Над 40 отсто од територијата на Украина е минирана како резултат на воените дејствија, објави денеска британската телевизија „Скај њуз”, повикувајќи се на невладината „Советодавна група за рудници“ (Mines Advisory Group).

Според невладината организација, Украина е земја со најмногу мини во светот.

Зафатеноста (со мини) е огромна. Не може да се спореди со Сирија или Авганистан – рече Катерина Темплтон, претставник на организацијата.

Како што е наведено, во периодот од 24 февруари минатата година до 10 јануари годинава од во Украина од мини настрадале најмалку 611 лица.

За деминирање на украинските територии се проценува дека ќе бидат потребни повеќе години.

The post Скоро половина од територијата на Украина е со нагазни мини appeared first on Република.

Украинскиот министер за внатрешни работи Денис Монастирски изјави денеска дека на Украина и требаат години да ги отстрани неексплодираните направи по руската инвазија.

Кон Украина беа истрелани голем број гранати и мини, а голем дел од нив не експлодираа, останаа под урнатините и претставуваат реална закана. Ќе бидат потребни години, а не месеци за да се деактивираат, истакна Монастирски.

Освен неексплодираните руски направи, украинската војска поставувала и нагазни мини на мостовите, аеродромите и друга клучна инфраструктура за да ги спречи Русите да ги користат.

Нема да можеме да ги отстраниме тие мини од целата територија, затоа побарав помош од меѓународните партнери и колеги од Европската унија и од САД за да се подготви група експерти кои ќе ги деминираат борбените зони и гранатираните објекти, нагласи украинскиот министер.

The post Ќе бидат потребни години да се исчисти Украина од нагазни мини appeared first on Република.