Претседателот на Големото национално собрание на Република Турција Мустафа Шентоп денеска ќе го посети Собранието на Македонија.

Собраниската прес-служба најавува дека Шентоп ќе има средба со претседателот на Собранието Талат Џафери.

The post Претседателот на турското собрание денеска во Скопје appeared first on Република.

Македонија и Турција продолжуваат да ги се развиваат односите на планот на економијата и како држави партнери во рамки на НАТО алијансата, констатирале на денешната средба во Скопје претседателот на Владата Димитар Ковачевски и претседателот на Големото национално собрание на Република Турција, Мустафа Шентоп. На состанокот, како што соопшти владината прес-служба, заеднички се потврдени традиционално добрите и пријателски односи помеѓу двете држави, коишто бележат унапредување, што го покажува растот на трговскиот обем во 2021-та година, како и тоа што турски компании се меѓу најголемите инвеститори во земјава.

Оценето е дека државава се грижи за сите граѓани подеднакво, дека Македонија е пример како граѓани од различни култури, вери и етнички заедници можат да живеат заедно во една држава, во хармонија и дека е тоа значаен придонес во мирот на Балканот, се наведува во соопштението.

Во таа насока, пренесено е дека Турција ја поддржува Македонија што поскоро да ги почне преговорите со ЕУ, со надеж дека тоа ќе се случи во најскоро време, бидејќи се смета дека евроинтеграциите на нашата држава се од големо значење за стабилноста на регионот, но и пошироко.

Премиерот Ковачевски се заблагодарил за искрената и континуирана поддршка од Турција во напредокот на Македонија од осамостојувањето на државата до денес.

Во однос прашањето со Бугарија, премиерот Ковачевски потенцирал дека решение е можно ако двете страни се посветени на достоинствени разговори базирани на европските вредности и во духот на меѓусебно почитување.

Во однос на ситуацијата во Украина, премиерот Ковачевски посочил дека нашата држава продолжува со политиките коишто се целосно на линија на ЕУ и на НАТО.

The post Ковачевски-Шентоп: Евроинтеграциите се значајни за стабилноста на регионот и пошироко appeared first on Република.