– Руската морнарица е обучена да гаѓа цели длабоко во Европа со проектили способни да носат нуклеарни боеви глави во потенцијален конфликт со НАТО, покажуваат тајните документи во кои увид имаа новинарите на „Фајненшл тајмс“ (Financial Times).

Според британскиот дневен весник, документите покажуваат како Русија го замислува судирот со Западот далеку од нејзините непосредни граници со НАТО, всушност планирани се серија напади во Западна Европа.

Руските документи подготвени во периодот од 2008 до 2014 година, вклучуваат листа на цели за ракети кои можат да носат или конвенционални боеви глави или тактичко нуклеарно оружје.

Аналитичарите кои имаа увид во документите истакнаа дека тие се во согласност со процената на НАТО за заканата од ракетни напади со долг дострел од страна на руската морнарица, но и со брзината со која Русија најверојатно ќе прибегне кон нуклеарната опција.

Мапите, кои беа создадени за презентација, а не за оперативни цели, покажуваат дека руската поморска флота има 32 цели на НАТО во Европа.

„Фајненшл тајмс“ наведува дел руските цели:- Целите на руската балтичка флота се главно во Норвешка и Германија, вклучително и поморската база Берген, како и радарските локации и објектите на специјалните сили.

– Северната флота на Русија треба да цели на одбранбено-индустриски цели, како што е бродоградилиштето за подморници во Бароу-ин-Фернес во северозападна Англија.

– Во документите е прикажана и руската доктрина, која би можела да се примени при евентуални војни во Црно Море, Касписко Езеро и Пацификот.

Сценаријата вклучуваат војни со сегашните сојузници како Кина, Иран, Азербејџан и Северна Кореја.

The post „Фајненшл тајмс“: Руската морнарица е обучена да напаѓа цели во Европа appeared first on Република.

Велика Британија се наоѓа на удар од напади против националната одбрана и на никого за тоа не му е грижа, пишува поранешниот британски специјален агент Тим ​​Колинс во својата колумна за „Телеграф“.

Првиот проблем со кој се соочува Британија е регрутирањето, смета тој, наведувајќи дека наместо да се привлечат „оние кои ја бранеле оваа земја со векови“, денес се форсира различноста, односно регрутирање на различни малцинства кои не се ни заинтересирани за кариера. во армијата.

Другиот е тоа што се деморализираат и исмејуваат „непожелните“ – оние кои починатиот командант на британските воздухопловни сили Мајкл Винстон ги нарече „бескорисни бели машки пилоти“ – поради што тие масовно ја напуштаат војската.

Третиот проблем се ниските безбедносни стандарди, кои им овозможуваат на непријателите да се инфилтрираат во британската армија без поголеми проблеми, наведува Колинс.

Бродовите чии поправки се скапо платени се исклучени од употреба. Морнарицата не може да учествува во вежбите на НАТО, а камоли ефикасно да се бори против Хутите во Црвеното Море.

Она што остана од армијата е едвај функционално. Ситуацијата не е многу подобра ниту кога станува збор за оружјето, пишува Колинс, наведувајќи дека Британија сега практично нема артилерија откако ги испрати преостанатите системи и муниција во Украина.

Проблем за Британците е и набавката на ново оружје. Имено, од 589 нарачани оклопни возила, испорачани се само 44 – десет години откако Министерството за одбрана платило 5,5 милијарди фунти за нив.

Уште еден проблем е недостигот на тенкови. Минатата година беше откриено дека британската армија има само 157 тенкови „Челинџер“ подготвени за итно или 30-дневно распоредување – наспроти официјалните 227.

The post Велика Британија повеќе нема војска, а морнарицата е толку лоша што веќе не може ниту да учествува во вежбите на НАТО appeared first on Република.

Кралската морнарица на Велика Британија има толку малку морнари што мора да деактивира два воени брода за да ја обнови својата нова класа фрегати. Конкретно, во 2024 година ќе бидат повлечени од употреба фрегатата „ХМС Вестминстер“, која неодамна беше реновирана со големи трошоци, како и фрегатата „ХМС Аргил“.

Со повлекувањето на овие два брода, ќе се овозможи нивните екипажи да бидат ослободени и да може да бидат прераспределени на новите фрегати од типот 26.

Ваквите мерки се преземаат во позадина на фактот дека официјален Лондон се соочува со сериозна кадровска криза, а морнарицата се соочува со нагло намалување на приливот на регрути во служба.

Вкупно, министерството за одбрана на земјата нарача осум фрегати од нов тип, а тие ќе станат најмодерни противподморнички воени бродови на британската морнарица. Првиот таков брод ќе се приклучи на флотата не порано од 2028 година.

The post Британија мора да деактивира два воени брода за да ги прераспредели морнарите на нови фрегати appeared first on Република.

Американскиот Сенат гласаше за одобрување на адмирал Лиза Франчети (59) да ја води американската морнарица.

Како началник за поморски операции, таа стана првата жена што се приклучи на елитната група високи воени офицери кои го сочинуваат Здружениот Генералштаб на американската војска, јавува Би-Би-Си.

Нејзината номинација беше одобрена со 95 гласа „за“ и еден против, откако Сенатот се обиде да ги пополни критичните позиции во военото раководство.

Франчети е ветеран на морнарицата и поранешна началничка на американската Шеста флота и американските поморски сили во Јужна Кореја, а исто така служела и како командант на носач на авиони. Таа беше номинирана од американскиот претседател Џо Бајден. Американската крајбрежна стража е предводена од жена, адмирал Линда Фаган, но таа гранка спаѓа под Министерството за домашна безбедност, а не под Министерството за одбрана.

