Aдвокатот Владимир Туфегџиќ, кој ја водеше истражната постапка за масакрот кај Смилковското Eзеро, во „Претрес со Ландов“ кажа дека се направила класична злоупотреба преку прислушуваните разговори од страна на носителите на проектот „Вистината за Македонија“ во кој беше и тогашниот лидер на СДСМ, Зоран Заев.

За семејствата на жртвите прислушваните разговори од „Вистината за Македонија“ донесоа патња и страдање, рече тој.

Туфегџиќ нагласи дека со тие разговори се направил нов злочин, овојпат врз семејствата на загинатите. Сега беа убиени семејствата, нагласи тој.

Тие разговори беа најавувани бомбастично, дека наводно во целиот случај се инволвирани државни функционери. Да, разговори од функционери имало, но тие разговори немаат апсолутно никаква поврзаност немаат со настанот. Тоа се разговори од тогашни функционери кои изразуваат загриженост и бараат одговори што точну се склучило, потенцираше Туфегџиќ.

Слушнете за овој случај од 1 час 57 минута:

https://www.youtube.com/live/bLCIpcqjXyQ?si=76FU49v4zZPQ4_rE

The post Туфегџиќ: Бомбите за „Монструм“ ги убија семејствата на жртвите, а немаа никаква поврзаност со случајот! appeared first on Република.

Нема да дозволиме криминално барање на трета земја, која нема законска основа ниту по меѓународното право, да го отежнува слободното движење на нашите граѓани, изјави денеска косовскиот министер за внатрешни работи Џелал Свечла, кој е во официјална работна посета на Министерството за внатрешни работи во земјава.

Во одговор на новинарско прашање во врска со барањето на Србија за екстрадиција на поранешниот припадник на ОВК Блерим Рамадани, кој беше приведен минатата недела на преминот Јажинце, меѓу Косово и Македонија, косовскиот министер за внатрешни вели за случајот веќе се има произнесено македонскиот суд.

Мислам дека за случајот треба да прашате во Министерството за правда, кое го покрива ова поле. Што се однесува до екстрадицијата на нашиот граѓанин по барање на Србија, за тој случај има изјава, се произнел и самиот суд во Република Македонија. Ние сме подготвени да разговараме и да работиме и како две соседни земји и како две пријателски земји и нема да дозволиме криминално барање на трета земја која нема ниту законска основа ниту законска основа во меѓународното право да го отежнуваат слободното движење на нашите граѓани, рече Свечла.

Во врска со денешното барање од страна на министерот за правда Игор Филков Косово да ги екстрадира Алил Демири и Африм Исмаиловиќ, двајцата осудени на доживотен затвор во случајот познат како „Монструм“, Свечла вели не треба да се поврзуваат овие два случаи.

– Јас мислам дека тоа барање тој го доставил до неговиот колега. Значи, не можеме никако да ги поврземе овие два случаи. Во случај што вие го спомнувате, значи се работи за трета земја. Значи, се работи за земја, која и во регионалната соработка е проблем за подобра соработка меѓу земјите во регионот, а да не зборуваме за пречките, за лошите работи и криминалот што ги прават во однос на Косово, рече Свечла.

Собраните податоци, додаде, биле предадени до Јавното обвинителство на Косово.

– Ги имав сите можни анализи, сите истраги, сега веќе се реализирани. Значи, ние ги имаме сите податоци, собрани се и предадени во ЈО на Косово и очекувам ЈО да поднесе кривична пријава за директен напад врз територијалниот интегритет на Косово, рече Свечла.

На поранешниот војник на ОВК Блерим Рамадани, на барање на Обвинителството за организиран криминал му е одреден екстрадиционен притвор од 30 дена. Тој е приведен на 17 јули 2024 година на преминот меѓу Косово и Македонија и веднаш бил префрлен во затворот Шутка во Скопје.

