Комисијата за натпревари во рамки на Фудбалската федерација на Македонија попладнево донесе одлука за одложување на натпреварите од 17. коло во Првата македонска фудбалска лига.

Според распоредот натпревари требаше да се одиграат утре, 1 декември (недела) со почеток во 13 часот.

Одлуката е донесена согласно препораките на Министерството за Внатрешни работи поради неодамнешните случувања и настани и спречување на било каков вид на насилство и недолично однесување на спортските натпревари, соопшти ФФМ.

Комисијата за натпревари ги презакажа одложените натпревари за 3 декември (вторник) со почеток во 13 часот.

The post По препорака од МВР, одложени натпреварите од 17. коло во Првата фудбалска лига appeared first on Република.

Во врска со извршено кривично дело "Предизвикување омраза, раздор или нетрпеливост врз национална, расна, верска и друга дискриминаторска основа" по чл.319 од КЗ, по повод организираната прослава на албанското знаме на плоштад Скендербег во Скопје, при што по завршување на прославата од страна на повеќе лица на неколку локации на бул. "Крсте Мисирков", извршено е  палење и кинење на државното знаме на РСМ, од  страна на полициски службеници од ЕВР Центар и Бит Пазар,  заедно со ЕИП, во врска со настаните лишени се од слобода осум лица.
Од страна на Единицата за насилен криминал -  Одделение за насилен криминал преземени се оперативни мерки и активности, како и прегледи на видео снимки од безбедносни камери и видеа објавени на социјални мрежи, при што е обезбеден доказен материјал и документирани се дејствијата на лицата Ф.И., Е.Д. и С. М..
Во координација со ОЈО Скопје против нив е поднесена кривична пријава по брза постапка за кривично дело "Предизвикување омраза, раздор или нетрпеливост врз национална, расна, верска и друга дискриминаторска основа" по чл.319 од КЗ и се изнесени пред Судија за претходна постапка, од чија страна на истите им е одредена мерка притвор во траење од осум дена.

The post Одредена мерка притвор за тројцата учесници во инцидентите во Скопје, кои беа обвинети за предизвикување омраза и раздор appeared first on Република.

СВР Битола до основното јавно Обвинителство Битола поднесе кривична пријава против Ф.И.(40)од Прилеп вработен како полицаец во КПУ Затвор Прилеп, поради постоење основано сомениение дека на 29.11.2024 година околу 18.00 часот, во угостителски објект на улицата “Широк Сокак" во Битола, со закана со огнено оружје упатил сериозни вербални закани по живот кон полициски службеници што пак преземале службени дејствија. Имено полициските службеници во тој момент постапувале по основ на член 215 од КЗ на РСМ лишувајќи го од слобода лицето Т.Ж.(27) од Битола, бидејќи при преглед кај истиот била пронајдена марихуана и прашкаста материја. Двете лица се лишени од слобода , а за Ф.И е поднесена кривична пријава за „Напад на службено лице при вршење работи на безбедноста“, предвидено и казниво по чл.383 од КЗ на РСМ.

The post Полицаец во КПУ Затвор Прилеп заработи кривична пријава, со закана со огнено оружје упатил сериозни вербални закани по живот кон полициски службеници appeared first on Република.

ОВР Струга поднесе кривична пријава против С.И.(48) од струшкото село Радолишта, поради постоење основи на сомнение за сторени кривични дела „загадување на животна средина и природа“ и „узурпација на недвижности“. Тој, на парцела на крајбрежниот езерски појас во државна сопственост, прогласена за споменик на природата, која претходно ја узурпирал, повеќе пати во текот на оваа година, со работна машина -багер извршил ископ на земја а потоа, истурање на земјата во водите на Охридското езеро. Пријавениот, истурил земја и извршил порамнување и на друга катарстарска парцела во крајезерскиот појас, во сопственост на друго лице со што извршил загадување на животната средина и негативно влијание врз квалитетот на водата и био-диверзитетот во Охридското Езеро.

The post Кривична пријава за стружанец за загадување на животна средина и природа и узурпација на недвижности appeared first on Република.

