Поради здравствени причини на еден од актерите, претставата „Хотел 88“, која требаше да се одигра денес, на 30 ноември 2024 година во Националната опера и балет, е одложена за февруари 2025 година, соопшти ЈЕС Продукција.

Новиот термин ќе биде објавен во првата недела од јануари 2025 година.Од продукцијата информираат дека купените билети остануваат важечки за новиот датум. Сепак, за оние што нема да можат да присуствуваат, постои можност за поврат на средствата веднаш или најдоцна пет дена по објавувањето на новиот термин. Од ЈЕС Продукција велат дека одлуката е донесена за да се овозможи највисок квалитет на изведбата, а на публиката ѝ се заблагодаруваат за разбирањето и поддршката. Повеќе детали околу новиот датум ќе бидат соопштени наскоро.

The post Одложена е претставата „Хотел 88“, поради здравствени причини на еден од актерите appeared first on Република.

Под мотото „Месец на Пучини“, ноември во Националната опера и балет ќе биде посветен на италијанскиот композитор Џакомо Пучини (22 декември 1858 – 29 ноември 1924) со што ќе се одбележат 100 години од смртта на безвременскиот оперски мајстор.

На 8 ноември со почеток во 20.00 часот на сцената на Националната опера и балет ќе се изведе ремек-делото „Боеми“ од Џакомо Пучини

Приказната за животот на љубовниците Родолфо и Мими ќе се изведе под диригентската палка на гостинот од Италија, Маурицио Коласанти , во режија на Дејан Прошев, претставата е доловена преку масивната сценографија на Зоран Николовски и колоритната костимографија на Марија Пупучевска, концерт-мајстор е Верица Ламбевска, хор-мајстор Јасмина Ѓорѓеска и Ѓурѓица Дашиќ.

Настапуваат: Доменико Менини (Италија), Анстасија Дорошенко (Германија), Горан Начевски, Драган Ампов, Владимир Саздовски , Катерина Стојановска, Невен Силјановски Борко Биџовски, Јане Дунимаглоски, Александар Никодиновски, Тихомир Јакимовски, Ема Гиновска , во придружба на хорот и оркестарот на Национална опера и балет.

„Боеми“ од Џакомо Пучини e опера во четири чина, дејството се одвива во Париз, либрето се базира на „Сцени од животот на боемите”од Хенри Мургер. Публиката за миг ќе биде пренесена во париските поткровја каде неколку млади уметници и покрај сиромаштија и борејќи се за основните потреби на секојдневието (храна, огрев) живеат крепејќи се од идеалите и љубовта, без скршена пара во џебот претендираат да живеат боемски.

The post Операта „Боеми“ на 8 ноември во Националната опера и Балет appeared first on Република.

По повод стогодишнината од смртта на еден од најголемите оперски композитори, Џакомо Пучини, Националната опера и балет со гордост го најавува проектот „Месец на Пучини“.

Од 8 до 29 ноември 2024 година, публиката ќе има можност да ужива во четири значајни опери на Пучини:

„Боеми“ (8.11.2024) – Приказна за љубовта и загубата во боемскиот кварт на Париз;

„Мадам Батерфлај“ (16.11.2024) – Трагична љубовна приказна за јапонската гејша и американскиот офицер;

„Тоска“ (23.11.2024) – Опера за љубовта, предавството и жртвата во револуционерниот Рим;

„Турандот“ (29.11.2024) – Приказна за суровата кинеска принцеза и принцот кој се обидува да ја освои;

Секоја од овие опери носи емотивни приказни за љубовта, жртвата и страста, раскажани преку трогателни мелодии и виртуозни изведби кои нашите солисти, хорот и оркестарот ќе ги оживеат на сцената. За публиката, ова е ретка можност, во еден месец, да доживее четири од најважните опери на Пучини, изведени на највисоко ниво.