The post Косовскиот министер бара да не се поврзуваат барањата за екстрадија на осудените за „Монструм“ и албанскиот терорист Рамадани appeared first on Република.

Министерот за правда Игор Филков денеска изјави дека потпишал барање за екстрадиции за Алил Демири и Африм Исмаиловиќ, кои се осудени за доживотен затвор за кривичното дело „тероризам“. Како што појасни, овие две барања се доставени до косовското Министерство и се чека на одговор.

Тој напомена дека за лицата Алил Демири и Африм Исмаиловиќ првпат од Република Косово е побарана екстрадиција на 15 март 2013 година, но тоа беше одбиено.

За Алил Демири и Африм Исмаиловиќ, првпат од Република Косово е побарана екстрадиција на 15.03.2013 година. Барањето за екстрадиција беше одбиено со пресуда на Основниот суд во Приштина од октомври 2015 година, потврдено и од Апелациониот суд на Косово јануари 2016 година. Екстрадиција повторно е побарана за двајцата на 05.09.2018 година, додаде Филков.

Како што посочи, на 8 октомври 2021 година добиено е известување од Министерството за правда на Косово дека екстрадицијата за Исмаиловиќ се одбива, а за Демири нема одговор.

Во постапките, се што беше побарано од косовските власти беше доставено. Официјални одговори од Косово со кои се одбива екстрадицијата на Исмаиловиќ се испратени два пати, во февруари 2016 година и октомври 2021 година. За Демири има официјален одговор од Косово во февруари 2016. После шест години, повторно бараме нивна екстрадиција, рече Филков.

Министерот напомена дека не може да прејудицира сега што би можеле косовските власти да направат, за тоа ќе мора да се почека.

Во судскиот процес за случајот познат како „Монструм“, на доживотен затвор беа осудени Алил Демири, Африм Исмаиловиќ и Агим Исмаиловиќ. Обвинетиот Фејзи Азири доби 15 години затвор, а Хаки Азири 9 години. Ослободителна пресуда поради недостиг на докази доби единствено обвинетиот Сами Љута.

[caption id="attachment_150674" align="aligncenter" width="753"] Обвинетите Хаки Азири, Сами Љута и Агим Исмаиловиќ насмеани излегоа од Кривичниот суд и си направија селфи со Зоран Заев во позадина, додека тој даваше изјава за медиумите по сведочењето во случајот „Монструм“, 3 февруари 2020 година (фото: Мкд.мк)[/caption]

Исмаиловиќ и Демири се обвинети дека се двајца од тројцата непосредни извршители на убиствата кај Смилковско езеро. Тие се во Косово, по нив беа распишани потерници, но и покрај ветувањата од Приштина, досега не се екстрадирани во нашата држава.

The post Филков потпиша барање за екстрадиции за монструмите Алил Демири и Африм Исмаиловиќ appeared first on Република.

Меланија Трамп – сопругата на поранешниот американски претседател Доналд Трамп го нарече напаѓачот на нејзиниот сопруг „монструм“.

Таа во изјава објавена на мрежата X напиша дека нејзиниот живот и животот на нејзиниот син Барон биле „на работ на катастрофална промена“ кога видела дека куршумот го погодил нејзиниот сопруг.

Меланија Трамп е во брак со милијардерот од 2005 година.

„Да се ​​потсетиме дека различните мислења, политики и политички игри се инфериорни во однос на љубовта. Ајде да се обединиме сега“ рече Меланија.

The post Монструм, така го нарече Меланија Трамп напаѓачот на нејзиниот сопруг appeared first on Република.

Поминаа 12 години од моментот кога Македонија ја здрма ѕверското убиство кај Смилковско Езеро на четирите другари и случајниот минувач рибар, од страна на албанска банда.

