Нас ни треба вистинска академска дипломатија, а не вазалска дипломатија како што кажа претседателот Пендаровски, рече кандидатот за претседател на Левица, Билјана Ванковска на прашањето за тоа каква дипломатија и е потреба на Македонија.

Според Димитриевски ние сега имаме бизнис-доверителка дипломатија

The post За Ванковска надворешната политика ни е вазалска, а според Димитриевски имаме бизнис-доверителка дипломатија appeared first on Република.

Владата предводена од СДС и ДУИ единствено што знае е да се грижи за личните и партиските интереси. И од држава воопшто и посебно од надворешната политика направија циркус.
Владата предводена од СДС и ДУИ прифати услови за ЕУ без никаква консултација дома, без никаква консултација со релевантните чинители во Македонија, обвинува ВМРО-ДПМНЕ.

Чекорите кои ги преземаа Димитар Ковачевски, Бојан Маричиќ и Бујар Османи оставија трајни последици по евроинтегративниот пат на Македонија.

Ковачевски, Маричиќ и Османи наместо да укажат на штетните и нереални ставови на Бугарија пред европските претставници, тие прифатија договор или услови кои се на штета на граѓаните и на државата.
Ковачевски, Маричиќ и Османи со обврските кои ги преземаа, а знаеја дека не може да се реализираат, купуваа само ден повеќе на власт. И додека ја бараа поддршката за неприфатливиот услов продолжуваа да крадат.
Сите нивни активности спротивни на правните норми во државата се запишани во извештајот на Европската комисија. И во тој документ ги има сите нелегални активности како активностите поврзани со коридорите 8 и 10д, лошата ситуација во правосудните органи и слично.
Нелегалните или криминални активности на СДС и ДУИ ја чинат Македонија многу, ги чинат граѓаните многу.
Состојбите како дома, а така и на меѓународен план мора да се поправи. За ова е потребен целосен рестарт на системот.

The post СДСМ и ДУИ си играат надворешна политика со прифаќање на бугарските услови appeared first on Република.

Политичарите од власта треба да учат генерално како се води надворешната политика, дека имате определени интереси кои треба да ги следите во надворешните односи, во меѓународните односи. Националните интереси го одразуваат суверенитетот на една држава, тоа е основата на функционирањето на државата во меѓународниот систем. Секое отстапување од националните интереси ве доведува до ситуација да не бидете сериозен актер во меѓународните односи, на меѓународната арена и кон вас да се однесуваат на оној начин на кој денеска државите во светот се однесуваат кон Македонија, истакна Звонимир Јанкулоски во емисијата „Што не е јасно“ на Алфа телевизија.

Јанкулоски додаде дека ако се дозволи националните интереси да бидат диригирани од други држави, според нивните желби односно да се моделираат според желбите на другите држави тогаш е јасна позицијата на Македонија во рамките на тој меѓународен систем.

Доколку се прифати предлогот на Макрон, едноставно тоа ќе биде еден процес кој нема да има крај. Едноставно во секоја етапа од отворање на пристапните преговори Бугарија може да стави вето на определени прашања и да го врати процесот на одново. Едноставно се работи за игра во која како и да е Македонија губи. Мислам Македонија изгуби оној момент кога дозволи врз основа на диктат од меѓународната заедница, на диктат од една држава од меѓународната заедница да го смени името, а потоа да се надоврзе со една авантура во надворешната политика со договор за добрососедство без притоа да анализира какви се може последици тој договор да донесе по односите на Македонија и со Бугарија и генерално во регионот, на Балканот па и во Европа, рече Јанкулоски.

Јанкулоски посочи дека кога не се анализираат работите како што треба, и кога надворешната политика се сведува не на проценка туку на тапкање по рамо и ветување, во тој случај ќе се случува ова што сега се случува на Македонија. Надворешната политика ја водат политичари кои што не знаат кај тераат.

The post Јанкулоски: Политичарите од власта треба да учат како се води надворешна политика appeared first on Република.

За утре во 11:30 е закажана седница на собраниската Комисија за надворешна политика, на која се очекува и присуство на министерот за надворешни работи Бујар Османи, информира денеска претседателот на Комисијата, Антонијо Милошоски.

Од Османи е побарано да ги презентира во писмена форма одговорите коишто Македонија во декември минатата година ги дала до официјална Софија на нивниот т.н. план „5+1“, за да бидеме запознаени како пратеници за што се работи и дали таквите одговори се совпаѓаат и се во рамките на усвоената Декларација од македонското Собрание каде утврдивме заеднички национални позиции - изјави Милошоски, кој е пратеник од редовите на ВМРО-ДПМНЕ.

