состојбата е загрижувачка и хаотична.

The post Чулев: Ќе има интерна ревизија за истрагата за убиствата на Вања и Панче веднаш по формирање на техничка влада appeared first on Република.

И судството кое е целосно под контрола на СДСМ и ДУИ, не успева во целост да го скрие криминалот направен од високите функционери на власта. Одбиена тужбата на Васко Ковачевски со која тој тврдеше сум направил „клевета“ против него, вели Наќе Чулев.

-На задоволство на Јустиција, Апелациониот суд од Скопје ја потврди првичнита пресуда на Основниот суд од Скопје со која беше одбиена тужбата против мене поднесена од страна на поранешниот директор на РЕК Битола и ЕСМ, Васко Ковачевски за наводна граѓанска одговорност за клевета. Ниту судството контролирано и кое целосно работи под диктат на владеачките партии, не може да ги скрие криминалите направени од страна на функционерите на СДСМ и ДУИ. За дел од незаконските активности веќе има поднесени кривични пријави, кои наскоро по доаѓањето на ВМРО ДПМНЕ на власт ќе бидат соодветно процесуирани, вели тој.

Чулев потенцира:

„Во случајот станува збор за кривична пријава за прес конференција која ја одржав во Битола кога потенцирав, а денес ја потсетувам јавноста, дека поранешниот директор на РЕК Битола Васко Ковачевски, вршел притисок, односно изнуда врз фирма која добила тендер во државната РЕК Битола, дел од договорот да отстапи на друга фирма која е блиска до СДСМ, а која немала капацитет ниту технички средства да ја изврши работата. Притоа, од страна на поранешниот директор бил побаран поткуп од 250 илјади евра и закана дека доколку не биде даден поткупот и отстапен дел од договорот, компанијата ќе се соочи со пречки да не може да го реализира договорот“.

The post Чулев: И судството под контрола на СДС и ДУИ, не успева во целост да го скрие криминалот направен од функционерите на власта appeared first on Република.

Лошото и катастрофално менаџирање на Министерството за внатрешни работи, повторно паѓа на грбот на граѓаните, вели Наќе Чулев од ВМРО-ДПМНЕ.

Редици граѓани, плаќаат скапи цени за пасоши и лични карти со „северна“ кои МВР нема капацитет да ги направи и дистрибуира во законскиот рок. Лошото и катастрофално менаџирање на Министерството за внатрешни работи, повторно паѓа на грбот на граѓаните, вели Наќе Чулев од ВМРО-ДПМНЕ.

Натписот „Cеверна“ и промената на важечките лични документи за таа намена, не само што е причина за дополнителни високи трошоци, туку тоа предизвикува и сериозен револт, малтретирање и нервоза, а остава сериозен простор и за корупција. По којзнае кој пат, во последните шест години, нефункционалните идеи на Оливер Спасовски, наместо да обезбедат нормални и пристојни услови, тие создаваат хаос во чии рамки граѓаните се приморани да трпат гужви и по студено и дождливо време да чекаат со часови во редица за да го добијат својот личен документ. Да не заборавиме дека голем дел од тие граѓани, се возрасни, со нарушено здравје и со попречности, а има и мајки со мали деца. Наместо да ги малтретира граѓаните и со донации од приватни компании да креира нефункционални ад хок решенија, Министерството за внатрешни работи, неопходно е да обезбеди соодветни услови, каде граѓаните ќе можат, во законски предвидениот рок и на достоинствен начин да го извадат личниот документ за кој плаќаат високи цени и со тоа да си ги остварат своите законски права - истакнува Чулев.

Новата влада предводена од ВМРО-ДПМНЕ ќе воспостави систем за автоматско известување на граѓаните за истечени документи, ќе се модернизира инфраструктурата каде се поставени и ќе се отворат нови дисперзирани базни станици за фотографирање и ќе се воведе можност за достава на личните документи на домашна адреса, посочи тој.

The post Чулев: Редици граѓани, плаќаат скапи цени за пасоши и лични карти со „Cеверна“ кои МВР нема капацитет да ги направи и дистрибуира во законскиот рок appeared first on Република.

Поранешниот министер за внатрешни работи, Наќе Чулев прашува зошто Оливер Спасовски го крие настанот во кој обезбедување на висок функционер во МВР нападнал и претепал припадник на интервентната полиција?

Во вчерашната објава на социјалните мрежи, побарав Министерството за внатрешни работи да преземе итни мерки за заштита на полициските службеници, чиј живот секојдневно е доведен во опасност, извршувајќи ги своите работни должности и задачи. Но, наместо заштита, Оливер Спасовски и останатите функционери во МВР, застануваaт во одбрана на полициското подземје што тепа и напаѓа полицајци.

 

Денес, јавно го прашувам Оливер Спасовски и Министерството за внатрешни работи, дали е точно дека лице кое работи како обезбедување на висок функционер во оваа институција, нападнало припадник на интервентната полиција, кој завршил со тешки телесни повреди?

