Министерот за култура и туризам Зоран Љутков денеска ќе го посети музејскиот комплекс „Музеј на вода“ во Заливот на коските во Охрид.

Како што најавија од Министерството за култура и туризам, Љутков посетата ќе ја оствари заедно со градоначалникот Кирил Пецаков и в.д. директорот на Заводот за заштита на спомениците на културата и музеј – Охрид, Горан Патчев.

The post Министерот Љутков во посета на Музејот на вода во Охрид appeared first on Република.

Од први ноември годинава до први април 2023 година секој прв ден во месецот ќе биде бесплатен влезот во четири музеи и галерии во Охрид, објави Заводот за заштита на спомениците на културата и Музеј - Охрид.

Во интерес на домашната публика и желбата за поголема посетеност на музеите и галериите влезот ќе биде бесплатен секој прв ден во месецот, почнувајќи од 1 (први) ноември 2022 год. заклучно со 1(први) април 2023 год, се вели во објавата на Заводот.

Објекти за посета се: Музеј Куќата на Робевци, Самуилова тврдина, Музеј на вода - Градиште и Галерија на икони.

The post Бесплатен влез во четири музеи и галерии во Охрид секој прв ден во месецот од први ноември до први април 2023 година appeared first on Република.

В недела, на 22 мај, џез составот Next to Silence ќе одржи концерт на едно од најмагичните места на Охридското Езеро, а на кое се наоѓа археолошкиот локалитет Плоча-Миќов Град.

Концертот, кој се организира во соработка со Завод и музеј – Охрид и Центарот за истражување на предисторијата, ќе се изведе на реконструираната наколна населба во рамки на Музејот на вода кај Градиште. Добредојдени се сите што сакаат да слушнат и видат како звучи и изгледа овој спој на џез музика и предисторија во епскиот амбиент на Заливот на коските.

На овој настап Next to Silence ќе изведат авторски дела од нивниот албум, како и композиции од реномираната издавачка куќа ЕСМ коишто целосно се вклопуваат во природниот амбиент на заливот. Концертот ќе биде бесплатен, а за влез во Музејот на вода се наплаќа билет од 120 денари.

The post Концерт на Next to Silence во Музејот на вода appeared first on Република.