Проектот „Месец на Пучини“ не е само уметнички настан, туку и можност да ја инспирираме новата генерација љубители на операта, да ги прошириме културните хоризонти и да предизвикаме интерес за оперската уметност кај пошироката публика.

The post Националната опера и балет ја одбележува 100-годишнината од смртта на Џакомо Пучини appeared first on Република.

Билетите за балетската претстава „Дамата со камелии“, во Националната опера и балет чија изведба е вечерва, на 30 октомври, (среда) се распродадени, а од НОБ соопштија дека втората изведба е на 2 ноември, со почеток во 20 часот. Балетот е работен по музиката на Џузепе Верди, а драматуршката подлошка е земена од неговата „Травијата“.

Претставите ќе се изведат под диригентската палка на гостинот од Ерменија, Едуард Амбарцумјан, кореографијата е на еден од водечките руски кореографи Василиј Медведев, кој работи со големите театри „Бољшој“ од Москва и „Марински“ од Санкт Петербург, a раскошната сценографија и костимографија се на Павол Јураш од Словачка.

Во улогите на Маргарита и Арманд на 30 октомври ќе настапат првенците Марија Кичевска Шокаровска и Франциско Хименес Руиз (Шпанија), додека на 2 ноември ќе настапат Наташа Трендафилова Гицев и Валери Љубенко (Украина).

Во балетската претстава „Дамата со камелии“ настапуваат солистите, балетскиот ансамбл и оркестарот на Националната опера и балет.

The post Распродадени се билетите вечерашната балетска претстава „Дамата со камелии“ во Националната опера и балет, втората изведба е закажана за 2 ноември appeared first on Република.

На 30 ноември, во Националната опера и балет ќе гостува популарната српска комедија „Хотел 88“, чија премиера се одржала во 2017 година и оттогаш претставата стекнала култен статус, не само во Белград и Србија, туку и надвор од границите на државата. Има повеќе од 500 изведби и над 100.000 гледачи.

Дејството на претставата се одвива во луксузен хотел, каде што две брачни двојки — Виктор и Ана, и Сандра и Марко — доаѓаат за да поминат романтичен меден месец. Но, компликациите започнуваат кога се открива дека Ана и Марко имаат бурна и романтична историја, што доведува до страсни и комични пресврти во текот на една судбоносна ноќ.

„Хотел 88“ е комедија која со леснотија ги обработува темите за љубовта, неверството и предизвиците на брачните односи. Преку смешни и неочекувани ситуации, претставата ги истражува тенките граници помеѓу страсната љубов и вистинските животни проблеми.

Во претставата играат: Тамара Крчуновиќ, Јелисавета Орашанин Теодосиќ, Андрија Кузмановиќ и Владимир Алексиќ.

The post Популарната српска комедија „Хотел 88“ на 30 ноември гостува во Националната опера и балет appeared first on Република.

Националната опера и балет (НОБ) вечерва ќе ја отвори новата сезона со изведба на „Кармина бурана“ од Карл Орф.

Веќе распродадената претстава ветува моќен почеток на сезоната, а уметничкиот раководител Христо Саракинов изрази задоволство од големиот интерес. Програмата за претстојната сезона вклучува четири капитални дела од Џакомо Пучини – „Боеми“, „Мадам Батерфлај“, „Тоска“ и „Турандот“, кои ќе бидат изведени во ноември со врвни светски солисти и диригенти.

Балетскиот сегмент на сезоната, предводен од Кире Павлов, ќе вклучи 19 претстави, меѓу кои „Петар Пан“ и „Оревокршачка“, како и гостувања од балетски уметници од Украина.

Директорот Оливер Арсовски најави дека оваа сезона ќе биде објавен и репертоарот за цела година, а за првпат ќе се воведат и месечни билети за љубителите на операта.

The post Националната опера и балет ја отвора сезоната со „Кармина бурана“ и го слави столетието на Пучини appeared first on Република.

