Собранието не е и не смее да биде место за организирање на било какви религиски обреди, бидејќи Македонија е јасно определена според Уставот како секуларна држава, реагира владејачката ВМРО-ДПМНЕ откако претседателот на Собранието Африм Гаши и претставници на бошњачката заедница при оддавање почит на жртвите од геноцидот во Сребреница во Собранието се молеа. Опозицискиот СДСМ освен осуда дека на молитвата не ѝ е место во Собранието, побара институциите да реагираат и да има одговорност.

-Ги почитуваме сите религии и религиозни обреди. Меѓутоа, сакаме да истакнеме дека Собранието не е и не смее да биде место за организирање на било какви религиски обреди, бидејќи Македонија е јасно определена според Уставот како секуларна држава. Во нашата земја нема место за религиозни ритуали во државните институции, ниту пак, државата има право да се меша во работата на верските заедници. Во врска со настанот со кој се одбележа геноцидот во Сребреница, каде што еден од учесниците ја злоупотреби поканата и организираше исламска молитва во оваа државна институција, изразуваме најостра осуда – велат од ВМРО-ДПМНЕ.

Од владејачката партија апелираат да не се политизира туѓата несреќа и да се собираат ситни политички поени врз несреќата на илјадници други луѓе.

-Со оваа постапка не им се оддава почит на жртвите од Сребреница, туку напротив, ова претставува тешка злоупотреба на оваа трагедија заради прибирање на политички поени. Трагедијата од Сребреница треба да биде потсетник за важноста на мирот и почитувањето на човековите права, а не повод за непотребни конфликти и поделби – велат од ВМРО-ДПМНЕ.

За молитвата во Законодавниот дом реагира и опозицискиот СДСМ и ги повика институциите да реагираат.

-Африм Гаши ја наруши секулраноста на државата, тоа е непочитување и на Уставот. На верските обреди не им е местото во македонското Собрание ниту во било која државна институција. Претседателот на Собранието Африм Гаши, инаку коалициски партнер на ВМРО-ДПМНЕ со овој чекор ја наруши секуларноста на државата, тоа е не почитување на Уставот. Повикуваме надлежните институции да постапат и за овој случај да има одговорност – велат од СДСМ.

The post Острa реакциja: Гаши со молитвата во Собранието ја наруши секуларноста на државата appeared first on Република.

Се верува дека Богородица одговара на молитвите на секој кој е искрен верник. Како што собветуваат светите лица, Богородица треба да да ја споменуваме во секоја од молитвите, бидејќи така ја чествуваме. Посебно кога ни е тешко, пожелно е да ѝ се обратиме, а таа на свој начин ќе ни обезбеди заштита.

Ова е најмоќната молитва до Богородица:

Преподобна Царице моја, Пресвета моја надеж, засолниште на сиромашните, заштитничка на патниците, помошник на оние кои се во беда и заштита на оние што ги злоупотребуваат. Види ја мојата неволја, види ја мојата мака. Од сите страни сум опкружен со искушенија и нема кој да ме брани, помогни ми зашто сум немоќен. Нахрани ме како странец, води ме како изгубен, исцели ме и спаси ме како безнадежен. Немам друга помош, немам друга заштита, никаква утеха освен Тебе, Мајко на сите бедни и оптоварени. Затоа, погледни ме, грешник и очаен, покриј ме со твојата света Плаштаница за да се избавам од злата што ме опкружуваа и секогаш ќе го славам Твоето најславно име. Амин!

Од друга страна, мајките речиси секогаш наоѓаат утеха во Пресветата Мајка кога се соочуваат со неволји и проблеми во животот, особено ако се поврзани со деца. Кога се чувствувате безнадежно, следните зборови ќе ве смират и охрабрат.