Беше Велики четврток, а животот на најгнасен начин го загубија Филип Славковски, Александар Наќевски, Цветанчо Ацковски и Кире Трпковски, другари од Радишани на возраст од 18 до 21 година, како и Борче Стевковски, 45 години, од селото Црешево. Убиствата се случиле меѓу 19:30 и 22:30 часот кога биле најдени телата на убиените.

Обдукцијата врз убиените покажало дека во нив е пукано од три типа огнено оружје, зашто се најдени чаури од три различни типа муниција. На 10 километри од убиството, беше пронајдено возило „Опел Омега“, за кого беше потврдено дека било на местото на настанот за време на убиството.

За овој случај беше отворен предмет под името „Монструм“, за кој имаше пресуда, но предметот одново беше вратен на судење, откако Зоран Заев тврдеше дека во затвор леажат невини луѓе.

https://arhiva.republika.mk/910028

После и на суд се докажа дека лажел.

На доживотна казна затвор беа осудени Алил Демири, Африм и Агим Исмаиловиќ. Хаки Азири за помагање беше осуден на 9 години затвор, Фејзи Азири за истото дело на 15 години затвор. Судот го отфрли обвинението на Сами Љута.

На 15 септември 2023 година Врховниот суд конечно ги одби како неосновани жалбите на обвинетите за случајот „Монструм“ и ја потврди во целост пресудата на Апелациониот суд Скопје од 31 март 2022 година.

Во меѓувреме, иако неодамна беше уапсен на Косово, Алил Демири, осудениот на доживотен затвор во Македонија за кривичното дело „тероризам“ за петкратното убиство кај Смилковско Езеро во 2012 година, беше пуштен од тамошните власти и повторно не беше екстрадиран.

The post 12 години од оној Велики четврток appeared first on Република.

Градоначалникот на општина Гази Баба, Бобан Стефковски денеска заедно со Поглаварот на Македонската Православна Црква – Охридска Архепископија Господин Господин Стефан и градоначалникот на општина Бутел Дарко Костовски ја посетија Црквата Св. 40 Маченици која се гради на Смилковското Eзеро.

Како што информираше Стефковски, изминатиот период беа извршени активности за изработка на фреските и иконостасот на Црквата.

Оваа Црква се гради на иницијатива на граѓаните, а во слава и сеќавање на Филип Славковски, Александар Наќевски, Цветанчо Ацковски, Кире Трпковски и Борче Стевковски кои беа свирепо убиени на 12 Април 2012 година на Велики Четврток. Со изградбата на овој Божји дом никогаш нема да се заборави дека недолжни млади деца го загубија својот живот на тоа место! Никогаш да не се заборави! Никогаш да не се повтори!, напиша Стефковски.

The post Привршува изградбата на црквата на Смилковско Езеро во помен на убиените деца appeared first on Република.

Неодамнешните трагични случувања со убиството на 14-годишното девојче и 74-годишниот велешанец, отвораат дополнителни сомнежи за делата што главниот осомничен за организацијата на делото, Љупчо Палевски, познат по прекарот Палчо, беше вклучен и во „другите монтирани случаи“, изјавија денеска од Европскиот сојуз за промени.

Кога министерот за внатрешни работи, Оливер Спасовски, изјави дека главниот осомничен кој го изврши убиството на Вања, како и неговите соработници, работеле за моќни антизападни центри, тогаш логично е да се сомневаме дека истите организатори на убиството на Вања, се вмешани и во организацијата на случајот „Монструм“ каде на грозоморен начин беа убиени пет млади момчиња. И сето тоа, во пресрет на верските празници, со цел преку меѓуетнички тензии да предизвикаат дестабилизација на општеството. Затоа, Европскиот Сојуз за Промени бара од Министерството за внатрешни работи и од правосудните истражни органи да излезат и јавно да ја информираат јавноста каде бил Љупчо Палевски – Палчо на 24 април 2012 година, денот кога се случи монтираниот случај “Монструм”? Од друга страна, бараме од Министерството за правда и МВР, не само да ја заморуваат јавноста со изјави во кои се објаснуваат постапките за екстрадиција, туку да го истражат и конкретно да го наведат денот кога ќе биде екстрадиран од Турција главниот осомничен за организирање на убиството на Вања и Панче, велат од Евроспки сојуз за промени.