Во фоајето на Националната опера и балет се одржа прес-конференција по повод отворањето на новата сезона во Националната опера и балет со моќната и возбудлива сценска кантата „Кармина бурана“ од германскиот композитор Карл Орф на 16 октомври како и за богатата програма што ќе следува на репертоарот.
На прес-конференцијата беа присутни: Оливер Арсовски, в.д. директор на НУ Национална опера и балет, Христо Саракинов, уметнички раководител на Опера, Кире Павлов, уметнички раководител на Балет и Бурхан Дибрани, раководител на секторот Маркетинг.

Националната опера и балет не е Универзална сала. Изминатите години прво се гледало да се даде за изнајмување, па после да има простор за претставите од репертоарот. Тоа веќе нема да се случува. Прво ние ќе го пополниме календарот, па ако има место, ќе ја изнајмуваме за други проекти“, кажа Арсовски. Од јануари, додаде тој, сигурно ќе има по 2 оперски и 2 балетски претстави од железниот репертоар, а сѐ останато ќе бидат концерти, рецитали, претстави на мала сцена.

Ноември ќе биде посветен на одбележување на 100 години од смртта на италијанскиот композитор Џакомо Пучини. На 8 ноември е најавена „Боеми“, на 16 ноември е „Мадам Батерфлај“, на 23 ноември е „Тоска“ и на 29 ноември е закажана „Турандот“. Претставите ќе бидат со странски диригенти и пејачи.

The post Националната опера и балет ја отвора сезоната со моќната и возбудлива сценска кантата „Кармина бурана“ на 16 октомври appeared first on Република.

Виена - Познатата „Ehrbar Saal“ во Виена синоќа исполнета до последното место и со извици „Браво“ и долги аплаузи публиката го поздрави настапот на Камерниот оркестар на Националната опера и балет.

Редот за билети беше голем уште пред почетокот на концертот, а настапот беше проследен и од локални медиумски куќи.

Концертот го следеше и министерот за култура, Зоран Љутков, македонскиот амбасадор во Австрија, Освит Росоклија, како и амбасадорот на ОБСЕ, Пајо Авировиќ, како и претставници на дипломатскиот кор во земјата и љубители и почитувачи на македонската култура.

Под диригентската палка на италијанскиот маестро Џанлука Мартиненги, пред виенската публика беа изведени композиции од Пучини, Бритен, Цанев, Аврамовски, Имери и Шуплевски.

Специјална гостинка на вечерта беше истакнатата пијанистка Горјана Стојановска, чиј виртуозен настап ја збогати уникатна можност да се слушне македонската музика на едно од најпрестижните места во Виена, продолжувајќи ја традицијата на меѓукултурната размена и промоција на македонската уметност во светот.

The post Публиката во „Ehrbar Saal“ во Виена воодушевена со извици „Браво“ и долги аплаузи го поздрави настапот на Камерниот оркестар на Националната опера и балет appeared first on Република.

Во понеделник, 14 октомври, со почеток во 10.30 часот,  на големата сцена на Националната опера и балет, ќе биде одржана комеморацијата во чест на оперската првенка Ирена Кавкалевска, соопшти нејзината матична куќа.

Кавкалевска е добитничка на многу награди, школувана во Македониіа, Софиjа, Грац, Загреб, дебитира на сцената на МОБ во 1996 година со улогата на Мадалена во „Риголето”. Настапувала на многу фестивали и оперски сцени, а незиниот репертоар зборува за успешни креации во „Кармен”, „Аида”, „Набуко”, „Моќта на судбината”, „Сестра Анџелика”, „Лули Цезар во Египет” „Севилскиот берберин”, „Лилјакот”, „Иван Сусаньин”, „Цар Самоил”.

„Уште во првата нејзина појава, Ирена Кавкалевска беше вистинско олицетворение на Кармен, бескрупулозната заводничка. Таа апсолутно пленеше со сценичноста, владееше со целото дејство, очигледно се чувствуваше удобно во улогата што а толкува. Комотна и самоуверена на сцената, мошне маркантно ja долови фаталната женска привлечност” – зборува музичката критика за креацијата на нашата уметница во познатата опера на Жорж Бизе.