Молитва за заштита на децата која секоја мајка е убаво да ја знае:

О, Пресвета и Преблагословена Богородице, Мајко на најслаткиот Господ наш Исус Христос, Царице на небото и земјата, семилостив застапнику на христијанскиот род, прибежиште и спасение на оние што доаѓаат кај тебе, паѓам пред Тебе и се поклонувам пред Твојата света икона и понизно Ти се молам: спаси ги и заштити ги под Твојата покривка моите деца (имиња), заштити ги од глад, уништување, земјотрес, поплава, оган, меч, непријателски напад, меѓусебни кавги, од сите видливи и невидливи непријатели, од секоја несреќа и болест, искушенија и ненадејна смрт. Амин.

Извор: Стил.рс

The post Се верува дека ова е најмоќната молитва до Богородица за заштита на децата од зло appeared first on Република.

На 6 февруари православните верници во Македонија го слават празникот Света Ксенија Римјанка.
Македонската православна црква и нејзините верници го слават празникот посветен на преподобната Ксенија Петроградска на 24 јануари според црковниот календар, а на 6 февруари според Грегоријанскиот календар.
Оваа светителка е родена во Рим како ќерка на познат сенатор. Привлечена од љубовта Христова, таа не сакала да се омажи, како што сакале нејзините родители, а за да го избегне тоа, решила тајно да побегне од родителскиот дом.
Со двајца од нејзините доверливи робови, таа заминала на островот Коа, во градот Милас, каде што основала семејство на девици. Таа останала таму до нејзината смрт. Велат дека физички била слаба жена, но во верата, постот, молитвата и бдението имала машка издржливост.

Пробдеала ноќи и престанувала молејќи се на Бога, се облекувала победно од сите сестри, а лебот што го јадела го посипувала со пепел од кадилницата.

Бидејќи света Ксенија цел живот се борела за правата на жените, нивниот глас и одлуката да живеат како што сакаат, таа е светица која го штити женскиот пол. Според народното верување, жените утре (6. февруари) не треба да се занимаваат со домашни работи, туку треба да го поминат денот во природа, да се одморат, да се молат и да запалат свеќа и да посакаат желба.

Молитва на празникот на Света Ксенија Римјанка:
„Во тебе, мајко, со сигурност е спасен образот Божји, бидејќи со примањето на Крстот си го следела Господа Христа, со своите постапки си научила да го презираш телото, сакајќи повеќе за душата на бесмртните нешта, затоа твојот духот се радува со ангелите, света Ксенија“.

Се верува дека преподобната Ксенија ќе им ја исполни желбата што ќе ја замислат во моментот додека и се молат.

The post Денеска се празнува Света Ксенија Римјанка: На жените ќе им се остварат сите желби доколку денеска направат една работа appeared first on Република.

Според календарот на МПЦ (Јулијанскиот календар) денеска е 21 декември. Денеска е Св. маченица Јулијана и шестотини и триесетте маченици со неа.

Оваа славна девица и маченичка беше родена во Никомидија од родители незнабожци. Слушна од некого проповед на Евангелието и со сето срце се обрати кон Христа, па почна да живее совршено според заповедите Господови. Свршеник ѝ беше некој сенатор Елевсиј.

За да го одврати од себе Јулијанија му рече дека нема да може да појде за него ако тој не стане епарх на градот. Му го предложи тоа мислејќи дека тој млад човек никогаш нема да може да го достигне таквиот висок чин. Но Елевсиј се потруди, па со ласкање и мито го придоби чинот никомидиски епарх.
Тогаш Јулијанија му откри дека е христијанка и дека не може со него да стапи во брак додека и тој не ја прими христијанската вера, велејќи му: „Што ни вреди да бидеме телесно соединети, кога духовно би биле разединети?“ На ова Елевсиј се огорчи и ја обвини кај татко ѝ . Јаросен татко ѝ ја исмеа и ја изнатепа, а потоа му ја предаде на мачење на епархот. Епархот нареди и многу ја тепаа, па потоа ранета и искрвавена ја фрлија во затвор. Но Господ во затворот ја исцели и таа се јави пред епархот сосема здрава. Овој потоа ја врза и ја фрли во вжарена печка, но огнот не ја докосна. Кога го видоа тоа чудо мнозина поверуваа во Господ Исус Христос.