На 29.11.2024 година во 21.10 час во ОВР Кавадарци Д.П.(49) од Кавадарци, пријавила дека на улица „Никола Минчев“ во Кавадарци била нападната од неколку кучиња, при што била соборена на земја и касната, а од случајни минаувачи кучињата биле избркани.

The post Кавадарчанка искасана од улични кучиња appeared first on Република.

На 28/29.11.2024 година, полициските службеници од Полициската станица за граничен надзор „Охридско езеро“, во водите на Охридското езеро, во соработка со Државниот инспекторат за земјоделие, извршија повеќе контролни патролни активности по Законот за рибарство и аквакултура.

Притоа, на потегот од градското пристаниште во Охрид, до струшкото село Радожда,  пронајдоа и одзедоа 12 рибарски мрежи во должина од 150 метри, 64 парчиња уловена разновидна риба и друг риболовен алат и прибор.

The post Во Охрид одземени 12 рибарски мрежи, 64 парчиња уловена риба и друг риболовен алат и прибор appeared first on Република.

На 29.11.2024 во 18.45 часот полициски службеници од Отсекот за недозволена трговија со дрога и оружје при СВР Велес ги лишиле од слобода Д.С.(43) и Р.С(33), двајцата од Велес. При претрес во домот на С.Т.(49) од Велес, извршен од страна на полициски службеници од Отсекот за недозволена трговија со дрога и Отсекот за општ криминалитет при СВР Велес, по претходно издадена наредба од Основен суд Велес, во присуство и на адвокат, каде биле затекнати и Д.С. и Р.С., биле пронајдени и одземени еден килограм кокаин, бела тврда материја, течност со остатоци од бела прашкаста материја, гасен пиштол “зораки”, вага и прибор за приготвување на наркотични дроги и други предмети. Д.С. и Р.С. биле задржани во полициска станица, известен бил јавен обвинител и по насоки на јавен обвинител на лице место се обезбедува С.Т., поради здравствени причини. Извршено е вештачење во Одделот за форензички испитувања и против С.Т., Д.С. и Р.С. поднесена е кривична пријава по брза постапка за ,,Неовластено производство и пуштање во промет на наркотични дроги, психотропни супстанции и прекурсори”," предвидено по член 215 од КЗ.

The post Претрес во Велес, пронајден еден килограм чист кокаин appeared first on Република.

На 29.11.2024 година во 12.40 часот во ПС Аеродром Н.П.(43) од Тетово пријавил дека претходниот ден (28.11.) околу 12.45 часот на подрачјето на општина Аеродром, неговата малолетна ќерка која што била во друштво со двајца другари била пресретната од 16 годишен малолетник нејзин соученик, кој замавнувајќи со остар предмет упатувал закани по живот кон неа и кон друг малолетник од истото училиште.

Воедно на 29.11.2024 година во СВР Скопје, Е.А.(48) од Скопје пријавил дека на 28.11. во 13.00 часот на подрачјето на општина Аеродром, 16 годишен малолетник го пресретнал неговиот син и замавнувал кон него со остар предмет, а потоа  неговиот син физички го нападнал истиот. Според пријавителот претходно и преку социјална мрежа малолетникот упатувал закани по живот кон неговиот син. За настанот бил запознаен јавен обвинител, и се преземаат мерки за расчистување на случајот.

The post Малолетник од Аеродром со остар предмет се заканувал на соученици appeared first on Република.

Полиција вечерва фатила еден од разбојницте пред продавницата на Нептун додека другиот во близина и тој бил приведен.

Полициски службеници од Единицата за интервентна полиција при СВР Скопје вечерва лишија од слобода две лица кои малку пред тоа извршиле разбојништво во продажен објект во градскиот парк во Скопје. Веднаш по добиената пријава, преземени се соодветни мерки и активности и сторителите се лишени од слобода и во содејство со ОЈО ќе биде поднесена соодветна пријава“, велат од МВР.

https://republika.mk/vesti/crna-hronika/vooruzhen-grabezh-vo-neptun-vo-gradski-park-ako-viknete-politsija-site-ke-ve-ubieme/

The post Фатени разбојниците кои вршеа грабеж во „Нептун“ appeared first on Република.

Демократската унија за интеграција бара итна оставка на Министерот за внатрешни работи поради неоправданата и безпреседан полициска интервенција за време на синоќешните прослави на Денот на албанското знаме.

