Вишиот суд во Белград го усвои предлогот на членовите на семејствата на убиените деца во масакрот во О.У. „Владислав Рибникар“ сите пари со кои располага таткото на Коста К., убиецот од Врачар да се префрлат на депозит на јавен извршител.

Во исто време, судот и наложи на Народната банка на Србија да ги префрли парите како што е наложено. Парите, до висината на имотно-правните побарувања на оштетените (членовите на семејствата на убиените) ќе бидат депонирани кај јавниот извршител каде ќе се чуваат до конечното завршување на кривичната постапка.

Тоа значи дека сите пари од сметката на тоа семејство ќе бидат префрлени на депозитот на јавниот извршител. Против тоа решение е дозволена жалба, но тоа не го одлага извршувањето на решението.

Да потсетиме, таткото на момчето-убиец од Врачар е во притвор под сомнение дека сторил тешко кривично дело против општата безбедност. На неговата сопруга, односно мајката на момчето, судот и забрани да стави под хипотека или да продава недвижен имот што го поседуваат. Ова важи и за автомобилот регистриран на нејзино име.

Одлуката на судот е донесена кога адвокатот на девет семејства, чии деца се убиени, ја побара оваа мерка во нивно име бидејќи се стравуваше дека обвинетиот ќе ја спречи или значително ќе ја одложи наплатата. Одземено е онолку колку што е потребно за да се обезбедат барањата на семејствата на убиените деца.

The post Судот нареди нови мерки против таткото и мајката на момчето – убиец од Врачар appeared first on Република.

Момчето-убиец, кое на 3 мај уби 9 ученици и припадник на училишното обезбедување во основното училиште „Владислав Рибникар“ во Белград, се уште е на специјален третман во белградска клиника. Тој нема пристап до телефон, лаптоп, весник, радио или телевизија.

Овие мерки се преземени за момчето-убиец да биде целосно изолирано, и да се обезбеди потребниот простор за психолошка анализа, пишува „Блиц“. Отуѓувањето од надворешниот свет е неопходно и во контекст на (не)гледањето на реакциите во јавноста за незапамтеното злосторство, зартоа што момчето-убиец во неколку наврати се интересирало како е претставен во медиумите и изразило уверување дека тој станал „популарен“.

Нема молба, не ни праша за родителите. Единствените интереси му се кога излегува и какви се реакциите на неговиот чин. Што се случува надвор и тој очекува да биде популарен. Неговите очекувања се буквално дека ќе се соберат под неговиот прозорец и ќе скандираат за него, вели извор на „Блиц“.

https://republika.mk/vesti/balkan/zboruvaat-li-site-za-mene-dali-jas-sum-tsar-na-mrezhite-ova-se-edinstvenite-prashana-shto-kosta-im-gi-postavuva-na-personalot-na-klinikata-za-nevrologija-i-psihijatrija/

Под постојан надзор на полицијата и лекарите

Полицијата цело време продолжува да го обезбедува момчето за тоа да не се повреди себеси или некој друг. Тој е изолиран од другите пациенти, а контакт му е дозволен само со медицинскиот персонал.

Неговото однесување до сега беше мирно. Не правел инциденти во болница, затворена установа, каде моментално е изолиран, вели изворот.

Официјално со него разговараат само психијатри и психолози чија цел е да ја анализираат структурата на неговата личност и психолошките особини. Целта е длабоко да се разбере начинот на размислување на момчето и да се најде мотивацијата зад неговите криминални дејствија. Момчето го очекуваат серија психолошки тестови и проценки, кои вклучуваат различни методи на анализа на личноста, за да можат експертите да навлезат длабоко во неговиот ум.

The post Момчето-убиец од Белград нема никаков контакт со надворешниот свет, го интересира само една работа appeared first on Република.