Во рамки на акциската контрола на територијата на Република Македонија за санкционирање на прекршоци што ги прават возачи на мотоцикли, полицијата казни вкупно 30 мотоциклисти, соопшти МВР.

Од нив, девет возачи управувале мотоцикл без да поседуваат возачка дозвола, односно потврда за положен возачки испит, еден мотоцикл бил нерегистриран, 19 мерки се преземени за неносење заштитна кацига, а еден мотоцикл е времено одземен поради техничка неисправност и непродолжена важност на сообраќајната дозвола повеќе од шест месеци.

Според МВР, најголем број од санкциите се изречени на територија на СВР Куманово - 9, потоа на територијата на СВР Велес - 7, СВР Тетово – 5...

Од полицијата најавуваат дека засилените акциски контроли продолжуваат и апелираат до сите учесници во сообраќајот да ги почитуваат сообраќајните правила и прописи за заеднички придонес за побезбедни патишта.

The post Полицијата казни 30 мотоциклисти за сообраќајни прекршоци appeared first on Република.

Во текот на јуни годинава во спроведени засилени акциски контроли на територијата на државава за санкционирање на прекршоци што ги прават возачите на мотоцикли, биле санкционирани 1655 возачи, известуваат од МВР.

Од нив, 999 возачи не користеле заштитна кацига за време на возење, 389 возеле без возачка дозвола, 49 мотоцикли биле одземени поради истечена сообраќајна дозвола и предизвикување голема бучава и друго, соопштуваат од полицијата.

Од МВР најавуваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи.

The post Полицијата одзеде 49 мотоцикли во текот на јуни, санкционирани 1655 возачи appeared first on Република.

Два мотоцикли се судриле во сообраќајката кај кавадаречко Фариш, на патот Кавадарци-Плетвар.

Како што информираше попладнево за МИА, Ристе Самарџиев, портпарол на СВР Велес, во полиција било пријавено дека е случена сообраќајна незгода помеѓу возач на мотоцикл „сузуки“ со бугарски регистарски ознаки управуван од 33-годишен скопјанец и возач на мотоцикл „БМВ“ со скопска регистрација, управуван од скопјанец на возраст од 47 години.

-Досега нема пријава за повредени лица. Полициска екипа е упатена на лице место, рече Самарџиев.

The post Се судрија сузуки со бугарски и БМВ со скопски таблички, моторџиите се скопјани appeared first on Република.

На 05.06.2022 полициски службеници од Полициската станица Штип го лишиле од слобода Г.В.(19) од Штип, поради постоење основи на сомнение за сторени кривични дела „кражба“ во обид, при што околу 01.40 часот бил затекнат во двор од куќа во Штип, каде со употреба на сила се обидел да одземе мотоцикл, сопственост на М.А. и „тешка кражба“ од патничко моторно возило, сопственост на Т.Г..

По комплетно документирање на случаите, против Г.В. ќе биде поднесена соодветна кривична пријава.

The post Фатен крадец на мотоцикли во Штип appeared first on Република.