Како што велат од ДУИ, таа интервенција не само што ги попречила мирните и традиционални манифестации на Албанците, туку предизвикала непотребни тензии и инциденти кои ја нарушиле меѓуетничката хармонија во земјата.

Дополнително, денес сме сведоци на селективен и пристрасен пристап од страна на органите на редот. Додека граѓаните албанци кои го запалија државното знаме се приведени и казнети, оние кои го запалија албанското знаме остануваат неказнети. Овој дискриминаторски и неправеден пристап е неприфатлив и ја поткопува довербата на граѓаните во државните институции, дополнително продлабочувајќи ги поделбите и тензите во општеството.

Министерот за внатрешни работи не успеа да обезбеди праведен и професионален пристап кон овие инциденти, покажувајќи неспособност и недостаток на одговорност за справување со меѓуетничките ситуации со потребната внимателност. Поради ова, бараме неговата итна оставка.

Демократската унија за интеграција останува посветена на заштитата на правата и достоинството на Албанците, како и на зачувувањето на соживотот и стабилноста во Република Македонија. Нема да толерираме институциите на државата да се користат за дискриминаторски политики кои ги нарушуваат правата на граѓаните и меѓуетничкиот соживот“, се вели во соопштението на ДУИ.

The post ДУИ бара итна оставка на Министерот за внатрешни работи зашто полицијата реагирала за сквернавењето македонски знамиња appeared first on Република.

На 27.11.2024 во 14.45 часот во СВР Скопје било пријавено дека во Ургентен центар при Комплексот клиники „Мајка Тереза“ во Скопје била донесена В.К.(63) од Скопје, која претходно околу 13.00 часот се здобила со тешка телесна повреда додека извршувала работни задачи во Клиниката за гинекологија при истиот комплекс.

За настанот бил известен трудов инспектор. Излезено било на местото на настанот од полициски службеници од СВР Скопје

The post Тешко повредена вработена на Гинекологија, известен и трудов инспектор appeared first on Република.

The post Јанев: 55 години хеликоптерска единица на МВР, спремни за одговор на секој професионален и хуманитарен предизвик appeared first on Република.

„Во саботата во 17.10 часот во СВР Скопје, било пријавено дека во филијала за брзи кредити на подрачјето на Бит-пазар, едно машко лице со закана со огнено оружје се обиделo да одземе пари од вработената, но во намерата бил спречен од странка во објектот, по што лицето го напуштило местото на настанот“, информираат од МВР.

The post Ограбена филијала за брзи кредити на Бит пазар appeared first on Република.

Врз основа на член 22 став 1 точка 1 од Законот за работните односи („Службен весник на РМ“ бр.62/05, 106/08, 161/08, 114/09, 130/09, 50/10, 52/10, 124/10, 47/11, 11/12, 39/12, 13/13, 25/13, 170/13, 187/13, 113/14, 20/15, 33/15, 72/15, 129/15, 27/16, 120/18 и „Службен весник на РСМ“ бр. 110/19, 267/20, 151/21, 288/21 и 111/23), Министерството за внатрешни работи, објавува:

Ј А В Е Н   О Г Л А С

За прием на 39 извршители за работа во Министерството за внатрешни работи на неопределено време и тоа за следните работни места:

1. Автомеханичар во Одделение за возен парк, возила и механичарски работилници во Сектор за работи од општа надлежност во Оддел за општи и заеднички работи – 4 извршители со завршено ВКВ или средно образование во областа без работно искуство;
2. Автоелектричар во Одделение за возен парк, возила и механичарски работилници во Сектор за работи од општа надлежност во Оддел за општи и заеднички работи – 2 извршители со завршено ВКВ или средно образование во областа без работно искуство;
3. Автобравар во Одделение за возен парк, возила и механичарски работилници во Сектор за работи од општа надлежност во Оддел за општи и заеднички работи – 1 извршител со завршено ВКВ или средно образование во областа без работно искуство;
4. Автолакер во Одделение за возен парк, возила и механичарски работилници во Сектор за работи од општа надлежност во Оддел за општи и заеднички работи – 1 извршител со завршено ВКВ или средно образование во областа без работно искуство;
5. Дреар – бравар во Одделение за возен парк, возила и механичарски работилници во Сектор за работи од општа надлежност во Оддел за општи и заеднички работи – 1 извршител со завршено ВКВ или средно образование во областа без работно искуство;
6. Перач – подмачкувач во Одделение за возен парк, возила и механичарски работилници во Сектор за работи од општа надлежност во Оддел за општи и заеднички работи – 3 извршители со завршено основно или средно образование без работно искуство;
7. Офсет машинист во Одделение за административни и заеднички работи во Сектор за работи од општа надлежност во Оддел за општи и заеднички работи – 1 извршител со завршено средно – ВКВ или средно образование во областа без работно искуство;
8. Ракувач со фотокопир во Одделение за административни и заеднички работи во Сектор за работи од општа надлежност во Оддел за општи и заеднички работи – 1 извршител со завршено ВКВ или средно образование во областа без работно искуство;
9. Општ работник во Одделение за административни и заеднички работи во Сектор за работи од општа надлежност во Оддел за општи и заеднички работи – 4 извршители со завршено основно или средно образование без работно искуство;
10. Келнер во Одделение за административни и заеднички работи во Сектор за работи од општа надлежност во Оддел за општи и заеднички работи – 2 извршители со завршено средно образование во областа без работно искуство;
11. Главен готвач во Објект Охрид – 1 извршител со завршено ВКВ или средно образование во областа без работно искуство;
12. Готвач во Објект Охрид – 1 извршител со завршено средно образование во областа без работно искуство;
13. Келнер во Објект Охрид – 2 извршители со завршено средно образование во областа без работно искуство;
14. Садоперка во Објект Охрид – 1 извршител со завршено основно или средно образование без работно искуство;
15. Хаус мајстор во Објект Охрид – 1 извршител со завршено ВКВ или средно образование во областа без работно искуство;
16. Готвач во Објект Крани – 1 извршител со завршено средно образование во областа без работно искуство;
17. Келнер во Објект Крани – 1 извршител со завршено средно образование во областа без работно искуство;
18. Собарица – хигиеничар во Објект Пониква – 2 извршители со завршено основно или средно образование без работно искуство;
19. Столар – водоинсталатер во Центар за обука – 1 извршител со КВ или средно образование во областа без работно искуство;
20. Одржувач на парно греење во Центар за обука – 1 извршител со ВКВ или средно образование во областа со положен ATX испит за работа со парни котли под висок притисок без работно искуство;
21. Општ работник во Одделение за општи служби и логистика во Сектор за внатрешни работи Скопје во Биро за јавна безбедност – 2 извршители со завршено средно образование без работно искуство;
22. Хаус мајстор во Одделение за општи служби и логистика во Сектор за внатрешни работи Скопје во Биро за јавна безбедност – 1 извршител со завршено средно образование без работно искуство;
23. Хаус мајстор во Одделение за заеднички работи во Сектор за внатрешни работи Битола во Биро за јавна безбедност – 1 извршител со завршено средно образование без работно искуство;
24. Хаус мајстор во Одделение за заеднички работи во Сектор за внатрешни работи Велес во Биро за јавна безбедност – 1 извршител со завршено средно образование без работно искуство;
25. Хаус мајстор во Одделение за заеднички работи во Сектор за внатрешни работи Охрид во Биро за јавна безбедност – 1 извршител со завршено средно образование без работно искуство;
26. Хаус мајстор во Одделение за заеднички работи во Сектор за внатрешни работи Штип во Биро за јавна безбедност – 1 извршител со завршено средно образование без работно искуство;

- дневно работно време се утврдува со почеток на работното време од 08:00 часот и завршеток на истото до 16:00 часот, со вкупно времетраење на работниот ден од осум часа;
- неделно работно време 40 работни часа (од понеделник до петок);
- правото на пауза во текот на дневното работно време се користи од 12:00 часот до 12:30 часот во вкупно времетраење од 30 минути и
- основната нето плата за работните места под реден број ¬¬3, 4, 5, 6, 7, 8, 9, 10, 13, 14, 15, 17, 18, 21, 22, 23, 24, 25 и 26 изнесува 23.245,00 денари, за работните места под реден број 1, 2, 12, 16, 19 и 20 изнесува 23.800,00 денари, додека пак за работното место под реден број 11 изнесува 24.651,00 денари.