 

Воедно, го повикувам Оливер Спасовски да даде одговор, каде се случил конкретниот настан и зошто посоченото лице – напаѓач во тој момент присуствувало на место каде пристап имаат лица со посебни овластувања?

 

Зошто Министерството за внатрешни работи, досега го крие посочениот настан и во ниту еден од полициските билтени не е споменат истиот?

 

Дали е побарано надлежните служби да утврдат одговорност и ако тоа се потврди, дали Оливер Спасовски ќе побара разрешување на функционерот, чие обезбедување е тепачот?, јавно прашува Чулев

The post Чулев: Спасовски крие дека обезбедување на висок функционер во МВР нападнал и претепал припадник на интервентната полиција appeared first on Република.

На денешната дебата насловена ,,Справување со тероризмот – Предизвик на современа Европа“ во рамки на кампањата „Важно е! Од тебе зависат промените“ во Крушево се обрати Наќе Чулев, поранешен министер за внатрешни работи кој што истакна дека во моментот разузнавачко безбедносниот систем на Македонија е на колена а состојбите во него се крајно нефункционални и хаотични, а институциите се високо партизирани и не испорачуваат резултати како за граѓаните така и за меѓународните партнери.

Јас сум повеќе од 25 години дел од разузнавачко безбедносниот систем, сум ги поминал сите скалила во агенцијата за разузнавање, од улица па до шеф на оператива, нормално разузнавачко безбедносниот систем имал успони и падови, меѓутоа со огромно жалење и јас и моите колеги можеме да констатираме дека во моментот разузнавачко безбедносниот систем на Македонија е на колена а состојбите во него се крајно нефункционални и хаотични. Реформите на безбедносниот систем со кој се фалеше Оливер Спасовски се неуспешни и не ги испорачуваат резултатите во смисла на заштита на безбедноста во смисла на заштита на основните вредности на државата и интереси на државата и она што го очекуваат граѓаните но не испорачуваат резултати и на меѓународната безбедност она што го очекуваат нашите меѓународни партнери“, нагласи Чулев.

Чулев посочи дека сите безбедносни институции се високо партизирани и се пренатрупани со кадар и тој кадар е нестручен и неквалитетен и не може да испорача резултати од областа на безбедноста.

Моментално сите безбедносни институции се високо партизирани и се пренатрупани со кадар и тој кадар е нестручен и неквалитетен и не може да испорача по дифолт резултати од областа на безбедноста. А дополнително и постојаниот кадар е немотивиран и апатичен пред се заради лошите раководни политики на менаџерскиот тим во областа на безбедноста“, нагласи Чулев.

Чулев истакна дека власта нема политичка волја после 6 години да ја дислоцира АНБ од кругот на МВР.

Агенцијата за национална безбедност, Законот за АНБ го изгласаа ДУИ и СДСМ меѓутоа во самото формирања на АНБ имаше аномалија, не беа почитувани две главни законски одредби и заради тоа членот на комисијата од ВМРО-ДПМНЕ си даде оставка. Двете главни законски одредби беа дека не се спроведува тест на интегритет тест на чесност на новиот кадар кој што се вработува и полиграфско тестирање. Се поставува прашање дали законски функционира АНБ и колку се легални актите? Замислете АНБ во кругот на МВР што има огромно влијание на процесот на одлуки во МВР и после 6 години власта се уште не најде средства и политичка волја АНБ да се дислоцира од кругот на МВР“, нагласи Чулев.

Чулев додаде и дека Агенцијата за разузнавање моментално се соочува со кадровски геноцид, таму се вработува крајно непрофесионален кадар кој што е со сомнителен бекграунд, дел од тие луѓе веќе и немаат безбедносни сертификати.

Агенцијата за разузнавање моментално се соочува со кадровски геноцид, таму се вработува крајно непрофесионален кадар кој што е со сомнителен бекграунд, дел од тие луѓе веќе и немаат безбедносни сертификати. Се врши професионална елиминација на докажани кадри од областа на безбедноста во аналитика во техника и им се одземаат безбедносните сертификати“, рече Чулев.

Чулев посочи и дека треба да се подигне квалитетот на кадарот кој што е вработен во државните институции од областа на безбедноста.

Безбедносните институции треба да испорачаат безбедност и сигурност кај граѓаните во моментот тоа не го прават на ефикасен начин. Сведоци сме како во неколку месеци имаше сериозни нарушување на јавен ред и мир со бомбашки напади во училишта, притоа се јави несигурност и хаос и тоа траеше со месеци, целосно потфрлање на институциите од безбедноста. Целата на тероризмот е предизвикување страв несигурност хаос и паника и со самото тоа тие ја постигна а целта, потфрлија целосно. Импликациите од конфликтот во блискиот исток сигурно ќе се одразат и овде, имаме повици на верски лидери за џихад, имаме неодговорни изјави на политички ескалации а низ Европа има зголемен број за протести, во Македонија има изјави на социјалните мрежи каде што може да се види како се глорифицира насилството и тука државата не презема ништо. Мора да се изврши безбедносна проценка од конфликтот на Блискиот исток врз Македонија. Треба да се подигне квалитетот на кадарот кој што е вработен во државните институции од областа на безбедноста, кажа Чулев.

