„Ванѓа Чашуле“, наградата за книжевен превод од шпански и португалски јазик, ќе биде доделена денеска на штандот на ТРИ на Саемот на книгата.

Со прогласувањето на победниците, ќе се одбележат 100 години од раѓањето на македонската преведувачка, историчарка и публицистка во чијашто чест се доделува наградата што го носи нејзиното име.

Со овој чин, семејството Чашуле, во соработка со Издавачки центар ТРИ, ја продолжува традицијата на доделување на ова признание, што се случуваше од 1988 до 2014 година.

Наградата ќе ја врачи Илија Чашуле, син на Ванѓа Чашуле, а Калиопа Петрушевска ќе ја образложи одлуката пред саемската публика.

За наградата беа земени превид само книжевни преводи од шпански и португалски јазик објавени од 2014 до 2022 година.

Овој значаен настан симболично ќе се одржи токму на Денот на македонскиот јазик, чија автентичност и убавина се потврдуваат со квалитетни книжевни преводи, наведуваат од Издравчки центар ТРИ.

The post На Саемот на книгата ќе биде доделена наградата „Ванѓа Чашуле“ appeared first on Република.

Наградата за книжевен превод „Ванѓа Чашуле“, која згасна во 2014 година (а се доделуваше од 1988 година), ќе биде обновена во 2023 година.

Ванѓа Чашуле е македонска преведувачка, историчарка и публицистка, учесничка во НОБ и носителка на „Партизанска споменица 1941“. Во нејзина чест, од 1988 до 2014 година, секоја година се доделуваше наградата што го носи нејзиното име, а сега традицијата продолжува токму на стогодишнината од нејзиното раѓање.

Одлуката за признанието ќе ја донесе Комисијата во која се Калиопа Петрушевска, Лилјана Митковска и Илија Чашуле. Ќе бидат земени предвид само книжевни преводи од шпански и португалски јазик објавени од 2014 до 2022 година. Во конкуренција се над 30 романи, а наградата изнесува 600 евра.

Признанието го доделуваат членовите на семејството Чашуле, во соработка со Издавачкиот центар ТРИ, во чиешто издание ќе бидат објавени избраните преводи.

Одлуката ќе биде соопштена во мај, а наградата ќе биде врачена официјално на овогодишниот Саем на книгата.

Оваа награда го истакнува значењето на преведувачката дејност во македонската литература и ги зацврстува книжевните вредности во нашата земја.

The post Се обновува наградата за превод „Ванѓа Чашуле“ appeared first on Република.