1. Заинтересираните кандидати треба да ги достават следните докази за исполнување на потребните услови за работното место, во оригинал или копија заверена на нотар:
- диплома за завршено образование;
- извод од матична книга на родените;
- сертификати и дипломи за завршени стручни курсеви и обуки и
- кратка биографија и мотивациско писмо.

2. Доколку кандидатот има претходно работно искуство или работен стаж кон пријавата може да приложи и:
- извод од историјатот на вработувањата, издаден од Агенцијата за вработување;
- препораки од претходните работни места кои содржат податоци од лицето кое го препорачува;
- потврди за посетувани обуки, стручни сертификати од други стручни квалификации и
- други документи од интерес.

3. Пријавата со потребната документација е потребно да се поднесе во едно од определените места за пријавување, и тоа:
- Сектор за внатрешни работи Скопје:
- Полициска станица од општа надлежност – Гази Баба,
- Полициска станица од општа надлежност – Бит Пазар и
- Полициска станица од општа надлежност – Карпош.
- Сектор за внатрешни работи Битола;
- Сектор за внатрешни работи Велес;
- Сектор за внатрешни работи Куманово;
- Сектор за внатрешни работи Тетово;
- Сектор за внатрешни работи Охрид;
- Сектор за внатрешни работи Струмица,
- Сектор за внатрешни работи Штип.

При поднесување на пријавата лицето го наведува бројот на работно место за кое се пријавува (со наведување на точката од 1 до 26).
Потребната документација од точка 1, кандидатите ја доставуваат секој работен ден во определениот рок, во текот на работното време (08:00 – 16:00 часот).
Заинтересираните кандидати потребната документација заедно со пријавата можат да ја поднесат и по пошта на адреса: ул.„Димче Мирчев“ бр.9, 1000 Скопје со назнака „за оглас за прием на 39 извршители“.

4. Документот за докажување на државјанството на кандидатот го обезбедува Министерството за внатрешни работи по службена должност.

5. Кандидатите не се должни да достават доказ за здравствена способност, односно Министерството за внатрешни работи при склучување на договорот за вработување ќе одлучи дали кандидатот ќе биде упатен, на товар на Министерството, пред Здравствената Комисија на Министерството за внатрешни работи заради утврдување на општата здравствена способност потребна за работното место.

6. Рокот за доставување на пријавите изнесува 7 (седум) дена, сметано од наредниот ден од денот на објавување на јавниот оглас (не сметајќи го денот на самото објавување).

Кандидатите се охрабруваат да ја посетат web страната на Министерството за внатрешни работи www.mvr.gov.mk, каде и ќе биде објавен јавниот оглас и од каде можат да ја преземат пријавата за вработување или истата може да ја подигнат на едно од определените места за достава на документација.

Изборот ќе се изврши во зависност од пријавените кандидати и тоа доколку се пријавиле до 200 кандидати за едно работно место изборот ќе се изврши во рок од 45 дена, од 201 до 500 кандидати за едно работно место изборот се врши во рок од 90 дена и над 500 кандидати за едно работно место изборот се врши во рок од 120 дена, по истекот на рокот на пријавувањето.

7. Ненавремената, непотполната и несоодветната документација нема да се разгледува.

The post МВР објави голем оглас, ова се професиите што се бараат appeared first on Република.

Основното јавно обвинителство Тетово донесе Наредба за спроведување истражна постапка против едно лице за кривично дело- Неовластено изработување, држење, посредување и тргување со оружје или експлозивни материи од член 396 став 5 од Кривичниот законик.

Осомничениот, 51-годишник од Непроштено, вработен како виш оперативен работник во МВР, во домот и во уште една куќа во негова сопственост неовластено чувал огнено оружје, муниција и експлозивни материи кои на граѓаните им се забранети.