The post Европски сојуз за промени: Дали Љупчо Палевски е вмешан во организацијата на случајот „Монструм“? appeared first on Република.

Хаки и Фејзи Азири, двајцата осудени за помагање во случајот „Монструм“, ќе се најдат на слобода со новиот закон за амнестија на Кренар Лога, доколку законот помине во Собрание.

https://republika.mk/vesti/makedonija/vrhoven-konechno-ja-potvrdi-vo-tselost-presudata-za-monstrum/

Двоецот Азири е осуден на 9, односно на 15 години затвор за помагање по ликвидацијата на четири момчиња и еден возрасен човек кај Смилковското езеро, но со законот кој што го протурка во Влада министерот за правда Лога, а премиерот Димитар Ковачевски тврдеше дека тоa е само за осудени за полесни кривични дела, ќе излезат на слобода.

https://republika.mk/vesti/makedonija/zaev-dava-se-shto-kje-mu-se-pobara-i-si-igra-so-smrtta-na-nashite-deca-porachaa-roditelite-na-ubienite-vo-monstrum/

ТВ 24 дојде до дел од листата на осуденици кои ќе го напуштат Идризово доколку помине во Собрание законот за амнестија, на неа го има Хаки Азири, но адвокатот на Фејзи Азири, Насер Рауфи тврди дека и тој апсолутно излегува од Идризово.

Не само што очекувам, туку сум сигурен дека ќе излезат, дека ги опфаќа законот за амнестија, бидејќи тие се осудени, иако морам да кажам незаконски со фалсификувано вештачење и на кривични дела на помагање на сторител по извршувањето на кривичното дело, што значи дека има сосема друга правна квалификација. Затоа за таквите дела е предвидена амнестија, вели Рауфи за телевизијата.

Според Рауфи, двоецот Азири по автоматизам треба да излезе, но доколку има како што вели проблеми, адвокатите ќе интервенираат.

Очекуваме целосно ослободување, бидејќи опфаќа една третина од таа предвидена казна, чинам дека и Фејзи Азири со 15 години ќе излезе веднаш, а за Хаки Азири кој е осуден на 9 години има и повеќе од што треба за издржување со законот за амнестија, вели Рауфи.

Во меѓувреме, иако неодамна беше уапсен на Косово, Алил Демири, осудениот на доживотен затвор во Македонија за кривичното дело „тероризам“ за петкратното убиство кај Смилковско Езеро во 2012 година, беше пуштен од тамошните власти и повторно не беше екстрадиран.

Неговиот адвокат изјави дека надлежниот обвинител во случајот го повлекол барањето за изрекување мерка притвор, така што Демири, веднаш бил пуштен на слобода.

Од Министерството за правда велат дека одговорен за натамошната постапка сега е надлежниот суд, а одговор за екстрадицијата од 2018 година не е добиен.

За лицето Алил Демири побарани се две екстрадиции. Прв пат од Република Косово е побарана екстрадиција на 15.03.2013 година. Барањето за екстрадиција беше одбиено со пресуда на Основниот суд во Приштина од октомври 2015 година, потврдено и од Апелациониот суд на Косово јануари 2016 година. За Демири има официјален одговор од Косово во февруари 2016 година. Екстрадиција повторно е побарана  на 05.09.2018 година. Во постапките, сѐ што беше побарано од косовските власти беше доставено. Одговор за екстрадицијата од 2018 не е добиен, соопштуваат од Министерството за правда, дополнувајќи дека екстрадицијата од 2018 година е сѐ уште активна.

The post Двајца осуденици од „Монструм“ на слобода ако помине Законот за амнестија, Косово уште одбива да го екстрадира терористот Демири appeared first on Република.

