Кошаркарите на МЗТ Скопје Аеродром триумфираа вечерва на домашен терен против Тиват со 68-50  (35-26) во воведниот натпревар од новата сезона во регионалната АБА 2 лига. Најефикасен во редовите на актуелниот македонски кошаркарски првак беа Војдан Стојановски со 13 и Марко Баковиќ со 12 поени.

Со вечерашниот дуел во рамки на групата А, во СЦ „Јане Сандански“ во Скопје, почна новата сезона во АБА 2 лигата во која македонската клупска кошарка ќе има тројца претставници.

Скопски Работнички ќе ја почне сезоната од групата „Б“ во која за ривали ги има Војводина од Нови Сад, Сутјеска од Никшиќ, и сараевска Босна.

Скопски Работнички в четврток е домаќин на уште еден црногорски претставник, Сутјеска, додека својот натпревар од премиерното коло од новата сезона Пелистер ќе го одигра на 1. октомври на домашен терен против Широки.

The post МЗТ Скопје Аеродром победнички ја отвори сезоната во АБА 2 appeared first on Република.

Американскиот кошаркар Брандон Слај е првото странско засилување за следната сезона во редовите на МЗТ Скопје Аеродром, објавија од македонскиот шампион.

Слај (27) доаѓа во МЗТ Скопје Аеродром ден откако клубот ја продолжи соработката со браќата Дамјан и Војдан Стојановски.

Станува збор за искусен бек-шутер со петгодишно европско искуство и двоцифрен поентерски просек во секоја од екипите за кои настапувал. Тој добро ги знае приликите во регионот, со оглед што минатата сезона ја мина во дресот на Подгорица, која ни беше противник во АБА2-лигата, каде што реализираше по речиси 15 поени“, соопштија од МЗТ Скопје Аеродром.

Слај претходно одигра две години во Грузија во екипите на Вера и Тбилиси, а потоа беше дел од романскиот тим Таргу Жиу и фински КТП баскет.

The post Американецот Брандон Слај е нов кошаркар на МЗТ Скопје Аеродром appeared first on Република.

Кошаркарите на МЗТ Скопје Аеродром ја одбранија шампионската титула, откако вечерва во Битола го совладаа Пелистер со 78-67 и ја добија финалната серија во плејофот со максимални 3-0 во победи.

За МЗТ Скопје Аеродром ова е петта шампионска титула во серија, а вкупно 11 во клупската историја. Двете последни титули кошаркарите на МЗТ Скопје Аеродром ги освојуваа токму во финалето против Пелистер и двапати го кренаа шампионскиот пехар во салата во Битола.

Баковиќ и Гилон беа најефикасни вечерва во составот на тимот од Аеродром со по 15 поени, додека Костовски и Мијовиќ го предводеа битолскиот состав со по 19 кошеви.

Наградата најкорисен играч во финалната серија му припадна на капитенот на МЗТ Скопје Аеродром, Дамјан Стојановски, кому ова му беше вкупно петто МВП признание во финалниот плејоф. ег ФОТО: КФСМ

The post МЗТ Скопје е старо-нов шампион appeared first on Република.

Македонскиот кошаркарски шампион МЗТ Скопје Аеродром синоќа го победи градскиот ривал ТФТ Моцарт со 95:69 во 11. коло од регионалната АБА 2 лига.

По оваа победа МЗТ Скопје се искачи на второто место на табелата и на две кола пред крајот на регуларниот дел од сезоната и теоретски обезбедија пласман во плејофот.

Марко Баковиќ со 22 поени и осум скока беше најдобар во победничкиот тим. Кај ТФТ најефикасен беше Верц со 14 поени.

Третиот македонски претставник во ова натпреварување, Пелистер од Битола, во понеделникот го совлада Борац од Бања Лука со 73:72.

Во моментов МЗТ е втор со биланс 8-3, Пелистер е на 9. место со ефект 5-6, додека ТФТ е 13-ти со само две победи и девет порази.

Во следната рунда која исто така ќе се игра во Широки Бриег, Пелистер ќе игра со Подгорица (утре 18 часот), ТФТ ќе се соочи со Војводина (утре 21 часот), додека МЗТ ќе се сретне со Златибор (петок 15 часот).

The post МЗТ на пат кон нов плеј оф за пласман во АБА лигата appeared first on Република.

Дуелот од Првата македонска кошаркарска лига меѓу Чаир 2030 и МЗТ Скопје Аеродром, кој беше прекинат вчера поради вербачен напад врз гостински кошаркар од службено лице на домашниот тим, ќе се доигра во празна сала, со време и резултат од моментот на прекинот, одлучи денеска комесарот за натпревари на КФСМ.

Натпреварот во салата во Чаир во рамки на 20-то прволигашко коло беше прекинат на полувреме при резултат 44-42 за актуелниот шампион МЗТ Скопје Аеродром.

Поради слаба организација на натпреварот, домашниот тим Чаир е казнат со 40.000 денари, а на техничкиот директор на клубот Алајдин Мустафа му е изречена парична казна во износ од 20.000 денари, како и забрана за вршење на должноста до крајот на тековната сезона.