Нејзината појава беше особено ретка, како на сцената така и во приватниот живот. Зрачејќи со својата елеганција, нежност и племенитост, остави голема трага во срцата на публиката и колегите. Истовремено, беше и силен борец во сите животни премрежја.

Прераната смрт Ирена Кавкалевска за Македонската опера и балет и воопшто, за севкупниот културен живот, претставува огромна загуба. Таа имаше и можеше да подари уште многу сценски и концертни креации.

The post В понеделник комеморација во чест на оперската првенка Ирена Кавкалевска appeared first on Република.

Министерот за култура и туризам, Зоран Љутков, во рамките на редовните работни посети на установите, денеска ја посети Националната опера и балет каде што се запозна со проектите и активностите во оваа најстара институција од овој вид во нашата земја.

Министерот Љутков ги поздрави направените интервенции во Националната опера и балет кои се однесуваат на подобрување на условите во оваа установа, за што в.д.директорот Оливер Арсовски, го посочи како пример како за краток период, нецели сто дена, можат да се направат суштински подобрувања во една голема и обемна институција, како што е Националната опера и балет.

[caption id="attachment_821733" align="alignnone" width="2048"] фото: Министерство за култура и туризам[/caption]

Во изминатиов период е извршена ургентна санација на клучните инфраструктурни проблеми, потенцираше Љутков, додавајќи дека комплетно се реновирани службеното фоаје и тоалетите за посетителите, извршени се и молерофарбарски работи на ходниците.

На средбата со новинарите беше истакнато дека во текот на вчерашниот ден е распишана и јавна набавка за реновирање на главниот влез на институцијата, кој, како што беше нагласено е во очајна состојба и во последните седум години немало никаква интервенција во овој сегмент, како и санација на покривните површини во делот на главното фоаје каде што кога врне, водата навлегува насекаде. Министерот Љутков најави дека во наредниот период ќе следат уште интервенции во атаљето на установата, каде во моментов се работи на негово расчистување.

Она, пак, што сакам да го потенцирам, а е од особено значење и се однесува на вработените, е фактот што со ребалансот на буџетот се обезбедени сигурни плати и придонеси, рече министерот Љутков.

Изразувајќи задоволство од работата на новото раководство и од вработените, министерот Љутков најави дека Владата и тој како ресорен министер ќе дадат голема поддршка на оваа институција, која, како што рече, во идниот период ќе понуди богата културна програма на задоволство на сите граѓани.

[caption id="attachment_821734" align="alignnone" width="2048"] фото: Министерство за култура и туризам[/caption]

Министерот Љутков изрази и јавна благодарност до целиот ансамбл на НОБ за одличната изведба на операта „Набуко“ од Верди во Софија, за која има одлични критики на сите нивоа, а особено во делот на т.н. културна дипломатија.

Директорот на Националната опера и балет Оливер Арсовски информираше дека е направена и нова програма за до крајот на годината, која ќе стартува на 16 октомври со кантатата „Кармина Бурана“ од Карл Орф.

Арсовски најави дека ноември ќе биде месец на Пучини кога ќе бидат изведени четири претстави од овој композитор, со пејачи и од странство, како и дека Националната опера и балет и Камерниот оркестар на 8 октомври ќе гостуваат во Виена, каде што пред австриската публика ќе бидат изведени дела и од македонски автори.

Поздравувајќи ги заложбите на министерот Љутков и на Министерството за култура и туризам за поголема поддршка на „живата култура“, директорот на Националната опера и балет најави многу промени во репертоарната политика и на операта и на балетот. Во рамките на посетата, беше споделено и дека набавен е и нов балетски под кој, како што беше посочено, ќе го подобри квалитетот на балетската продукција.