Косовската полицијата, во соработка со македонската, денеска во Косово го лиши од слобода Алил Демири, еден од убијците виновни за масакрот кај Смилковско Езеро.

https://republika.mk/vesti/makedonija/potvrdeni-dozivotnite-zatvori-za-ubijcite-od-monstrum/

Како што соопштија од МВР, тој e уапсен врз основа на издадена меѓународна потерница од македонското МВР, баран врз основа на наредба на Oсновниот суд Скопје 1, за сторено кривично дело „тероризам” предвидено по член 394 од Кривичен закон.

Според информациите добиени од косовската полиција, денеска ќе биде изведен пред надлежен судија.

За петкратното убиство кај Смилковско Езеро на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

По масакрот во Косово побегнаа Алил Демири и Африм Исмаиловиќ и досега Косово постојано одбиваше да ги екстрадитира во Македонија.

The post На Косово уапсен Алил Демири, ќе и биде ли конечно испорачан на Македонија убиецот од „Монструм“? appeared first on Република.

Основното јавно обвинителство Кавадарци донесе Наредба за спроведување истражна постапка против 42-годишник за кого постои основано сомнение дека подолг временски период вршел други полови дејствија спрема неговата ќерка родена во 2016 година.

Постои сомнение дека тој во повеќе наврати, во текот на 2022 и 2023 година, искористувајќи што со девојчето живеел во иста семејна заедница, ѝ прикажувал видеа со порнографска содржина и кон неа продолжено вршел други полови дејствија, санкционирани во член 188 став 5 од Кривичниот законик, соопшти Обвинителството.

По предлог на надлежниот јавен обвинител, судијата на претходна постапка од Основниот суд во Кавадарци определи мерка притвор во траење од 30 дена за осомниченото лице.​

The post Татко-наказа од Кавадарци подолг период ја силувал 7-годишната ќерка appeared first on Република.

Триесет и четиригодишна жителка на Гостивар со престојувалиште во Скопје е обвинета за запуштање на двете деца и семејно насилство, информираат денеска од скопското Јавно обвинителство.

По спроведена истражна постапка, јавен обвинител од Основното јавно обвинителство Скопје поднел обвинителен акт против жителката на Гостивар со престојувалиште во Скопје за две кривични дела „запуштање и малтретирање на дете“ и две кривични дела „телесна повреда“.

Како што е наведено во соопштението, од април годинава, 34-годишната обвинета како родител, со грубо запоставување на својата должност за грижа и воспитување, ги запуштила и ги малтретирала своите две деца – едното родено 2017, другото 2019 година.

-На децата им ги врзувала рацете, колената и стапалата со самолеплива лента и ги оставала да седат во таква состојба на стол или на нивните креветчиња додека била во станот. Со помалото дете комуницирала манифестирајќи вербална и физичка агресивност и не покажувала грижа за подобрување на неговата состојба, иако вештачењата извршени по наредба на јавниот обвинител утврдија дека станува збор за социјално и емоционално запуштено дете со психомоторната и психоцоцијалната зрелост под неговата реална возраст, се посочува во соопштението од ЈО.

На 7 мај, при вршење семејно насилство, како што велат од Обвинителството, обвинетата телесно ги повредила своите деца.

- Додека остварувала видео повик на социјална мрежа со нејзиниот вонбрачен пратнер, видно вознемирена, започнала без никаков повод и причина да ги удира децата по нивните тела, со што им нанела телесни повреди – набиеници и подливи, се додава во соопштението.

Надлежниот јавен обвинител до Основниот кривичен суд Скопје доставил предлог за продолжување на претходно определената мерка притвор за обвинетата.​

The post Мајка монструм од Гостивар си ги врзувала децата со селотејп за стол, требаше да ги претепа за да конечно да ѝ ги одземат appeared first on Република.