Такви обратени имаше петстотини од машкиот и сто и триесет од женскиот пол. Сите нив епархот ги осуди на смрт и нив ги убија со меч. Нивните души се преселија во Рајот. Тогаш злобниот судија ја осуди на убиство со меч и Света Јулијана. Таа излезе на губилиштето радосна со духот. Му се помоли на Бога и ја положи главата за отсекување. На денот на тоа убиство душата на светителката отиде во Царството на вечната Христова светлина, во 304 година.
Набрзо Елевсиј го постигна Божја казна. Кога пловеше по морето му се разби коработ, а тој падна во водата. Но не најде смрт во водата туку доплива до некој остров, каде што го растргнаа и го изедоа кучиња.

Светата маченичка Јулијана се смета за заштитничка на жените и девојките, но и насите кои неправедно страдаат и се мачат. Народното верување вели дека на жените денеска ќе им се исполни желбата која ќе ја посакаат ако го спомнат името на Света Јулијана и ја изговорат оваа молитва:

Тебе Жено те љубам и барајќи Те страдам, и се распнувам и се погребувам во крштението Твое, И страдам поради Тебе, за да царствувам со Тебе, и умирам за Тебе за да живеам со Тебе. Прими ме како чиста жртва, со љубов за жртвувањето за Тебе. Со нејзините молитви, како Милостив, спаси ги душите наши.

The post Денеска е Св. маченица Јулијана: Кажете ја оваа молитва и таа ќе ви ја исполни желбата appeared first on Република.

Меѓу позначајните празници што македонскиот народ ги празнува со по­себ­но внимание се и неколкуте празници на пресвета Богородица, мајката на спа­сителот Исус Христос. Поради тоа и повеќе цркви низ цела етничка Македонија го но­сат нејзиното име.

Еден од тие празници Православната црква  го празнува на 28 август обележувајќи го земниот крај на Пресвета Богородица и Нејзината смрт ја нарекува „Успение“ – раскошен термин кој во себе ги соединува сонот, блаженството, мирот, спокојството и радоста.

Народот верува дека Богородица е заштитничка на леунките и на жените им помага при породувањeто. Исто така, и жените што немаат деца веруваат дека со милоста на пресвета Богородица ќе добијат рожба поради што ги посетуваат нејзините цркви, изведуваат некои обичаи, се молат и принесуваат дарови. Македон­скиот народ со повеќе свечености но и со народни собири, панаѓури и сл. што траеле и по неколку денови ги прославувал празниците на пресвета Богородица како што се Мала и Голема Богородица, Собор на пресвета Богородица, Вове­де­ние на пресвета Богородица (празник познат уште и под името Света Пречиста), Све­то плаговештение, Богородичин појас, Покров на пресвета Богородица, Со­бор на пресвета Богородица и сл.

По раѓањето на Исус, Богородица живеела уште 48 години, извесен период кај свршеникот (старател) Јосиф, кај синот Исус, a по неговото распетие и вос­кр­се­ние каj неговиот ученик и апостол свети Јован Богослов. За сето тоа време таа би­ла директен сведок на многу важни настани што се од значење за христијанската црква.

Кога Исус бил распнат Богородица стоела покрај крстот и плачела како секоја мајка над судбината на својот син. Од крстот Исус ѝ порачал во иднина да живее кај апостолот Јован и да го има за свој син, а нему му порачал да ја има за своја мајка. Светото евангелие според Јована за ова сведочи: „А Исус, штом ја ви­де мајка си, и ученикот кого го љубеше како стои ѝ рече на мајка си: Жено, ете ти син! Потоа му рече на ученикот: Ете ти мајка! И од тој час ученикот ја зеде при себе“ (Јован 19/26, 27) Се поставува прашањето зошто Исус од крстот на мајка си ѝ се обратил со „Жено“ а не со „Мајко“? Истражувачите на оваа проблематика сметаат дека со тоа сакал да ја заштити од своите непријатели: „Околу крстот Христов се наоѓале неговите најголеми непријатели и Он така и ce обратил за да ја заштити од нивната дрскост и злоба, оти тие ако знаеле дека тука е неговата мајка, можеби ќе ѝ нанеле и нејзе некое зло“.

