Последниве денови инцидентот во „Мош“ привлече големо внимание во јавноста. И, додека едниот учесник во инцидентот беше предвреме лажно обвинет и насекаде именуван и прозван, другиот остана анонимен.

Гостите во барот-сведоци на настанот тврдат дека припадниците на единицата за недозволена трговија со дрога непречено влегле во објектот и ја спровеле својата акција.

Инцидент и нетрпеливост помеѓу едниот и другиот учесник внатре во барот воопшто и немало, туку се’ се случило при излегување на единицата, кога иницијаторот на инцидентот на самиот излез почнал и испровоцирал вербална пресметка, пишува „Нетпрес“.

Кој всушност е иницијаторот?

Станува збор за Влатко Груевски, познат на еден дел од јавноста како лице со повеќе кривични дела, гледан често во дружба со веќе покојните членовите на кланот Грчец. Некои од делата:

2009 - Кривична пријава за загрозување на безбедноста во сообраќајот по чл.297 од КЗ

2021- Кривична пријава за загрозување на безбедноста во сообраќајот по чл. 297 од КЗ

2021 - Кривична пријава за загрозување на сигурноста при вршење семејно насилство по чл.144 од КЗ

2021 - Кривична пријава за телесна повреда при вршење на семејно насилство по чл.130 од КЗ

2022 - Дисциплинска постапка кога му исчезнале поголема сума на пари одземени при претрес

И покрај сите овие дела, Влатко Груевски е се уште на слобода и е дел од Министертсвото за внатрешни работи.

Кој го штити ова лице и за кого одработува?

Сега останува на нас да видиме кој е следен на списокот на лица кои треба да бидат изложени на слични однапред планирани сценарија со цел да се одвлече вниманието на јавноста од реалните проблеми во државава во предизборната кампања, коментира „Нетпрес“.

https://www.youtube.com/watch?v=V-1TffnLsYU&embeds_referring_euri=https%3A%2F%2Fnetpress.com.mk%2F&source_ve_path=MTc4NDI0

The post Кој го предизвика инцидентот во Мош? – Се’ што се случило е снимено на безбедносните камери appeared first on Република.

Општина Центар информира дека минатата недела е извршено мерење на бучава во угостителските објекти „Мош“ и „Интермецо', по што се спроведени инспекциски постапки со платен налог за глоба за сторен прекршок согласно Законот за заштита од бучава во животна средина. Правните лица можат да платат половина од казната во рок од осум дена.

По извршените мерења на бучава, овластената лабораторија за животна средина ги достави извештаите од мерењата, врз основа на кои се спроведени инспекциски постапки, со платен налог за глоба за сторен прекршок согласно Законот за заштита од бучава во животна средина, соопштија од Општината.

Оттаму посочуваат доколку не се платат казните во висина 13.000 евра, овластениот инспектор ќе достави барања за поведување прекршочна постапка пред Основен суд, Оддел за прекршоци.

Акцијата за мерење на бучавата се организираше од страна на Секторот за инспекциски работи со овластена лабораторија за животна средина „Еуромак контрол“ Скопје, по пријави од граѓани за зголемена бучава од гласна музика од угостителските објекти.

Како што информираат општинските власти, акциите биле спроведени на цела територија на Општина Центар, при што беа поминати клучните точки, односно локалите за кои што редовно има пријави од граѓани, конкретно во населените места Дебар маало, Буњаковец, Центар и Капиштец.

Општина Центар постојано добива поплаки од граѓаните за гласна музика и непочитување на работното време по што во неколку наврати досега има изречено казни за бучава. Општина Центар повторно апелира до сите управители и сопственици на угостителски објекти во општината, да се придржуваат до постоечките правилници, да имаат обзир кон жителите кои живеат во непосредна близина на нивните локали и да се придржуваат до Законот за заштита од бучава во животната средина, се вели во соопштението на Општината.

The post „Мош“ и „Интермецо“ повторно прегласни, ако не ги платат казните ќе одат на суд appeared first on Република.

По зголемениот број пријави од граѓани за гласна музика од угостителски објекти и непочитување на работното време во ноќните часови, Секторот за Инспекциски работи на Општина Центар во соработка со Државен пазарен инспекторат изминатиот викенд изврши контрола на неколку локали, соопштија од општината.

Информираат дека поради пречекорување на работното време до 1 часот по полноќ на кафулињата „Интермецо“ и „Мош“ пазарната инспекција им изготви записници за затворање и забрана за работа од 10 дена. Решенијата до локалите ќе бидат доставени во текот на денешниот ден по што истите ќе бидат пломбирани.

Општина Центар постојано добива поплаки од граѓаните за гласна музика и непочитување на работното време по што во неколку наврати досега има изречено казни за бучава. Општина Центар повторно апелира до сите управители и сопственици на угостителски објекти во општината, да се придржуваат до постоечките правилници, да имаат обзир кон жителите кои живеат во непосредна близина на нивните локали и да се придржуваат до Законот за заштита од бучава во животната средина, велат од Општина Центар.

The post „Интермецо“ и „Мош“ добија забрана за работа од 10 дена appeared first on Република.