The post Ќе дадеме голема поддршка за санација на објектот на Националната опера и балет, изјави министерот Љутков по посетата на националната установа appeared first on Република.

На 27 септември, на сцената на Националната опера и балет со почеток во 20 часот, ќе се изведе балетот „Пепелашка“ од Сергеј Прокофјев, но во една сосема неочекувана и модерна верзија. Кореографот Александар Илиќ, гостин од Србија, ја пренесува оваа позната бајка во ерата на 70-тите години од минатиот век, инспириран од филмот „Брилијантин“ и култната улога на Џон Траволта.

Ова не е класична поставка на ‘Пепелашка’,“ вели Илиќ. „Одлучивме да ја сместиме во времето на диско културата, носејќи нов и свеж контекст за оваа вечна приказна.“

Во изведбата учествуваат познати македонски и странски балетски уметници како Наташа Трендафилова Гицев, Игор Веланоски и Ендру Кук од Англија, заедно со солистите и балетскиот ансамбл на Националната опера и балет. Костимографијата е дело на Катерина Радошевиќ Галиќ од Хрватска, а сценографијата на Филип Коруновски.

The post Балетот „Пепелашка“ од Прокофјев во духот на 70-тите на сцената на Националната опера и балет appeared first on Република.

Националната опера и балет, в петок, на 13 септември ќе гостува во Софиската национална опера и балет со операта „Набуко“ од Џузепе Верди. Изведбата во Скопје е закажана за 21 септември на сцената на Националната опера и балет, со почеток во 20 часот.

Гостувањето во Софија е дел од договорот за соработка потпишан во ноември 2023 година меѓу тогашниот директор на Националната опера и балет, Васко Ристов, и директорот на Софиската опера и балет, Академик Маестро Пламен Карталов.

Диригент е Бисера Чадловска, а режисер е Италијанецот Ренато Бонајуто. Сценографијата е дело на Флавио Арбети, костимографијата на Артемио Кабаси, а кореографијата ја потпишува Маја Митревска Богоевска. Тимот е дополнет со асистенти и мајстори, меѓу кои Катерина Стојковска, Јасмина Ѓорѓеска и Јане Бакевски.

Главните улоги ги толкуваат истакнати македонски уметници: Марјан Јованоски (Набуко), Злата Тошевска Димовска (Абигаиле), Николина Јаневска (Фенена), Зоран Сотиров (Исмаил) и Игор Дурловски (Захарие).

The post Националната опера и балет гостува во Софија со операта „Набуко“ appeared first on Република.

На 6- ти јуни од 20 часот во Големата сала во Центарот за култура „Трајко Прокопиев“ во Куманово ќе гостува Национална опера и балет со комичната опера „РИТА“од Гаетано Доницети.

„Рита“ е приказна за младата и убава Рита, вплеткана во сплетките и интригите на брачните недоразбирања со комичен и среќен завршеток.

Операта до сега беше изведувана на сцената на Национална опера и балет под диригентската палка на Бисера Чадловска и солистите Ана Ројдева, Јане Дунимаглоски, Васко Здравков и Борко Биџовски.

The post Национална опера и балет со комичната опера „РИТА“ гостува во Куманово appeared first on Република.

На 20 март со почеток во 20 часот на сцената на Националната опера и балет ќе се изведе раскошната  и драматична балетска претстава „Дамата со камелии“ работена по музиката на Џузепе Верди, а драматуршката подлошка е земена од неговата популарна „Травијата“.

Диригент е Иван Еминовиќ, кореографијата е на еден од водечките руски кореографи Василиј Медведев, кој работи со големите театри „Бољшој“ од Москва и „Марински“ од Санкт Петербург, а раскошната сценографија и костимографија се на Павол Јураш од Словачка.

Во главните улоги ќе настапат нашите балетските првенци: Мими Поп Алексова Атанасовска и Бобан Ковачевски заедно со солистите, балетскиот ансамбл и оркестарот на Националната опера и балет, соопштија од НОБ.