За време на слегувањето на светиот Дух врз апостолите со нив била и Богородица така што и врз неа слегол светиот Дух и и таа ги примила неговите дарови. Потоа апостолите останале во Ерусалим уште 10 години, а за тоа време Бо­городица живеела кај свети Јован Богослов. Но кога Ирод ги почнал своите големи прогони на христијаните апостолите со ждрепка решиле кој каде да оди и да го проповеда евангелието. Јован со Богородица отишол во Ефес, од каде што таа ги посетила св. Игнат Богоносец во Антиохија, св. Лазар воскреснатиот од Ису­са, кој бил епископ на Кипар и Света Гора, која во таа пригода и ја благо­сло­вила. И по враќањето во Ерусалим, Богородица живеела во домот на апостолот и евангелист свети Јован Богослов и ги посетувала местата на кои за време на животот на Исус се случиле важни настани како што се Голгота, Витлеем, Гетси­ма­нија, Елеонската Гора, потоа гробот на Исус итн. Во овие посети некои истра­жу­вачи гледаат зачеток на христијанскиот аџилак.

Особено Богородица често го посетувала гробот на својот син и го молела што побргу да ја земе кај себе. Набргу Господ Исус Христос и пратил вест дека е скоро часот кога таа ќе умре. Истиот оној архангел Гаврил што ѝ ја соопштил благата вест дека ќе го роди Спасителот, сега и кажал дека е дојдено времето кога таа ќе се пресели кај својот син. Ѝ предал рајска палмова гранка како победа на животот над смртта со барање да ја носат пред одарот за време на погребот. Богородица не се исплашила од оваа вест туку се израдувала што наскоро ќе биде кај својот син. My кажала на Свети Јована, му ја предала рајската гранка и започ­на­ла да се подготвува за напуштање на овој свет. Посакала да ги види сите апо­сто­ли кои поради прогоните на Ирод но и поради своите обврски да го шират христијанството биле растурени по светот. Носени од некоја таинствена сила сите апостоли веднаш пристигнале, со исклучок на Тома кој бил многу далеку и во тој мо­мент не можел да дојде.

На 15. ден во месецот, во третиот час од денот Богородица била легната во ковчегот, многу свеќи ја осветлувале просторијата, а апостолите пееле и го славеле Господа Исуса Христа. Богородица го очекувала својот син да ја поведе на небото. Одеднаш силна светлина ја исполнила просторијата, Исус сле­гол од небото со многу светци и анѓели, a Богородица гледајќи го него извикнала: „Мојата душа го велича Господа, и мојот дух се зарадува во Бога, Спаси­телот мој, оти ја погледна смиреноста на слугинката Своја, и ете, отсега ќе ме ублажуваат сите родови“, (Лука, 1/46-48) по што без болки ја предала својата ду­ша во рацете на својот син. Тогаш анѓелите го запеале поздравот од Благовеш­тение: „Радувај се благодатна! Господ е со тебе! Благословена си ти меѓу жените“. (Лука, 1/28) Во тој момент апостолите виделе како со оваа песна ангелите, заедно со Исус, ја носат душата на Богородица кон небото. Лицето и светело како сонце, а од телото се ши­рел пријатен мирис од кој се излечиле многу болни.

По сопствена желба Богородица била погребана во Гетсиманската градина, каде што биле гробовите на нејзините родители Јоаким и Ана и на свршеникот (ста­рателот) Јосиф. За време на погребот Светиот апостол Јован ја носел рајската гранка пред погребната поворка, апостолите го носеле телото на Богородица, а над нив се слушало пеењето на ангелите.

