Сите криминалци и политичари користат ист телефон, а тоа не е ниту Андроид ниту Ајфон.Најчесто е Нокиа 3310 или Блекбери.

https://republika.mk/vesti/svet/kakvi-telefoni-koristat-najpoznatite-kriminaltsi-i-dileri-na-droga/

Телефоните на BlackBerry сè уште ги користат американските претседатели, германската канцеларка Ангела Меркел и шефовите на други големи компании ширум светот.

Причината за ова е исклучително едноставна – BlackBerry нуди највисоко ниво на безбедност од прислушување. Во времето кога BlackBerry беше еден од најпопуларните производители на мобилни телефони, луѓето имаа доверба во овие уреди, што не може да се каже за Android.

Крадци, дилери, убијци и бројни криминалци ги користеле услугите на Phantom Secure, која ги модифицирала телефоните за безбедна комуникација – отстранувале камери, микрофони, GPS…

Една од компаниите која се занимава со вакви модификации е Phantom Secure.

Според ФБИ, компанијата на Рамос е основана исклучиво за да им служи на криминалците, а тие ги модифицирале телефоните како BlackBerry и Android со кои отстранувале камери и микрофони, GPS навигација и отстранувале класични апликации за комуникација и веб-прелистувачи и инсталирале апликации наменети само за комуникација преку безбедни мрежи.

The post Ова се најдоверливите телефони кај криминалците appeared first on Република.

Националната забрана за мобилни телефони во холандските училишта стапи на сила во понеделникот. На почетокот од оваа година мобилните телефони беа забранети во училниците во средните училишта, а сега со почетокот на новата учебна година оваа мерка е проширена и во основните училишта.

Министерството за образование во Хаг соопшти дека мобилните телефони го одвлекуваат вниманието на учениците и ја намалуваат нивната способност за концентрирање, што има штетно влијание врз перформансите во учењето.

Телефоните сè уште можат да се користат на час доколку се неопходни за содржината на часот, на пример, кога се учи за медиумските вештини. Учениците можат да користат мобилни телефони и доколку е потребно поради здравствени причини, а училиштата се одговорни за спроведување на забраната на лице место.

И атмосферата се подобрува во училиштата каде мобилните телефони се забранети дури и за време на одморите, објави телевизискиот канал NOS.

„Паузите (меѓу часовите) се посоцијални затоа што учениците во крајна линија почесто да разговараат меѓу себе“, вели истражувачот Лоес Паувелс од Универзитетот Радбауд во Нијмеген.

Забраната на мобилни телефони во училиштата е тема на контроверзна дебата во Холандија. Но, во исто време, многу родители тврдеа дека децата од основно училиште воопшто не треба да имаат паметни телефони, токму поради ризикот од зависност од социјалните мрежи.

Грција и Италија ги забранија мобилните телефони во училниците, додека Германија веќе подолго време дебатира за таков потег.

Една неодамнешна студија на Организацијата за економска соработка и развој (OECD) препорачува ограничена и одговорна употреба на мобилни телефони во училиштата.

The post Холандија ги забрани мобилните телефони и во основните училишта appeared first on Република.

Министерството за внатрешни работи информираше дека вчера во 13.58 часот во Полициската станица Центар, претставник на една политичка партија пријавил дека на 23.07.2024 околу 18.15 часот од непозната електронска адреса на службените електронски адреси на неколку пратеници во Собранието на РСМ била испратена порака со заканувачка содржина.

За настанот е известена Единицата за економски и компјутерски криминал при СВР Скопје и се преземаат мерки за расчистување на случајот.

The post Неколку пратеници добиле заканувачки СМС пораки appeared first on Република.

Мнозинството млади луѓе ги одбираат Инстаграм, Фејсбук и Јутуб како најинтересни за следење вести, а вестите за образование, наука и технологија им се најпривлечни. Иако веруваат дека само некои од информациите на социјалните медиуми се вистинити, а речиси една четвртина се загрижувачки пречесто на социјалните мрежи, за младите активното пребарување и реагирање на информациите не е вообичаено. Се сметаат за способни да препознаат дезинформации во медиумите, но повеќе од половината можеби споделиле дезинформации без да знаат. Според младите, политиката и политичките партии се извор на најмногу неточни или погрешни информации. Додека нивните политичките ставови за општествените случувања во државата се нечујни.

