Смртта во битка е подобра од сообраќајна несреќа, изјави во интервју, Ала Мартињук, помошничката на врховниот командант на украинските вооружени сили, генерал Валериј Залужни.

Мартинјук (37) е поранешна театарска и ТВ актерка која моментално служи како „надворешен советник“ на Залужни. Во преносот споделен на социјалните мрежи од киевската новинска агенција УНИАН, таа ги критикуваше реакцијата на повеќето Украинци за новиот закон за проширено мобилизирање на населението за воените сили.

Сега гледам кога некој добива покана, мајките веднаш се хистерични и речиси веднаш се збогуваат со животите на нивните синови. Но, ќе ви кажам, ова не е во ред. Сета оваа хистерија не е потребна. Треба да верувате дека вашиот син е херој и цвет на нацијата. Сите ние ќе умреме во секој случај. Да го напуштите овој живот достоинствено е многу подобро отколку да одите по улица и да ви падне тула или да ве прегази автомобил“, порача Мартињук во етерот.

https://republika.mk/vesti/svet/ukraina-ja-namaluva-vozrasnata-granitsa-za-mobilizatsija/

Претседателот на Украина Володимир Зеленски неодамна објави план за мобилизирање на 500.000 дополнителни војници за да се надоместат загубите на бојното поле, иако официјални лица ширум земјата признаа дека има потешкотии со исполнувањето на нацрт-квотите.

Зеленски и Залужни се обидоа да ја префрлат вината за оваа ситуација еден на друг додека украинскиот парламент расправаше за намалување на старосната граница на 25 години и дозволување на мобилизација на жените во борбени улоги. Некои регионални гувернери предложија уште подрастични мерки.

https://republika.mk/vesti/svet/ukraintsite-go-napadnaa-zelenski-na-sotsijalnite-mrezhi-poradi-izjavata-za-mobilizatsija/

Поранешната премиерка Јулија Тимошенко, која сега води мала опозициска партија во Врховната Рада, тврди дека предлогот за мобилизација на Зеленски бил и неефикасен и неуставен. Таа, исто така, порача дека би било подобро наместо тоа, Украина да ги распореди припадниците на полицијата и обучениот безбедносен персонал на првите линии.

The post И така сите ќе умреме: Морбиден аргумент на помошничката на Залужни за мобилизацијата во Украина appeared first on Република.