Пенелопе Круз ја доби Националната филмска награда на Шпанија за 2022 година, соопшти тамошното Министерство за култура и спорт.

Како што е наведено на официјалната интернет-страница, „жирито едногласно ја наградило глумицата за достигнувањата во 2021 година, кои се додадени на сѐ она што го постигнала во нејзината кариера“.

Покрај тоа, Пенелопе Круз е првата Шпанка која ја добила наградата за најдобра женска улога на Филмскиот фестивал во Венеција за нејзината улога во филмот „Madres Paralelas“ на Педро Алмодовар. Номинирана е и за четири „Оскари“ низ годините досега.

Со својот огромен талент и извонредните изведби, Пенелопе Круз со десетлетија ја сместува нашата култура на врвот, обjави жирито на Твитер.

Националната филмска награда на Шпанија се доделува секоја година за севкупен придонес во шпанската филмска индустрија.

The post Пенелопе Круз ја доби шпанската Национална филмска награда appeared first on Република.