The post Чулев: Безбедносниот систем е на колена, состојбата е хаотична, институциите се високо партизирани appeared first on Република.

Поранешниот Министер за внатрешни работи Наќе Чулев на својата фејсбук страна ја повика Државната комисија за спречување на корупција и останатите надлежни институции и да го истражат случајот во која Министерот за внатрешни работи, во видео објавено на неговата фејсбук страна, правична класична злоупотреба на полициските ресурси за политички цели.

Чулев во својот статус наведува дека кога вработените во Министерството за внатрешни работи, работат и функционираат во услови кои се далеку под стандардот за нормално функционирање на полицијата и кога поради лошото менаџирање на Министерството за внатрешни работи, оваа државна институција тоне во отпад, парите на полициските службеници и граѓаните се користат за политичка промоција на Оливер Спасовски, кој за личен ПР и за политичка промоција во пресрет на претседателскиот избори, објави високо квалитетен спот, платен од буџетот на Министерството за внатрешни работи, каде тој лета и се фотографира со полицискиот хеликоптер.

Тој го повикува Оливер Спасовски да даде одговор која е потребата за политички цели да се употреби хеликоптерот? колку чини реализацијата на овој промотивен спот? Дали употребата на државен хеликоптер со полициски ознаки не е злоупотреба на позицијата за политички и лични цели? Кој е бенефитот на граѓаните од трошењето буџетски пари за себепромоција и политички цели?

The post Чулев: Употребата на полицискиот хеликоптер за политички цели е класична злоупотреба appeared first on Република.

Во време кога светот и Македонија застануваат и даваат недвосмислена поддршка за Израел и ги осудуваат терористичките напади на Хамас, висок началник во Министерството за внатрешни работи дава јавна поддршка на нападите на Хамас врз Израел, пишува на Фејсбук, Наќе Чулев.

Во неговиот статус, тој понатаму вели:
Имено, станува збор за Аднан Синани, началник во Одделот обезбедување во Министерството за внатрешни работи и лице кое работи како лично обезбедување на Заменик министерот за внатрешни работи, Назим Буши. Работа која вклучува ВИП обезбедување, учество во домашни и странски делегации и присуство на меѓународни настани.
Претходно, на социјалните мрежи тој имаше јавен пост во кој има недвосмислени елементи на говор на омраза што е кривично дело предвидено во Кривичниот закон.
Оттука, се поставува прашањето дали безбедносните проверки за ова лице се направени стручно и професионално со оглед на високиот безбедносен ризик при обезбедување на домашни и странски ВИП личности и делегации.
Дали функционерите на ДУИ, како Бујар Османи, кој јасно го осуди нападот на Хамас врз Израел, се свесни дека нивен поддржувач има дијаметрално спротивни ставови, а чува нивни колеги од Владата како и претседателот на Собранието, Талат Џафери.
Министерството за внатрешни работи треба да даде одговор на следните прашања?
1. Дали МВР и Оливер Спасовски и Сашо Тасевски имаат поинаков став од МНР на Бујар Османи и Владата за нападот на Хамас врз Израел
2. Зашто Директорот под чија директна надлежност е Управата за обезбедување досега не поднел дисциплинска постапка за високиот полициски службеник
3. Дали АНБ ќе направи чекор и ќе му го одземе безбедносниот сертификат на овој началник бидејќи неговото делување е спротивно на официјалниот државен став по однос на Израел
4. Дали сега Стево Пендаровски ќе излезе со став по однос на овој анти-НАТО наратив на висок полициски службеник или ќе премолчи за да не му биде замерено пред кампања?
5. Дали доколку во земјава би престојувал официјален претставник на Израел, ова лице ќе биде дел од придружбата и ќе има контакт до агендата и локацијата на израелските гости?
6. Дали со вака искажаниот став истиот всушност свесно се става на располагање на ќелиите на Хамас задолжени за операции и саботажи надвор од Израел?
Повиците на Хамас вчера беа: Смрт на Израел, смрт на Америка 7. Дали со давањето јавна поддршка на Хамас, овој началник на МВР всушност го посакува истото за најзначајниот стратешки партнер на Македонија
Секое премолчување, неосудување и несанкционирање на ваков безбедносен инцидент е уште една потврда дека македонскиот безбедносен систем на чело со СДСМ и ДУИ е фрлен на колена и дека безбедносните реформи се само празна флоскула, пишува Чулев.

The post Дали Спасовски и Пендаровски ќе премолчат: Началник во Одделот за обезбедување на МВР, го поддржува Хамас и нападот на Израел appeared first on Република.

