Од иницијативата „На точак“ ги прозваа надлежните од јавното претрпијатие „Паркови и зеленило“ дека не се кастрат нависнатите гранки над вело-патеките во Скопје.

- Гранките на дрвјата се натежнати од лисјата и висат над велосипедските патеки низ целиот град. Како што градските служби се грижат за зеленилото во тревниците и за гранките над градскиот паркинг, така треба да се грижат и за гранките над велосипедските и пешачките патеки. Нова пролет, за жал ново потсетување, велат од „На точак“.

Како што велат оттаму, низ Скопје скоро на сите патеки има гранки кои пречат на велосипедистите и пешаците, па затоа очекуваат во најкраток период да пројдат градските служби и да ги скастрат гранките кои се над патеките.

- Во сегашната ситуација од избегнување на ниски гранки сите учесници во сообраќајот се под ризик да се повредат себе си и останатите околу нив, велат од иницијатовата за велосипедско Скопје.

The post Средете ги надвиснатите гранки над патеките, бараат од иницијативата „На точак“ од „Паркови и зеленило“ appeared first on Република.

Од граѓанското здружение „На точак“ испратија пофалби до Општина Кисела Вода и градоначалникот Орце Ѓорѓиевски за проактивноста во подобрување на условите за велосипедскиот транспорт на општинските улици.

Тие споделија фотографија oд ул. „Христо Татарчев“, која е втора која доби велосипедска лента во Кисела Вода вo последната година, и како што велат, општо во целото постоење на Општината, втора патна диета во која се одзема ширина од коловозните ленти и дивиот паркинг на автомобили и прва двонасочна велосипедска лента.

И им порачуваме на останатите градоначалници да го следат храбриот пример и во најмала рака да ги исполнат своите предизборни ветувања. Нели поубаво изгледа вака улицата? Заличува на пристојно место за живеење.
Замислете колку поубаво ќе беше ако ги немаше дивопаркираните автомобили на јавниот простор - тротоари за пешаци.
Ајде да им го вратиме градот на луѓето!
И ајде да се повозиме по новата двонасочна вело лента, порачаа од „На точак“.

The post „На точак“ со пофалби за градоначалникот на Кисела Вода и неговото активно подобрување на велосипедската мрежа appeared first on Република.

Иницијативата „НаТочак“ денеска ќе ја одбележи 10-годишнината од формирањето и по тој повод организира возење велосипед на улиците во Скопје по рута долга 6,5 километри.

Стартот за велосипедистите ќе биде во 11 часот од плоштад Македонија, а ќе заврши во МКЦ во 12 часот со традиционалното кревање на точаци, ДЈ сет со ДЈ Флудер, проекција на филмови за урбан велосипедизам и со изложба на 90 постери во соработка со МКЦ, главно од македонски дизајнери кои изминатата деценија оставиле свој визуелен белег на настанот „Критична маса“ и придонеле во ширењето на пораките на „НаТочак“.

Од иницијативата информираат дека изминатиот период ја потсетиле јавноста за тоа што е постигнато во последната деценија за унапредување на условите за велосипедистите.

The post Иницијативата „НаТочак“ одбележува 10 години постоење appeared first on Република.

Од „На точак“ информираат дека, утре велосипедистите ќе започнат да возат во 17.30 а стартната точка ќе им биде Плоштадот Македонија.

Урбаните велосипедисти утре ќе ја возат својата „Критична маса број 89“ со која прашуваат „Колку жртви се доволно?“ за надлежните еднаш за секогаш да стават крај на дивеењето по улиците.

Ја возиме 89-тата Критична маса. Овој пат со фокус на безбедноста во сообраќајот, улиците по кои секој ден возиме и ризиците за ранливите групи на учесници во сообраќајот. Возиме низ населби низ кои не сме возеле подолго време, а кој што изгледа и самите градоначалници ги имаат заборавено – велат од „На точак“.

Велосипедистите ќе започнат да возат во 17.30 а стартната точка ќе им биде Плоштадот Македонија.

Бараме да прават безбедни улици, кои канат пешаци и велосипедисти, а одвраќаат коли и брзо возење. Бараме казнување на прекршувачите на законите и градоначалници кои ќе изведуваат градови за луѓе, не градови за коли – децидни се од „На точак“.

The post НаТочак – критична маса по улиците на Скопје: Колку жртви се доволно?! appeared first on Република.

Од иницијативата „На точак“ повторно реагираат со цел изнаоѓање на инфраструктурни решенија кои помагаат во зголемување на безбедноста во сообраќајот за сите учесници.

Сообраќајните знаци и кампањи функционираат само за некои луѓе и само понекогаш. Казнената политика функционира само кога полицијата е присутна, кога не е, пак се враќаат работите по старо, а инфраструктурните решенија функционираат во 100 % од времето и за 100 % од луѓето, велат „На точак“.

Тие предлагаат инфраструктурни решенија на сите улици (соодветни на категоријата) и систем од камери на главните улици.

-Ако сакаме безбедни улици, мора да се заложиме за такви решенија. Во документот ВизијаНула кој треба да го донесе Град Скопје треба да се содржат и препораки за различни категории на улици: каталог на мерки кои треба да се применат за различно брзинско ограничување: 20, 30, 50 km/h, порачаа од иницијативата.

The post „На точак“ предлагаат инфраструктурни решенија за безбедни улици appeared first on Република.