Американската пејачка Тејлор Свифт (34) испиша историја на синоќешното доделување на музичките награди Греми – стана музичарка со најмногу победи во категоријата албум на годината. Имено, таа вчера ја освои четвртата статуетка за нејзиниот албум „Midnights“.

Свифт ја прими наградата од Селин Дион, која неочекувано се појави во улога на презентер две години откако ѝ беше дијагностицирано ретко невролошко заболување поради кое веќе не може да настапува.

Би сакала да ви кажам дека ова е најдобриот момент во мојот живот, но еднакво среќна се чувствувам и кога завршувам нова песна, правам проби и се спремам за концерт. За мене, наградата е работата, изјави Свифт, која претходно ја освои оваа награда и во 2010, 2016 и 2021 година.

Таа истовремено откри дека нејзиниот нов албум насловен „The Tortured Poets Department“ ќе излезе на 19 април.

Исто така, на голема среќа на нејзините обожаватели, Свифт најави дека нејзиниот претстоен 11. студиски албум „The Tortured Poets“ ќе излезе во април.

https://youtu.be/Yq-q-ZCZwxc?si=seZDIh28ebDaWNsP

The post Тејлор Свифт влезе во историја со освојување на четвртата Греми награда за албум на годината appeared first on Република.

Драмата на „Ејч-би-о“, „Следоред“ (Succession), води по бројот на номинации за телевизиските „Еми“ награди, со 27 можности за одличје за својата последна сезона. Toa e рекорд како број на номинации во една година.

Досега двапати прогласена за најдобра драма, приказната за битката за контрола на медиумската империја на едно семејство, се натпреварува покрај апокалиптичната „Последните од нас“ (The Last of Us) која доби 24 номинации. За најдобра драмска серија, номинирани се и „Куќата на змејот“, „Андор“, „Повикај го Сол“, „Јелоуџекетс“, „Круна“ и „Белиот лотос“.

„Тед Ласо“ - двократен добитник на „Еми“ за најдобра хумористична серија, ќе се бори за наградата за најдобра комедија против „ОУ Абот“ (Abbott Elementary), „Чудесната г-ѓа Мајзел“, „Само убиства во зградата“ (Only Murders in the Building), „Мечка“ (The Bear), „Бери“ и „Венздеј“.

Ѕвездите од „Наследство“ Брајан Кокс, Џереми Стронг и Киран Калкин се во трка за најдобар глумец во драма, а нивната колешка Сара Снук се смета за фаворитка во женската категорија.

Првпат номинираните Џереми Ален Вајт од „Мечка“ и Џејсон Сигел, кој глуми психотерапевт од „Терапија“ (Shrinking), се кандидати за најдобар глумец во комедија, покрај веќе наградениот Џејсон Судејкис, ѕвездата на „Тед Ласо“. Во категоријата комедија, номинирани се и глумиците Рејчел Броснахан, Квинта Брунсон, Кристина Еплгејт, Наташа Лајон и Џена Ортега.

Победниците ќе бидат избрани од речиси 20.000 членови на Телевизиската академија. Наградите обично се доделуваат во септември, но тоа овојпат може да биде одложено поради штрајковите на сценаристите и глумците.

The post „Следоред“ со рекордни 27 номинации за годинашните „Еми“ награди appeared first on Република.