Воедно, поради предизвикување прекин подолг од 15 минути, на МЗТ Скопје Аеродром му е изречена парична казна од 30.000 денари.

The post Прекинатиот натпревар Чаир – МЗТ Скопје Аеродром ќе се доигра без публика appeared first on Република.

Кошаркарките на МЗТ Скопје Аеродром и Баскет Кам 2011 ќе играат во утрешното финале во кошаркарскиот Куп „Благоја Георгиевски – Буштур‘.

Бранителот на трофејот МЗТ Скопје Аеродром вечерва во неизвесен натпревар во СРЦ „Кале‘ обезбеди пласман во финалето откако триумфираше над градскиот ривал Вардар со 69-64.

Митева со 22 кошеви и Томас со три поени помалку го предводеа составот на МЗТ Скопје Аеродром до пласман во финалето.

Претходно денеска во првото полуфинале, кошаркарките на Баскет Кам 2011 триумфираа над Крива Паланка со 90-70.

Зубац со 21 поени беше најефикасна во редовите на тимот од Македонска Каменица, а забележителен настап имаше и Димова која го заврши натпреварот со дабл – дабл ефект, запишувајќи 19 поени и десет скокови.

Финалето е на програмата утре во СРЦ „Кале“ со почеток во16:15 часот

The post Девојките на МЗТ Скопје во борба за Купот appeared first on Република.

Македонскиот кошаркарски шампион МЗТ Скопје Аеродром вечерва во Нови Сад ја победи Војводина со 89:84 и направи голем исчекор кон четвртфиналето во регионалната АБА 2 лига.

Аеродромци дербито на колото против домаќинот на турнирот го отворија извонредно и по првата четвртина имаа водство со 24:12. Во неколку наврати МЗТ водеше и со 15 поени разлика. Сепак на крајот до триумфот македонскиот претставник стигна во неизвесен финиш.

Турнирот во Нови Сад, МЗТ Скопје го заврши со максимални три победи и сега има биланс 7-3.

За разлика од аеродромци, вториот македонски претставник кои настапи денес во 10. коло, тимот на Пелистер загуби минимално од Сутјеска со 79:78, додека вчера ТФТ го совлада Шеншур со 85:77.

МЗТ е на делба на третото место со Војводина и Широки со биланс 7-3, Пелистер е 9.со ефект 4-6, ТФТ е претпоследен (13-ти) со две победи и осум порази

The post МЗТ е во игра за враќање во првата АБА лига appeared first on Република.

Во салата „Јане Сандански“  беше одржан состанок на припадници на МВР со комесарите за безбедност на КК МЗТ Скопје и на КК РАБОТНИЧКИ СКОПЈЕ на кој од полицијата беа дадени насоки во делот на организацијата на саботното „вечно дерби“, прво од полуфиналната плејоф-серија, со цел тоа да мине во фер и спортска атмосфера, без никакви инциденти.

Од МВР, меѓу другото, побараа симпатизерите и фановите на гостинската екипа да бидат групирани околу нивната навивачка група, поради што наложија СИТЕ што ќе сакаат да го бодрат КК РАБОТНИЧКИ СКОПЈЕ на оваа пресметка во Аеродром да мора да купуваат билети ИСКЛУЧИВО за блоковите 3 и 4.

Влезниците за саботниот спектал се веќе во продажба со цена од по 100 денари за сите блокови, а може да се купат преку www.karti.com.mk и www.mktickets.mk , како и преку продажните места на „МК Тикетс“ ширум државата.

На денот на натпреварот тие ќе се продаваат и на билетарницата пред СЦ „Јане Сандански“ и тоа од 12 часот па сѐ до почетокот на мечот.

The post „Аеродром“ ќе гори: В сабота играат МЗТ-Работнички appeared first on Република.

Кошаркарите на Борац Чачак го совладаа Будуќност во Подгорица во 26. коло од АБА лигата со резултат 87:85 (21:22, 21:20, 28:24, 17:19) и ја забележаа седмата победа со која се спасија од Директна. елиминација од ова натпреварување.

МЗТ од Скопје се сели во понизок ранг, а Чачани ќе игра плеј-оф против екипа од АБА 2.

https://republika.mk/sport/kosarka/srpski-mediumi-dali-mechot-mzt-tsibona-e-namesten/

The post Џабе победата над Цибона: Борац го совлада Будуќност, МЗТ се враќа во АБА 2 appeared first on Република.

Кошаркарите на МЗТ Скопје Аеродром ги задржаа минималните шанси за опстанок во АБА лигата, откако вечерва пред своите навивачи во рамки на 24. коло го совладаа Задар со 84-80 (52-39).

Македонскиот шампион до петтиот триумф сезонава во регионалната лига го предводеше Американецот Мајкл Кефи со 21 поени, додека Страхиња Мицовиќ уфрли шест помалку.

