Со доделувањето на наградите и со концертот на Добрила и Дориан дуо во чест на наградените синоќа во Прилеп и официјално заврши 58. Македонски театарски фестивал „Војдан Чернодрински“.

„Го затвораме 58 Македонски театарски фестивал ‘Војдан Чернодрински’ – Прилеп. Ги собираме впечатоците, го собираме уморот, се обидуваме да го одржиме пламенот на креацијата и страста во создавањето нови промени“, рече Ана Стојаноска, уметнички директор на Фестивалот на затворањето на сцената во Центарот за култура „Марко Цепенков“.

Стојаноска со посебна благодарност до целата екипа која го реализираше осумдневниот Фестивал богат со настани: 11 претстави во официјалната и уште пет во придружната програма, со работилница, промоции, разговори за одиграните претстави, автор во фокусот, Театар за деца.

Наградените ги добија наградите со почит и посебно задоволство, нескриено изразувајќи ги емоциите. Добивајќи ја статуетката на патронот, Војдан Чернодрински, за најдобрата претстава „Црна дупка“, раководителот на струмичкиот театар, Драган Маџиров нагласи дека ансамблот добива награда по 45 години.

Наградата за најдобра претстава ја добиваме токму на 75 годишнината од постоењето на театарот. Тоа е посебно задоволство и пресреќни сме“, рече Маџиров.

Струмичкиот театар добио уште две награди, за најдобра машка улога за актерот Васил Михаил кој го толкува ликот на Силјан во претставата и за епизодна женска улога на Анкица Бенинова за улогата на Сања во претставата.

Горан Стефановски праќа уште подлабока порака од митот за Силјан штркот. Овде во овој живот да го побараме она што недостасува, а тоа е љубовта“, рече Васил Михаил.

Претставата „Иванов“ на МНТ се закити со седум награди, меѓу кои за најдобра режија за Зоја Бузалковска.

Ова ми е прва награда на Фестивалот и навистина сум посебно возбудена. Сметам дека наградата е за целиот тим, зашто на претставата работеше огромен тим“, рече Бузалковска.

За добитникот на наградата за епизодна машка улога, Ѓорѓи Јолевски во претставата „Иванов“ на МНТ, најбитно е улогата да се одигра посветено, од срце.

Многу е важно улогата што се игра во театар и улогата што се добила да се одработи чесно, со многу љубов и да има импакт кај публиката“, рече Јолевски.

Во чест на наградените, концерт одржаа Добрила и Дориан дуо со што официјално е завршен 58. Макеоднски театарски фестивал „Војдан Чернодрински“.

The post Да го одржиме пламенот на креацијата и страста во создавањето нови промени, порачаа на затворањето на 58. издание на МТФ „Војдан Чернодрински“ appeared first on Република.

Театарот е најжилава уметност. Имал свои подеми и падови, но секогаш успевал да се издигне, да се избори со лошите услови, со времињата, вакви или онакви, вели во разговор за „Република“ актерката Мими Таневска Србиновска.

Актерите Таневска Србиновска и Јордан Витанов се добитници на наградите за животно дело на 58. издание на Македонскиот театарски фестивал „Војдан Чернодински“ Прилел одлучи Собранието на фестивалот, кој завршува в петок, на 14 јуни.

Таневска Србиновска е реномирана театарска, филмска и телевизиска актерка и професорка по актерска игра на Факултетот за драмски уметности (ФДУ), која со својата посветена работа и професионален ангажман дава огромен придонес во развојот на македонската култура и образование речиси четири децении. Дипломирала на Факултетот за драмски уметности, Скопје во 1984 година, а магистрирала на Институтот за македонски јазик и литература-културолошки студии во 2010 година.

По дипломирањето од 1985 до 1999 година е редовно вработена во Македонскиот народен театар во Скопје, каде одиграла значајни улоги од светската и од домашната драматургија високо вреднувани од критиката во земјата, како и надвор од неа. Освен во својата матична куќа таа како актерка- гостин играла и во претстави во повеќе театри во Македонија. Со нејзините претстави учествувала на многу театарски фестивали во Македонија како и надвор од државата „Стеријино позорје“ во Нови Сад, МЕСС во Сараево, Меѓународниот фестивал во Елбасан – Албанија, Светскиот театарски фестивал во Богота – Колумбија, „Боршникова сречања“ во Словенија, Меѓународниот театарски фестивал во Корча –Албанија, МТФ „Војдан Чернодрински“– Прилеп, „Охридско лето“ – Охрид итн..

Во 2000 година се вработува на Факултетот за драмски уметности, Скопје и ја започнува својата наставна и педагошка дејност со студентите по актерска игра. Во 2013 е избрана за раководител на Катедрата по актерска игра и сенатор.

Од 2015 до 2019 година е избрана за продекан за настава на УКИМ, Факултет за драмски уметности, Скопје. Од декември 2019 до декември 2022 ја извршува функцијата на декан на Факултет за драмски уметности, Скопје.

Што значат наградите за еден актер, посебно оние што се доделуваат за животно дело? Оваа награда, како што рековте и на отворањето на Фестивалот, за вас е е посебно драга, бидејќи доаѓа од театарџиите?

Таневска: Наградите кога се добиваат, секако дека значат, но тие треба што поскоро да се тргнат на страна, да се ужива во нив неколку денови, а потоа да се изместите од зоната на конфорот и да тргнете понатаму. Оваа награда за животно дело ја примив навистина со огромно задоволство, пред сè, затоа што таа доаѓа од страна на моите колеги, мојата фела, бранша, или како што би рекол Горан Стефановски, од моите театарџии. Особено ми е драго што наградата ја добивам токму на 58. издание на Фестивалот, на кое автор во фокусот е Горан Стефановски, кој зазема еден голем и значаен дел во мојата актерска биографија. Мојата генерација актерски растеше со неговите драми. Тој беше нашиот патоказ. Ние растевме со неговите приказни. Неговите приказни ги препознававме како наши, напишани од нашиот Горан... Тој така едноставно ги кажуваше и најсложените работи, ги сублимираше, влегуваше во самата срж на нештата. На доделувањето имав потреба да и се заблагодарам и на публиката, која сиве овие изминати години беше секогаш со мене и секогаш имав впечаток дека не играв за публиката, туку со публиката, т.е заедно со неа. Од тоа заедништво и размена на емоции се случиле некои прекрасни мигови на сцената за кои секој актер живее и за кои вреди човек да се занимава со оваа професија, која е неделива од животот.

Вие сте и двократна добитничка на наградата „Војдан Чернодински“ за најдобра женска улога.

Таневска: Секогаш се радувам кога ќе дојдам во Прилеп. Ми буди убави спомени на некои убави процеси што сум ги имала, работејки на претставите како гостин во Прилепскиот театар. Особено ми е драго кога ќе дојдам на фестивалот„ Војдан Чернодрински“ на кој многу пати сум настапувала, сум добивала награди, сум била селектор, жири итн. Оваа година сум добитник на наградата за животно дело. Пријатно ми е во Прилеп, иако веќе сме во жолта кон портокалова фаза на жештина. Фестивалот, како и сцената во Прилеп ги доживувам како свои. Всушност, секоја сцена ја доживував како своја. Повторно ќе го цитирам Горан Стефановски, секогаш треба да го цитираме. Тој има кажано дека каде и да оди, во кој било театар низ светот, тој се чувствува како дома. Како свој меѓу своите. Во Македонија сум играла на повеќе сцени, матична куќа ми беше МНТ, како студент започнав во Драмски театар, играв и во самостојни проекти, играв и во Куманово, Прилеп, Битола...и секогаш кога сум на сцена, се чувствувам како да сум дома, како да сум со своја театарска фамилија. Своја меѓу своите.

[caption id="attachment_787488" align="alignnone" width="701"] Мими Таневска Србиновска: Јас би рекла театарот е најжилава уметност[/caption]

Ги имате поминато сите скалила, од детската радио драма, преку аматерскиот театар „Чекори“ , па дипломиравте на Факултетот за драмски уметности, бевте дел од ансамблот на МНТ, па професор по актерска игра, потоа и декан на ФДУ. Ретко кој актер може да се пофали со ваква кариера.

Таневска: Претпоставувам дека многу од актерите го поминале овој пат. Веројатно се раѓаме со љубовта кон актерството и театарот. Детска радио драма, аматерски друштва, драмски секции, некако ме привлекувало сето тоа. Актерството е порив, опсесија, зараза која не поминува. Еднаш штом стапнете на сцена, повеќе нема назад. Јас се запишав на Економски факултет, мислејќи дека ќе ми помине таа зараза, ама не поминуваше, туку траеше, живееше во мене. Тогаш сфатив дека актерството е зараза, но и лек во исто време, па се запишав на ФДУ. Ми се чини дека дури театарот да сака да се откаже од мене, јас никако да се ослободам од него. Тој е тука, секогаш бил и ќе биде тука негде длабоко во моето срце.Тој е во мене. Имав можност да играм и на филм и во телевизиски проекти, но јас дефинитивно сум театарски човек. Она што ме интересира е театарот и сцената и пред се процесот на работа, пробите. Премиерата е нешто сосема друго, но процесот на работа е нешто што мене ми причинува големо задоволство. За тој процес и со тој процес живеам. Актерството како професија е неделиво од животот. Просто е така. Затоа оваа професија е многу комплицирана и многу тешка. Бара цел човек. Во театар не може да бидете или да не бидете. Мора да бидете во вистинската смисла на зборот.Онаа прочуена хамлетовска реплика „Да се биде или не прашање е сега“, за актерите е прашање, но и одговор исто така.

Разговараме токму на денот посветен на Горан Стефановски, кој е автор во фокусот на 58. Издание на „Војдан Чернодрински“. Токму за улогата на Цвета во „Црна дупка“на Стефановски ја добивте „Стеријната награда“. Колку е важен и значаен влогот на Стефановски во македонскиот театар?

