Според податоците на Државниот завод за статистика, во август 2022 година, увозните цени од одделот Кокс и рафинирани нафтени производи се пониски за 6.9 % на месечно ниво и повисоки за 85.8 % на годишно ниво.

Индексите на увозните цени од одделот Кокс и рафинирани нафтени производи се наменети за преиспитување или мониторирање на трошоците направени од градежните претпријатија при изведувањето на процесот на изградба. Главни корисници на податоците за индексите на увозните цени од одделот Кокс и рафинирани нафтени производи се градежните претпријатија, кои се повикуваат на движењето на трошоците од овој оддел во калкулациите при склучувањето на градежните договори, соопшти ДЗС.

The post Увозните цени на кокс и рафинирани нафтени производи повисоки за 85.8 % на годишно ниво appeared first on Република.

Од 19 март 2022 од 00:01 часот максималните цени на нафтените деривати ќе изнесуваат: моторен бензин ЕУРОСУПЕР БС – 95 79,50 (денари/литар), моторен бензин ЕУРОСУПЕР БС – 98 81,50 (денари/литар), дизел гориво ЕУРОДИЗЕЛ БС (Д-Е V) 76,00 (денари/литар), масло за горење Екстра лесно 1 (ЕЛ-1) 72,50 (денари/литар) и мазут М-1 НС 53,159 (денари/килограм).

Од Регулаторната комисија за енергетика и водни услуги на Република Македонија напоменуваат дека ова се максималните цени на нафтените деривати од 00:01 часот на 19.3.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Регулаторната комисија за енергетика и водни услуги на Република Македонија донесе одлука со која се врши намалување на малопродажните цени на нафтените деривати во просек за 0,50 проценти во однос на одлуката од 17.03.2022 година.

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) и Екстра лесното масло за домаќинство (ЕЛ-1) не се менуваат.

Како што соопштија од РКЕ Малопродажната цена на Мазутот М-1 НС се намалува за 1,362 денар/килограм и сега ќе изнесува 53,159 ден/кг.

Референтните цени на нафтените деривати на светскиот пазар, се наведува во соопштението, во споредба со претходната пресметка бележат намалување во просек: кај бензините за 0,622 проценти, кај дизелот има зголемување за 0,663 проценти, кај екстра лесното масло зголемувањето е за 0,867 проценти и кај мазутот намалувањето е во просек за околу 2,989 проценти.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,002 проценти.

The post Од полноќ ова ќе бидат новите цени на нафтените деривати appeared first on Република.

Владата на редовна седница донесе Одлука за формирање на Советодавна комисија за спроведување на План за интервенции во случај на вонредно пореметување на снабдувањето на пазарот со сурова нафта и/или нафтени деривати.

Како што информираат од владината прес-служба, Советодавната комисија за задачи има да иницира предлог за донесување на одлука за настанато вонредно пореметување во снабдувањето на пазарот со сурова нафта и нафтени деривати и прогласување на нафтена кризна состојба, да предлага мерки и одлуки за нормализација на снабдувањето на пазарот со сурова нафта и нафтени деривати, да предлага дополнителни мерки за нормализација на снабдувањето на пазарот, како и други работи согласно закон и Деловникот за работа кој треба да го усвои на првиот конститутивен состанок.

The post Владата формира комисија за интервенции на пазарот со сурова нафта и нафтени деривати appeared first on Република.