Шпанскиот фудбалски гигант Барселона и компанијата за спортска опрема Најк потпишаа нов договор за соработка.

- ФК Барселона и Најк, два водечки бренда во спортската индустрија, со задоволство објавуваат нов почеток со повеќегодишен договор за партнерство, кој започнува да важи оваа сезона, кој носи нов колаборативен стратегиски модел на партнерство меѓу двете организации. Ова ново партнерство го консолидира „Nike“ како главен партнер на клубот и официјален технички партнер во сите професионални и аматерски тимови, донесувајќи уникатен модел кој ја зајакнува асоцијацијата на брендовите и го поттикнува глобалниот раст на малопродажбата и лиценцирањето на бизнисот, објавено е на официјалниот сајт на каталонскиот клуб.

ФК Барселона и Најк го потпишаа својот прв спонзорски договор во 1998 година.

The post ФК Барселона ја продолжи соработката со Најк appeared first on Република.

Ерлинг Халанд,22-годишниот напаѓач на Манчестер сити и на норвешката репрезентација, потпиша договор со кој влезе во спортската историја. Не станува збор за нов договор со англискиот шампион, каде што заработува 426 илјади евра неделно, туку со познатиот американски производител на спортска опрема, „Најк“.

Халанд ќе носи копачки на „Најк“ за 22,7 милиони евра годишно во следните десет години. Англиските медиуми пишуваат дека тоа е најбогатиот спонзорски договор во историјата на фудбалот.

Со своите голгетерски бројки тој ја одбележа не само сегашноста, туку и иднината на фудбалот. Тој е наследник на најголемата „деветка“ и напаѓач на новата генерација“, се вели во објавата со која се алудира дека легендарниот Бразиелц Роналдо е идолот на Халанд.

Специјализираниот фудбалски портал, „Трансфермаркт“ ја проценува вредноста на Халанд на 170 милиони евра.

Минатото лето Манчестер сити за неговиот трансфер издвоија 60 милиони евра. Оттогаш Халанд постигна 42 гола на 37 натпревари за Сити. Неговиот вкупен скор во професионалната кариера е 198 гола на 242 настапи.

The post Халанд го потпиша најбогатиот спонзорски договор во историјата на фудбалот appeared first on Република.

На 4 април 2002 година, „Најк“ ја почна својата глобална кампања за Светското првенство во Јужна Кореја и Јапонија, импресивна најава со 24 фудбалери од највисоко ниво и луксузен домаќин: Ерик Кантона. Режиран од членот на „Монти Пајтон“, Тери Гилијам, спотот е сместен во внатрешноста на еден брод, каде што се игра таен турнир во огромен тревен кафез со два мини-гола на краевите.

Премисата на турнирот е едноставна: Скриени од остатокот од светот, 24 елитни играчи организираат таен турнир, со осум екипи и само едно правило... „Првиот гол победува“, најавува Кантона, кој ја има улогата на судија и контролор на натпреварувањето, додека во позадина оди ремикс на „Малку помалку разговор“ од Елвис Присли.

Овој турнир остави со моменти кои подоцна се имитираа во маалските натпревари ширум светот, како скорпија-голот на Роберто Карлос, невозможните контроли на топката, танци..

Единствена реклама која за кратко време се претвори во вистински мит.

https://www.youtube.com/watch?v=vBy4zDLzQ-I

Ова се осумте екипи коишто учествуваат на турнирот:

1. Тројно еспресо: Франческо Тоти, Шинџи Наката, Тиери Анри

2. Недопирливите: Патрик Виера, Пол Сколс, Руд ван Нистелрој

3. Кербер: Сивиан Вилторд, Лилијан Турам, Едгар Давидс

4. Лудите бикови: Хавиер Савиола, Луис Енрике, Фредерик Љунгберг

5. Торнада: Луис Фиго, Роналдо, Роберто Карлос

6. Тим на огнот: Ернан Креспо, Клаудио Лопез, Гаизка Мендиета

7. Фанк браќата од Сеул: Денилсон, Сеул Ки-Хејонг, Роналдињо

8. Туто бене: Томаш Росицки, Фабио Канаваро, Рио Фердинанд

The post „Тајниот турнир“ кој го собра фудбалскиот крем на едно место: Дваесет години од култната реклама на „Најк“ appeared first on Република.