Пред многубројната публика Националната установа „Музички ансамбл на Република Македонија“ – Тетово, на сцената на Центарот за култура во Тетово, го одржа свечениот концерт „ПОД НОЕМВРИСКИТЕ ЗВУЦИ“, со кој беа одбележани историските датуми на албанскиот народ.

Пред публиката настапи симфонискиот оркестар под диригентската палка на Агона Чупи и Претим Етеми, како и познатите солисти: Бесарта Муртазани, Џетмир Реџепи, Леотрим Зејнула, Дијана Малолари Пајазити и Бетим Шабани.

Исто така, како гости на овој концерт настапи и се претстави хорскиот октет „Илирикум“ – Тетово.

Во уметничкиот репертоар беа изведени маестрални дела на познати албански композитори како Ческ Задеја, Пренк Јакова, Лоренц Антони, Авни Мула и многу други.

Овој концерт се реализираше во чест на најголемите празници на албанскиот народ, 22 Ноември – Денот на албанската азбука и 28 Ноември – Ден на  албанското знаме.

Националната установа Музички ансамбл - Тетово останува посветен на збогатување на културната понуда за промоција и афирмацијата на посебностите на јазикот и писмото на Албанците, но и на идентитетскире посебности на сите заедници кои се нераскинлив дел од заедничкото јазично и културно богатство на Република Македонија, вели в.д. директорот Ардиан Исмаили.

Проектот беше поддржан од Министертвото за културa и туризам на Република Македонија.

The post Со богатa музичка програма НУ Музички Ансамбл – Тетово ги одбележа 22 Ноември и 28 Ноември appeared first on Република.

Владата на Македонија донесе Одлука со којашто на Националната установа Музички ансамбл во Република Македонија – Тетово, му се даваат на трајно користење, без надомест, простории кои се наоѓаат на улица „Тетово” б.б, Тетово, сопственост на Република Македонија.

Задолжение да се реши просторното сместување на Галерија Гостивар, формирана со одлука на Владата

Во врска со сместувањето на Н.У. Галерија Гостивар, формирана со одлука на Владата на Република Македонија, по насока на претседателот на Владата, задолжено е Министерството за култура да ја разгледа постојната документација, испратена од Н.У. Галерија Гостивар до Владата и да излезе со предлог решение во врска со нејзиното трајно сместување.

The post Музичкиот ансамбл Тетово добива простории за работа на трајно користење appeared first on Република.