Нови лични документи и „Отворен Балкан“ во редица во која се чека и по неколку часови, ова денеска преку статус на Фејсбук го пишува Наќе Чулев.

‼️ „Километарски колони на граничните премини Богородица и Табановце, граѓаните се задржуваат и по неколку часа“, „Новите биометриски документи треба да се заменат најдоцна со следната година, за закажување на личен документ се чека речиси два месеци“ вака секојдневно изгледаат првите и ударни вести во медиумите.

🌡️ На повеќе од 40 степени и екстремно жешко време, патниците кои патуваат кон Грција и Србија, заглавуваат и по неколку часа на граничните премини од македонска страна, а граѓаните кои треба да извадат нови документи, за закажување чекаат повеќе дури и по два месеци. Подигнувањето во просториите на управните служби трае и по неколку часа. Многу бирократија и непотребни административни процедури.

▶️ Гужвите, редиците, нервозата и создавањето метеж се само уште една потврда за нехуманиот однос кој Оливер Спасовски и раководството околу него го имаат кон граѓаните на Македонија, но и кон вработените во Министерството за внатрешни работи. Потребни се нови инвестиции и целосна реорганизација, како би се намалил притисокот врз вработените и би се овозможила подобра и поквалитетна услуга и со тоа и побрз проток и помалку нервози за граѓаните.

🔜 Идната влада предводена од ВМРО ДПМНЕ ќе инвестира во нова организација и децентрализација, подобра инфраструктура, поголем број и соодветно обучен кадар на граничните премини, управните служби и останатите служби во МВР кои директно работат со граѓаните.

✔️ За побрз проток на возила, најоптеретените гранични премини ќе се прошират со нови ленти, и во летниот период ќе се алоцира поголем обучен граничен персонал.

☑️ Управните служби целосно ќе се реорганизираат, дигитализираат и децентрализираат, при што дел од документите ќе се издаваат електронски со дигитален потпис. Дополнително, ќе се отворат многу нови станици за издавање лични документи по општините, во Скопје и внатрешноста, граѓаните шест месеци пред истекот на личниот документ со порака ќе бидат информирани за датумот кога тој истекува, а ќе има можност пасошите, личните карти и возачките дозволи да се доставуваат по службена пошта.

✅ Овозможувањето на подобра, поквалитетна и побрза услуга ќе бидат една од главните сегменти на кои ќе биде ставен фокусот за идниот развој на полицијата и Министерството за внатрешни работи. Квалитетни човечки ресурси за квалитетна услуга од која придобивките ќе ги имаат токму граѓаните, пишува Чулев.

The post Чулев: Нови лични документи и „Отворен Балкан“ во редица во која се чека и по неколку часови! appeared first on Република.

„Сакам да потенцирам дека ниту промена на Уставот на Македонија, ниту било што друго не е вистински проблем или пречка на патот на евроинтеграциите на Македонија, туку главен проблем и главен предизвик на оваа држава на патот кон ЕУ е токму борбата против организираниот  криминал и корупцијата. Ова е нешто што на дневна основа доаѓа како информација како од безбедносни структури со кои што ние сме соработувале во минатото, така и од меѓународни дипломатски  претставници. Се друго е замајување на јавноста, дефокусирање на јавноста од вистинскиот проблем на оваа држава, а тоа е високиот степен на корумпираност на општеството“, истакна Наќе Чулев во рамки на акцијата „Пораки од реалниот живот - Ова е Македонија за сите“ на денешната трибина насловена „Корупцијата и криминалот, приоритет на власта на ДУИ и СДС“.

Чулев нагласи дека во периодот кога раководел со Министерството за внатрешни работи покрај бројните предизвици со кои што се соочил тогаш, сепак со помош на чесни колеги од министерството успеал да отвори и да поднесе неколку кривични пријави за висок степен на корумпираност и криминалитет.

„Јас во тој контекст би напомнал неколку, тоа е случајот пред се би го напоменал за кој што и моментално имам добиено и судски процес клевета, кој што веќе го има добиено прв степен од страна на генералниот директор тогашен на ЕЛЕМ и РЕК Битола, Васко Ковачевски, а тоа е кривично дело за изнуда односно се работи за  фирма која што тогаш доби тендер за ископ на јаглен во РРЕК Битола. А, на која што тогашниот директор Васко Ковачевски побарал да отстапи дел од колачот на друга фирма подизведувач која што немала технички средства за тоа. И доколку не се согласела со тоа, тогаш побара поткуп во износ од 250.000 евра. За овој случај за кој што напоменувам дека тогаш беше отпишан од двајцата началници на Одделот за организиран криминал и корупција во МВР како и од оној началник што го назначи Оливер Спасовски тогаш беше Лазе Велковски така и од началникот кој што го назначив јас. Значи целосно законски, двајцата началници констатираа висока форма на корупција во случајот. Меѓутоа до ден денес Основното јавно обвинителство за гонење организиран криминал и корупција се уште постапува по случајот и нема никакви резултати, а поминаа веќе речиси четири години од тој случај“, појасни Чулев.