Таневска: Огромен и непроценлив и не само со своите генијални драми, туку и со своите размисли, би рекла, на ниво на филозофија. Во тие размислувања, во неговиот поглед на светот, тој беше далеку пред времето во кое живееше. Едноставно умееше со малку зборови да ја долови и да допре до суштината на нештата. Ги сублимираше работите. Влегуваше во сржта на нештата. Уште долго ќе го цитираме Горан Стефановски. Нашите претстави ќе бледеат со текот на времето, но неговите текстови ќе траат засекогаш. Инаку, режисер на претставата „Црна дупка“ беше Паоло Маџели со кого имав исклучителна соработка, а претставата беше во продукција на МНТ и тоа беше сјајна претстава со одлична актерска екипа. Процесот беше фантаситчен и драго ми е што „Стериината награда“ ја добив за улога во претстава работена по текст на Стефановски. Како и во сите негови драми, така и во „Црна дупка“ се беше едноставно кажано, но допрено до самата срж, како што само тој умееше.

Театарот е најживата уметност. Денес што му е потребно на македонскиот театар?

Таневска: Јас би рекла театарот е најжилава уметност. Театарот имал свои подеми и падови. Но, тој секогаш успевал да се издигне, да се избори со лошите услови, со времиња, вакви или онакви. Тој опстојува со векови. Мора да сфатиме дека ние сме минливи во театарот, а театарот е постојан и е над сите нас. Нашето постоење во театарот треба да се потрудиме што повеќе да го искористиме за негово унапредување. Играјќи сериозно, градејќи улоги, добри претстави. Театарот е жилава работа, не се дава. Ништо не може да го уништи и драго ми е поради тоа. Се зборува за некаков нов театар. Јас не знам кој е тој нов театар, Нема стар и нов театар, има само добар и лош театар. Што се однесува до новоста, единствено верувам во новите луѓе што ќе се бават со театар, новите идеи што ќе дојдат. Ние сме ја донеле нашата естетика, сега останува на младите генерации да понудат своја естетика да си ја пронајдат својата смила, да измислат свои правила и да го унапредуваат театарот постојано. А театарот треба да биде отворена врата за сите храбри, авангардни, креативни идеи. Отворена врата за секоја нова генерација на театарски создаватели, кои се должни да го надградуваат .Театарот е континуитет и мора постојано да се движи напред, не смее да има празен од. Театарот треба да биде доследен на својата цел:да ги отвора вистинските прашања, да коментира, да просветлува, да вознемирува, да возбудува, да открива, да го одбира и да оди по патот на вистината, да го покренува духот, да воспоставува систем на вистински вредности, да бранува, да раздвижува, да гради високи естетски критериуми, да провоцира, да го брани својот интегритет, да ги крши конвенциите...

„Промени се, промени се“, е мотото на годинашното издание на „Војдан Чернодрински“. Со оглед на вашата богата кариера и како актер и како професор, дали сметате дека сте го промениле театарот?

Таневска: Според критиката, според колегите, според публиката и наградите што сум ги добила, сметам дека како актерка преку своите улоги сум одела во насока на негово естетско унапредување. Еве, конечно и оваа награда ми говори дека сум одела во добра насока и дека сум била на вистинскиот пат. Како професор сметам дека образовниот процес е двонасочен т.е колку студентите учат од својот професор толку и професорот учи од нив. Учењето беше взаемно. Многу сум задоволна што низ таквиот образовен процес поминале пет генерации мои студенти. Од 2000 година до денес, од моите студенти излегле бројни актери кои успешно го водат репертоарот во македонските театри, играле значајни улоги во филмови од македонската и светската продукција, биле наградувани и високо вреднувани од публиката и критиката. На некои од нив сум многу горда. Покрај актерскиот занает секогаш се трудев да ги научам да имаат крајно професионално однесување во театарот, да имаат една крајна посветеност и одговорност кон својата професија и пред се да бидат добри луѓе, секогаш со добра мисла. Тоа е особено битно денес.

Вие лани се пензиониравте како професорка н ФДУ, но тоа не значи дека сте пензионирана актерка, можете уште да глумите. Колку е сцената во Македонија отворена за возрасните актери?

Таневска: Одамна немам настапувано во театар не заради тоа што не сакав, туку затоа што навистина беше невозможно. Професурата бара цел човек, актерството исто така и не можете да бидете на две места во исто време и двете работи да ги извршувате добро. Јас бев и продекан за настава четири години, а потоа и декан на ФДУ во еден мандат, така што, покрај редовните часови со студентите дополнително ми беа зголемени обврските кон ФДУ, и сето тоа да се организира дополнително со ангажман во театар беше навистина невозможно. Сега сум во пензија, но тоа како што и вие кажавте, не значи дека сум пензионирана актерка. Сметам дека за актерите не постои пензионирање. Актерите се актери до крајот на животот.

Може ли да се живее достоинствен живот во Македонија како актер? Се грижи ли оваа држава за своите великани?

Таневска: Сметам дека оваа држава треба повеќе да се грижи за културата воопшто т.е. за сите нејзини сегменти. Културата е нашиот репрезент и нашата препознатливост и видливост во светот, нашиот идентитет. И пак ќе го цитирам Горан Стефановски: „Идентитетот е приказна за тоа кои сме, зошто сме и што сакаме. За да можеме да преживееме во суровиот свет, оваа приказна мора да е точна....Погрешната приказна може скапо да не чини, да не одведе во заблуда, во ќорсокак, во смрт....Имаме насушна потреба да ја разбереме приказната за себе, да се огледаме, да се препознаеме, да се окуражиме...Но едно е јасно: ниедна култура не може да опсане без точна, снажна и автентична приказна! И не само тоа: Културата Е токму таа точна и снажна и автентична приказна.“

Што би им препорачале на денешните млади генерации, на вашите наследници?

Таневска: Да бидат свои, автентични, да донесат свој свет на сцената. Театарот бара оригиналност, автентичност, храброст. А од институциите очекувам широко да ги отворат вратите за младите и да им дадат шанса да покажат се што знаат и умеат. И да ги поддржат во тоа. Да знаат во животот ( актерската професија е неделива од животот) да се носат како со неуспехот така и со успехот . Особено треба да знаат како да се носат со успехот. Токму денешните млади генерации се тие што треба да донесат нови правила, нова енергија, нова естетика, да најдат нова смисла. Да бидат пред се личности со став и во секоја улога убедливи, поинакви, неповторливи.

Разговараше: Александра М. Бундалевска

Фото: МТФ „Војдан Чернодрински“

The post Нема стар и нов, има само добар и лош театар appeared first on Република.

По синоќешното свечено отворање на 58. МТФ „Војдан Чернодрински“ во Прилеп денеска се одржаа дел од настаните од богатата програма на фестивалот. Во 10 часот, а така ќе биде и наредните денови на платото пред Градскиот саат, е детската зона, во 11 часот во салата од прилепското кино „Мис Стон“се прикажа „Стапица“ од Горан Стефановски, од актерската школа „Весна Петрушевска“, а напладне се одржаа и првите разговори на тркалезната маса за синоќешната прва претстава во официјалната конкуренција: „Хеда Габлер“ од Хенрик Ибзен во режија на Васил Христов, а во изведба на ансамблот на Драмски театар од Скопје.

-Мојата идеја е не само да гледаме претстава и да аплаудираме. За театарот треба да се зборува и сите ние придонесуваме за доброто на Театарот, рече Ана Стојаноска, уметнички директор на Македонскиот театарски фестивал „Војдан Чернодрински“.

Режисерот Васил Христов во адаптацијата на текстот создаден пред век и половина, се раководел од тоа дали истите проблеми се актуелни и денес, а фестивалскито слоган содејствува со ликот на Хеда Габлер.

-Хеда има проблем со себе и целата таа немоќ дејствува деструктивно на сите околу неа, рече Саша Арсовска, актерка која ја толкуваше улогата на Хеда Габлер во истоимената претстава на Драмски театар.

Ова е втора година откако се воведоа повторно разговорите на тркалезната маса за претставите во официјалната конкуренција.

Вечер на програмата на Македонскиот театарски фестивал „Војдан Чернодрински“ е претставата на МНТ од Скопје. Од 19,30 часот во Центарот за култура „Марко Цепенков“ во Прилеп, анасамблот ќе ја изведе претставата „Иванов“ од Чехов во режија на Зоја Бузалковска. 

The post МТФ „Војдан Чернодрински“: Претставата на Драмски содејствува со фестивалското мото „Промени се, промени сѐ“ appeared first on Република.

Претставата „Хеда Габлер“ на Драмски театар од Скопје ќе го отвори 58. издание на Македонскиот театарски фестивал „Војдан Чернодрински“, што ќе се одржи од 7 до 14 јуни во Прилеп. Добитници на наградата за животно дело се актерите Мими Таневска-Србиновска и Јордан Витанов. Наградата ќе им биде врачена на отворањето на Фестивалот, соопшти уметничката директорка Ана Стојаноска.

На свеченото затворање ќе се доделат годинешните награди, по што следи Концерт на „Добрила и Дориан дуо“.

Единаесет претстави на професионалните македонски театри се во официјалната конкуренција и уште седум во придружниот дел од програмата.

Покрај претставата „Хеда Габлер“ на Драмски театар, во конкуренцијата се и „Дупло дно“ во режија на Наташа Поплавска, на народниот театар „Војдан Чернодрински“ од Прилеп, „Диво месо“ во режија на Мартин Кочовски, во продукција на Албански театар од Скопје, „Демонот од Дебар Маало“ во режија на Наташа Поплавска, на Центарот за култура „Ацо Шопов“ од Штип, „Црна дупка“ во режија на Љупчо Ѓорѓиевски, а во продукција на ЦК „Антон Панов“ од Струмица.

