Палестинските страдања траат 75 години и не започнаа на 7 октомври, изјави денеска премиерот на палестинската управа Мухамед Штајех на хуманитарната конференција за Газа во Париз.

„Ние сме жртвата овде. Одбраната не значи окупација на туѓа земја. Она што го прави Израел не е војна против Хамас, туку војна против целиот палестински народ“, рече Штајех.

Тој го обвини Израел за „очигледно кршење на меѓународното право“ и додаде дека се вршат злосторства против палестинскиот народ.

Штајех додаде дека т.н. „блокада“ или целосната израелска опсада на Појасот Газа, создаде проблеми, вклучувајќи недостиг на храна и обиди за депортирање на жителите на Газа кои работат во Израел.

На конференцијата зборуваше и високиот комесар за човекови права на ОН, Фолкер Тирк, кој го критикуваше Израел за, како што рече, „незаконската присилна евакуација на цивили“.

Франција денеска е домаќин на голема меѓународна хуманитарна конференција за Газа, која претседателот Емануел Макрон ја повика да одговори на растечките потреби на опколената палестинска енклава, кои вклучуваат храна, вода, струја и гориво, како и медицински материјали.

На конференцијата учествуваат делегации од над 50 земји, меѓу кои неколку европски земји, САД и регионалните сили како Јордан, Египет и земјите од Персискиот залив, како и Обединетите нации и невладини организации.

The post Штајех: Палестинското страдање трае веќе 75 години, не започна на 7 октомври appeared first on Република.

Палестинскиот премиер Мухамед Штајех денеска оцени дека изјавата на израелскиот министер за финансии Бецелел Смотрич дека не постои палестински народ е доказ дека „расистичка идеологија“ владее со Израел.

Ултрадесничарот Смотрич изјави дека палестинскиот народ е „изум“ на 20 век и дека луѓето како него и неговите баба и дедо се „вистински Палестинци“, пренесоа израелските медиуми.

Коментирајќи ја изјавата на почетокот на владината седница во Рамала, Штајех рече дека „запаливите“ изјави на Смотрич ја покажуваат „екстремистичката, расистичката, ционистичката идеологија која ја води актуелната израелска влада“, пренесе Вафа, официјалната новинска агенција на палестинската управа.

Палестинскиот премиер тврди дека антиквитетите и историјата ја докажуваат поврзаноста меѓу палестинскиот народ и земјата „од почетокот на човечката историја“.

Палестинскиот народ „не е потресен од изјавите на фалсификаторите на историјата и нивните лажни тврдења“, рече Штајех.

- На Палестина ѝ го дадовме името и земјата, нејзината вредност и статус. Ова е наша земја, а Израел е колонијална држава основана од колонијалисти и доселеници, рече палестинскиот премиер.

https://republika.mk/vesti/svet/smotrich-palestintsi-ne-postojat/

На комеморацијата синоќа во Париз, Смотрич рече дека „не постои такво нешто како Палестинци бидејќи не постои такво нешто како палестински народ“, што беше поздравено со аплауз и извици од присутните.

Дали знаете кои се Палестинци? Јас сум Палестинец, рече Смотрич, лидерот на ултранационалистичката партија Религиозен ционизам, и ги спомна неговата баба, која е родена во градот Метула во северен Израел пред сто години и неговиот дедо, кој е жител на Ерусалим од 13-та генерација, тврдејќи дека тие се „вистински Палестинци“.

Тој зборуваше од говорницата на која имаше карта на „Големиот Израел“ - со територијата на Јордан и Западниот Брег, што е во согласност со аспирациите на некои рани тврдокорни ционистички групи.

Смотрич долго време дава запаливи изјави против Палестинците, арапските граѓани на Израел, неортодоксните Евреи и ЛГБТК заедницата, а еднаш се изјасни како „горд хомофоб“.

Во 2021 година, тој рече дека првиот премиер на Израел, Дејвид Бен-Гурион, требало да ја „заврши работата“ и да ги протера сите Арапи од Израел веднаш штом бил основан. Таа година, тој исто така рече дека заедниците на израелските Арапи се граѓани „барем засега“.

Неодамна, Смотрич привлече меѓународна осуда кога повика да се „избрише“ палестинската населба Хувара на окупираниот Западен Брег по нападот на Палестинец во кој беа убиени двајца Израелци, но подоцна се покаја за повикот.

The post Изјавата на израелскиот министер дека не постои палестински народ е доказ за расизам, оцени палестинскиот премиер appeared first on Република.