Тој се надева дека присуството на министерот ќе биде потврдено на утрешната собраниска Комисија.

Очекувам да имаме интересна, занимлива, расправа на којашто очекувам да добиеме посериозни одговори околу процесот кој досега е обвиен со една доза на сомнеж за тоа колку транспарентно се преговара на релација Скопје – Софија - додаде Милошоски.

Министерството за надворешни работи во вторникот потврди дека Османи в петок ќе присуствува на седница на собраниската Комисија за надворешна политика.

Во однос на прашање за вклучувањето на Бугарите во Уставот, според Милошоски, ВМРО-ДПМНЕ не смета дека „Уставот треба да биде монета за поткусурување во секое политичко недоразбирање“.

ВМРО-ДПМНЕ не смета дека Уставот треба да биде монета за поткусурување во секое политичко недоразбирање со кој било од соседите и сметаме дека по тоа прашање треба да бидеме поконвенционални, да размислиме посериозно и да не брзаме со какви било ветувања коишто гледаме дека премиерот Ковачевски многу прелесно ги дава, а со тоа можеби свесно или несвесно не разбира дека ги нарушува преговарачките позиции на Македонија - додаде Милошоски.

The post За утре закажана седница на Комисијата за надворешна политика, се очекува присуство на министерот Османи appeared first on Република.

Граѓаните се уморни од неспособноста на владата на СДСМ и ДУИ. Вие немате изборен легитимитет, вие не сте го добиле легитимитетот од граѓаните, рече Антонијо Милошоски од ВМРО-ДПМНЕ.

Граѓаните ги доведовте од живот за сите до криза за сите, од едно општество за сите, од надоброто за мојата општина дојдовме до копање на биткоини од Елвис и Габриел – рече Милошоски.

Милошоски по однос на надворешната политика напомена дека Бујар Османи не е подобен да го води тој сектор и дека владата на СДСМ и ДУИ е таа која има добивано датуми кои никој не ги видел, а воедно со скандали го наруши имиџот на Македонија пред меѓународната јавност.

- Тимот за надворешна политика е  многу слаби и компромитиран. Според мене досегашната влада ќе остане запаметена како единствена влада која 4 години нема амбасадор во Вашингтон. Сите зборуваме за стратешкиот партнер САД, но сега 4 години нема амбасадор. Имаа обид Фрчковски да го постават, но тој обид пропадна затоа што Фрчковски е единствениот за кого сме добиле вербална нота дека не е подобен да биде амбасадор и тоа владата ја рангира многу ниско во надворешната политика. Потоа и неуспешен обид да го пратат во Обединети нации. Трета работа е Миле Миленковски, кандидат за заменик на амбасадорот во ОБСЕ кој од Ерменија превезуваше бизнисмени и сега не е конзул, но е во Врање. Затоа предлогот за министер за надворешни работи не е добар, потенцираше Милошоски.

Тој истакна дека генерално пензионерите, студентите, просечните граѓани денес се осиромашени повеќе отколку пред 5 години кога СДСМ и ДУИ формираа влада.

- Владата на СДСМ и ДУИ не е решение за проблемите, бидејќи по 5 години се гледа дека самата влада е генератор на нови проблеми и кризи за граѓаните. Економска криза, здравствена криза, енергетска криза, топлинска криза, инфлациска криза, криза со пожарите, никој не сноси никаква одговорст и таа неодговорност ќе продолжи понатаму, нагласи Милошоски.

Тој посочи дека Ковачевски во програмата има континуитет со интересите на Заев и неговата фамилија и доказ за тоа е ставање како приоритет на легализирањето на трговијата со марихуана.

- Министерот Венко Филипче 3-4 пати останувал до полноќ единствено кога се разговараше за легализација на марихуана, но за среќа не помина. Ваквата работа не е потребна, а против тоа се земјите од регионот меѓу кои членките на ЕУ, Хрватска, Грција и Бугарија, затоа што ако за едно село Лазрат во Албанија цела ЕУ го стави на листа да биде санирано и да нема нелегална трговија, тогаш замислете каков проблем ќе биде во Македонија, тука нарко мафијата ќе најде прибежиште и затоа не ја правете Македонија да биде Колумбија во Европа, изјави Милошоски.

The post Милошоски: Тимот за надворешна политика е многу слаб и компромитиран appeared first on Република.