Исто така, во конкуренција се и „Едвард Втори“ според Кристофер Марлоу, во режија на Андриј Жолдак, на Ц.К. „Јордан Хаџи Константинов – Џинот“ од Велес, „Иванов“ од Антон П. Чехов, во режија на Зоја Бузалковска, во продукција на Македонскиот народен театар, „Домот на куклата“ од Лукас Хнат, во режија на Билге Емин, на Турски театар од Скопје, „На дното“ од Максим Горки, во режија на Ќендрим Ријани на народниот театар од Битола, „Ало! Ало!“ според Џереми Лојд и Дејвид Крофт, во режија на Синиша Евтимов на Театар Комедија и претставата „Франкенштајн“ од Мери Шели, во режија на Кокан Младеновиќ, а во продукција на Театар за деца и младинци од Скопје.

Годинава, автор во фокусот е Горан Стефановски и еден фестивалски ден ќе му биде комплетно посветен на големиот македонски драмски писател.

И годинава тричленото жири е меѓународно и е во состав на д-р Марина Миливојевиќ-Маѓарев, театарска критичарка од Србија, д-р Марина Катниќ-Бакаршиќ, драматург од Сараево и актерката Варја Ѓукиќ од Црна Гора.

Фестивалот нуди богата придружна програма во која се и 7 претстави, ќе има промоции и секојдневно разговори на тркалезната маса за одгледаните претстави. Ќе бидат одржани пет работилници. Работилницата за драмско пишување што ќе ја води Ана Трпеноска, Работилницата за читање на Горан Стефаноски што ќе ја води проф. д-р Јелена Лужина, Работилницата за следење на фестивал што ја води тимот на Умно.мк, Работилница за тело – говор – простор што ја води Искра Шукарова и Работилницата за костимографија што ја води Александар Ношпал.

Годинава МТФ „Војдан Чернодрински“ се одржува под мотото „Промени се, промени сѐ

Се решив да го прикажеме тоа што е современо и актуелно, истовремено во корелација со европските театарски трендови. Она што доминира во програмата е потребата да се најдат нови читања на стари теми, истовремено создавајќи поинаков третман на просторот. Доминантно во продукцијата беа повеќе камерните или „мали“ сцени наспроти големата сцена. Имаше неколку впечатливи камерни претстави работени според домашни автори, но не одговараа на концептот на ова издание на фестивалот. Тоа не значи дека беше естетички ограничена, туку создаде ново гледање и на драмите и на просторот. На македонската театарска продукција како и да ù фали сериозно истражување и на современите театарски тенденции, но и на сопствените театарски капацитети. На нашите театарски сцени им треба промена која се надевам ќе ја иницира фестивалот годинава – рече Стојаноска и додаде дека „промената е најблиската потрага по сопствениот креативен потенцијал. Таа е првата победа во битката со конформизмот, старите навики, инертните или наследени ситуации“, рече на пресот на почетокот на мај, уметничкиот директор Ана Стојаноска, кога ја образложи својата селекција во Центарот за култура „Марко Цепенков“ во Прилеп.

The post „Хеда Габлер“ на Драмски ќе го отвори 58. „Војдан Чернодрински“ appeared first on Република.

Програмата за 58. издание на Македонскиот театарски фестивал „Војдан Чернодрински“, кој ќе се одржи од 7 до 14 јуни во Прилеп, под мотото „Промени се, промени сè“, денеска е официјално објавена.

Свеченото отворање на фестивалот ќе биде на 7 јуни (петок) со изложбата „Горан Стефановски и книгите“ во Градската библиотека „Борка Талески“ со почеток во 19 часот, а веднаш потоа ќе следи премиерата на драмата „Хеда Габлер“ во изведба на Драмски театар – Скопје.

Годинешната програмата „Ново читање“ именувана од уметничкиот директор Ана Стојаноска, опфаќа две потпрограми: „Новото читање на драмите од авторот во фокус – Горан Стефановски“ и „Ново читање на класиците“.

За време на фестивалот ќе се одржи еден ден комплетно посветен на Авторот во фокус – Горан Стефановски, на кој ќе се презентираат сите актуелности поврзани со зачувувањето на ликот и делото на Горан Стефановски во македонската култура.

Во рамки на фестивалот ќе бидат одржани неколку работилници и промоции на повеќе изданија од театарска и театролошка литература од македонски и странски автори.

Програмата ја пренесуваме во целост:

Сабота (8 јуни)

10:00 | Саат-кулата

Детска зона

(поддржана од „Чекор по чекор”)

11:00 | Кино „Мис Стон”

СТАПИЦА – Горан Стефановски

Актерска школа „Весна Петрушевска”

12:00 | НУЦК „Марко Цепенков” (фоаје)

Разговори на тркалезна маса

17:00 | Фестивалски зони

Скомрахи

19:30 | НУЦК „Марко Цепенков”

ИВАНОВ

НУ МАКЕДОНСКИ НАРОДЕН ТЕАТАР – СКОПЈЕ

Недела (9 јуни)

ДЕН НА ГОРАН СТЕФАНОВСКИ

10:00 | Кино „Мис Стон”

ЧЕРНОДРИНСКИ ЗА ДЕЦА

11:00 | НУЦК „Марко Цепенков” (фоаје)

Промоции на театарска и театролошка литература

12:00 | НУЦК „Марко Цепенков” (фоаје)

Разговори на тркалезна маса

13:00 | НУЦК „Марко Цепенков” (фоаје)

Презентација на фондацијата „Горан Стефановски”

– УКИМ Факултет за драмски уметности – Скопје

Презентација на наградата „Горан Стефановски” – Драмски театар – Скопје

14:00 | НУЦК „Марко Цепенков” (фоаје)

Самоглас – аудиодрами на Горан Стефановски

17:00 | Фестивалски зони

Скомрахи

18:30 | НУЦК „Марко Цепенков”

Филм за Горан Стефановски

УКИМ Факултет за драмски уметности – Скопје

20:00 | НУЦК „Марко Цепенков”

ЦРНА ДУПКА

НУЦК „АНТОН ПАНОВ” – СТРУМИЦА

22:00 | Театар „Војдан Чернодрински”

ДИПЛОМСКА ПРЕТСТАВА: ЦРНА ДУПКА

УКИМ ФАКУЛТЕТ ЗА ДРАМСКИ УМЕТНОСТИ – СКОПЈЕ

Понеделник (10 јуни)

10:00 | Саат-кулата

Детска зона

(поддржана од „Чекор по чекор”)

11:00 | НУЦК „Марко Цепенков” (фоаје)

Промоција на наградените драми од „Еуродрам”

12:00 | НУЦК „Марко Цепенков” (фоаје)

Разговори на тркалезна маса

17:00 | Фестивалски зони

Скомрахи

Театроск (поддржано од „Пакомак”)

19:30 | НУЦК „Марко Цепенков”

HA ДНОТО

НУ НАРОДЕН ТЕАТАР, БИТОЛА

22:00 | Театар „Војдан Чернодрински”

ДОМОТ НА КУКЛАТА

НУ ТУРСКИ ТЕАТАР, СКОПЕ

23:59 | Кафе-бар -Тротоар”

ПООЛ

МКЦ И ХИБРИД

Вторник (11 јуни)

10:00 | Саат-кулата

Детска зона

(поддржана од „Чекор по чекор”)

11:00 | НУЦК „Марко Цепенков” (фоаје)

Промоции на театарска и театролошка литература

12:00 | НУЦК „Марко Цепенков” (фоаје)

Разговори на тркалезна маса

17:00 | Фестивалски зони

Скомрахи

Театроск (поддржано од „Пакомак”)

19:30 | НУЦК „Марко Цепенков”

АЛО! АЛО!

НУ ТЕАТАР „КОМЕДИЈА”, СКОПЈЕ

22:00 | Театар „Водан Чернодрински”

ДУПЛО ДНО

НУЦК „МАРКО ЦЕПЕНКОВ”, „ТЕАТАР „ВОЈДАН ЧЕРНОДРИНСКИ”, ПРИЛЕП

23:59 | НУЦК „Марко Цепенков” (105)

КЕНДИ

ТЕАТАР „ЗЛАТЕН ЕЛЕЦ”

Среда (12 јуни)

10:00 | Саат-кулата

Детска зона

(поддржана од „Чекор по чекор”)

11:00 | НУЦК „Марко Цепенков” (фоаје)

Промоции на театарска и театролошка литература

12:00 | НУЦК „Марко Цепенков” (фоаје)

Промоции на театарска и театролошка литература

17:00 | Фестивалски зони

Скомрахи

Театроск (поддржано од „Пакомак”)

17:00 | Театар „Војдан Чернодрински”

ФРАНКЕНШТАЈН

НУ ТЕАТАР ЗА ДЕЦА И МЛАДИНЦИ – СКОПЈЕ

18:15 | Театар „Војдан Чернодрински” (фоаје)

Разговори на тркалезна маса

19:30 | НУЦК „Марко Цепенков”

ЕДВАРД ВТОРИ

НУ „ЈОРДАН ХАЏИ КОНСТАНТИНОВ – ЏИНОТ” – ВЕЛЕС

22:00 | Театар „Војдан Чернодрински”

ДЕМОНОТ ОД ДЕБАР МААЛО

НУ ЦЕНТАР ЗА КУЛТУРА „АЦО ШОПОВ” – ШТИП

Четврток (13 јуни)

10:00 | Саат-кулата

Детска зона

(поддржана од „Чекор по чекор”)

11:00 | НУЦК „Марко Цепенков” (фоаје)

Промоции на театарска и театролошка литература

12:00 | НУЦК „Марко Цепенков” (фоаје)

Разговори на тркалезна маса

17:00 | Фестивалски зони

Скомрахи

Театроск (поддржано од „Пакомак”)

17:00 | НУЦК „Марко Цепенков”

ДИВО МЕСО

НУ АЛБАНСКИ ТЕАТАР СКОПЈЕ

18:45 | НУЦК „Марко Цепенков” (фоаје)

Разговори на тркалезна маса

22:00 | Театар „Водан Чернодрински”

ЛЕКЦИЈА

MOTION NETWORK И НУЦК „АЦО ШОПОВ” – ШТИП

23:59 | НУЦК „Марко Цепенков”

НАТЧОВЕК

ДРАМСКИ ТЕАТАР „СТОЈАН БОЧВАРОВ” – ВАРНА, БУГАРИЈА

Петок (14 јуни)

10:00 | Саат-кулата

Детска зона

(поддежана од „Чекор по чекор”)

12:00 | НУК „Марко Цепенков” (фоаје)

ПРЕС-КОНФЕРЕНЦИЈА

19:30 | НУЦК „Марко Цепенков”

СВЕЧЕНО ЗАТВОРАЊЕ НА ФЕСТИВАЛОТ И ДОДЕЛУВАЊЕ НА НАГРАДИТЕ

Концерт на Добрила и Дориан дуо

Билетите за сите претстави ќе бидат пуштени во продажба на билетарницата на Центарот за култура „Марко Цепенков“ од 1 јуни.

