Модната недела се уште трае во Париз, каде најпознатите модни куќи ги претставуваат своите колекции за есен-зима 2024/25, а меѓу нив е и Шанел. Во оваа прилика, челниците на Шанел решија да снимат краток, црно-бел филм, во кој главните улоги им беа доделени на едни од најголемите ѕвезди на денешницата.

Преку своето име, Шанел реши да оддаде почит на класиката на француската кинематографија од 1967 година. Станува збор за филмот на Клод Лелуш „Un homme et une femme“, кој таа година освои два златни Оскари, за најдобро сценарио и најдобар странски филм.

Во тоа време, Anouk Aimée и Jean-Louis Trintignant беа во главните улоги, а речиси шест децении подоцна, култните сцени од филмот, под раководство на холандската уметничка двојка Inez & Vindooh, ги играа Бред Пит и Пенелопе Круз.

Филмот, кој трае нешто повеќе од една минута, за неколку часа е прегледан 12.000 пати, а му оддаде почит и на Довил, местото каде што Коко Шанел ја отвори својата прва продавница, а интересно е што токму таму започна ревијата на Шанел на модната недела во Париз.

https://www.youtube.com/watch?time_continue=63&v=MM7GHU-pJXM&embeds_referring_euri=https%3A%2F%2Flokalno.mk%2F&source_ve_path=MzY4NDIsMjM4NTE&feature=emb_title

The post „Шанел“ со краток црно-бел филм со Пенелопе Круз и Бред Пит оддаде почит на класиката на француската кинематографија appeared first on Република.

Со невидена сценографија се одржа ревијата на модниот бренд „Дизел“ на Модната недела во Милано.

Манекенките во модели од колекцијата за есен и зима 2023 година прошетаа покрај огромна планина од кондоми! Купот од повеќе од 200.000 кутии со кондоми привлече поголемо внимание отколку самата колекција.

Сакаме да се играме во „Дизел“ и сериозно сме на тоа. Забавувајте се, почитувајте се, бидете безбедни - изјави креативниот директор на оваа модна куќа, Глен Мартенс.

The post Невидена сценографија на модниот бренд „Дизел“: Рид од кондоми на Модната недела во Милано appeared first on Република.

На 14. Април македонскиот моден бренд „Лудус“ ја прикажа новата колекција за претстојната сезона есен-зима 2022/23 година во рамките на Љубљанската модна недела. По покана на организаторите ова беше петто претставување на „Лудус“ на словенечката публика и покрај одушевувањето на публиката и интересот што клиентите го покажаа на продажниот шоурум што се одржа ден по ревијата, македонската модна етикета се најде во интернет статија на престижниот магазин „Форбс“ меѓу 10-те најдобри брендови од Љубљанската модна недела.

Колекцијата прикажа 20 целосни изгледи и преку 40 производи од различни категории. Меѓу популарните кошули со издолжени пропорции, по кои брендот е познат на словенечката публика, се најдоа и сакоа, мантили и јакни од 100% природна волна со деконструирани шал-крагни и куси плисирани пантолони искомбинирани во безродови стајлинзи. Беа претставени рачно боени производи од памук и рачно плетени хеланки од памук како и чевли направени во соработка со локален занаетчија - кондураџија.

Доследно на визијата започната со првата колекција од серијалот насловен „Пост-родовост“, шестото поглавје ја зајакнува темата на елиминирање на родовите улоги и ги преиспитува концептите на женственост и машкост во модната индустрија.

Брендот се залага за еколошко и етичко производство, па така материјалите се 100% природни, дел се обоени со природни состојки, а дел ги оживуваат локалните занаети и им даваат употреба во современото дизајнерско производство.

фото

The post Новата колекција на „Лудус“ на Љубљанската модна недела appeared first on Република.

Поканетите и гостите ќе ги комбинираат своите облеки со задолжителни маски за да присуствуваат на Модната недела во Њујорк оваа сезона, придржувајќи се до строгите ковид- протоколи, кои подразбираат помали ревии на модните писти и помалку гости во публиката.

 

 

Со враќањето на ревиите во живо во септември по виртуелните модни недели порано во пандемијата, организаторите прифаќаат „нова нормална“ мешавина на физички и дигитални презентации.

 

 

 

 

Дизајнерите како Мајкл Корс, Каролина Херера и Кристијан Сириано ќе ги претстават своите најнови колекции во живо за време на настанот од 11 до 16 февруари, според IMG Fashion што ја одржува Модната недела во Њујорк: The Shows.

Други како Бадгли Мишка и Тадаши Шоџи ќе обезбедат дигитални изданија, сите сакаат да профитираат од зголемената побарувачка за луксузни стоки .

„Тоа е новото нормално. Оваа сезона ќе има носење маска во затворен простор што ќе биде услов на сите ревии, доказ за вакцинација, тоа ќе биде задолжително“, изјави за Ројтерс Ноа Козловски, директор за односи со дизајнери и развој во IMG Fashion. .

Како и минатата сезона, списоците на гости се помали и се очекуваат во просек околу 200 гледачи.

„Најголемиот предизвик ќе биде за носителите на одлуки за тоа кој ќе може да присуствува на ревиите, бидејќи насекаде ќе има намалени капацитети слични на она што го видовме минатата сезона“, рече Козловски.

Некои дизајнери отсуствуваат од распоредот. Том Форд го откажа своето шоу додека Том Браун го одложи за април .

Њујорк, кој го започнува сезонскиот календар на модните писти, е познат по етаблираните брендови и поновите етикети за улична облека.

„Американската мода никогаш не била толку моќна како што е сега“, рече стилскиот директор на Women’s Wear Daily, Алекс Бадија.

По Њујорк, другите модни престолнини Лондон, Милано и Париз, исто така, планираат ревии во живо.

The post Модната недела во Њујорк под маски и со помалку публика appeared first on Република.