При претрес врз основа на судска наредба, полицијата пронашла ловна пушка (карабин), 14 парчиња муниција за карабин, дробилка, два оптички нишани, поголема количина на куршуми, чаури и проектили од куршуми од разни калибри, една кеса со барут, една шок бомба, една воздушка пушка „гамо“ со вградена оптика, пиштол „глок“ калибар 9 мм, две рамки со по 10 куршуми и други предмети за кои немал дозвола за поседување.

Основното јавно обвинителство Тетово до надлежниот суд поднесе предлог за определување мерка притвор за осомничениот.

The post Вработен во МВР чувал нелегално оружје и муниција appeared first on Република.

Денеска (14.11.2024) од страна на СВР Струмица – ОВР Гевгелија до ОЈО Гевгелија поднесена е кривична пријава против Р.П., поранешен директор на ЈП “Комунална чистота”- Богданци.

Пријавата е поднесена затоа што во временскиот период од 01.01.2019 до 31.12.2022 во својство на службено лице, односно вработен како директор во јавното претпријатие, со неизвршување на своите службени обврски, сторил повреда на повеќе одредби од подзаконски акти и договори, односно пропуштил да бидат наплатени долгови по основ на извршени услуги од ЈП “Комунална чистота“ Богданци, направени од страна на физички и правни лица од општина Богданци, не водел сметка сите побарувања од корисниците да бидат соодветно обезбедени преку судска или друга соодветна постапка пред истите да застарат, поради што било пропуштено да биде наплатен долгот од корисниците на услугите, при што била причинета вкупна материјална штета во висина од околу 360.000 денари на ЈП “Комунална чистота“ Богданци.

Со тоа, пријавениот сторил кривично дело “Злоупотреба на службената положба и овластување“ предвидено и казниво според член 353 став 3 во врска со став 1 од КЗ.

The post Кривична пријава за поранешен директор на Комунална чистота appeared first on Република.

Министерот за внатрешни работи Панче Тошковски, на платформата „100% посветени за тебе на тема: Фокус на правдата, безбедноста и одбраната“ денеска во Владата, рече дека во овој краток временски период додека е министер, докажале дека предмети кои се од висок интерес ќе бидат процесуирани соодветно во рамки на законско утврдена постапка и оти конечно криминалците ќе бидат таму каде што им е местото.

Тошковски говореше за преземените сеопфатни акции од страна на МВР во изминатиот период, под раководство на Обвинителството за борба против организиран криминал и висока корупција.

Една од позитивните работи што морам да ги истакнам во рамки на МВР, е дека се уште има луѓе кои си ја сакаат Македонија и луѓе кои се професионалци и сакаат да работат за интересите на државата. И тоа е она што треба да биде позитивен сигнал и за македонските граѓани, односно со професионална, чесна и посветена работа. Докажавме дека и во овој краток временски период предмети кои се од висок интерес ќе бидат процесуирани соодветно во рамки на законско утврдена постапка, и конечно криминалците ќе бидат таму каде што им е местото, а институциите ќе се ослободат од луѓето кои не и мислат добро на оваа држава и кои ја злоупотребувале оваа држава за свој личен интерес, нагласи Тошковски.

Министерот посочи дека кога дошол на функција, затекнал, како што кажа, катастрофа во работењето на Министерството, пред се од аспект на работењето на Министерството.

Она што го затекнав беше катастрофа од многу аспекти, од функционалноста на работењето на Министерството, состојбите во коишто се наоѓавме како Министерство, и кога ќе начекате таква круцијална институција во таква состојба каква што ја начекав јас, тешко е да дојдете до вистински резултати што треба да резултираат со борба прортив висоиката корупција и организираниот криминал... Но за среќа, мислам дека тоа е и на очиглед на јавноста, покажавме дека дури и за овој краток временски период и со овие ресурси со кои располагаме, покажавме дека можеме да видиме еден одлично сработен предмет каде што еден врховен судија и еден член на Совет на јавни обвинители повеќе не се дел од еден рекетарски систем којшто институционално си го граделе многу години наназад, и со правосилна пресуда, повеќе не се дел од институциите и нема да ги рекетираат македонските граѓани во иднина, посочи Тошковски.

https://youtu.be/TPvm69H0GxQ?si=pPZJoVRZCZp9ryFe

The post Среќен сум што во МВР сè уште има луѓе кои си ја сакаат Македонија, вели министерот appeared first on Република.

