Четири лица кои управувале мотор вчера во одделни сообраќајни несреќи се здобија со тешки телесни повреди.

Прво во 14.27 часот во СВР Битола било пријавено дека на крстосница од ул.„Филип Втори Македонски“ и ул.„Наум Наумовски Борче“ во Битола се случила сообраќајна несреќа помеѓу патничко возило „ауди“ со битолски регистарски ознаки, управувано од Б.М.(33) од Битола и мопед „хамачи" со битолски регистарски ознаки, управуван од К.Л.(20) од Битола.

Во несреќата митоциклистот К.Л. се здобил со тешки телесни повреди, констатирани во Клиничка болница Битола. Увид извршила увидна екипа на СВР Битола.

Во 17.05 часот во Полициската станица Гевгелија било пријавено дека на ул.„7 Ноември“ во Гевгелија, Р.И.(69) од Гевгелија, управувајќи мопед со гевгелиски регистарски ознаки, паднал на коловозот.

Во несреќата возачот се здобил со тешки телесни повреди, констатирани во Општата болница во Гевгелија. Извршен бил увид од увидна екипа на ОВР Гевгелија.

Околу 17.10 часот во ОВР Гостивар било пријавено дека на место викано „Бистровец“ во близина на Црно Езеро, Л.Б.(31) од с.Неготино, додека се движел со четрицикл, изгубил контрола и почнал да се лизга, при што скокнал од четирициклот и се здобил со тешки телесни повреди, констатирани во Ургентен центар во Гостивар.

https://republika.mk/vesti/crna-hronika/spasuvachka-aktsija-za-mototsiklist-koj-padnal-vo-provalija-na-shar-planina/

Во 18.50 часот на регионален пат Маврови Анови – Гостивар, на место викано „Влајница“, Ј.А.(18) од Гостивар, управувајќи мотоцикл „бмв“ без регистарски таблички, изгубил контрола и излетал од коловозот. Во несреќата со тешки телесни повреди се здобил Ј.А., констатирани во Ургентен центар во Гостивар. Увид на местото на несреќата извршила екипа од ОВР Гостивар.

The post Во еден ден тешко повредени четворица моторџии appeared first on Република.

63 санкционирани возачи на мотоцикли во Скопје за еден ден, ja враќаме безбедноста на улиците, објави на својата Фејсбук страница министерот за внатрешни работи Панче Тошковски.

Во последниот период, до Министерството за внатрешни работи пристигнаа многу поплаки од граѓаните за несовесно и агресивно возење, особено на возачи на мотоцикли во централното градско подрачје на Скопје. Исто така и самиот сум бил сведок на такво непримерно однесување кое ги нарушува јавниот ред и мир и безбедноста на граѓаните.

Поради овие причини, лично иницирав спроведување на акциска контрола, насочена кон санкционирање на овие прекршоци и враќање на безбедноста на нашите улици.

Во тој контекст во текот на вчерашниот ден (27.08.2024) од страна на Одделението за сообраќајно и ескортно обезбедување во соработка со Одделението за безбедност на патниот сообраќај при СВР Скопје во периодот од 19.00 до 00.00 часот, во рамките на планот за зголемено присуство на полицијата и зголемување на безбедноста во градот Скопје, беше реализирана зајакната акциска контрола за санкционирање на прекршоци што ги чинат возачите на мотоцикли. Во акцијата беа контролирани повеќе од 130 мотоцикли и мотори, а санкционирани се 63 возачи. Од нив, 32 возачи не користеле заштитна кацига за време на возење, шест возачи возеле без возачка дозвола, 12 возачи имале несоодветна категорија, два мотоцикли не биле регистрирани и еден возач поминал на црвено светло. Акциските контроли во рамките на оперативната акција ќе продолжат и во идниот период со засилен интензитет.

Статистиките на жртви во сообраќајот покажуваат дека во Македонија има повеќе жртви споредено со земјите од ЕУ и МВР презема мерки, во склоп на своите надлежности, тоа да се промени. Во текот на минатата 2023 година имало 127 жртви во сообраќајни незгоди на територијата на цела држава, од кои 39 се во Скопје. За првите шест месеци од оваа година пак, има 57 жртви, од кои 14 се во Скопје.

Министерството за внатрешни работи почнува бескомпромисна борба против сите видови криминал и нарушувања на јавниот ред и мир. Никој нема право да го нарушува мирот и спокојот на граѓаните како во Скопје, така и во целата држава, без разлика дали се работи за криминална нарко банда или несовесен возач на мотор кој го нарушува мирот и безбедноста на булеварот „Партизански одреди“. Законот мора и ќе важи за сите и секој што го крши, ќе биде казнет, пишува Тошковски на Фејсбук.