The post Раскошната балетска претстава „Дамата со камелии“ од Џузепе Верди на 20 март во Национална опера и балет appeared first on Република.

Почина Крсто Скубев (71), долгогодишен културен работник, раководител на секторот за маркетинг на Македонската опера и балет, информираа од Националната опера и балет.

М-р Крсто Скубев е роден 1953 година во Радовиш, дипломиран продуцент на Факултетот за Драмски уметности – Скопје. Магистер по културологија (во книжевноста). Бил член на аматерски културно-уметнички друштва, долгогодишен член на АКУД „Мирче Ацев“, хорот на МРТВ, хорот на Операта на Македонскиот народен театар (МНТ).

Во МНТ работел од 1981 година. Толкувал неколку актерски улоги во Драмата на МНТ, како и солистички делници во Операта. Од 1995 до 2007, а потоа од 2013 до 2016 г. работел како раководител на Секторот за маркетинг, документација и издавачка дејност во МНТ и во Македонската опера и балет, автор е на многу текстови како и на книгата „Од Моцарт до мобилните телефони“.

The post Почина културологот Крсто Скубев appeared first on Република.

На 21 февруари со почеток во 20.00  часот на сцената на Националната опера и балет ќе се изведе раскошната балетска претстава „Дамата со камелии“ работена по музиката на Џузепе Верди, а драматуршката подлошка е земена од неговата популарна „Травијата“.

Диригент е Иван Еминовиќ, кореографијата е на еден од водечките руски кореографи Василиј Медведев, кој работи со големите театри „Бољшој“ од Москва и „Марински“ од Санкт Петербург, а раскошната сценографија и костимографија се на Павол Јураш од Словачка, концерт-мајстор е Климент Тодороски.

Во главните улоги ќе настапат: Марија Кичевска Шокаровска  и Франциско Хименес Руиз (Шпанија).

Настапуваат солистите, балетскиот ансамбл и оркестарот на Националната опера и балет.

The post „Дамата со камелии“ вечерва на сцената на Националнатата опера и балет appeared first on Република.

На 26 февруари со почеток во 20.30 часот во Националната опера и балет ќе се одржи Комеморативен концерт по повод 20-годишнината од загинувањето на претседателот Борис Трајковски со соработниците, под покровителство на Владата на Република Македонија.

Диригент на концертот е Иван Еминовиќ, режисер на настанот е Љупка Јакимовска, хор- мајстор: Ѓурѓица Дашиќ.

Ќе настапат солистите од Националната опера и балет: Сандра Митровска, сопран, Марика Поповиќ, мецосопран, Јаворка Витанова, солист од хорот, во придружба на хорот и оркестарот на Националната опера и балет.

На програмата ќе се изведат дела од В. А. Моцарт, Р. Леонкавало, Џ. Верди и Р. Аврамовски.

Настанот ќе биде збогатен со видео и аудио содржина за која се употребени материјали од архивската документација на МРТВ - документарецот „ Верувам во Македонија“, како и фото и видео материјали обезбедени од Фондацијата „Борис Трајковски“.

Влезот за настанот е слободен, јавноста, билетите ќе може да ги подигне најдоцна до 26.2.2024 до 17.00 часот на билетарницата на Националната опера и балет.

The post Комеморативен концерт по повод 20-годишнината од загинувањето на Претседателот Борис Трајковски со соработниците во Национална опера и балет appeared first on Република.

Музичко-сценскиот спектакл „Фолклорно-класична симбиоза“ на Националните установи Националната опера и балет и ансмблот за народни игри и ора „Танец“ ќе се одржи вечер од 21 часот на сцената на НОБ.

Од Националната опера и балет информираат дека на сцената ќе има повеќе од 130 учесници во заедничка изведба на симфонизираните антологиски кореографии „Осоговка“, „Малешевка“, „Жетварка“, „Пиринско пролетно цвеќе“, „Водарки“, како и многу други македонски орски и вокални мелодии од богатиот репертоар на Танец.