Светол облак ја завиткувал поворката и непријателите не можеле да се приближат, иако постојано ја следеле и се обидувале поворката да ја растурат, а телото на Богородица да го запалат. Во еден момент на едно место малку се поткренал облакот и се видел ковчегот во кој била Богородица. Тогаш еден од ев­реј­ските свештеници се затрчал кон него, го фатил со рацете за да го преврти. Но во тој момент невидлив анѓел со меч му ги отсекол рацете и дланките останале залепени на ковчегот. Свештеникот се покајал за тоа што сакал да го направи и заплакал, a апостолот Петар му рекол да ги допре рацете до пресечените дланки. Кога тоа го направил се случило чудо, рацете зараснале како никогаш да не биле пресечени. Сите што виделе се увериле дека Исус навистина е синот Божји и на тој ден многумина се крстиле и го примиле христијанството. Телото на Богородица било положено во гробот во Гетсиманската Градина и врз отворот бил ставен го­лем камен. Три дена апостолите пееле псалми, а од воздухот се слушало пее­њето на анѓелите. Третиот ден по погребот пристигнал апостолот Тома кој што многу жа­лел затоа што не присуствиувал на погребот на Божјата мајка и побарал апо­сто­лите да му го отворат гробот за да се поклони пред телото на Богородица. Апо­сто­лите му ја исполниле желбата, го отвориле гробот но на општо изнснадување телото не било внатре. Имало само некои погребни платна од кои се ширел при­ја­тен мирис. Тогаш се јавила Богородица и им соопштила дека на третиот ден по погре­бот Исус ја воскреснал кревајќи ја на небото. Кога се упокоила Богородица има­ла 63 (според други 72) години.

УСПЕНИЕ НА ПРЕСВЕТА БОГОРОДИЦА

Богородице, и во раѓањето си го сочувала девството, a пo своето успение не си го оставила светот, туку си се преселила во живот. Мајко на Животот, и со твоите молитви ги избавуваш од смртта нашите души.

Празникот Успение на пресвста Богородица меѓу народот познат како Голе­ма Богородица се празнува на 28 август според новиот (односно на 15 август спо­ред стариот) календар. За подостоинствено празнување на овој празник му прет­хо­ди двенеделен пост што започнува на 14/1 август, односно на празникот Св. Се­дум маченици Макавејски. Иако култот на Пресвета Богородица имал значајно мес­то во христијанскиот свет уште од најстари времиња сепак празникот на нејзи­но­то успение не се празнувал од почетокот. Во почетокот се празнувал празникот Со­бор на пресвета Богородица, веднаш по Божик, а подоцна од овој општ празник на мајката Божја како и другите нејзини празници се одделил и празникот на неј­зи­ното успение.

На иконата Успението на пресвета Богородица е насликано на овој начин: На одарот е поставено телото на Богородица. Околу неа се народот и апостолите. До одарот во средината е нејзиниот син Исус кој во рацете го држи нејзиниот дух во форма на новороденче или нејзиното тело во минијатурна форма. На некои фрес­ки меѓу апостолите што го носат ковчегот со телото на Богородица насликан е и свештеникот со пресечените раце.

Низ цела етничка Македонија во манастирите или црквите што го носат име­­то на Пресвета Богородица на празникот Мала Богородица се одржуваат ма­сов­ни народни собири. Така е крај манастирот во Матка крај Скопје, кај неко­гаш­на­та црква во цснтарот на Скопје, во Лешочкиот манастир, крај Тетово, Во Велес, Берово, во селото Слатински Чифлик (Охридско) и на повеќе други места.

Преземено од книгата Македонските празници од МАРКО КИТЕСКИ

The post Пред нас е голем празник, оваа молитва е надеж за жените што сакаат да добијат дете appeared first on Република.

Петровден е православен празник што се одбележува секоја година на 12. јули. Празникот е посветен на Апостол Петар. Сe смета за еден од најголемите празници по Велигден. Еден од најзначајните настани на Петровден е почетокот на традиционалната Галичка свадба.