Ова го покажува анкетата на Институтот за комуникациски студии (ИКС) во пресрет на претседателските и парламентарните избори, чија цел е да се утврдат навиките за користење на медиумите и вестите кај младите луѓе, нивната способност да ги препознаваат дезинформациите во медиумите и како се граѓански и политички ангажирани.

Младите почесто пасивно ги консумираат вестите, односно почесто наидуваат на вести додека прават други работи отколку што активно ги бараат и ги проверуваат информациите. Читањето вести често ги предизвикува да ги споделуваат усно или онлајн со пријатели и колеги и да ги читаат коментарите од други луѓе на вестите на социјалните медиуми, а поретко практикуваат директно и јавно да реагираат со свое пишано мислење за одредена вест. Во однос на темите, кај младите постои помал интерес за политичките случувања во државата, економијата и социјалната правда, а забележале неточни или погрешни информации за политика, познати личности и за криминал и корупција.

Кај младите луѓе се забележува критичен однос кон вистинитоста на споделените информации, но и мала насоченост кон идентификување на емоционалниот тон на веста, на што треба да се посвети повеќе внимание при едукациите за медиумска писменост. Тие за себе мислат дека се успешни во препознавањето на дезинформациите, иако над половина (51 %) одговориле дека можеби споделиле без да знаат дека е дезинформација. Само 13,4 % сметаат дека поголем дел од информациите на социјалните медиуми се вистинити, а 34,3 % пријавиле присуство на дезинформации во медиумите. Речиси 2/3 од младите испитаници сметаат дека главни креатори на дезинформациите се политичките партии.

Кај испитаните млади луѓе се забележува изразена заинтересираност за јавните работи. Во однос на нивниот граѓански ангажман, над половина (53 %) од испитаниците биле вклучени во некаков вид волонтерска активност за решавање на локалните проблеми. Во поглед на изборниот ангажман, 39,8 % испитаници се изјаснија дека редовно гласаат, а понекогаш гласаат 16,7 %. Но, кога беа прашани за нивниот „политички глас“, најчест одговор на младите испитаници е „Не сум го направил/а тоа“ за серија понудени активности што претставуваат манифестација на политички ставови во однос на определени општествени случувања, како што се: акции за собирање средства во добротворни цели, учество во протест, средба со некој политичар функционер, потпишување писмена петиција, бојкотирање компанија поради нејзините општествени вредности и сл.

Во однос на употребата на социјалните медиуми, 5 % од испитаниците спаѓаат во критичната група на висока зависност од социјални медиуми, но забележителен е и процентот на испитаниците (19 %) што се блиску до критичниот резултат за дијагностицирање на ваквата зависност. Кај луѓето што се зависни од социјалните медиуми може да се забележи појава на вознемиреност, особено кога нема достапност до социјалните мрежи, постојано се проверува телефонот кога ќе се слушне звукот за известување, при поставување слика на профилите постојано се проверуваат коментарите и лајковите, користењето на социјалните медиуми е првото и последното нешто во денот, односно вообичаена рутина, а настаните се проценуваат според тоа колку се вредни за „прикачување“.

Анкетниот прашалник е спроведен во периодот од декември 2023 до март 2024 година на примерок од 345 испитаници на возраст од 18 до 29 години со различни демографски и социоекономски карактеристики (средношколци, студенти, невработени и вработени). Истражувањето е дел од проектот „Користи факти“, кој е поддржан од Британската амбасада во Скопје.

The post Анкета: Една четвртина од младите се „загрижувачки пречесто“ на социјалните медиуми appeared first on Република.

Мобилниот телефон на Тамара Звицер е меѓу предметите што „копачите на тунели“ е украден од депото на Вишиот суд во Подгорица во септември минатата година.

Како што пренесува црногорски „Вијести“, покрај телефонот на сопругата на водачот на кланот, од депото е земен и имотен лист на нејзино име, како и пиштол што бил доказ во случајот против обвинетите за планирање на убиството на водачите на криминалната група од Белград, Вељко Беливук и Марко Миљковиќ во јануари 2021 година.

Мобилниот на Тамара бил запленет при претрес на куќата во Црна Гора во која живеела со нејзиниот сопруг Радоје.

The post Ова го има само на Балкан: Од депото на судот во Подгорица исчезна мобилниот телефон на Тамара Звицер appeared first on Република.