The post МВР во акција: За еден ден казнети 63 возачи на мотоцикли во Скопје appeared first on Република.

Вчеравечер во 22.30 часот во Полициската станица Прилеп било пријавено дека на ул.„Капетан Игор Ѓорески“ во с.Обршани, општина Кривогаштани, И.К.(39) од с.Крушеани, општина Кривогаштани, управувајќи мопед со прилепски регистарски ознаки изгубил контрола и удрил во паркирано патничко возило „цитроен“ со прилепски регистарски ознаки, сопственост на А.Ш.(45) од с.Обршани.

По несреќата, И.К. бил пренесен во Градската болница Прилеп каде му биле констатирани тешки телесни повреди. Увид на местото извршила екипа од Полициската станица Прилеп.

The post Тешко повреден моторџија кој се забил во паркирано возило appeared first on Република.

И вчерашниот ден не помина без несреќи во кои настрадаа мотоциклисти по македонските патишка.

Прво попладнето во 18.10 часот во СВР Тетово било пријавено дека на локалниот пат с.Камењане - с.Горно Седларце, тетовско, се случила сообраќајна несреќа помеѓу патничко возило „опел корса“, управувано од С.А.(34) од с.Камењане и мотоцикл, управувано од малолетник од с.Камењане, двете со тетовски регистарски ознаки. Во несреќата со тешки телесни повреди се здобил мотоциклистот констатирани во Клиничката болница Тетово. Извршен бил увид од увидна екипа од СВР Тетово.

Вечерта во 22.05 часот во ОВР Гостивар било пријавено дека на патот Гостивар-с.Вруток, кај с.Равен, С.О.(42) од с.Равен, гостиварско, со престој во Швајцарија, управувајќи мотоцикл со гостиварски регистарски ознаки, изгубил контрола и излетал од коловозот. На возачот му биле констатирани тешки телесни повреди во Медицинскиот центар Гостивар. Извршен бил увид од увидна екипа од ОВР Гостивар.

The post Малолетникот во судир, другиот излетал од пат – двајца тешко повредени мотоциклисти appeared first on Република.

Двајца мотоциклисти се тешко повредени во две одделни несреќи вчера.

Првиот судир бил во 17.50 часот, кога во СВР Скопје било пријавено дека на бул.„Втора македонска бригада“ во Скопје се случила сообраќајна несреќа помеѓу патничко возило „цитроен“ со скопски регистарски ознаки, управувано од С.Џ.(25) од Скопје и мотоцикл со скопски регистарски ознаки, управуван од М.Р.(47) од Скопје.

Во несреќата со тешки телесни повреди се здобил мотоциклистот, констатирани во Комплексот клиники „Мајка Тереза“. Увид на местото извршила екипа од СВР Скопје.

Вечерта во 23.20 часот во Полициската станица Кичево било пријавено дека на регионалниот пат Кичево - Македонски Брод се случила сообраќајна несреќа помеѓу патничко возило „фолксваген пасат“ со кичевски регистарски ознаки, управуван од Р.М.(46) од кичевското село Туин и мотоцикл „јамаха“ со кичевски регистарски ознаки, управуван В.С.(29) од селото Староец.

Во несреќата со тешки телесни повреди се здобил мотоциклистот, констатирани во болницата „Св.Еразмо“ во Охрид. Увид на местото извршиле јавен обвинител и екипа на ОВР Кичево.

The post Двајца тешко повредени мотоциклисти appeared first on Република.

Двајца мотоциклисти се тешко повредени во два одделни судири.

Прво вчера во 18.20 часот било пријавено дека во Прилеп, на локалниот пат од с.Дупјачани кон с.Небрегово, Прилепско, се случила сообраќајна несреќа помеѓу патничко возило „пежо“, управувано од А.С.(25) од Прилеп, кое влечело патничко возило „голф“, управувано од Д.Д.(21) од Прилеп, двете со прилепски регистарски ознаки и мотоцикл „хамачи“, управуван од О.Ј.(40) од с.Дупјачани.

Во несреќата О.Ј. се здобил со тешки телесни повреди, констатирани во Градската болница Прилеп. Извршен бил увид од увидна екипа од ОВР Прилеп.