Апостолот рекол: „Секогаш радувајте се. Молете се постојано. За сѐ благодарете“. Меѓутоа, подготвени сте да прашате дали е неопходно да се молиме постојано и дали воопшто е можна оваа заповед, а јас според можностите ќе се потрудам да го поддржам реченото. Молитвата е барање, кое благочестивите Му го упатуваат на Бога. Меѓутоа, тоа барање не е ограничено на зборовите. Затоа што, ние не мислиме дека треба Бог да Го потсетуваме со зборови: Тој знае што ни е од полза и кога ние тоа не го бараме. Значи, што велиме? Ние во молитвата не треба да создаваме зборови, туку расположение во душата и добродетелни дела. Тие треба да нѐ следат целиот наш живот, јакнејќи ја молитвата. Зашто е речено: „Ако, значи, јадете, или пиете, или што друго и да правите, сето тоа правете го во Божја слава“.
Доколку седиш – моли се, доколку вкусуваш леб – заблагодари Му на Оној што ти го дал, доколку со вино ја крепиш слабоста на телото – спомни си за Оној што ти го дал за да го развесели твоето срце и да ти ја олесни болеста. Ако заминало немањето храна, нека не престанува размислувањето за Добродетелот. Облекуваш ли наметка, заблагодари Му се на Оној што ти ја дал. Облекуваш ли плашт, удвои ја љубовта кон Бога, Кој ни дал удобни наметки и за зима и за лето, кои го чуваат нашето тело и ја покриваат нашата грдотија. Дали помина денот? Заблагодари Му се на Оној што ни го подари сонцето за да ги извршуваме дневните работи и Кој ни го дал огнот за осветлување во ноќта и за извршување на останатите животни потреби.

Ноќта нека ги поттикне и другите поводи за молитва. Кога ќе погледнеш во небото и ќе фрлиш поглед на убавината на ѕвездите, помоли Му се на Владиката на сѐ видливо и невидливо и поклони Му се на најголемиот Уметник – Бог, Кој „со мудрост создал сѐ“. Кога ќе видиш дека сета жива природа е обземена со сон, повторно поклони Му се на Оној што со посредство на спиењето нѐ ослободува од непрестајноста на трудот, после малиот одмор воспоставувајќи ја крепоста на нашите сили.
Но, немој да дозволиш половина од животот бесполезно да ти мине во нечувствителноста која ја донесува спиењето. Напротив, ноќното време подели го за спиење и молитва. И самото спиење нека ти биде поучување во благочестивоста. Бидејќи, сништата по природа се одблесок на дневните грижи. Ние, имено, по нужност сонуваме за она со што се занимаваме. На тој начин непрестајно ќе се молиш, т.е. молитвата нема да ја извршуваш само со зборови. Со целата животна настроеност треба да Му се приближуваш на Бог, за твојот живот да биде непрекината и непрестајна молитва. Освен тоа, речено е: „Благодарете за се’“.

The post На Петровден изговорете молитва и заблагодарете се! appeared first on Република.

За првпат по 88 години, во Aja Софија (Света Софија) во Истанбул беше извршена теравих-намаз, заедничка ноќна молитва на муслиманите карактеристична за месецот на постот. Молитвата беше одржана на првиот ден од Рамазанскиот пост, со што се најави месецот на постот.

За време на Рамазан, исламските верници се воздржуваат од храна, пиење, телесни задоволства, грди мисли и дела од утро до мрак. За муслиманите ова е месец на простување, морално прочистување, дружење и солидарност.

Рамазан почна со заедничка ноќна молитва, молитва таравих, а фотографиите од Аја Софија, која беше преименувана во џамија пред две години, го обиколија светот.

Аја Софија служела како православна црква 916 години, до освојувањето на Истанбул, додека имала статус на џамија од 1453 до 1934 година, кога добила статус на музеј.

На 10 јули 2020 година, турскиот суд ја поништи одлуката на поранешната влада на таа земја, со која на Аја Софија ѝ се додели статус на музеј, со што на објектот му беше вратен статусот на џамија.