Дали Богоев дозволил шверц на 1.200 кг скапи телефони? Зошто царина молчи за скандал од стотици илјади евра?-прашува ВМРО-ДПМНЕ.

Наместо Царинската управа да ја извести јавност дека полицијата во акција спречила шверц на телефони, кои поминале на нивна контрола, тоа се дознава од медиумите.

Имено комбе полно со скапи телефони, т.е. со пакети тешки 1.200 кг е фатено на автопатот Петровец – Скопје откако веќе ја поминало Царината која евидентирала дека истото превезува друга стока, а не телефони.

Да не била акцијата на полицијата 1.200 кг скапи телефони ќе завршеле на црниот пазар.

Доколку се направи едноставна математика и се земе дека во комбето имало само 1.200 телефони, кои би се продавале по цена од 500 до 1.000 евра се доаѓа до сума од над половина милион до еден милион евра. Тоа е сериозен криминал, кој очигледно е правен во содејство со власта.

Дали Царинската управа го овозможила ваквиот криминал и дали зад сето ова стои Стефан Богоев, потпретседател на СДС?

Со право народот вели дека немаме држава, време е да ја вратиме.

The post Ќе заѕвонат ли запленетите мобилни телефони кај Богоев? appeared first on Република.

Полициски службеници на СВР Тетово - Отсек за превенција во содејство и координација со тетовската Полициска станица за безбедност на патниот сообраќај денеска ја реализираа планираната активност „Не користи мобилен телефон додека возиш - секој повик може да почека“.

Активностите кои се содржински дел од кампањата на МВР, Републичкиот совет за безбедност на сообраќајот на патиштата и Факултетот за безбедност-Скопје се спроведоа во централното тетовско градско подрачје, при што на возачите им беа поделени наменски изработени летоци.

- Покрај летоците со едукативно-информативни совети и пораки, со возачите беа споделени и статистички податоци за сообраќајни несреќи предизвикани токму поради користење мобилни телефони во возење. На возачите, исто така, им се укажа и на законските санкции предвидени за овој вид сообраќаен прекршок и за другите негативни импликации по вкупната безбедност во сообраќајот, информира Марјан Јосифоски, портпарол на СВР Тетово.

Вакви активности предвидени се и на гостиварското подрачје, а нивна основна цел е подигнување на сообраќајната свест и култура на повисоко ниво во функција на подобрување на вкупната безбедност на патиштата во Полог и пошироко.

The post „Секој повик може да почека“: Кампања за некористење мобилен додека возите appeared first on Република.

Дваесет мобилни телефони биле одземени од затвореници, главно членови на Кавачкиот и Шкаљарскиот клан  при претрес во затворот Спуж. Овој затвор е еден од најбезбедните и затвори во Црна Гора.

Луѓе од надвор  со дрон ги фрлиле  телефоните во дворот. Тие точно знаеле каде да ги спуштат, градат дупка во дворот и ги кријат телефон во неа. Така, при претрес на просториите во кои престојуваат затворениците полицијата не може да  најде ништо.

The post Како на филм: Во најобезбедуваниот црногорски затвор со дрон се внесувале мобилни телефони appeared first on Република.

Апликациите за социјалните мрежи, стриминг сервисите и некои игри се меѓу најголемите виновници за трошење на батеријата на вашиот телефон, открија експертите.

Според технолошките експерти, веб-локациите за технолошки тргување, апликациите кои најмногу влијаат на траењето на батеријата на вашиот паметен телефон се оние кои постојано работат во заднина – дури и кога не се користат активно, пренесува Daily Mail.

Facebook и Instagram кои се во сопственост на Meta, Twitter, Snapchat и TikTok се едни од „тешкашите“, предупредуваат експертите, бидејќи апликациите имаат пристап до вашата локација, микрофон, камера и контакти во секое време.

Ова е особено забележливо откако корисниците се пожалија дека новата апликација за социјално вмрежување на Meta, Threads, која собори рекорди со собирање повеќе од 109 милиони корисници од лансирањето минатата недела, ја троши батеријата на нивниот телефон „со молскавична брзина“.

Некои фрустрирани корисници на новата апликација за микроблогирање, која многумина ја гледаат како директен ривал на Twitter, дури ја избришаа апликацијата откако им ја испразни батеријата на паметниот телефон.

Иако причината за ова празнење на батеријата останува нејасна, експертот за сајбер безбедност Џејк Мур посочи дека тоа би можело да биде резултат на процес наречен „негативно тестирање“.