Тој посочи дека и друг случај, а тоа е случајот со набавка на обрасци за патни исправи. Тогаш МВР беше оставено во незавидна позиција, немаше обрасци за патни исправи и во тој случај беше поднесена кривична пријава заради тоа што обрасците беа набавени без тендерска постапка во износ од 7 милиони евра меѓутоа со Анекс на договорот беше покачена таа сума дури за 5 милиони евра. И исто така беше набавен хардвер без да се набави софтверска опрема.

„Трет случај беше случајот со набавка на чизми за потребите на МВР, при што самата комисија на МВР констатира дека набавените чизми не ги исполнуваат техничките услови од спецификацијата односно беа со исклучително лош квалитет“, укажа Чулев.

Тој напомена и непостапување на ОЈО и отфрлање на случаи кои што беа со изборни нерегуларности уште не се испроцесуирани и нема конкретни одлуки од страна на ОЈО по однос на кривично дело 162, а тоа е поткуп при избори и гласање. Тоа е случајот кога СДС ги уценуваше граѓаните да гласаат за нив.

„Корупцијата метастазира во сите сфери во општеството, посебно во органите на прогонот и оние органи кои што треба да го спроведуваат законот“, нагласи Чулев.

The post Чулев: Корупцијата метастазира во МВР appeared first on Република.

И денес продолжуваме со објавување докази за милионски тендер преку кој се испцрпуваат средства од буџетот на Министерството за внатрешни работи за набавка на храна за компанијата „Индустри Сервис“. Компанија блиска до Оливер Спасовски, кој пак наместо да обезбеди соодветно услови за работа на полициските службеници, спроведува сомнителни тендери фаворизирајќи една компанија, истакна на денешната прес-конференција Наќе Чулев од ВМРО-ДПМНЕ.

Станува збор за процес за спроведување на јавна набавка, спроведен на чуден и крајно сомнителен начин. Имено, Индустри сервис, понудила производи од производители кои ги нема на пазарот ниту по грамажа, ниту по асортиман. Наместо фотографии и примероци од производители, Индустри сервис доставувале изјави од производители дека можат да произведат производи кои ги немаат во нивната палета на производи на пазарот. Но притоа нема доказ дали истите ќе бидат доставени во фаза на реализација на набавката, согласно потребите на договорниот орган или за истите ќе се користи замена, односно истите производи кои ги доставиле фирмите конкуренти, и за што биле исклучени во евалуација.

Комисијата на Министерството за внатрешни работи, уште во првата фаза на одлучување покажала пристрасност кон Индустри сервис. Економските оператори, конкуренти на Индустри сервис биле исклучувани поради неусогласеност во делот на личните податоци за вработените при разните потврди, како дипломи, уверенија и лични документи, односно истите биле отфрлани на овој начин. За ова Државната комисија утврдила пропусти и враќала кај МВР на повторно постапување, поради неправилна евалуација. Но пристрасноста не завршила тука - рече Чулев.

Имено во конечното решение Индустри сервис не е правилно избрана.

Индустри сервис има неправилно пополнета техничка спецификација, каде наведуваат увозници, наместо производители, и ова им било укажано во жалбите кои се поднесени од останатите понудувачи.

Ваквиот начин на спроведување на јавната набавка отвора сомнеж дека во текот на целата постапка од страна МВР и на Оливер Спасовски се фаворизира компанијата Индустри сервис, а на целиот процес уште поголема дамка фрла фактот што самиот Оливер Спасовски бил на камен темелник на фабриката на Индустри сервис, каде е фотографиран со сопственикот на истата.

Се поставува прашањето, дали блискоста со Спасовски помогнала Индустри сервис да биде добитник на двата тендери од над 13 милиони евра? Дали останатите економски оператори се шиканирани во постапката заради блискоста на министерот за внатрешни работи со сопственикот наИндустри сервис?

Почитувани, индициите и сомневањата изнесени на досегашните прес конференции отвораат и простор за надлежните институции да постапат и да утврдат кршење на законите кои се направени од страна на комисијата и одговорните лица во МВР - посочи Чулев.

The post Чулев: МВР на Спасовски извршила неправилен избор, Индустри сервис има неправилно пополнета спецификација, а се нудени и производи кои ги нема на пазарот appeared first on Република.

Денес продолжуваме со објавување на детали за двата договори од речиси 13 милиони евра, кои компанијата Индустри сервис ги потпишала со МВР на Спасовски. Договори преку кои од буџетот на Министерството за внатрешни работи се одлеваат милионски суми на евра, а полициски службеници и вработените во МВР ќе добиваат храна која е далеку од стандардите и нивните потреби, истакна Наќе Чулев од ВМРО-ДПМНЕ.