Првата молитва од нејзиното преименување во џамија беше одржана во Аја Софија во јули 2020 година, на која присуствуваше и турскиот претседател Реџеп Таип Ердоган.

Како една од најпосетуваните туристички дестинации во градот на Босфор, Аја Софија е вклучена на листата на светско наследство на УНЕСКО од 1985 година.

Турските власти најавија дека ќе продолжат да ги зачувуваат културните и историските вредности на Аја Софија на тој начин што Дирекцијата за верски прашања на Турција ќе биде одговорна за верските церемонии, а Министерството за култура и туризам ќе преземе грижа за реставрација, конзервација и заштита.

Туристите, како што тогаш беше најавено, сепак ќе можат бесплатно да ја посетат Аја Софија, а фреските на ѕидовите ќе бидат покриени со завеси само за време на молитвата.

The post Првпат по 88 години се одржа ноќна Рамазанска молитва во Аја Софија appeared first on Република.

Според календарот на МПЦ (Јулијанскиот календар) денеска е 21 декември.
Денеска е Св. маченица Јулијана и шестотини и триесетте маченици со неа.

Оваа славна девица и маченичка беше родена во Никомидија од родители незнабожци. Слушна од некого проповед на Евангелието и со сето срце се обрати кон Христа, па почна да живее совршено според заповедите Господови. Свршеник ѝ беше некој сенатор Елевсиј.

За да го одврати од себе Јулијанија му рече дека нема да може да појде за него ако тој не стане епарх на градот. Му го предложи тоа мислејќи дека тој млад човек никогаш нема да може да го достигне таквиот висок чин. Но Елевсиј се потруди, па со ласкање и мито го придоби чинот никомидиски епарх.
Тогаш Јулијанија му откри дека е христијанка и дека не може со него да стапи во брак додека и тој не ја прими христијанската вера, велејќи му: „Што ни вреди да бидеме телесно соединети, кога духовно би биле разединети?“ На ова Елевсиј се огорчи и ја обвини кај татко ѝ . Јаросен татко ѝ ја исмеа и ја изнатепа, а потоа му ја предаде на мачење на епархот. Епархот нареди и многу ја тепаа, па потоа ранета и искрвавена ја фрлија во затвор. Но Господ во затворот ја исцели и таа се јави пред епархот сосема здрава. Овој потоа ја врза и ја фрли во вжарена печка, но огнот не ја докосна. Кога го видоа тоа чудо мнозина поверуваа во Господ Исус Христос.

Такви обратени имаше петстотини од машкиот и сто и триесет од женскиот пол. Сите нив епархот ги осуди на смрт и нив ги убија со меч. Нивните души се преселија во Рајот. Тогаш злобниот судија ја осуди на убиство со меч и Света Јулијана. Таа излезе на губилиштето радосна со духот. Му се помоли на Бога и ја положи главата за отсекување. На денот на тоа убиство душата на светителката отиде во Царството на вечната Христова светлина, во 304 година.
Набрзо Елевсиј го постигна Божја казна. Кога пловеше по морето му се разби коработ, а тој падна во водата. Но не најде смрт во водата туку доплива до некој остров, каде што го растргнаа и го изедоа кучиња.

Светата маченичка Јулијана се смета за заштитничка на жените и девојките, но и насите кои неправедно страдаат и се мачат. Народното верување вели дека на жените денеска ќе им се исполни желбата која ќе ја посакаат ако го спомнат името на Света Јулијана и ја изговорат оваа молитва:

Тебе Жено те љубам и барајќи Те страдам, и се распнувам и се погребувам во крштението Твое, И страдам поради Тебе, за да царствувам со Тебе, и умирам за Тебе за да живеам со Тебе. Прими ме како чиста жртва, со љубов за жртвувањето за Тебе. Со нејзините молитви, како Милостив, спаси ги душите наши.

The post Кажете ја молитва денеска и Св. маченица Јулијана ќе ви ја исполни желбата appeared first on Република.