Во 20.25 часот, пак, било пријавено дека во Скопје на крстосницата од ул.„11 Октомври“, ул.„Филип Втори Македонски“ и ул.„Даме Груев“ се случила сообраќајна несреќа помеѓу патничко возило „опел“, управувано од К.Д.(44) од Скопје и мопед „сим“, управуван од Д.К.(18) од Скопје, двете со скопски регистарски ознаки.

Во несреќата со тешки телесни повреди се здобил возачот на мопедот, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.

The post Двајца тешко повредени мотоциклисти во судири appeared first on Република.

Во текот на јуни годинава во спроведени засилени акциски контроли на територијата на државава за санкционирање на прекршоци што ги прават возачите на мотоцикли, биле санкционирани 1655 возачи, известуваат од МВР.

Од нив, 999 возачи не користеле заштитна кацига за време на возење, 389 возеле без возачка дозвола, 49 мотоцикли биле одземени поради истечена сообраќајна дозвола и предизвикување голема бучава и друго, соопштуваат од полицијата.

Од МВР најавуваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи.

The post Полицијата одзеде 49 мотоцикли во текот на јуни, санкционирани 1655 возачи appeared first on Република.

Три лица се тешко повредени во три одделни сообраќајни незгоди што вчера се случиле на териоторијата на Македонија, а во која учествувале модед или мотоцикл.

Прво, во 12.45 часот во Полициската станица Струга било пријавено дека на ул.„ЈНА“ во Струга се случила сообраќајна несреќа помеѓу патничко возило „фолксваген пасат“ со охридски регистарски ознаки, управувано од А.Л.(39) од Охрид и мопед со струшки регистарски ознаки, управуван од М.Д.(44) од Прилеп, со место на живеење во Струга. Во несреќата со тешки телесни повреди се здобил М.Д., констатирани во Специјална болница „Св.Еразмо“ во Охрид. Извршен бил увид од увидна екипа од Полициската станица Струга.

Во 13.25 часот во Полициската станица Струмица било пријавено дека на булевар „Гоце Делчев“ во Струмица се случила сообраќајна незгода помеѓу патничко возило „голф“ со струмички регистарски ознаки, управувано од Љ.М.(68) од Струмица и мотоцикл „томос“ со струмички регистерски ознаки, управуван од П.П.(64) од Струмица. Во несреќата со тешки телесни повреди се здобил мотоциклистот, констатирани во Медицински центар Струмица, а увид на местото извршила екипа на Полициската станица Струмица.

Во 14.30 часот во Полициската станица Струга било пријавено дека на кружна крстосница од ул.„Партизанска“ и ул.„Маркс Енгелс“, Ј.Ц.В.Р.(72) од Холандија, управувајќи мотоцикл „хонда“ со холандски национални ознаки излетал од коловозот. Во несреќата со тешки телесни повреди се здобила сопатничката Ф.Ц.В.Р.(72) од Холандија, констатирани во Специјална болница „Св. Еразмо“ во Охрид. Извршен бил увид од увидна екипа од Полициската станица Струга.

The post Во еден ден три тешки несреќи со мотори, три лица тешко повредени appeared first on Република.

Полицијата денеска ги најде тројцата мотоциклисти од Штип кои вчера заедно со група мотоциклисти се движеле на планината Плачковица и околу 19 часот се издвоиле кон село Зрновци по што биле недостапни.

На планината Плачковица, денеска во близина на хидроцентралата во изградба на Зрновска Река, кочанско, полициски службеници од СВР Штип во координација со претставници на Off-road клуб Штип ги пронашле тројцата мотоциклисти А.С., С.Д. и Б.Т., сите од Штип. Вчера заедно со група мотоциклисти, тие се движеле со мотоцикли на планината Плачковица и околу 19 часот се издвоиле од групата кон село Зрновци, по што биле недостапни, информираат од МВР.

Тројцата мотоциклисти се пронајдени кај местото Казандол, неповредени, во добра здравствена состојба и вратени.

The post Пронајдени тројцата мотоциклисти кои на Плачковица се оддалечиле од групата appeared first on Република.

При акциска контрола на територија на целата држава за санкционирање на прекршоци што ги прават возачите на мотоцикли што се спроведе од 3 до 8 мај, санкционирани се 237 возачи, соопшти МВР.

Од нив, посочуваат од МВР, дури 142 возачи не користеле заштитна кацига за време на возење, 53 возеле без возачка дозвола, 16 возеле со изминат рок на важност на сообраќајната дозвола, двајца возеле под дејство на алкохол при што од сообраќај се исклучени 42 возачи. Санкционирани се и други прекршоци.

– Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, наведуваат од МВР.

The post Големо казнување на мотоциклисти appeared first on Република.