Поради барање на одбраната за изземање на двајца судии од Судечкиот совет, денешната јавна седница за случајот „Монструм“ во Врховниот суд се одложи. Според одбраната на обвинетите, двајцата судии, дел од Судечкиот совет, според списите од предметот, веќе одлучувале по истиот.

По ова барање, Судот, со објаснување дека нема увид во предметот којшто се однесува на двајцата судии, реши да ја одложи седницата за 14 јуни со цел да изврши увид и донесе решение.

Жалбите на петмината обвинети во случајот „Монструм“ беа одбиени како неосновани од Апелација, а првостепената пресуда беше преиначена само по однос на засметувањето на мерката притвор што ја поминале обвинетите.

Второстепениот суд ги потврди казните на осудените, односно доживотен затвор за Алил Демири и браќата Агим и Африм Исмаиловиќ. Со правосилната пресуда потврдена е и казната за Хаки Азири кој беше осуден на казна затвор од девет години, а Фејзи Азири на казна затвор од 15 години. Ослободителна пресуда доби единствено обвинетиот Сами Љута.

Петкратното убиство се случи на 12 април 2012 година кај Смилковското Езеро, кога беа убиени Филип Славковски, Александар Наќевски, Цветанчо Ацковски, Кире Трпковски, како и рибарот Борче Стевковски. „Монструм“ имаше две судења, откако во 2017 година, Врховниот суд го врати случајот на почеток кај Специјалното јавно обвинителство. Обвинението го застапуваше обвинителката Фатиме Фетаи.

The post Врховен ја одложи седницата за „Монструм“ за 14 јуни appeared first on Република.

Апелациониот суд во Скопје како неосновани ги отфрли жалбите на петтемина обвинети во случајот „Монструм“ за масакрот кај Смилковско Езеро. Со оваа одлука уште еднаш се потврдуваат казните за доживотен затвор на обвинетите Алил Демири, Африм Исмаиловиќ и Агим Исмаиловиќ, за кои петкратното убиство во 2012 година останува да се води и како терористички акт.

Се потврдува првостепената казна и на Хаки Азири за две кривични дела Помагање на сторител по извршено кривично дело од член 365 став 2 в.в. со став 1 од КЗ, кој за две дела доби по 5 години во единствена казна од 9 години затвор. И нему му се пресметува времето поминато во притвор, па бидејќи тој е 6,5 години притворен, од затворската казна му остануваат само околу 3 години за издржување.

Второстепениот суд му ја потврди единствената казна од 15 години затвор на обвинетиот Фејзи Азири за две кривични дела Помагање на сторител по извршено кривично дело од член 365 став 3 в.в. со став 1 од КЗ. Од неа му се одбиваат 6 години кои ги помина во притвор за „Монструм“.

Апелациониот суд потврди дека шестообвинетиот Сами Љута се ослободува од обвинение.

По убиството, во Косово побегнаа Алил Демири и Африм Исмаиловиќ и досега Косово постојано одбива да ги екстрадитира во Македонија.

Масакрот се случи на 12 април 2012 меѓу 19:30 и 22:30 часот. Според зборовите на судијата Огнен Ставрев се работи за монструозно садистичко убивање и одземање на животи на четири момчиња на возраст од 18 до 21 година од населбата Радишани: Филип Славковски, Александар Наќевски, Цветанчо Ацковски и Кире Трпковски, како и Борче Стевковски, 45 години, од селото Црешево.