Заменик министерот за внатрешни работи, Астрит Исени денеска во МВР ги прими директорот на Генералниот директорат на безбедносните сили (ГИБС) на Чешка, Хендрих Вит придружуван од заменик директорот на ГИБС, Петар Хвистек и полковник Андреа Шторхова, кои се во дводневна работна посета на македонското МВР, односно на Одделот за внатрешна контрола, криминалистички истраги и професионални стандарди при МВР на РСМ.

На средбата заменик министерот Исени, поздравувајќи ги гостите од Чешка, ја потенцираше досегашната извонредна билатерална соработка меѓу полициите на двете земји оценувајќи ја како партнерска и крајно конструктивна, особено во делот на поддршката на нашите напори за исполнување на бараните европски стандарди и критериуми во насока на целосно интегрирање на земјата во ЕУ. Воедно, токму соработката меѓу специфичните организациони единици за внатрешна контрола на двете полиции беше потенцирана како еден од многуте конкретни и практични примери за успешното меѓусебно разбирање и партнерство во остварување на заедничките интереси.

Инаку, ГИБС е институција која врши контрола над работата на полициски службеници, припадници на затворска полиција, судска полиција и царинска управа на Чешка, и деновиве заедно со домаќините - нашите припадници на Одделот за внатрешна контрола, криминалистички истраги и професионални стандарди, имаа плодни работни средби во кои што, меѓу другото, фокусот беше ставен на развивање и продлабочување на соработката меѓу двете служби на полето на остварување на внатрешна контрола на работниците и сузбивање на криминалот во редовите на полицијата.

The post Заменик министерот во МВР на средба со претставници на чешката служба за внатрешна контрола appeared first on Република.

Огромно признание за македонската полиција која рамо до рамо со полициите од преку 116 земји низ светот, успешно, професионално и посветено преземаа мерки во рамки на операцијата LIBERTERRA II на ИНТЕРПОЛ, која беше промовирана во текот на Генералното собрание во Глазгов, Обединетото Кралство, соопштија денеска од Министерството за внатрешни работи.

На почетокот на октомври 2024 година, МВР беше домаќин на Европскиот оперативен штаб, воспоставен во рамки на меѓународната операција LIBERTERRA II, координирана од страна на ИНТЕРПОЛ, со учество на 116 држави од светот.

Глобалната операција беше насочена кон идентификување, откривање и сузбивање на криминалните групи кои се инволвирани во криумчарење мигранти, трговија со луѓе и други поврзани криминални активности.

Во текот на оперативните активности на LIBERTERRA II, покрај присуство на државите од Европскиот регион, од особено значење беше и присуството на обвинители од регионот, со цел координирање на заедничките оперативни случаи на трговија со луѓе и илегална миграција. Преку координиран пристап на сите релевантни служби на национално ниво пред се, а потоа и на регионално и меѓународно ниво, оваа операција забележа значителни успеси и доведе до реализација на зацртаните цели, велат од МВР.

Во рамки на сите фази, пред-оперативната, оперативната и пост-оперативната фаза, спроведени биле акциски контроли и извршени детални проверки на лица, возила и документи, како и HOTSPOT операција со присуство на претставници од Генералниот Секретаријат на ИНТЕРПОЛ во прифатните центри за илегални мигранти.

Откриени се значителен број на мигранти, најмногу со потекло од Сирија, Палестина и Египет, а за одбележување се успешно реализираните случаи на криумчарење мигранти и трговија со луѓе, меѓу кои се вбројуваат разбивањето на една од позначајните мрежи за криумчарење мигранти во државата, полициска операција под кодно име „Кипер“, при што од слобода беа лишени седум осомничени лица, членови на организирана криминална група за криумчарење мигранти од Сирија, Конго, Ирак, Нигерија, преку територијата на Македонија во Србија, како полициската операција „Шипка”, при што разбиена е организирана криминална група за посредување во вршење проституција и илегална трговија со дрога, при што беа лишени 13 лица, а откриени 35 странски државјанки од Украина, Русија, Србија, Молдавија, Албанија, Колумбија и Македонија, соопштува МВР.

