Поетите Хозе Едуарди Деграсија (Бразил-Италија) и Констатин Северин од Романија се годинашни добитници на Интернационалната книжевна награда „Аво Караманов“. Во чест на добитниците организаторите објавија двокнижие со наградените поетски книги на двајцата поети – „Осудените градови“ од Деграсија и „Животот на сликарите“ од Северин.

Хозе Едуардо Деграсија е роден е во Порто Алегре во 1951 година. Има објавено 19 книги раскази, поезија, романи и книги за деца. Како преведувач на шпански и италијански јазик, објавил 14 книги, меѓу кои и 7 од Пабло Неруда. Носител е на повеќе престижни светски книжевни награди.

Константин Северин е романски посател и визуелен уметник, основач на Архетипскиот експресионизам и негов поборник, високо ценето глобално уметничко движење, кој тој го основал во Буковина во 2001 година. Дипломирал на Универзитетот во Ајова на меѓународната програма за креативно пишување, а има објавено 10 книги поезија, есеи и икција. Негови дела се објавувани во повеќе светски познати уметнички и книжевни списанија.

Уредник на двокнижието за двајцата лауерати е пистателот Борче Панов, а преводот од англиски на македонски јазик е на писателката Даниела Андоновска Трајковска.

Изданието е илустрирано со дела од познатиот македонски сликар Ниче Василев. Издавач е ОНБ „Браќа Миладиновци“-Радовиш, а организатор на „49. Караманови средби“ е Центарот за култура „Ацо Караманов“.

Добитници на Инернационалната книжевна награда „Ацо Караманов“ досега биле големиот шпански поет Хусто Хорхе Падрон, виетнамски поет Мај Ван Фан, познатиот арапски поет Раед Алјиши и позната италијанска поетеса Клаудија Пичино.

Годинашното издание на поетската манифестација „Ацо Караманов“ почнува утре, а завршува задутре со богата програма и доделување на признанијата.

The post Наградата „Ацо Караманов“ за поетите Хозе Едуардо Деграсија и Константин Северин appeared first on Република.