The post Објавена е програмата за 58. издание на МТФ „Војдан Чернодрински“ appeared first on Република.

Собранието на фестивалот одлучи наградите за животно дело да ги добијат актерите Мими Таневска-Србиновска и Јордан Витанов.

Фестивалот ќе биде отворен со настан во чест на добитниците на наградата за животно дело, што ќе се одржи во Центарот за култура, а потоа ќе следува изведбата на претставата „Хеда Габлер“ на Драмски театар.

The post Награда за животно дело на МТФ „Војдан Чернодрински“ за актерите Мими Таневска-Србиновска и Јордан Витанов appeared first on Република.

Македонскиот театарски фестивал „Војдан Чернодрински“ - Прилеп денеска ги постави на својата интернет-страница трите откупени текстa на конкурсот што го распиша Министерството за култура, во соработка со театарскиот фестивал. Станува збор за текстовите „Бреме“ на Мила Јовановиќ-Миленковиќ и „Измислена приказна“ и „Не застанувај продолжи понатаму: Лукавиот“, и двата од Мики Душански.

Идејата на конкурсот беше да се збогати домашното драмско творештво, но и да се влијае на поттикот овие текстови да бидат поставени на националните театарски сцени каде наголемо недостига домашната драма. Еден од најважните заклучоци на 57. издание на МТФ „Војдан Чернодрински“, што се реализираше од 9 до 16 јуни во Прилеп е дека треба што повеќе да се фокусираме токму на новата македонска драма и нејзиното оживување на театарските сцени.

Пријавените 48 текстови ги оцени комисија од компетентни членови, кои за време на траењето на конкурсот беа анонимни. Процесот на работа беше таков што секој член од тричлената комисија работеше независно и требаше секој од доставените текстови под шифра да го оцени со оценка од 1 до 5. По добивањето на оценките за секој драмски текст од секој член на комисијата посебно, беше избрана средна оценка.

За комисија за откуп беа избрани: Маја Стевановиќ, професор на ФДУ, драмски автор и драматург, Нина Николиќ, театарска режисерка и Васил Михаил, актер, драмски автор и режисер.

Министерството за култура на авторите на македонските драмски текстови, за откуп на авторските права за објавување и поставување на драмскиот текст, обезбеди авторски надомест во нето-износ од по 120.000 денари.

The post Откупените текстови на Мила Јовановиќ-Миленковиќ и на Мики Душански објавени на интернет-страницата на МТФ „Војдан Черднодрински“ appeared first on Република.

Илина Чоревска, за улогата на Медеја во претставата „My name id Medeja“ на Народен театар Битола и Дамјан Цветановски за улогата на Кристофер во „Чудна случка со кучето во ноќта“ на Драмски театар Скопје се добитници на наградите за најдобра главна женска и машка улога на 57. Македонски театарски фестивал (МТФ) „Војдан Чернодрински“ кој вечерва завршува во Прилеп.

Претставата на битолскиот театар „My name is Medeja“ е најдобра претстава на годинашниов Фестивал во Прилеп.  Оваа претстава освои вкупно пет награди меѓу кои и за најдобра режија, за режисерот Себастијан Хорват и за главна женска улога на Чоревска, потоа за рекламен материјал на претставата кој го изработи Сашо Илковски, за музика на Драго Ивануша и за уметничко остварување во целина.

Уметничкиот директор Љумовиќ истакна дека „My Name is Medeja“ и „Чудна случка со кучето во ноќта“ се издвојуваа по својата естетика и по истражувачкиот театар што во нив го има. Жирито се согласи дека македонскиот театар треба да продолжи да истражува, дека актерската игра била најдоброто во сите претстави. Тие порачаа театарските менаџери повеќе да се фокусираат на домашната драма.

Естетските и уметничките квалитети на претставата на Битолскиот театар, и ставот на режисерот Хорват кој влегува во проблемите на современоста се нешто импресивно кои ја означуваат мисијата на театарот денес. Денешниот театар ја промислува современоста преку стварноста. Очигледно има две претстави кои се издвојуваат. Тие претстави покажуваат високо постигнат уметнички резултат, ансамблите исклучително го изнесоа режисерскиот концепт – истакна Љумовиќ.

„Чудна случка со кучето во ноќта“ на Драмски театар, е наградена за кореографија и сценски движења (Симон Симоновски), потоа за костимографија (Елена Вангеловска и Раде Василев), за сценографија (Константин Трпеноски), а Емилија Мицевска ја доби наградата за женска епизодна улога за улогата на Џуди.

Наградата за современа сценска драматизација е доделена на Лидија Митоска – Ѓорѓиевска за драматизацијата на „Мистерија Буфо“ според Дарио Фо, во претставата „Мистерија буфо“ во изведба на театар „Војдан Чернодрински“ – Прилеп.

Награда за текст не беше доделена.

Наградата за млад актер „Трајко Чоревски“ ја доби Хакан Даци за улогата на Катуриан во претставата „Човек перница“, во изведба на Турски театар – Скопје, во копродукција со Машина продакшн и Пик продукција.

Матеа Јанковска ја доби наградата за млада актерка за улогата на Роња во претставата „Роња, ќерката на ограбувачот“, во изведба на Театар за деца и младинци – Скопје.

Наградата за машка епизодна улога „Димче Трајковски“ ја доби Дин Ибрахим за улогата на Микаил во претставата „Човек перница“ во изведба на Турски театар - Скопје, во копродукција со Машина продакшн и Пик продукција.

Годинашново жири што одлучуваше за наградите на фестивалот е во состав: Јанко Љумовиќ, Милош Латиновиќ и Мирослав Мики Радолиќ.

На сцената од Центарот за култура „Марко Цепенков“ вечер од 20 часот свечено ќе бидат доделени наградите, а во чест на наградените ќе биде изведена претставата „Последниот балкански вампир“ ,со која гостува Српско народно позориште од Нови Сад. Со ова ќе биде затворен годинашниов 57 МТФ „Војдан Чернодрински“.

The post Дамјан Цветановски и Илина Чоревска добитници на наградите за најдобри актери на МТФ „Војдан Чернодрински“ appeared first on Република.

Со претставата „Балконот“, Албанскиот театар од Скопје вечерва во 19.30 часот ќе гостува во Прилеп, на официјалната програма на 57. МТФ „Војдан Чернодрински“. Терминот од 22 часот на шестиот ден на фестивалот е резервиран за Театар Комедија од Скопје, кој ќе ја изведе „Женска гардероба“ на сцената на Театарот „Војдан Чернодрински“.

И денеска во 10 часот во киното „Мис Стон“, во рамките на програмата „Чернодрински за деца“, поддржана од Фондацијата за образовни и културни иницијативи „Чекор по чекор“ во соработка со Театарскиот фестивал за деца „Силјан Штркот“, со свое видување на драмата „Вејка на ветрот“ ќе се претстават учениците од СОУ „Ѓорче Петров“ од Прилеп – Вања Младеновски, Теодора Велкоска, Бојана Најдоска и Исидора Николоска, под менторство на наставничката Билјана Тинтоска и асистентот Филип Стојаноски.

На пладне следуваат вообичаените разговори на тркалезната маса овој пат со екипите на претставите „Циркус Пирандело“ од Струмица и на турската претстава „Човек перница“.

[caption id="attachment_651117" align="alignnone" width="2560"] Театар Комедија од Скопје ќе ја изведе „Женска гардероба“[/caption]

„Македонскиот театар низ визурата на меѓународната јавност“ беше темата на која вчера се дискутираше на меѓународната конференција што ја организираше фестивалот. Ова се први чекори за да развиеме меѓународна програма на фестивалот, рече уметничкиот директор на фестивалот, Ана Стојаноска.

Сакаме да се обидеме, не да споредиме, туку да видиме каков е македонскиот театар во очите на луѓето што доаѓаат од страна да го гледаат. Убаво е да се види да кажат како функционираме, дали можеме да зборуваме за еден тип на естетика. Ова е само вовед во една поголема програма што ќе следува во наредните години. Ги поставуваме прашањата: Дали можеме за кој било театар да поставиме естетска категоризација? Дали постои препознавање каква е претставата, македонска или од друго поднебје? Или најбитна е естетиката – посочи Стојаноска.

Според Мирослав Мики Радоњиќ, директор на „Стериино позорје“ од Нови Сад и член на жирито на фестивалот, „театарот не може да се гледа изолирано од поднебјето. Но, многу ми е драго што македонскиот театар е присутен во регионот. присутен е во Србија, ги имаме македонските режисери и автори.

Она што се театарски теми и естетика на овие македонски куќи, се случува на поширокиот простор во регионот. Македонскиот театар е на добар пат не само да го сочува оној ореол кој го имаше од порано како еден од значајните театри на бившите ЈУ-простори, туку и да го подобри во многу сегменти. Само, жал ми е, што нема претстави на националните театри од македонски автори – вели Радоњиќ.

