Министерството за внатрешни работи апелира до партијата ВМРО-ДПМНЕ да престане да пласира лаги, чија цел е дискредитирање на полицијата велат оттаму, реагирајќи на соопштението во кое се пишува за наводна поврзаност на МВР со бегство на лицето Наим Самиу, иако, како што велат од МВР - надлежен за определување мерка притвор е единствено - судот.

Наместо да шират лаги за МВР, упатувајќи небулозни прашања на погрешна адреса, прашањата да ги упатат до надлежниот суд. А фактите говорат дека полицијата постапи по сѐ што е донесено како одлука од судот. Токму по поднесена кривична пријава од страна на СВР Тетово на 16 август 2023 година, на Самиу му бил определен активен притвор, а на 29 септември 2023 година од страна на Основниот суд Тетово мерката активен му е заменета со мерка куќен притвор. Покрај ова, ја известуваме јавноста дека против Самиу досега се поднесени 15 кривични пријави за вкупно 30 кривични дела, потоа 4 прекршочни пријави, како и едно писмено известување до ОЈО Тетово. Уште еден доказ кој ги демантира лагите на ВМРО-ДПМНЕ. Апелираме до партијата ВМРО-ДПМНЕ да престанат да шират лаги. За работењето на МВР сведочат резултатите, намалениот криминалитет и големата доверба која полицијата ја има кај граѓаните, се вели во реакцијата на МВР.

The post МВР за бегството на Наим Самиу: Надлежен за определување мерка притвор е единствено – судот appeared first on Република.

Оливер Спасовски е должен пред јавноста да одговори, како синот на командантот Баци, Наим Самиу, од тетовско Шемшово, осуден за 3 кривични дела и акт за куќен притвор, му избега од пред очи, бараат од ВМРО-ДПМНЕ.

Лицето Наим Самиу, се наоѓал во куќен притвор поради дрога кокаин, а имал и мерка поради семејно насилство, кога на 13-ти месецов, повторно е пријавен за семејно насилство. На 15-ти декември полицијата го спроведува до суд за трето кривично дело. Истиот ден се готви решение за активен притвор наместо куќен. Полицијата го враќа дома, а веќе следното утро, на 16-ти, полицијата не го наоѓа дома за да го спроведе во истражен затвор. Тука се поставува прашањето, дали некој му јавил на Самиу, од внатре во МВР, каде општо е познато дека, неговиот татко командант Баци, е близок со кадрите на СДС, во оваа институција? По којзнае кој пат, Спасовски повторно нема одговори, на прашањата, кои ги поставува јавноста. За среќа на народот Спасовски за еден месец, веќе нема да биде на местото, на кое се наоѓа сега, велат од ВМРО-ДПМНЕ.

The post Кој го пушти синот на командант Баци да избега од куќен притвор? appeared first on Република.