МЗТ Скопје доживеа убедлив пораз до 34 поени разлика на реваншот против Спартак Суботица и остана без пласман во финалето од плеј-офот во АБА2 лигата. Нашиот шампион денеска повторно беше надигран од српскиот тим, сега на гостински паркет и со тоа заврши сонот за кам-бек во елитното регионално натпреварување.

По поразот од пет поени разлика минатата сабота во Скопје, МЗТ се надеваше дека може да направи сензација во Суботица на реваншот. Тоа не се случи, бидејќи Спартак доминираше од почеток до крај за убедлива победа од 98-64. „Металците“ во ниту еден момент од средбата не се заканија по водството на домашната екипа. Филип Барна со 19 поени беше најдобар кај Спартак, додека Ејасу Ворку беше единствениот со двоцифрен ефект во нападот кај МЗТ со 10 постигнати поени.

Тимот од Суботица ќе игра финале против Војводина во АБА2 лигата, додека МЗТ сега ќе се фокусира на домашниот плеј-оф каде во полуфиналето води со 1-0 против ТФТ Скопје.

The post АБА-лига: МЗТ поразен во Суботица appeared first on Република.

Натпреварот помеѓу Чаир 2030 и МЗТ Скопје e прекинат на полувремето и веројатно нема да продолжи.

На полувремето, на пат кон соблекувалните, кошаркарите на актуелниот македонски шампион биле нападнати од непознати лица.

Кошаркарите на МЗТ одбија да го продолжат натпреварот.

Првото полувреме заврши со водство на МЗТ Скопје со 44:42.

The post Кошаркарите на МЗТ нападнати во Чаир, одбија да се вратат на теренот appeared first on Република.

Првото големо „вечно дерби“ во новата сезона се играше во „Кале“, каде според праксата во последно време, натпреварот во еден момент беше и во прекин поради факелите и пиротехниката на трибините.

Во веќе препознатливи елементи за најголемото македонско дерби, МЗТ Скопје сепак беше тој кој покажа поголем квалитет и демонстрираше сила на паркетот, каде успеа да го контролира резултатот во текот на целиот меч и на крајот заслужено стигна до победа.

Работнички навистина парираше во првото полувреме и беше резултатски во игра се до третата четвртина, кога МЗТ покажа шампионски квалитет и направи двоцифрена предност со резултат 27:41.

„Центарци“ од овој момент постојано играа под притисок и бркаат резултат, а тоа беше дополнителен проблем против тимот кој е повоигран и поискусен во овој момент.

МЗТ лесно ја одржуваше двоцифрената предност до крајот на натпреварот и на крајот славеше со плус 14, а најзаслужни за победата беа Дамјан Стојановски со 17 и Танасковиќ со 16 поени. Декоски во Работнички имаше исто колку најдобриот поентер на МЗТ, а добар беше и Трис со 11 поени.

The post МЗТ Скопје Аеродром го совлада Работнички – деветта победа по ред во пресметките со вечниот ривал appeared first on Република.

Тренерот Драган Николиќ беше среќен по победата, им честита на сите свои соработници за помошта додека беше позитивен на коронавирусот, но констатира дека судбината на клубот сега е во нечии други раце.

„Најважно е што победивме. Игравме против гигант, тим што го освои Купот на Хрватска. Се навикнав на оваа одлична атмосфера во салата на МЗТ, им благодарам на навивачите што дојдоа и на овој голем празник. Овој триумф го посветувам на мојот покоен татко, кому денеска му е роденден. Исто така, роденден му е и на мојот помошник Васко Атанасов, со кого блиску соработувам и на кого му ја посветувам победата. Сакам со име и презиме да им се заблагодарам и на моите соработници покрај Атанасов, а тоа се Дејан Србиновски, Миодраг Тодоровиќ и Тино Даневски. Тие се светлата иднина на клубот. Знаете дека зависиме од утрешниот меч, но ние сме МЗТ Скопје и се фокусираме само на себе. Не сакам да коментирам било што за мечот во Подгорица,нашиот дел од работата го завршивме, но, за жал, не сме господари на својата судбина“, изјави Николиќ.