Потенцираат дека во нашиот регион, сè уште се активни предизвиците поврзани со мигрантската криза, а криумчарењето мигранти останува еден од најатрактивните криминални пазари.

И покрај фактот што обидите за илегално транзитирање низ нашата држава се со намален тренд, транзитната западно балканска рута и понатаму останува активна, чија флексибилност се користи од криумчарите за креирање нови модуси, со употреба на софистицирани технолошки средства. Меѓународната соработка и учеството на нашата држава во оперативните активности координирани од страна на ИНТЕРПОЛ говори за нашата целосна посветеност за соработка, спроведување меѓународни истраги, како и развивање на механизми за брза размена на информации. Нашите секојдневни заложби за позиционирање на македонската полиција во релевантен фактор во борбата против меѓународниот криминал се видливи и препознаени од страна на нашите партнери, велат од МВР.

The post Признание од ИНТЕРПОЛ за македонската полиција за учество во глобалната акција LIBERTERRA II appeared first on Република.

СДСМ се неконструктивна опозиција затоа што се обидува да ги излаже граѓаnите, бидејќи статистиките покажуваат пад во криминалитетот во однос на убиствата и на разбојништвата за 2024 година во споредба со 2023 година кога министер за внатрешни работи беше Оливер Спасовски, рече денеска министерот за внатрешни работи Панче Тошковски одговарајќи на пратеничко прашање за безбедносната состојба во државата поставено од пратеникот Оливер Спасовски од СДСМ.

Ваша работа е да барате оставка, доколку сметате дека некој не работи како што треба. Но, во 2023 година на територија на Македонија има 23 убиства, досега во 2024 година 16 убиства. Во 2024 година две нерасчистени, 2023 година пак две нерасчистени. Ниту еднаш во 2023 година за овие 23 убиства кои се случени, ниту еднаш, не излеговте да побарате оставка од почитуваниот Спасовски. Тука е лицемерието што јавно им го покажувате на македонските граѓани. На територија на град Скопје во текот на 2023 година имало околу 300 разбојништва, во 2024 година околу 150 досега или околу 35 отсто помалку од истиот период лани. Факт е дека бројките се намалени и дека за 320 разбојништва ниту еднаш не побаравте оставка од мојот претходник на позицијата, а од мене побаравте 300 пати – се обрати Тошковски до опозицијата.

Во врска со убиствата во Чаир и во Лептокарија, Тошковски рече дека сторителите се во притвор и дека МВР ја завршило својата работа.

Пратеникот Спасовски критикуваше дека откако ВМРО-ДПМНЕ е на власт, сериозно е нарушена безбедносна состојба во земјата.

Само во октомври, за неполн месец, имаше 5 инциденти со пукање, а над 25 вооружени инциденти се случија во изминатите 4 месеци. Пред три дена имаше пукање од автоматско оружје во Чаир, пред една недела, исто така имаше пукање на скопската обиколница, потоа пред две недели, имаше пукање во Чаир, каде што директно беше и помилуваниот наркобос, Барон, кој беше вмешан во тој инцидент. Сето ова е во октомври. Исто така, на почеток на октомври се пукаше во Чаир каде беше повредено 19-годишно момче, а се пукаше и во Арачиново, Батинци, Сингелиќ, на пластичарската улица. Имаше пукање и во Тетово, се случи и убиство кај Мавровка – рече Спасовски.

Тој го праша премиерот Христијсн Мицкоски, дали по сите овие вооружени инциденти, ќе побара одговорност од министерот за внатрешни работи Панче Тошковски, дали Тошковски ќе поднесе оставка или Мицкоски ќе поднесе предлог за разрешување на министерот.

Мицкоски како претседател на Владата излезе со став дека се подготвува сериозно нарушување на безбедносната состојба во земјата, некаде на есен, од страна на одредени групации и поединци за кои досега не добивме никаква конкретна информација. Доколку тоа е во истрага нема да се соопшти, но доволно е да се соопшти дека е отворена постапка против тие, затоа што не треба да чекаме да ни се случи дестабилизација на безбедносната состојба, па дури тогаш да реагираме – рече Спасовски.

The post Тошковски праша зошто не се барало оставка од Спасовски: Бројот на убиства е намален, а од мене побаравте 300 пати appeared first on Република.