За Милош Латиновиќ, директор на „Битеф“ и член на жирито, не треба да има драстични разлики и театарот не може да се ограничи само на одреден простор.

Театарот не може просторно да се ограничи. Ја има таа мисија спецификата од одреден простор да ја пренесува општо. Тоа е добро. театарот е место на последното единство. Македонските автори се често присутни на сцените на српските театри и тоа за македонската драматургија е значајно. Секако, постои таа интеракција овде да се играат српските и автори од други земји, и, поради тоа, мислам дека таа симбиоза, соработка со српското театарско милје, е добра и што се користи за презентација на македонската уметност и во Европа, а македонската продукција има потенцијал.

Татјана Дешко, театарска уметница од Русија и коосновач на „АртАктУм“, го пофали фестивалот, особено за неговата атмосфера.

Мило ми е што во Прилеп театарската атмосфера ја чувствуваат сите. И ние, и целиот град. Кога си на претстава како да влегуваш дома. Тоа е силен и среќен впечаток – истакна таа.

Претседателот на жирито, Јанко Љумовиќ, професор на ФДУ во Цетиње, Црна Гора навлезе подлабоко во концептот на националните театри, истакнувајќи дека секоја земја има некој свој национален концепт, а начинот како ќе допре до другите, надвор од земјата, тоа е белег на големите достигнувања во театарската уметност.

Битно е дали фестивалот е платформа за соработка или само за национална верификација. Разлики има во македонскиот, во словенечкиот, во театарот во Црна Гора. Инсистирам на разликите, а тие отвораат можност за развој, размена, компарирање. За мене битно е да им се обрне внимание на специфичностите – истакна тој.

Режисерот Иван Поповски, кој е гостин на фестивалот истакна дека за подобар театар треба да се работи со младите, како што тоа го прави фестивалот.

Многу е значајна едукацијата на младите да одат во театар, да се создава љубовта спрема театарот. А тоа фестивалот почна да го прави – рече тој.

За режисерката Софија Ристевска, ваквите средби се исклучително важни за македонскиот театар и само преку интернационални средби, се отвораат националните театарски средини.
Вчера се разговараше и за претставата „Роња, ќерката на ограбувачот“, на Театарот за деца и младинци.

Полетна, енергична, креативна… вака беше оценета претставата на Театарот за деца и младинци, која ја одушеви публиката и критиката во Прилеп. Режисерот- гостин од Чешка имал јасен концепт уште пред да дојде во Скопје и затоа процесот на работа течел многу едноставно.

Кога режисерот има цел концепт, многу е полесно да се обликува претставата. Сценографијата (дрвените столчиња кои значеа сѐ) беше уникатна – рече актерката Катерина Илиевска-Силјановска и директорка на Театарот.

Идејата на режисерот беше магијата да се создава на сцената. Наше беше како од столчињата да создаваме сцена, сподели актерката Матеа Јанковска, што ја толкува насловната улога.

Режисерот Јакуб Максимов е млад, ултракреативен и ги скрши правилата за тоа како се игра куклена претстава, истакна нејзиниот колега Никола Наковски.

– Само првата проба беше „читачка“. На втората, веднаш бевме на сцената. Имавме готови кукли. Немаше правила, туку многу креативен начин. Еден нов правец во правење куклена претстава – рече Наковски.

За Ангела Димитрова било посебно провокативно што истражувале и што сите движења ги работеле на лице место.

Заеднички беше заклучокот на присутните на тркалезната маса дека претставата „Роња, ќерката на ограбувачот“ постави нови стандарди, не само за Театарот за деца, но и за сите други театри во земјава.

На фестивалот вчера се одржа и тркалезна маса со екипата на „Чудна случка со кучето во ноќта“ на Драмски.

Задржувајќи го концептот радоста на играта и пркосот на креацијата, на прашањето дали режисерката Зоја Бузалковска работела според франшиза за претставата, таа објасни дека морала да изгледа најмалку стотина клипови, музички и филмски и е среќна што не ја работеле претставата според строго пропишани правила.

Ова е претстава во која секој го погледнува своето преку Кристофер, со специфики, форми и бои, да останеме свои, но да бидеме Кристофер. Пробите ги започнавме пред ковид пандемијата. Создадов тим што ја прифати претставата од многу аспекти. Игра цел тим за еден свет и секојдневно се надминуваа лимитите. Има филмски јазик, брзи промени на сцена, но при тоа има и удобност – рече Бузалковска.

Специфичниот лик во претставата, кој е присутен цело време на сцената, го игра Дамјан Цветановски, кој го исчитал текстот и романот и откако ги разбрал се поистоветил со ликот.

[caption id="attachment_651118" align="alignnone" width="1067"] Дамјан Цветановски/Фото: МТФ Војдан Чернодрински[/caption]

Непресудно е тоа што текстот во себе содржеше низа скали… Во романот има доста правила како се разбира и како функционира Кристофер и откако ги разбрав, се состоеше да се разбират правилата… Радоста дојде попатно. Најважното за претставата е дека е преземена од тоа дете, на кое што му е потребно се тука… – рече Дамјан.

Според драматургот Александра Бошковска, во претставата актерите создаваат повеќе ликови, но сите со поддршка на Кристофер.

Процесот се случуваше спонтано, пробите беа со маски. Од многу комплицирани елементи, процесот можам да речам дека беше спокоен, прецизен и отворен – рече Бошковска.

The post „Балконот“ на Албански театар и „Женска гардероба“ на Театар Комедија вечерва на „Војдан Чернодрински“ appeared first on Република.

Драмскиот театар Скопје синоќа во Прилеп, каде што е во тек Македонскиот театарски фестивал „Војдан Чернодрински“ ја крена публиката на нозе по изведбата на „Чудна случка со кучето во ноќта“. Долги аплаузи и овации добија и актерите од екипата на претставата „Роња, ќерката на ограбувачот“ на Театарот за деца и младинци.

За денеска, 13 јуни, се најавува богата фестивалска програма на 57. МТФ „Војдан Чернодрински“ во Прилеп. Две претстави од официјалната конкуренција, презентација на едукативни работилници, меѓународна конференција, разговори на тркалезни маси се само дел од содржините што ќе се реализираат во Центарот за култура „Марко Цепенков“ и Театарот „Војдан Чернодрински“.

Во 10 часот ќе биде отворена детската зона „Чернодрински за деца“, поддржана од Фондацијата за образовни и културни иницијативи „Чекор по чекор“ во соработка со Театарскиот фестивал за деца „Силјан Штркот“. Ќе учествуваат учениците од гимназијата „Мирче Ацев“ од Прилеп - Марија Јованоска, Иван Здравески, Ангела Чупетреска и Стефан Петрески. Нивни ментор е Мартин Наумоски, а низ работилниците ги водеше едукаторот Милош Б. Андоновски.

Еден час подоцна во фоајето на Центарот за култура ќе се одржи меѓународна конференција на тема „Македонскиот театар низ визурата на меѓународната јавност“ на која ќе учествуваат режисери, театарџии, гости на фестивалот.

Претставата „Циркус Пирандело“ според драми од Луиџи Пирандело, адаптација и режија на Бојан Трифуновски, на театарот „Антон Панов“ од Струмица ќе гостува на сцената на Центарот за култура во 19 часот. Во претставата играат: Стојан Велков-Трн, Коста Ангов, Ангелина Тренчова-Ангелова, Танкица Стојанова, Ефтим Трајчов-Ѓаурски, Ванчо Василев и Игор Тодоров.

Во 22 часот на сцената на Центарот за културата „Марко Цепенков“ гостува Турскиот театар од Скопје со претставата „Човек перница“ од Мартин Мекдона, во режија на Сибел Абдиу.

На четвртиот фестивалски ден беше организирана промоција на „Еуродрам“, посветена на драмски превод, со фокус на наградите за превод на оваа мрежа. Иван Додовски од „Еуродрам“, посочи дека драмскиот превод е многу важен и треба да им се даде можност на преведувачите да преведуваат драми, а потоа да се играат. „Еуродрам“ е европска мрежа за драма и театар, мрежа која обединува јазични комитети од 30 земји од Европа и има за цел да овозможи споделување на текстови пишувани од оригинално на еден од европските јазици.

Покровители на 57. МТФ „Војдан Чернодрински“ се Министерството за култура и Општина Прилеп.

The post Драмски театар во Прилеп ја крена публиката на нозе со „Чудна случка со кучето во ноќта“, овации за ТДМ и „Роња, ќерката на ограбувачот“ appeared first on Република.

Синоќа, на платото пред Центарот за култура „Марко Цепенков“ во Прилеп беше отворено 57. издание на Македонскиот театарски фестивал „Војдан Чернодрински“. На официјалниот дел одлично предвестие беа живите статуи на „Театроск“ и настапот на скомрахите, во изведба на студентите на Факултетот за драмски уметности (ФДУ) од Скопје.

Актерите Петар Темелковски и Петар Мирчевски, добитници на наградата за животно дело, ѝ се поклонија на прилепската публика. Во емотивните говори тие се заблагодарија на публиката, истакнувајќи дека без неа, тие немале да бидат она што се денес.

Сум рекол многупати, а особено тоа го сфатив кога додека бев уметнички директор на фестивалот, дека прилепчани си го чуваат фестивалот како во кожурец. Сите заедно сте заслужни за оваа голема театарска манифестација која во оваа вечер со голема гордост и успех зачекорува во вториот дел од своето столетие и се надеваме дека сите години ќе бидат волку убави. Или како што рекол Цепенков: Да бидете здрави и живи, да сме здрави дур сме живи, да сме живи дур сме здрави! – рече Темелковски.