The post Николиќ: Победивме гигант, ама за жал нашата судбина сега е во туѓи раце appeared first on Република.

Кошаркарите на МЗТ славеа над 87:74 (19:21, 22:32, 30:5, 16:16) во последното коло. Аеродроми сега чекаат пораз на Борац за да ги продолжат надежите за опстанок во АБА лигата.

Екипата на МЗТ одигра нестварна трета четвртина, во која ја обезбеди победата. МЗТ не можеше да и прарира на Цибона во првиот дел. Гостите од Загреб погодија седум тројки и на полувреме замина со предност од 12 поени.

МЗТ, предводен од Кефи, третиот дел го започна со серија 14:0, а до крајот на четвртината играчите на Драган Николиќ постигнаа уште 16, а примија само пет поени. Сите поени за Цибона во овој период ги постигна Аранитовиќ.

Во последната четвртина МЗТ без поголеми проблеми го сочуваа водството.

Кефи со 19 поени го предводеше МЗТ, а двоцифрени беа и Бурсаќ 17, Кук 15 и Војдан Сотјановски 14 поени.

Извор: ТопСпорт Фото:АБА лига

The post МЗТ ја победи Цибона appeared first on Република.

Српскиот стратег Драган Николиќ нема да може да го предводи МЗТ Скопје Аеродром на утрешното гостување во Сплит поради корона вирус. На клупата на македонскиот кошаркарски првак во дуелот во кој само со победа ќе ги задржи шансите за опстанок во АБА лигата ќе седи неговиот прв помошник Васко Атанасов.

Повтореното тестирање пред заминувањето за Хрватска покажа дека Николиќ сè уште е позитивен, поради што беше донесена одлука да не тргнува на пат со цел да не се ризикува пренесување на коронавирусот и на другите кошаркари и членови на стручниот штаб. Поради иста причина во Сплит не замина ниту Андреј Андоноски, кој исто така беше тестиран позитивен на коронавирусот и кој нема да биде во тимот на утрешната средба“, соопшти попладнево МЗТ Скопје Аеродром.

Натпреварот во сплитската сака „Грипе“ се игра утре со почеток во 18 часот.

На две кола до крајот на регуларниот дел од сезоната МЗТ Скопје е последнопласиран на табелата со пет победи, една помалку од Борац на 13. место кое обезбедува разигрување за опстанок во АБА лигата.

The post Има корона: Тренерот на МЗТ Скопје не отпатува на дуелот во Сплит од АБА лигата appeared first on Република.

Важна победа во битката за опстанок извојуваа вечера кошаркарите на МЗТ Скопје Аеродром совладувајќи го на домашен терен ФМП со 87:82 во рамки на 20 коло во АБА лигата.

Гостите од Србија заминаа на полувреме со предност од 38:35, а МЗТ клучната предност ја оствари во третата четвртина која ја реши во своја корист со 30:18.
До четвртата победа сезонава во регионалното натпреварување македонскиот шампион го предводеше Американецот Мајкл Кефи со 26 поени.

МЗТ Скопје Аеродром сега се израмни со бројот на победи со Борац на последните две места на табелата и ги задржа шансите за опстанок во лигата.

Во преостанатите шест кола до крајот на сезоната МЗТ го очекуваат три натпревари на домашен терен против Игокеа, Задар и Цибона, како и гостувања кај Мега, Борац и Сплит.

The post МЗТ Скопје Аеродром го совлада ФМП во АБА лигата appeared first on Република.

Српскиот кошаркарска стручњак, Драган Николиќ, од денеска е нов тренер на МЗТ Скопје Аеродром, откако потпиша договор до крајот на сезоната со можност тој да биде продолжен и до јуни 2024 година.