На две кола до крајот на регуларниот дел од сезоната последнопласираниот МЗТ Скопје сега е на една победа помалку од директниот конкурент во битката за опстанок Борац, кој претходно вечерва загуби на гостувањето од Сплит со 113-99.

За да го избегне последното место на табелата и да обезбеди плејоф за опстанок во АБА лигата на МЗТ Скопје ќе му биде потребно да триумфира во преостанатите два натпревари против Сплит на гостински терен и против Цибона во Скопје, додека чачански Борац да загуби од Црвена ѕвезда и Будуќност.

The post Важен триумф на МЗТ Скопје Аеродром над Задар во битката за опстанок во АБА лигата appeared first on Република.

 Македонскиот кошаркарски првак МЗТ Скопје Аеродром утре во Чачак му гостува на Борац во клучниот натпревар против директниот конкурент за опстанок во регионалната АБА лига.

Пред овој натпревар во рамки на 23 коло, МЗТ Скопје е последно пласиран на табелата со четири победи, една помалку од Борац на претпоследното место, кое носи разигрување во битката за опстанок.

Тренерот на Борац, Дејан Мијатовиќ, изјави денеска дека сите во неговиот тим знаат што носи утрешната пресметка и истакна дека неговите кошаркари ќе мораат да бидат на висина на задачата за да забележат важна победа за опстанок во лигата.

„Како што и предвидувавме, целата сезона се сведе на еден натпревар. Исклучително сме мотивирани и напорно работевме оваа недела. Знаеме што мораме да направиме за да го добиеме овој натпревар. Важна е психолошката стабилност на играчите, мораме да одиграме со исклучителна енергија и мотив“, изјави Мијатовиќ.

Натпреварот доаѓа на истиот датум кога пред 35 години, на 25 март 1988 година, Борац го совлада МЗТ Скопје на домашен терен и со таа победа обезбеди опстанок во поранешната југословенска прва лига.

„Каква коинциденција на истиот датум, 35 години подоцна, да играме натпревар против МЗТ кој може многу да одлучи. Тогаш салата беше полна, околу 4.500 гледачи, а Борац победи со 87-79. Немам ништо против историјата да се повтори“, порача тренерот на чачански Борац.

The post МЗТ утре го игра клучниот меч за опстанок во АБА лигата appeared first on Република.

The post Нов пораз: МЗТ оди кон АБА 2 appeared first on Република.

Македонскиот кошаркарски шампион МЗТ Скопје Аеродром вечерва на домашен терен забележа значајна победа над фаворитот Цедевита Олимпија.

Аеродромци во најголем дел од натпреварот беа подобар противник и имаа водство кое на моменти беше двоцифрено за конечни 79:74.

Засилувањето Кеандре Кук со 26 поени имаше одлично деби пред домашните симпатизери. Војдан Стојановски со 18, Мајк Кефи со 14 и Абдул-Малик Абу со 10 беа играчите со двоцифрен ефект.

Ова е трета победа за МЗТ Скопје по 18 одиграни натпревари во регионалната АБА-лига. Тимот од Аеродром и натаму е последен на табелата, но оваа победа може да биде поттик дека може да се избори

The post Изненадување: МЗТ ја победи Цедевита Олипмија appeared first on Република.

 Основното јавно обвинителство Битола поведе постапка против две лица осомничени за кривично дело Напад врз службено лице при вршење работи на безбедноста, а за едното од нив е предложен притвор.

-Двајцата битолчани, на 22 мај, на паркингот пред Спортската сала „Боро Чурлевски“, физички нападнале тројца полициски службеници кои вршеле работи на јавната безбедност – обезбедување спортски натпревар. Осомничените се затрчале кон навивачите на кошаркарскиот клуб МЗТ – Скопје кои влегувале во салата со полициска придружба и не ја послушале усната наредба од полициските службеници да застанат, информира државното Јавно обвинителство.

Првоосомничениот со тупаници ги удирал оштетените полициски службеници, нанесувајќи им телесни повреди. Вториот осомничен, пак, ги влечел при што му ја искинал службената униформа на еден од полицајците.

The post Битолчани сакале да тепаат навивачи на МЗТ пред сала appeared first on Република.

МЗТ Скопје Аеродром попладнево ја совлада Војводина со 83:75 и со две победи и еден пораз ги завршува настапите во „балонот“ во Бања Лука.

Аеродромци клучната разлика ја направија со подобра игра во втората и третата четвртина (30:21 и 20:13).

Најефикасни во таборот на македонскиот состав беа Роберт Рикиќ со 18 и Немања Милошевиќ и Војдан Стојановски со по 15 поени.

МЗТ Скопје Аеродром по 10 одиграни натпревари има осум победи и два порази и се наоѓа во горниот дел на табелата. На врвот е Борец Бања Лука со осум победи и еден пораз и натпревар помалку.

Вториот македонски претставник во регионалното кошаркарско натпреварување, тимот на Пелистер со скор две победи и осум порази нема шанси за пласман во првите осум кои ќе играат во плејофот.

The post МЗТ Скопје дојде до осмата победа во АБА 2 лигата appeared first on Република.