[caption id="attachment_649941" align="alignnone" width="1600"] Сите заедно сте заслужни за оваа голема театарска манифестација, рече добитникот на наградата за животно дело, актерот Петар Темелковски[/caption]

Во моите 43-4 години професионална актерска дејност, сум имал можност многупати да настапам на овој Фестивал и најголем впечаток ми останува тоа што публиката што доаѓа знае кога како и каде да реагира. Да не бевте вие, публиката, немаше ниту ние да бидеме тоа што сме. Затоа ве поздравувам, уште долго да трае и на вас публиката длабоко ви се поклонувам, рече Петар Мирчевски.

[caption id="attachment_649940" align="alignnone" width="1067"] Петар Мирчевски: Најголем впечаток ми останува тоа што публиката што доаѓа знае кога како и каде да реагира[/caption]

На свеченото отворање му претходеше отворање на ретката родокрајна изложба на фотографии од важни стари изданија, како и дела од Коле Чашуле, автор во фокус на фестивалот.

„Од првиот момент кога Собранието на фестивалот ме избра за уметнички директор и претседател на собранието, почнав да ја креирам сопствената визија за тоа како сакам овој фестивал да личи. Со фестивалот растев, од фестивалот го учев и засакував театарот, за фестивалот се градев во својата професионална област. За мене Прилеп секогаш ќе биде првата слика за фестивалот и фестивалот ќе биде првата слика за Прилеп. Затоа нема многу да ги користам зборовите, се надевам овие емоции на благодарност ќе дојдат до секој еден од вас што помогна да ја остварам мојата визија. Сите предизвици, несогласувања, прилепскиот инает, емотивниот поетски крик во мене, сериозниот театролог, трпеливоста на професорката, се претопуваат во благодарноста и радоста што сме денес овде“, рече Ана Стојаноска, уметнички директор на фестивалот.

Прва претстава од официјалната програма на фестивалот синоќа беше изведена „Нема струја за електричниот стол“ на Театарот „Јордан Хаџи Константинов – Џинот“ од Велес.

Програма за сабота 10 јуни

Театарот „Војдан Чернодрински“ ќе ја изведе претставата „Мистерија Буфо“ во режија на Андреј Цветановски вечерва во 19.30 часот на нивната матична сцена. Половина час претходно, во холот на Центарот за култура ќе биде отворена изложбата на костими и фотографии на Благој Мицевски, на која ќе бидат изложени костими од претставата „Тартиф“ на Народниот театар од Битола, како и странски проекти.

Актерката Ангела Стојановска во 17 часот, во кафе-бар „Лувр“ ќе го изведе перформансот „Срам“ во продукција на „Тиит! Инк.“, а реализирана во соработка со режисерот Милош Андоновски и драматургот Ева Камчевска.

Денеска во 12 часот е закажана и првата тркалезна маса, на која ќе се разговара со тимот на велешката претстава „Нема струја за електричниот стол“ во режија на Дејан Пројковски, со која беше отворен фестивалот.

Во 23 часот следува настапот на студентите од Факултетот за драмски уметности, со нивна дипломска претстава.

Од денеска во рамките на фестивалот е достапна и аудиособа во која публиката може да слушне театарска музика на македонски композитори.

фото: МТФ Војдан Чернодрински

The post Отворено 57. издание на Македонскиот театарски фестивал „Војдан Чернодрински“ во Прилеп appeared first on Република.

Десет претстави во официјалната програма, пет во независната, тркалезни маси, програма за деца, автор во фокус – ова е дел од програмата на 57. МТФ „Војдан Чернодрински“, што ќе се случува од 9 до 16 јуни во Прилеп. Отворањето на фестивалот кое годинава е под мотото „Враќање дома“, ќе биде организирано на платото пред Центарот за култура „Марко Цепенков“ во 20.30 часот. Со видеоесеи фестивалот ќе им биде оддаде почит на лауреатите на наградата за животно дело, Петар Темелковски и Петар Мирчевски.

Претходно, во 19 часот, во Градската библиотека „Борка Талески“ ќе биде отворена ретката и роднокрајна збирка во чест на авторот во фокус Коле Чашуле. Во 21.30 часот на сцената на Центарот за култура ќе гостува театарот „Јордан Хаџи Константинов – Џинот“ од Велес со претставата „Нема струја за електричниот стол“ во режија на Дејан Пројковски. Театарот од Велес одлучи, наместо со „Инферно“, која беше селектирана во официјалната програма, од технички причини, да учествува со оваа претстава.

Исто така, и Македонскиот народен театар, кого селекторката Ана Стојаноска го избра да учествува со „Бесачи“ во режија на Јавор Грдев, го откажа своето учество.

Иако имаше предлози овие две претстави да се играат на нивните матични сцени, сепак, како Собрание на фестивалот одлучивме дека МТФ „Војдан Чернодрински“ се одржува во Прилеп и дека не е во ред да носиме публика од градот за некои претстави да се изведат на матичните сцени. Ова нека биде и вид апел за сите да работиме повеќе на подобрувањето на техничките можности на сцените во Прилеп – истакна Стојаноска.

По одлука на Собранието на фестивалот, од истата причина, и Албанскиот театар, наместо со селектираната „Три сестри“, ќе учествува во официјалната програма со „Балкан“ во режија на Арбен Кумбаро.

Од 5 јуни ќе бидат пуштени во продажба влезниците на фестивалот на билетарницата на Центарот за култура „Марко Цепенков“.

Програмата на фестивалот ќе започнува секој ден во 10 часот со „Чернодрински за деца“. На пладне ќе се организираат разговори на тркалезна маса, на кои ќе се дискутира за претставите што ќе бидат на програмата од претходниот ден.

Секој ден од 17 часот на неколку локации низ градот ќе бидат поставени фестивалски зони во кои членови на групата „Театроск“ ќе постават свои живи статуи, додека студенти од Факултетот за драмски уметности од Скопје ќе бидат скомрах и ќе презентираат кратки патувачки етиди.

На 13 јуни ќе се одржи и меѓународна конференција на тема „Македонскиот театар низ визурата на македонската јавност“.

Фестивалот ќе биде затворен на 16 јуни со свеченото доделување на наградите. Во нивна чест ќе гостува Српско народно позориште од Нови Сад со „Последниот балкански вампир“ по текст на Дејан Дуковски, а во режија на Александар Поповски.

Освен претставата на отворањето, во официјалната програма на фестивалот ќе учествуваат:
„Чудна случка со кучето во ноќта“ од Сајмон Стивенс, во режија на Зоја Бузалковска, продукција на Драмски театар – Скопје;

„Мистерија Буфо“ според Дарио Фо, во режија на Андреј Цветановски, продукција на Народен театар „Војдан Чернодрински“ – Прилеп;

„Мy name is Medeјa“ според Еврипид, драматизација на Милан Рамшак Марковиќ, во режија на Себастијан Хорват, Народен театар – Битола;

„Балкон“ од Жан Жене, во режија на Арбен Кумбаро, Албански театар, Скопје

„Несфатената цивилизација“ од Добри Војников, во режија на Софија Ристовска, Народен театар – Охрид,

„Роња, ќерката на ограбувачот“ од Астрид Линдгрен, во режија на Јакуб Максимов, Театар за деца и младинци – Скопје

„Женска гардероба“ од Арношт Голдфлам, во режија на Наташа Поплавска, Театар Комедија – Скопје

„Циркус Пирандело“ според драми од Луиџи Пирандело, адаптација и режија на Бојан Трифуновски, Народен театар „Антон Панов“ – Струмица

„Човек перница“ од Мартин Мекдона, во режија на Сибел Абдиу, Турски театар – Скопје.

Во програмата Независна продукција што игра домашни автори, ќе учествуваат:

„Елегија во пет здива“ - автор и режисер Филип Петковски
„Заминувања“ – колективно авторство, режија на Драгана Гунин, независна продукција во соработка со Мировна акција
„Срам“ од Ангела Стојановска, режија на Милош Б.Андоновски, драматизација Ева Камчевска, Продукција на „Тииит! Инк
„Скопјани“ според раскази на Оливера Ќорверзировска и колективно авторство на актерската екипа, режија на Милош Б.Андоновски
„Под.готвено“ според поезија и проза на Ѓоко Здравески, раскази на Елизабета Баковска, поезија на Блаже Конески и адаптација на сцена од „Трите високи жени“ од Едвард Олби, режија на Дејан Спасовиќ, продукција на „РКЦ РАКАТРАК“

The post Велешки театар со „Нема струја за електричниот стол“ на Дејан Пројковски го отвора Фестивалот „Војдан Чернодрински“ appeared first on Република.

Музичко-драмскиот перформанс „Црнила ремикс“ во режија на Јордан Симонов, продукција на Младинскиот културен центар, в сабота (27 мај) во 21 часот ќе биде изведен на Могилата на непобедените во Прилеп. Гостувањето го организира МТФ „Војдан Чернодрински“, во чест на авторот во фокус Коле Чашуле, како најава на 57. издание на фестивалот, што ќе се реализира од 9 до 16 јуни.

Гостувањето е подарок на театарскиот фестивал за својата публика во Прилеп, вели Ана Стојаноска, директорка на фестивалот.

Како што Коле Чашуле го посвети името Могила на непобедените, така МТФ „Војдан Чернодрински” го посветува овој настан на нашиот автор во фокус Коле Чашуле - вели Стојаноска.

„Црнила ремикс“ е едно поразлично видување на класичното драмско дело на Коле Чашуле ставено во контекст на урбан хип-хоп албум. Музичко-драмски перформанс со несекојдневен пристап, со специфична актерска изведба, кој низ оригиналниот препев и музика на „Зад аголот“ нè носи во еден нов сублимат помеѓу драмата и хип-хоп супкултурата.

Претставата имаше премиера на 28 септември 2018 година. За музиката и препевот во претставата се погрижија Дарко Димитриески и Павле Димковски („Зад аголот“). Улогите ги толкуваат: Стефан Вујисиќ, Александар Михајловски, Владимир Петровиќ, Горан Ников, Ненад Анѓелковиќ, Сања Арсовска (Емилија Мицевска), Павле Димковски. Сценограф и костимограф е Илина Ангеловска. За видеото се погрижија Милан Блажевски и Борис Таковски.