Поранешниот премиер Зоран Заев за да дојде на власт ја лажеше јавноста дека во неговите таканаречени бомби има докази дека во затвор лежат невини луѓе, за подоцна да рече дека никогаш не рекол такво нешто и неколкупати да се докаже дека в очи ги лажел и родителите на убиените деца и целата македонска јавност.

https://republika.mk/vesti/makedonija/pet-meseci-se-reklamirashe-so-nashiot-sluchaj-shto-im-vetuvashe-zaev-na-roditelite-na-ubienite-momchinja/

За ова, таткото на Александар го нарече „монструм поголем од убијците“.

https://republika.mk/vesti/makedonija/zaev-e-pogolem-monstrum-od-ubijcite-i-katica-e-vo-pazar-shto-mislat-roditelite-na-ubienite-momchinja-kaj-smilkovsko-ezero/

The post Потврдени доживотните затвори за убијците од „Монструм“ appeared first on Република.

За Тамара нема никој да одговара.
За Нешковски испадна дека ја монтирале „бомбата“ и кога се слушна цела се виде дека не се криело убиство.
За Смилковско езеро лажеа на крај да испадне дека немало таква „вистина“ за која зборуваа.
За Младенов испадна дека манипулирале.
Лешинари

— Henry Chinaski (@Hank___Chinaski) April 20, 2022

The post Лешинари appeared first on Република.

ВМРО-ДПМНЕ, на чело со претседателот и потпретседателот на партијата, Христијан Мицкоски и Владо Мисајловски, и градоначалниците на Бутел и на Гази Баба, Дарко Костовски и Бобан Стефковски, засадија пет дрвца кај Смилковско Езеро, во сеќавање на убиените момчиња и рибарот во масакрот кој пред 10 години, токму пред Велигден, се случи на тоа место.

Поминаа 10 години од петкратното убиство кај Смилковското езеро.
Филип Славковски, Александар Наќевски, Цветанчо Ацковски, Кире Тричковски и Борче Стевковски пред 10 години беа сурово и свирепо убиени пред христијанскиот празник Велигден.
Одадовме почит за рано згаснатите животи на младите момчиња, кои без никаква причина платија со своите животи.
Денес засадивме 5 дрвца во двророт на Црквата Св. 40 маченици кај Смилковското езеро за сеќавање на 5-те прерано згаснати животи.
Слава им!, порача Мицкоски.

Никогаш нема да бидат заборавени, порача Мисајловски.

The post Мицкоски: Засадивме 5 дрвца во црквата кај Смилковско за сеќавање на 5 прерано згаснати животи appeared first on Република.

Пакистанската полиција денеска уапси маж осомничен дека го убил своето седумдневно девојче, затоа што сакал неговото првородено дете да биде машко, соопштија властите во градот Мјанвали.

Бебето по име Џенет, што на официјалниот урду јазик во Пакистан, значи „рај“, било застрелано со огнено оружје во понеделникот неколкупати, соопшти полицијата. Осомничениот е уапсен во близина, се вели во извештајот на полицијата.

Организациите за човековите права предупредуваат дека девојчињата и жените во Пакистан редовно се соочуваат со насилство од најразлични причини. Оваа земја е на трето место над последното, во однос на родовата еднаквост, се наведува во извештај на Светскиот економски форум за 2021 година.

The post Си ја застрелал ќеркатa зошто сакал син appeared first on Република.

Под мотото „Слобода, правда и еднаквост“ во Скопје се одржа протестен марш за сега починатиот Реџаил Ќерими кој беше осуден на доживотна казна затвор во случајот „Алфа“, објави „Слободен печат“.

Протестот започна од плоштадот „Скендербег“ во Старата скопска чаршија, а заврши пред канцеларијата на Европската Унија.

Ја информираме меѓународната заедница за случаите што се случија. Овие случаи се монтирани. Смртта под сомнителни околности на Реџаил Ќерими, неговиот случај и други случаи нема да заврши тука. Нашите повици се упатени до меѓународните институции за меѓународна истрага, изјави Нагип Јонузи, еден од организаторите на протестот.

фото и видео: Слободен печат

https://youtu.be/A1zetdXtyUs

The post Меѓународна истрага за случаите „Алфа“ и „Монструм“ побараа демонстрантите на протестниот марш во Скопје appeared first on Република.