Во период кога се кратат дневниците и прекувремените работни часови на полицајците и МВР штеди буквално на се, Оливер Спасовски распишува два тендери за достава на храна, за два различни објекти на МВР. И двата ги добива Индустри сервис која е отворена за да приготвува оброци, а полицајците во голем дел ќе добиваат конзерви и сува храна, наместо подобра услуга.

Со двата тендери од речиси 13 милиони евра, кои се за период од 36 месеци, годишно Индустри сервис во просек може да наплати по речиси 4.5 милиони евра. Тоа е за речиси една третина повеќе од колку што се трошело до сега. Имено лани за цела година, МВР за набавки на храна потрошила само 3.3 милиони евра.

Дополнително на Индустри сервис според договорот и се признаваат транспортни трошоци, кои се 15% од литар гориво за секој изминат километар, меѓутоа тука не запираат нелогичностите. Имено, кога ќе се погледне спецификацијата, се воочува дека и двата договори на МВР на Спасовски со Индустри сервис сопственост на Драган Смилковски, близок пријател на Спасовски се полни со конзерви и сува храна. Дури и гулашот и гравот во спецификацијата доставена до МВР од страна на фирмата Индустри сервис се во конзерви.

Најголемиот дел од храната е сува, и истата ја произведуваат други производители, и не е готвена храна која би ја приготвила Индустри сервис.

Воопштено сето ова значи дека Индустри сервис, само ставиле своја маржа на конзервите и сувата храна, а МВР добива поскапа храна, отколку кога сами би набавувале во одвоени постапки тие конзерви и сува храна, вели Чулев и додава: Се поставува прашањето, зошто е распишан оглас за достава на храна, а не поединечни огласи? Ако Индустри сервис имал сметка да купува и препродаде храна која друг ја произвел, тогаш зошто МВР не го сторило тоа?

Второ прашање е зошто МВР не ги стави во функција кујните во Центарот за обука во Идризово и Полицискиот центар во Ѓорче Петров, кои имаат најмодерни апарати и се по ХАСАП стандард, туку влегува во милионски договори со фирма блиска до СДС?

Која е потребата да се трошат милиони евра за ангажирање на компанија за достава на храна кога полициските службеници и понатаму ќе добиваат во голем дел само замрзната храна и храна во конзерви?

Двата тендери кои ги добила Индустри сервис од МВР во вредност од фантастични 13 милиони евра се повредни од фабриката која истите ја имаат. Бонбона бизнис спакуван под параванот на „поквалитетна храна“ која полицајците за жал нема да добијат.

Спасовски неопходно е да даде одговор зошто се одлучил на два огромни тендери, кои ги добива фирма на чие отворање самиот бил, а која добива финансиски грант од Владата во износ од 1,6 милиони евра? Еве и доказ дека Оливер Спасовски бил на отворање на фабриката во Гази Баба заедно со целокупното раководство на тогашната влада и СДС.

Дали маржата при препродажба морала да заврши кај Индустри сервис?

Спасовски и СДС да не бегаат одговори и да дадат јасни образложенија на наводите изнесени од наша страна“.

The post Чулев: МВР со тендерот на Спасовски тендерира една третина поскапа храна од лани, а полицајците добиваат сува храна и конзерви appeared first on Република.

Ковачевски сака да остане ден повеќе на власт за да може да ги трошат парите од буџетот на милионски тендери. Не постои институција преку која не се испумпуваат милиони, а добитници на тендерите се фирми кои и претходно се јавувале како добитници на тендери или грантисти на власта, изјави на денешната прес-конференција Наќе Чулев од ВМРО-ДПМНЕ.

Тој посочи дека во следните денови ќе презентирале докази за тоа како приватна компанија која добила грант за изградба на фабрика од владата на СДС, сега руши рекорди во добивање на милионски тендери во вредност од неколку милиони евра од истата таа влада.

-Имено, за прв пат во историјата, полициските службеници сместени во објектот во Ѓорче Петров и Центарот за обука во Идризово ќе консумираат храна која ќе биде набавена од страна на приватна компанија, основана токму со финансиска поддршка од владата на СДС.

Почитувани, ова е договорот за вршење на угостителски услуги односно набавка на храна за потребите на полициските службеници и лицата кои се на обука во Центарот за обука на МВР во Идризово.

Договорот е склучен помеѓу МВР на Оливер Спасовски и фирмата Индустри сервис, а со кој му се дава право на Министерството за внатрешни работи да потроши до 440 милиони денари, односно 7 милиони и 150 илјади евра за исхрана. Се работи за бонбона бизнис со оглед дека само во Центарот за обука на дневна основа ќе се дистрибуираат нешто помалку од 1.000 оброци.

Дали можеби ваков договор е склучен со компанијата Индустри сервис, затоа што истата и претходно имала бизнис релации со власта. Имено, истата добила грант од 10 милиони денари од Владата на СДСМ за изградба на својата фабрика.