Дизајнер на тон - Симон Кипровски, дизајнер на светло - Илија Тарчуговски. Графичкиот дизајн е на Бисера Михајловска, а за фотографијата се погрижи Кире Галевски. Продуцент е Русе Арсов.

The post „Црнила ремикс“ гостува на Могилата на непобедените во Прилеп appeared first on Република.

Со претставата „Инферно“ според Данте Алигиери, а во режија на Дејан Пројковски на театарот „Јордан Хаџи Константинов - Џинот“ од Велес која е селектирана во официјалната програма, на 9 јуни ќе се отвори 57. издание на Македонскиот театарскии фестивал (МТФ) „Војдан Чернодрински“ во Прилеп. Српско народно позориште од Нови Сад ќе го затвори фестивалот на 16 јуни со претставата „Последниот балкански вампир“ по текст на Дејан Дуковски, во режија на Александар Поповски.

Годинашни добитници на наградата за животно дело на Фестивалот се актерите Петар Темелковски и Петар Мирчевски.

Девет претстави во официјална, седум од независна продукција, две од придружна програма и една дипломска претстава ќе бидат дел од програмата на Фестивал „Војдан Чернодрински“ што годинава ќе се одржи од 9 до 16 јуни.

Програмата денеска во Прилеп ја соопшти Ана Стојаноска, директорка и селектор на фестивалот, кој годинава се одржува под мотото „Враќање дома“.

Од 52 одгледани претстави низ целата земја, во периодот од 22 септември 2022 до 10 мај 2023, Стојаноска програмата ја конципираше во четири различни програми: Официјална селекција, ОФФ актива, Независна продукција што игра македонски автори и Видеопрограма.

„Театар: радоста на играта или пркосот на креацијата“ е насловот на концептот што ги обединува избраните претстави.

Понудената слика низ македонските театарски институции покажа неколку важни елементи со кои се соочува денес театарот кај нас. Сликата не е унисона, ниту покажува дека постои сериозна стратегија што треба да е денес театарски идентитет. Најпоразително е тоа што нема интерес за поставување домашни драми. Предизвикот да се селектира програмата за ова издание на фестивалот беше огромен, затоа што сметав дека на најстариот и најзначајниот македонски театарски фестивал треба да се покаже денешната актуелна театарска практика низ еден сериозен концепт. Концепт што ќе ни покаже каде сме и до каде сме и концепт кој треба да нѐ замисли и сериозно да ја наметне потребата да создаваме подобар театар. Во суштина, она што доминира во овој мој избор е креативноста на актерската игра, автентичните режисерски естетики и интересот кон драмската и не само драмска продукција на познатите автори, т.н класици. Добро е што некои од тие класични дела се актуелизирани и контекстуализирани, што мислам дека е важно да се покаже – рече Стојаноска.

[caption id="attachment_640996" align="alignnone" width="1000"] Главните создавачи на македонската театарска практика треба повеќе да се фокусираат на домашните драми, смета Ана Стојаноска, директорка и селекторка на Фестивалот фото: МТФ „Војдан Чернодрински“[/caption]

Глобалната слика на денешната театарска практика покажува дека не постои сериозна репертоарна политика, ниту концепт во кој се развива една театарска институција, истакна во своето образложение на програмата Стојаноска.

Сметам дека главните создавачи на македонската театарска практика треба повеќе да се фокусираат на домашните драми, на актуелната театарска естетика и пред сѐ, секој режисер и директор на театар да го има предвид ансамблот со кој ја создава претставата. Од избраните претстави евидентно е дека недостига претстава работена според драма на македонски автор. За жал, тековната продукција понуди малку претстави од македонска драма, но затоа како уметнички директор го иницирав откупот на драми од македонски автори и повикот за претстави од независната продукција што игра македонски автори.

Во официјалната програма се следниве претстави: „Чудна случка со кучето во ноќта“ од Сајмон Стивенс, во режија на Зоја Бузалковска, продукција на Драмски театар – Скопје, „Бесачи“ од Мартин Мекдона, во режија на Јавор Грдев, продукција на Македонскиот народен театар – Скопје, „Инферно“ според Данте Алигери, во режија на Дејан Пројковски, продукција на НУЦК Театар „Јордан Хаџи Константинов – Џинот“ – Велес, „Мистерија Буфо“ според Дарио Фо, во режија на Андреј Цветановски, продукција на Народен театар „Војдан Чернодрински“ – Прилеп, „Мy name is Medeјa“ според Еврипид, драматизација на Милан Рамшак Марковиќ, во режија на Себастијан Хорват, продукција на Народен театар – Битола, „Три сестри“ од Антон П.Чехов, во режија на Кендрим Ријани, продукција на Албански театар – Скопје, „Несфатената цивилизација“ од Добри Војников, во режија на Софија Ристовска, Народен театар – Охрид, „Роња, ќерката на ограбувачот“ од Астрид Линдгрен, во режија на Јакуб Максимов, Театар за деца и младинци – Скопје, „Женска гардероба“ од Арношт Голдфлам, во режија на Наташа Поплавска, Театар Комедија – Скопје.

Во придружната програма се: „Човек перница“ од Мартин Мекдона, во режија на Сибел Абдиу, продукција на Турски театар – Скопје, „Циркус Пирандело“ според драми од Луиџи Пирандело, адаптација и режија на Бојан Трифуновски, продукција на Народен театар „Антон Панов“ – Струмица.

Независна продукција што игра домашни автори: „Елегија во пет здива“ автор и режисер Филип Петковски, „Заминувања“ – колективно авторство, режија на Драгана Гунин, независна продукција во соработка со Мировна продукција, „Срам“ од Ангела Стојановска, режија на Милош Б.Андоновски, Продукција на „Тииит! Инк“, „Скопјани“ според раскази на Оливера Ќорверзировска и колективно авторство на актерската екипа, режија на Милош Б.Андоновски, „Глум(и)ци“ колективно авторство и режија, продукција на „Артопија“, „Подготвено“ според поезија и проза на Ѓоко Здравески, раскази на Елизабета Баковска, поезија на Блаже Конески и адаптација на сцена од „Трите високи жени“ од Едвард Олби, режија на Дејан Спасовиќ, продукција на „РКЦ РАКАТРАК“,  „Are you crazy? (Улаф сте?)“ автор и режисер Јован Ристовски, продукција на „АТО Центар за современа уметност и култура“ – Битола.

Стојаноска исто така ја најави програмата „Автор во фокус“, што прв пат се воведува на фестивалот. Годинава тоа ќе биде Коле Чашуле (1921-2009), драмски автор, писател, есеист, општествен деец.

The post Актерите Петар Темелковски и Петар Мирчевски се добитници на наградата за животно дело на Фестивалот „Војдан Чернодински“ appeared first on Република.

Аудиобиблиотеката „Самоглас“ го најавува својот нов проект, што го реализира во соработка со МТФ „Војдан Чернодрински“ од Прилеп. Станува збор за театарски поткасти чија реализација е поддржана од Министерството за култура и „Јуроп хаус“ и предвидени се две поткаст сезони.

Во првата епизода „Почетоците на фестивалот“, што e објавена денеска, гостинка е проф. д-р Јелена Лужина, една од најдобрите познавачи на фестивалот, личност која ги знае сите значајни информации и факти за неговите почетоци, раст и развој. Таа има креирано неколку монографии директно поврзани со фестивалот, меѓу кои е и јубилејната монографија во чест на 50. роденден на фестивалот, монографијата за Илија Милчин и за Кирил Ристоски, како и креирање на зборници од четирите симпозиуми.

Поткастите ги водат актерките Сара Анастасовска и Ангела Стојановска. Тие зборуваат за минатото на театарскиот фестивал во вкупно шест епизоди: Почетоците на фестивалот; Чување на фестивалската меморија; Сите награди на фестивалот; Награда за животно дело; Коле Чашуле и фестивалот; Војдан Чернодрински на фестивалот.

Во наредните епизоди на „Самоглас“, што ќе се објавуваат секоја среда, гости ќе бидат: Ана Стојаноска, Петар Темелковски, Стојан Дамчески, Сотир Трајков, Лилјана Мазова, Каролина Мицевска, Иван Додовски, Зоја Бузалковска, Бајруш Мјаку, Бедија Беговска, Благоја Чоревски, Лидија Иваноска, Александар Степанулески, Исидор Јованоски, Сара Спиркоска, Наталија Теодосиева, Никола Ристановски, Дејан Лилиќ, Сашко Насев, Дарја Ризова, Ѓорги Јолевски, Хакан Даци, Гентијана Рамадани, Наташа Петровиќ, Слаѓана Вујошевиќ, Сабина Мемиши, Александар Михајловски, Марко Трајковиќ, Ќендрим Ријани, Нела Витошевиќ, Љупчо Ѓоргиевски, Дејан Дуковски, Благица Секуловска и Бранислав Николов.

Втората сезона на театарските поткасти ќе се снима и емитува за време на одржувањето на МТФ „Војдан Чернодрински“ во Прилеп, од 9 до 16 јуни.

Аудиомонтажер и продуцент е Христијан Поп-Симонов, а Петар Антевски е задолжен за изработка на промотивните материјали.

Секој може бесплатно да ужива во аудиобиблиотеката преку креирање на кориснички профил на www.samoglas.mk или преку користење на мобилните апликации на „Самоглас“, достапни на: AppStore, PlayStore и AppGallery.

Сите нови содржини на „Самоглас“, можете да ги следите на официјалните профили на социјалните мрежи „Фејсбук“ и „Инстаграм“.

The post Театарски поткасти на „Самоглас“ посветени на историјата на Фестивалот „Војдан Чернодрински“ appeared first on Република.