Концертот ќе се одвива под диригентската палка на маестра Бисера Чадловска, концерт-мајстор е Верица Ламбевска, а хор-мајстор Ѓурѓица Дашиќ. Настапува оркестарот, хорот и играорниот кор на НУ „Танец“, заедно со оркестарот и хорот на НУ Национална опера и балет.

– Фолклорно-класична симбиоза е замислен како музичка фузија на две различни традиции – класиката и фолклорот, вешто преточена во новите аранжмански партитури на Дарко Илиевски, истакнат инструменталист, автор и раководител на оркестарот на Танец, велат од НОБ.

The post „Фолклорно-класична симбиоза“ на Националната опера и балет и „Танец“ appeared first on Република.

Операта „Набуко“ од Џузепе Верди вечер ќе биде изведена во Националната опера и балет.  Диригент е Иван Еминовиќ, режија Ренато Бонајуто од Италија, а сценографијата и костимографијата се на Флавио Арбети и Артемио Кабаси од Италија.

Концерт-мајстор е Јане Бакевски, хор-мајстор е Јасмина Ѓорѓеска, а светло дизајн, Милчо Александров.

Насловната улога ќе ја толкува Марјан Јованоски, во улогата на Абигаиле ќе настапи гостинката од Србија, сопранот Сања Керкез, добитничка на голем број награди и признанија меѓу кои годишната награда на Народниот театар во Белград за уметничко достигнување за нејзините улоги во оперите „Лучија од Ламермур“, „Травијата“ и „Риголето“.

[caption id="attachment_700467" align="alignnone" width="512"] (фото: МОБ)[/caption]

Благој Нацоски ќе настапи како Исмаил, Ирена Кавкалевска ќе ја игра Фенена, а во улогата на Захарие ќе настапи Игор Дурловски. Во останатите улоги ќе настапат Борко Биџовски, Ана Ројдева Талевска, Дејан Стоев, хорот, оркестарот, женскиот балетски ансамбл и ученици од балетскиот оддел при ДМБУЦ „Илија Николовски – Луј“.

Од Националната опера и балет посочуваат дека „Набуко“е лирско-драматична опера во четири чина, едно од најпопуларните дела на Џузепе Верди и омилено кај публиката. Својата праизведба оваа опера ја имала во 1842 година во Миланска скала. Тоа е третата опера на Верди за која што се смета дека трајно ја воспоставила неговата репутација како композитор.

Темата на операта е тешката историја на еврејскиот народ, нападнати и поразени, протерани од својата татковина, иако историските настани се користат само како позадина на романтичниот и политички заплет.

- Верди во една ноќ ја напишал надалеку познатата хорска арија, која станала драматуршки и музички столб на делото „Va, pensiero, sull'ali dorate“ („Летај на златести крилја“), се наведува во соопштението од Националната опера и балет.

The post „Набуко“ од Џузепе Верди вечер во Националната опера и балет appeared first on Република.

Утревечер, со почеток во 20:00 часот оперската претсава „Набуко” на Џузепе Верди во Салон на Национална опера и балет.

Диригент на операта е Иван Еминовиќ, режисер Ренато Бонајуто (Италија), сценограф – Флавио Арбети (Италија), костимограф – Артемио Кабаси (Италија)
кореограф – Маја Митревска Богоевска.

Настапуваат:
Набуко: Марјан Јованоски
Абигаиле: Сања Керкез (Србија)
Фенена: Ирена Кавкалевска
Исмаил: Благој Нацоски
Захарие: Игор Дурловски
Големиот свештеник: Борко Биџовски
Ана: Ана Ројдева Талевска
Абдало: Дејан Стоев

The post Оперската претстава „Набуко” утре во Национална опера и балет appeared first on Република.