Сега истата таа фабрика, односно фирма добива договор од МВР, за носење на храна во само еден објект во Идризово од над 7 милиони евра, што е повеќе од првичната инвестиција, вели Чулев.

Истакнува дека додека во објектите на МВР има кујни со новонабавена најсовремена опрема за приготвување и складирање на храна токму во периодот кога Оливер Спасовски бил министер, а која ги исполнува сите ХАСАП стандарди, сега истиот тој Спасовски фрла милиони евра на тендери за исхрана.

-Се поставува прашањето зошто МВР набавило скапа нова опрема за приготвување на храна во износ од неколку стотици илјади евра, ако планирало услугите за исхрана да ги даде на приватна фирма. Дополнително, се отвора и дилемата што ќе се случи со кадарот вработен во Министерството за внатрешни работи, десетици кувари, готвачи и келнери кои до сега беа ангажирани да подготват храна за полициските припадници. Проценките и анализите на лица со долгогодишно искуство во делот на јавни набавки е дека на овој начин цената по оброк за МВР ќе биде многу повисока од актуелната што пак говори дека недомаќинско работење и несоодветно трошење на средствата на полицијата која истовремено кубури со неопходната основна опрема за соодветно извршување на тековните работни задачи и обврски, нагласи Чулев.

The post Чулев: МВР доделила милионски бизнис на приватна фирма за набавка на храна иако има свои кујни appeared first on Република.

Дали Оливер Спасовски знае колку вреди еден човечки живот, прашува преку статус на Фејсбук, Наќе Чулев.
Фактот дека утрово нема никаква реакција од негова страна за полицискиот службеник кој е повреден вчера вечер на автопатот кон Скопје, говори за неговата негрижа за вработените во Министерството за внатрешни работи и останатите полициски службеници. За него, многу поважен е бројот на изречени санкции, казнети граѓани, и земени пари од џебот на граѓаните кои едвај врзуваат крај со крај.
Уште еден крах на безбедносниот систем е вчерашното бегство на затвореник осуден на повеќе од 20 години затвор. Настанот кој се случи вчера е уште една во низата потврди дека намената на безбедносниот систем креиран и контролиран од кадрите на СДСМ е да ги штити и да биде логистика на криминалците блиски до оваа политичка партија.
Јавноста секојдневно бара одговори на прашањата уште колку вакви настани треба да се случат, за конечно Оливер Спасовски и луѓето околу него да понесат одговорност. Сведоци сме на секојдневните криминали кои се случуваат во полицијата, уништување на безбедносните структури, деградирање на полициските службеници и ниските плати. Вчерашниот настан е уште една потврда за тоа.
Не се потребни истраги и внатрешни контроли, јасно како ден е дека спрегата помеѓу криминалот и политичарите на власта е посилна од било кога. Оливер Спасовски и партиските директори на безбедносните институции на дело ја покажуваат оваа спрега, преку секојдневните скандали кои ги гледаме во јавност.
Почитувани, животот на човекот нема цена. Тој е позначаен од било што. Од било кој ПР и од било која кариера. Одговорност и оставки мора да има. На нас, граѓаните одамна ни е преминат прагот на партиски злоупотреби, партизирани институции, криминал и корупција. Време е за промени во Македонија, пишува Чулев.

The post Чулев: Дали Оливер Спасовски знае колку вреди еден човечки живот? appeared first on Република.

За каква безбедносна проверка со НАТО зборува Виктор Димовски, кога таквиот вид на проверки се однесуваат само за лица кои треба да бидат носители на НАТО безбедносни сертификати? праша Наќе Чулев.

Ова е најобична безбедносна проверка за државјанство. Најдалеку во оваа смисла може да се обратат до соодветната служба на земјата чиј државјанин бил Онишченко, а тоа е Украина. Постапката за добивање државјанство се води во Министерството за внатрешни работи, од каде предметот бил испратен на мислење во АНБ . Токму Директорот на АНБ, согласно со законот е тој што со потпис на актот дава позитивно или негативно мислење на институцијата. Не постои никој друг поодговорен во моментов од самиот Виктор Димовски, истакна Чулев на својот Фејсбук профил.

За да биде појасно, постојат две збирки на податоци кои се од отворен карактер и до кои е сосема доволно да се пристапи за да се добие вистинска “проверка” за лицето на кое Владата му дала државјанство. Првата е интернет страната на МВР на Украина, каде во делот на потраги по лица стои фотографијата и името на Олександр Онишченко и втората е интернет страната на американскиот департмент за финансии каде исто така во делот за лица под санкции стои името на Олександр Онишченко. Еве и линкови до истите:

https://wanted.mvs.gov.ua/searchperson/details/…

https://sanctionssearch.ofac.treas.gov/Details.aspx?id=30877

Имајќи предвид дека целата одговорност е лоцирана токму во АНБ, ОЈО веднаш треба да покрене постапка за утврдување на кривична одговорност на Виктор Димовски, Владата треба веднаш да го разреши Димовски, а Претседателот да го блокира неговото испраќање за амбасадор во Франција, додаде Чулев.

