Поранешниот израелски премиер Нафтали Бенет, кој беше посредник меѓу раководството на Русија и Украина на почетокот на 2022 година, во интервју за израелскиот „Канал 12“ изјави дека рускиот лидер Владимир Путин на почетокот на војната во Украина го уверувал дека тој нема да му се заканува на украинскиот претседател Володимир Зеленски.

Сеќавајќи се на своето патување во Москва на 5 март 2022 година, каде што имаше средба со Путин во Кремљ, Бенет раскажа како продолжил разговорот за судбината на Зеленски.

Знаев дека на Зеленски е во опасност. Тој се криеше во некој бункер за кој никој не знаеше. Но, во одреден момент, по три или четири часа од почетокот на средбата, го прашав Путин: „Кажете ми, дали имате намера да го убиете?“. Тој ми одговори: „Нема да го убијам Зеленски“. Тогаш му реков: „Сакам да потврдам, ми давате збор дека нема да го убиете Зеленски“. Тој повтормо ми одговори: „Нема да го убијам Зеленски“, вели Бенет за разговорот со Путин.

По средбата во Кремљ, поранешниот премиер му телефонирал на Зеленски на пат кон аеродромот и го уверил дека не е во животна опасност. Веднаш потоа, истакна Бенет, украинскиот претседател „се врати во својата канцеларија и сними видео од неговиот кабинет“ во кое објави дека не се плаши од ништо.

Бенет откри и дека по почетокот на „специјалната операција“, Зеленски го замолил да разговара со руското раководство, што според Бенет тоа било „молба за помош“.

Зеленски ми се јави и ме замоли да го контактирам Путин. Имам сè евидентирано. Му беше многу тешко. Не заборавајте, во тој момент беше сигурен дека деновите му се избројани, дека имале намера да го убијат, изјави поранешниот шеф на израелската влада.

Во исто време, тој додаде дека „целосно ги координирал сите свои акции“ со лидерите на САД, Велика Британија, Германија и Франција.

Meanwhile, #Israeli ex-Prime Minister Naftali Bennett told how in March 2022 he "saved #Zelensky."
According to his legend, he knew for sure that the life of the President of #Ukraine was in danger, so he was in a secret bunker: pic.twitter.com/0wb5miafm3

— Feher_Junior (@Feher_Junior) February 4, 2023

The post Го прашале Путин дали ќе го убие Зеленски appeared first on Република.

Израелскиот премиер, Нафтали Бенет, соопшти дека нема да се кандидира на претстојните парламентарни избори и дека ќе се повлече од политичкиот живот.

Како што најави премиерот во заминување, тој ќе остане на вицепремиерската позиција до изборите што треба да се одржат наесен, а во своето обраќање до нацијата изјави дека е горд на постигнувањата на израелската Влада, пренесоа агенциите.

Нема да се кандидирам на претстојните избори, но ќе останам верен војник на оваа земја во која служев како војник, офицер, министер и премиер. Службата на оваа земја е мојата судбина - порача Бенет, додавајќи дека зад себе ќе остави силна држава.

The post Му се смачи: Израелскиот премиер се повлекува од политиката appeared first on Република.

Премиерот на Израел Нафтали Бенет во моментов се среќава со рускиот претседател Владимир Путин во Кремљ, потврдуваат од неговиот кабинет.

Според соопштението од Кабинетот на премиерот, средбата траела 2,5 часа.

„Премиерот полета за Москва рано утринава, по разговорот меѓу лидерите минатата среда“, се вели во соопштението.

Кабинетот на премиерот соопшти дека Бенет е придружуван од министерот за домување Зеев Елкин, ки советникот за национална безбедност Ејал Хулата, дипломатскиот советник Шимрит Меир и портпаролот Матан Сиди.

За средбата биле информирани САД и Украина, јавуваат израелските медиуми.

The post Израелскиот премиер Бенет на средба со Путин во Москва appeared first on Република.