Генерал Дејвид Олвин е назначен за началник на Генералштабот на американските воздухопловни сили, а генерал-полковник Крис Махони е именуван за помошник командант на маринскиот корпус, откако неговиот претходник во неделата доживеа срцев удар, јавуваат американските медиуми.

The post Лиза Франчети стана првата жена на чело на американската морнарица appeared first on Република.

Шефот на британската кралска морнарица нареди истрага за обвинувањата за насилство и сексуално малтретирање на жени во Подморничката служба, јави Би-би-си. Неколку свиркачи кои служеа во флотата, за Дејли мејл тврдат дека се соочиле со лошо однесување на офицери во нивните редови.

Адмирал сер Бен Ки, шеф на поморскиот штаб, ги нарече тврдењата „ужасни“, додавајќи дека „за секасуално малтретирање нема место во кралската морнарица и тоа нема да биде толерирано“.

-Ќе сноси последици секој, за којшто ќе се докаже дека е виновен, нагласи тој.

Една жена за Дејли мејл изјави дека била сексуално нападната од машко лице од повисок ранг, додека спиела. Исто така, според нејзините зборови, еден висок офицер ја удрил по бубрег.

Таа раскажува дека друг колега оставил голи фотографии од модели за неа, како и пари во нејзината кабина, со сугестија дека таа треба да му возврати со секс.

Други жени тврдат дека често им било барано да имаат сексуални акти и неретко им викале со повисок тон и ги удирале со канцелариски материјали. Насилството наводно се случува повеќе од една деценија. Забраната за регрутирање жени беше укината во 2011 година.

The post Скандал ја тресе кралската морнарица: Жени раскажуваат како биле сексуално малтретирани од машки лица од повисок ранг appeared first on Република.

Во Средоземното Море во изминатиов период се одвива многу чувствителен американско-руски маневар, пишува италијанскиот весник „Ил Џорнале“.

Од една страна, руската морнарица се обидува да изврши притисок врз бродовите на НАТО да ги концентрираат кон Јонското Море, а од друга страна, САД продолжуваат да испраќаат бомбардери Б-52 над Европа за да ја следат ситуацијата одозгора.

Најновата сателитска снимка покажува што се случува во близина на италијанските води на Јонското Море, кај брегот на Калабрија:

„Играта“ што ја играат американскиот носач на авиони „Труман“ и рускиот разурнувач „Кулаков“ изгледа како партија шах: едниот го чека потегот на другиот - пишува весникот.

https://twitter.com/SpartacusGladia/status/1512779244912488458?ref_src=twsrc%5Etfw%7Ctwcamp%5Etweetembed%7Ctwterm%5E1512779244912488458%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3910097%2Fmediteran-kljuca-od-ruskih-i-americkih-ratnih-brodova-tu-su-nosac-aviona-truman-bombarderi-ruski-razarac-kulakov-rakete-kalibar

Носачот на авиони „Труман“ е предводник на НАТО флотата во Медитеранот, а друг италијански весник „Република“ пишува дека бродот носи ловци-бомбардери „Ф-18 Хорнет“ кои „вежбаат“ за евентуално да им пружат помош на земјите околу Црното и Балтичкото Море, кои се поблиску до војната во Украина.

Рускиот разурнувач „Кулаков“, пак, е брод од советската ера, кој беше целосно модернизиран во 2010 година. Експертите велат дека е опремен и со крстосувачки ракети „Калибар“, истото оружје со кое Русите ја гаѓаат територијата на Украина.

Бродот е во движење заедно со големиот руски крстосувач „Варјаг“ кој може истовремено да погоди повеќе цели и затоа го нарекуваат „убиец на носачи на авиони“.

„Варјаг“ е трет по големина крстосувач од класата „Глори“, со наведувани ракети, изграден за советската морнарица, а сега и служи на руската морнарица.

Бродот се наоѓа во близина на италијанските води од февруари, како дел од досега невидена концентрацијата на силите на руската морнарица: крстосувачи, борбени авиони, фрегати и подморници, од кои едната веројатно е на нуклеарен погон. Сите бродови се опремени и со руски крстосувачки ракети „Калибар“.

Ваквата концентрација на руски бродови во Средоземното Море е последица на намерата на Москва да го контролира движењето на НАТО, како и да се интервенира за да го спречат влегувањето на непријателските бродови во Црното Море.

Американскиот носач „Труман“, осмиот во американската морнарица од класата „Нимиц“, како обезбедување чека бомбардери „Б-52“ кои го надлетуваат подрачјето каде што се наоѓаат руските екипажи.

Во сегашната ситуација, руските „Варјаг“ и „Кулаков“ го следат „Труман“ во Јонското Море. Но, за Москва тоа маневрирање не е лесно бидејќи долгиот престој на море и создава проблеми на нејзината флота, која не успева да стигне до Крим за снабдување, бидејќи Турција го спречува минувањето на воените бродови низ Босфор.

Се чини дека и Пентагон ги преиспитува своите приоритети: „Труман“ бил изненаден од украинската криза бидејќи пред нејзиниот почеток бил на мисија во водите на Персискиот залив, а му било наредено да застане и подоцна да отплови кон Медитеранот, каде му се придружија неколку крстосувачи.

The post „Воени игри“ го наполнија Медитеранот со американски и руски воени бродови: Носач на авиони, разурнувачи, бомбардери, ракети „Калибар“ appeared first on Република.