The post Чулев: За каква безбедносна проверка со НАТО зборува Виктор Димовски, кога таквиот вид на проверки се однесуваат само за лица кои треба да бидат носители на НАТО безбедносни сертификати? appeared first on Република.

Поранешниот министер за внатрешни работи преку статус на Фејсбук пишува дека АНБ, МВР и Владата дозволиле политичар на црната листа на САД да добие македонско државјанство, Спасовски да превземе одговорност.

-Поголем срам од ова нема. Немаат крај криминалните и корупциски скандали во Министерството за внатрешни работи. Напротив, секојдневно се нижат еден по еден. Од успешна институција, етаблирана во меѓународни рамки Оливер Спасовски со неговиот тим за само за неколку години направи министерство, рекордер по скандали од меѓународни рамки.

Светските и домашните медиуми пренесуваат дека украинскиот политичар со корупциско досие во Киев и со членство на црната американска листа со македонски пасош се шетал низ светот. Станува збор за пасош кој тој го добил како резултат на постапка за добивање македонско државјанство која ги поминала сите филтри и безбедносни проверки во Министерството за внатрешни работи, Агенцијата за национална безбедност и седница на Владата. Поголем срам од ова нема. Патриоти се елиминираат од безбедносниот систем заради фабрикувани негативни безбедносни проверки, а белосветски криминалци позитивно ги минуваат!

За состојбата во безбедносно – разузнавачките институции неодамна пишував во мојата колумна која може да ја прочитате подолу на оваа фејсбук страна, а овој скандал е уште една потврда за ова. Тоа што за врвот на Министерството за внатрешни работи се „успешни безбедноснин реформи“, за граѓаните на Македонија е причина за срам од меѓународни размери.

Уште колку вакви скандали треба да се случат за Оливер Спасовски, конечно да преземе одговорност и да поднесе оставка? Лажни пасоши, партиски вработувања, кражби од магацини на МВР, криминални постапки, мобинг и дискриминација врз колеги, сомнителни тендери… зарем ова не е доволно за одговорност и оставки во Министерството за внатрешни работи?

Доста беше импровизација. Време е да се стави крај на системско, политичко и партиско уништување на полицијата, Министерството за внатрешни работи и останатите институции од безбедносниот систем.

Одговорност мора и сигурно ќе има. Бидете сигурни!, стои во неговиот пост на Фејсбук.

The post Чулев: АНБ, МВР и Владата дозволиле политичар на црната листа на САД да добие македонско државјанство, Спасовски да превземе одговорност appeared first on Република.

Уште едно грубо, дрско и безобразно замајување на јавноста и меѓународна заедница. Читам и не можам да поверувам. Оливер Спасовски, зборува за департизација на Министерството за внатрешни работи во време во кое најголемиот дел од раководните и советнички позиции во Министерството за внатрешни работи се пополнуваат со актуелни или поранешни функционери на партијата СДСМ, реагира Наќе Чулев.

https://republika.mk/vesti/makedonija/zabraneto-e-vraboten-vo-mvr-da-chlenuva-vo-politichka-partija-veli-ministerot/

Во продолжение следува неговиот статус објавен на Фејсбук:

За која департизираност зборува Оливер Спасовски кога, неговиот најблизок соработник и актуелен шеф на кабинет, како што може да се види на фотографиите е актуелен член на раководството на организацијата на СДСМ во Куманово, а воедно и донатор. И не само тој уште стотици, можеби и илјадници позиции во хиерархијата на МВР се пополнети со луѓе од оваа партија. Зарем доскорешните градоначалници кои неодамна беа „згрижени“ во полицијата се луѓе кои не се членови на СДСМ. Дали ова значи департизација на полициските структури? Дали поставувањето на поранешните градоначалници за инспектори, значи департизација на полициските структури.

Го повикувам Оливер Спасовски да ги провери фејсбук групите каде членуваат полициските службеници и да провери со какво ниво на неверување,  хумор и сатира се споделуваат овие негови изјави. Да види дали воопшто некој во Министерството за внатрешни работи и во пошироката јавност верува во лагите кои тој ги кажува во медиумите.

Доста е празни флоскули и сеење празна магла. Обврска на секој министер за внатрешни работи е пред граѓаните да ја говори вистината. Тоа е чесност, одговорност и отчетност. Така се гради транспарента полиција. Токму поради тоа го повикувам првиот човек на Министерството за внатрешни работи да ја повлече оваа неумесно дадена изјава и за извини на граѓаните за невистините информации кои тој ги пласира во јавноста или да го примени Законот за внатрешни работи, поднесен токму од него, и им даде отказ на “професионалците” во МВР кои тој ги донесе.

The post Чулев за смешната изјава на Спасовски: Каква департизација кога неговиот шеф на Kабинетот е член на раководството на СДСМ Куманово?! appeared first on Република.