– Станува збор за добро познато име за македонската спортска јавност, со оглед што во сезоната 2016/17 повеќе од успешно го предводеше Карпош Соколи во АБА-лигата и ни беше повеќе од достоен ривал во битката за титулата во првата лига, која на крајот ја обезбедивме дури по „мајсторка“. Николиќ има и македонски пасош со оглед на потеклото на неговото семејство од нашата земја, а згора на тоа негова сопруга е една од најдобрите македонски кошаркарки на сите времиња, Марија Видикова, објавија попладнево „сино-белите“.

Последен клуб на 50-годишниот Николиќ беше Борац Бања Лука (2020-2022) со кој настапи на завршниот турнир од АБА2 годинава во април во Скопје. Претходно, ја предводеше Игокеа, полски Кошалин, Младост Земун, а на почетокот на 21 век неколку сезони беше тренер на поранешниот женски гигант од Охрид, тимот на Профитнес.

Популарниот Гаги, се очекува денеска да пристигне во Скопје, а дебито на клупата ќе го има в петок на гостувањето кај Цибона во меч од 13. коло од АБА-лигата.

Македонскиот шампио н пред неколку дена остана без тренер откако беше прекината соработката со Александар Петровиќ

The post Познат српски тренер на чело на МЗТ appeared first on Република.

Македонскиот кошаркарски првак МЗТ Скопје Аеродром доживеа уште еден пораз во пресметките со тимовите од „големата четворка“ во регионалната АБА-лига.

„Сино-белите“ вечерва загубија на гостувањето кај Цедевита Олимпија со 93:73.

Страхиња Миќовиќ со 25 поени и седум скока беше најдобар во македонскиот тим, двоцифрен поентерски учинок имаа уште и Војдан Стојановски со 11 и Бре Ајви со 10 поени.

МЗТ Скопје по пет натпревари има едн апобеда и четири порази, но и многу тежок распоред во почетните пет кола. Следуваат средби со екипи на кои аеродромци ќе можат да се надеваат на поуспешни резултати.

Следен противник на МЗТе тимот на Морнар, на 4 ноември во салата „Јане Сандански“

The post Повторно пораз: МЗТ никако да победи во АБА лигата appeared first on Република.

Двете навивачки групи, „Фемили Аеродром“ и „Чкембарите“ создадоа убава атмосфера на дуелот МЗТ Скопје -Пелистер на која победи тимот од скопската населба Аеродром.

Убавата навивачка атмосфера во СЦ „Јане Сандански“ беше нарушена со инцидент, судир меѓу гостинската и домашната публика. Летаа столчиња, по што мораше да интервенира полицијата.

Брзата реакција на полицијата и обезбедувањето не дозволи посериозен инцидент.

pic.twitter.com/ybzatjVksG

— dribling.mk (@dribling2021) May 5, 2022

The post Летаа столчиња на дуелот МЗТ-Пелистер, тепачка меѓу „Фемили Аеродром“ и „Чкембарите“ appeared first on Република.

По натпреварот тренерот Александар Петровиќ истакна дека неговиот тим ја исполни целта со пласманот во АБА 1, а за натпреварот рече дека неговите момци лошо го отвориле и дека потоа стигнал и заморот за несреќен пораз.

„Лошо влеговме во натпреварот, му дозволивме на противникот да избега на 20 поени разлика. Потоа успеавме да ги стигнеме со зона, успеавме да ги свртиме работите во своја корист. Имавме шанса за победа, зицер, но не го искористивме. Тоа е кошарка, што да се прави. Во продолжение паднавме на психички план, веројатно не стигна и заморот. За следната сезона е рано да зборуваме. Ни престои домашното првенство во кое треба да ја браниме титулата. Ја остваривме целта, влеговме во АБА1 и тоа е најважно“, рече Петровиќ по натпреварот.

The post Петровиќ: Целта е остварена, влеговме во АБА 1 appeared first on Република.