Властите во непалскиот регион кој го надгледува Монт Еверест воведуваат ново правило кое ги обврзува планинарите сами да го исчистат својот измет и да го вратат во базниот камп.

Мингма Шерпа, претседател на општината Пасанг Ламу, истакнува дека добиле поплаки за непријатниот мирис поради човечки измет на карпите, што ја расипува сликата на регионот.

Планинарите кои тргнуваат на освојување на Монт Еверест и околните планини ќе треба да купат вреќи за измет во базниот камп, кои ќе бидат проверени по враќањето.

За време на сезоната на пешачење, планинарите користат специјални шатори и буриња за собирање измет во базниот камп. Меѓутоа, како што се искачуваат кон врвовите, каде што има помалку снег, нуждата на отворено станува предизвик.

Поради екстремните температури на Еверест, изметот оставен на студ не се распаѓа целосно, што претставува еколошки проблем. Иако има се повеќе кампањи за чистење, вклучително и човечки измет, останува голем предизвик на Еверест и другите планини во регионот, пренесува „outsideonline“.

The post Mонт Еверест се загадува од човечки измет appeared first on Република.

Искачувањето на Монт Еверест наскоро би можело да поскапи, бидејќи Министерството за туризам на Непал размислува да ги зголеми таксите што странските алпинисти треба да ги платат за авантурата на највисоката планина во светот.

Според таквите планови, сегашната такса од 11.000 американски долари ќе биде зголемена на 15.000 долари во „врвот“ на пролетна сезона на искачување. Зголемувањето на цената треба да биде одобрено од Советот на министри, а би стапило во сила во 2025 година.

Монт Еверест се наоѓа на границата меѓу Непал и Кина, а планинарите можат да пристапат до него од двете земји. Сепак, дозволата за искачување е поскапа на кинеската страна.

Откако Тензинг Норгеј и Едмунд Хилари првпат се искачија на Монт Еверест во 1953 година, досега се забележани речиси 11.500 искачувања.

The post Поскапува искачувањето на Монт Еверест: Непал ја зголемува „туристичката такса“ appeared first on Република.

На 19 мај 2023 година д-р Златко Јаќовски (PSK H2O) го искачи највисокиот врв на планетата, Еверест (8.848 м.н.в), објави на Фејсбук планинарскиот клуб „Македон“.

Честитки за огромниот успех и му посакуваме да се одмори во базниот камп, каде се чувствува одлично! Сонот може да стане реалност, само треба да веруваме во него!, објави планинарскиот клуб.

The post Д-р Златко Јаќовски го искачи Монт Еверест appeared first on Република.