Од Центарот за оперативни комуникации (ЦОК) на Полициската управа во Црна Гора, соопштено е дека во близина на Кривиот мост, од засега непознати причини, возило излетало во кањонот Морача. Од возилото биле извлечени телата на А.Ѓ. (1987) и K. Ѓ. (2017).

Од полицијата за весникот „Вијести“ информират дека, според изјавите на очевидци, најверојатно се работи за „голф 4“. Телата на А.Ѓ. (36) и неговиот шестгодишен син биле извлечени од реката.

Првите податоци од полицијата, а врз основа на исказите на сведоците на трагедијата велат дека најверојатно возачот тоа го сторил на своја волја.

Според изјавите на сведоците, возачот на „голфот“ најпрвин со својот автомобил полека се качил на тротоарот, а потоа свртел кон Морача.

Полицијата испитува еден сведок, кој наводно го видел возачот како се качува по тротоарот со својот автомобил.

The post Татко намерно излетал со автомобил во кањонот на Морача, возејќи се со неговиот 6-годишен син appeared first on Република.

Двомесечно машко бебе вчера било извлечено од Морача во Подгорица откако неговата баба К.К (62) со него во раце скокнала во реката.

Бебето било спасено, а телото на бабата било извлечено од водата кратко време откако неофицијално, како што тврдат од полицијата, таа решила да оди во смрт со него.

На социјалните мрежи се појави видео од извлекувањето на детето од студената река.

Работниците на градското претпријатие Зеленило Алдин Ибрахимовиќ и Алмир Мујак го извлекле и спасиле бебето од Морача во Подгорица. Во спасувањето учествувал и Демај Спејтим.

Работниците во локално градско претпријатие вршеле редовни работни задачи кај мостот кога виделе дека бебе паднало во студената река. Со брза реакција успеале да го извлечат детето на брегот.

Детето било без свест, а албанскиот пратеник во шведскиот парламент, Аднан Дибрани, кој случајно се нашол на лице место, успеал да ја исцеди водата од белите дробови на момчето и да го врати во живот, пренесува Блиц.

Брзата помош брзо реагирала и го пренела бебето во болница.

Да потсетиме, шеесет и двегодишната К.К. починала вчера околу 11.20 часот откако со двомесечното внуче во раце скокнала во реката Морача. Пред тоа жената испратила вознемирувачка порака до родителите на бебето, кои во паника веднаш истрчале од куќата и го барале своето дете кое во тој момент од реката го спасувале четворица херои.

The post Спасено e двомесечното бебе со кое бабата скокнала во водите на реката Морача appeared first on Република.