Врз основа на конкурсот за откуп на необјавен и непоставуван македонски драмски текст, објавен од страна на Министерството за култура, МТФ „Војдан Чернодрински“ – Прилеп, распишува повик за комисија која ќе ги избере текстовите.

Комисијата за избор треба да ја сочинуваат пет члена од редот на вработените и/или дипломирани драматурзи, театарски режисери и театролози.

Секој што сака да учествува може да испрати своја кратка биографија и список на објавени книги, драмски текстови или поставени театарски претстави на адресата contact@mtf.com.mk до 15.2.2023 г.
За дополнителни информации може да се обратите на истата електронска адреса.
Ова е линкот од објавениот конкурс на Министерството за култура.

The post Драматурзи, театарски режисери и театролози може да се пријават за членови на комисија за избор на необјавен македонски драмски текст appeared first on Република.

Министерството за култура, во соработка со Македонскиот театарски фестивал „Војдан Чернодрински“ – Прилеп, денеска распиша „Конкурс за откуп на необјавен и непоставуван македонски драмски текст“.

Целта на конкурсот е афирмација на современата македонска драма и збогатување на фондот на драмски текстови од македонски автори.

Право на учество на конкурсот имаат сите автори, државјани на Република Македонија, кои може да конкурираат со најмногу два македонски драмски текста кои не биле објавени ниту поставени на сцена претходно.

Приоритет ќе имаат текстовите кои поттикнуваат и промовираат млади домашни драмски автори, текстови кои ја афирмираат современата македонска драма, иницираат зголемено учество на јавноста-интерактивност, активна публика, учество на млади и текстови кои отвораат актуелни општествени прашања.

Разгледувањето и оценувањето на пријавените текстови ќе го врши посебна комисија од истакнати, стручни и компетентни лица именувана од Министерот за култура, на предлог од Македонскиот театарски фестивал „Војдан Чернодрински“ – Прилеп.

Комисијата во согласност со приоритетите и квалитетот на текстот ќе направи избор на најмногу 3 македонски драмски текстови.

Пријавата со потребната документација треба да се достави до Министерството за култура по пошта ( ул. „Ѓуро Ѓаковиќ“ббр.61, 1000 Скопје) со датум на поштенскиот жиг, или лично во писарницата на Министерството за култура, секој работен ден до 15:30 часот.

Конкурсот ќе трае до 15 март 2023 година, а драмските текстови пристигнати по наведениот рок нема да бидат разгледувани.

Министерството за култура на авторите на откупените македонски драмски текстови, за откуп на авторските права за објавување и поставување на драмскиот текст, ќе им додели авторски надомест во нето-износ од по 120.000 денари. Неизбраните драмски текстови ќе им бидат вратени на авторите. Воедно ќе спроведе и соодветна постапка за објавување и поставување на откупените македонски драмски текстови.

За резултатите од Конкурсот, подносителите на пријавите ќе бидат известени во согласност со Законот за култура.

Конкурсот и пријавата се објавени на веб-страницата на Министерството за култура.

The post Министерството за култура и МТФ „Војдан Чернодрински“ распишаа конкурс за откуп на необјавен и непоставуван македонски драмски текст appeared first on Република.

На денешното собрание на Македонскиот театарски фестивал „Војдан Чернодрински“ кое се одржа во Скопје, за нов претседател на Собранието на фестивалот е избрана д-р Ана Стојаноска, театролог и професор. Изборот на новиот претседател доаѓа откако собранието на Фестивалот констатира дека е изминат мандатот на досегашниот претседател, Катарина Коцевска-Хаџавасилева.

Како што изјави Стојаноска, главниот фикус ќе биде создавање фестивал според современите страндарди, фокусиран на домашната драма и новиот театар.

Благодарам на Собранието на Фестивалот што ме избра. Се надевам дека ќе имаме одлична соработка со сите театри. Главниот мој фикус ќе биде создавање фестивал според современите стандарди, фокусиран на домашната драма и на новиот театар. Со сериозен концепт и можност да се види каков театар создаваме денес, со програми што ќе го „оживеат“ театарскиот сјај и со грижа за театарското наследство, вели Стојаноска.

Македонскиот театарски фестивал „Војдан Чернодрински“ е единствената национална театарска манифестација која го презентира театарскиот миг во земјава. Годинава,. во почетокот на јуни го одржа своето 56 издание.

Само во екот на пандемијата, во 2020 година, фестивалот не се одржа, а лани беше со променет термин – се одржа во октомври наместо во традиционалниот термин – првата недела во јуни. Со одлука на селектор, на фестивалот се презентира театарската продукција на професионалните македонски театри.

Годинава за најдобра беше прогласена претставата „Народен непријател“ на Македонскиот народен театар.

The post Ана Стојаноска е нова претседателка на МТФ „Војдан Чернодрински“ appeared first on Република.

Претставата „Народен непријател“ од Хенрик Ибзен во режија на Нина Николиќ, а во изведба на МНТ од Скопје е најдобра претстава на годинашниот 56. македонски театарски фестивал „Војдан Чернодрински“.

Оваа претстава се закити и со уште три награди, за најдобар актер за Никола Ристаноски, за сценографија на Вишња Вујовиќ и за рекламен материјал на Димитар Димитров.

Наградата за најдобра режија ја доби Кендрим Ријани за претставата „Артуро Уи“ во изведба на битолскиот театар, а најдобра женска улога оствари Бедија Беговска во претставата „Вишновата градина“ на турски театар од Скопје.

Претставата на битолскиот театар „Артуро Уи“ освен за најдобра режија, ги доби и наградите за најдобра машка епизодна улога, наградата „Димче Трајковски“за Никола Пројчевски, а за женска епизодна улога е наградена Викторија Степановска Јанкуловска. За најдобра костимографија наградата ја доби Благој Мицевски и за најдобра музика, Тримор Доми.

Наградата за млад актер ја доби Сара Спиркоска од претставата „Декамерон“ на прилепскиот театар, а Лидија Митовска Ѓориевска е добитник на наградата за најдобра современа сценска драматизација за оваа претстава.

Актерот Хакан Даци е добитник на наградата „Трајко Чоревски“ за млад актер од претставата „Вишновата градина“ на Турскиот театар. За најдобар текст е награден Рефет Абази за текстот на истоимена претстава „Јазли“ во изведба на Албански театар од Скопје.

Фестивалското жири во состав Љупчо Ѓорѓиевски, режисер, Бесфорт Идризи, актер и театарскиот критичар, Сотир Трајков, не ја доделија наградата за кореографија и сценски движења.

Според Ѓорѓиевски претставата „Народен непријател“ во целина ги исполни сите критуериуми за најдобро остварување на Фестивалот.

Она што нѐ водеше, една главна нитка, или мото при оценувањето е да издвоиме од секоја претстава елемент кој е доминантен. Претставата „Народен непријател“ на некој начин изби на врвот, пред сѐ, со своето уметничко обликување во целина каде речиси сите елементи се целосно обликувани, а потоа и со својата актуелност. Еден текст кој е пишуван пред 140-тина години имам впечаток како да е пишуван денес. Прозвучи актуелно и ненаметливо, како да се случува сега и овде, смета режисерот.

Сотир Трајков, член на жирито, ги нагласува актуелноста на темата и чистиот режисерски концепт.

Мојата порака до сите режисери и театри е да не се држат до она виденото, туку да истражуваат, рече Трајков.

Сара Спиркоска од прилепската претстава „Декамерон“ добитничка на наградата за млад актер рече дека е многу среќна за наградата, особено е поттик затоа што е штотуку дипломиран актер.

Ми се остварува сонот, особено е голема среќата зашто сум штотуку дипломирана. Сакам и сите колеги кои се невработени да им се даде шансата да ги покажат големите таленти, рече Спиркоска.

Лидија Митоска Ѓорѓиевска, добитничка на наградата за современа сценска драматизација се согласува дека наградата е голем поттик.

Среќна сум што работев во процесот, што режисерот Кочовски ми ја даде шансата и се надевам дека мојот труд ќе биде препознаен понатаму, рече Митоска Ѓорѓиевска.

На сцената од Центарот за култура “Марко Цепенков“ со доделувањето на наградите и со претставата во чест на наградените „Боливуд“ на театар „Комедија“ од Скопје вечерва ќе биде затворен 56 МТФ „Војдан Чернодрински.

The post Претставата „Народен непријател“ на МНТ е најдоба на МТФ „Војдан Чернодрински“ appeared first on Република.

Со претставата на битолскиот театар „Артуро Уи“ од Бертолд Брехт во режија на Кендрим Ријани, што е на програмата денеска од 19 часот на сцената од Центарот за култура „Марко Цепенков“, се заокружува официјалната програма на 56. Македонски театарски фестивал „Војдан Чернодрински“, што од 3 до 9 јуни се одржува во Прилеп.

Во придружниот дел од програмата вечер од 22 часот во Прилепскиот народен театар е мјузиклот „Quo vadis?“ на студентите од ФДУ од Скопје. Со тоа целосно завршува фестивалската програма.

Фестивалското жири утре напладне ќе ги соопшти наградите на годинашниов Фестивал и најдобрата претстава. Во трката за награди се осум претстави на македонските театри: „Народен непријател“ на МНТ, „My name is Goran Stefanovski“ („Моето име е Горан Стефановски“) на Драмски театар, „Декамерон“ на прилепскиот, „Јазли“ на албански театар, „Бракот на Марија Браун“ на струмичкиот, „Вишновата градина“ на Турски театар, „Клетвата на Скотје“ на театар „Комедија“ ипретставата на битолскиот театар што ќе биде прикажана вечер „Артуро Уи“.

Фестивалот утревечер ќе биде затворен со доделувањето на наградите и со претставата во чест на наградените „Боливуд“ на театар „Комедија“ од Скопје.

The post Завршува програмата на МТФ „Војдан Чернодрински“, утре е прогласувањето на најдобрата претстава appeared first on Република.