„Апликациите на Meta долго време беа обвинети дека предизвикуваат празнење на батеријата на iPhone“, рече тој. „Ова може да биде затоа што програмерите се обидуваат да разберат повеќе за нивната апликација и како корисниците комуницираат со неа. Процесот наречен негативно тестирање се користи за да им помогне на програмерите да научат како луѓето ја користат апликацијата за да ја подобрат, а се сметаше дека Facebook ја користел во минатото“, вели Мур.

Толп 10 апликации кои ви ја трошат батеријата:

1. Facebook

2. Twitter

3. Instagram

4. Snapchat

5. TikTok

6. Uber

7. Amazon

8. Spotify

9. Netflix

10. Candy Crush

The post 10 апликации кои најмногу ви ја цицаат батеријата на мобилниот телефон appeared first on Република.

Во СВР Скопје вчера 36-годишен скопјанец пријавил дека тој, неговиот татко и неговиот брат биле измамени од едно лице, кое се претставувало дека е полициски службеник и дека ќе им помогне за случај од пред неколку години, при што им побарал мобилен телефон како подарок за обвинител.

Според пријавеното, како што информираат од МВР, на почетокот на април оваа година лицето дошло со брат му во нивниот дом и претставувајќи се дека е полициски службеник, им ветил дека преку обвинител ќе може да им помогне за случај од пред неколку години, во кој биле измамени од друго лице.

Како што е пријавено, за услугата тој им побарал мобилен телефон како подарок за обвинителот, а откако му го дале телефонот продолжиле со комуникација до крајот на мај, од кога лицето станало недостапно, по што сфатиле дека се измамени.

The post Подарок за обвинител требало да биде мобилен телефон за да „заврши работа“ appeared first on Република.

Поранешниот британски премиер Борис Џонсон одбил да им го предаде телефонот што го користел за време на поголемиот дел од пандемијата „Ковид-19“ на британските службеници, иако тие можеби содржеле пораки за заклучувањето, објави лондонскиот „Тајмс“.

Кабинетот му нареди на Џонсон во август 2022 година дека ќе мора да ги предаде „секакви хартиени или електронски записи“ од неговото време во Даунинг стрит за време на истрагата за начинот на кој владата управува со земјата за време на пандемијата „Ковид-19“, истакнувајќи дека мора да се чува ги „безбедни, за да можат да бидат достапни доколку се појави такво барање“.

Сепак, Џонсон не го предаде телефонот што го користеше пред април 2021 година, период кога имаше три заклучувања, како и време кога се одржуваа забави во владини простории, познати како „Партигејт“.

The post Борис Џонсон одбил да го предаде мобилниот што го користел за време на пандемијата и „локдаунот“ appeared first on Република.

Средношколка од Тенеси, САД, двапати го испрскала својот професор со солзавец, откако тој ѝ го одзел мобилниот телефон за време на часот.

Видеото најпрво беше објавено на Редит, а лицето кое го објави таму тврдеше дека професорот ѝ го зел телефонот на девојката затоа што таа ги барала одговорите на задачите на Гугл.

„Врати ми го телефонот, врати ми го телефонот. Може ли да го добијам телефонот? Може ли? Ми треба телефонот“, упорно му повторува ученичката на еден од колегите на нападнатиот наставник.

Истиот професор бил удрен со тупаница во лицето пред околу два месеца, а Фокс њуз добила потврда дека по двата инцидента биле преземени дисциплински мерки согласно прописите на училиштето, односно дека случаите биле пријавени во полиција.

https://twitter.com/FightHaven/status/1654833392616357889?ref_src=twsrc%5Etfw%7Ctwcamp%5Etweetembed%7Ctwterm%5E1654833392616357889%7Ctwgr%5E9e67a30ae15eee78e0d7d150bdf19224744f9cb2%7Ctwcon%5Es1_&ref_url=https%3A%2F%2Fplusinfo.mk%2Fshokantno-video-uchenichka-so-solzavec-napadnala-nastavnik-vrati-mi-go-mo-ot-mobilen%2F

The post Средношколка нападнала професор со солзавец поради одземен мобилен телефон appeared first on Република.

Дејан Стевиќ, потполковник од Управата на српската сообраќајната полиција, за „Телеграф.рс“ објаснува колку се опасни мобилните телефони додека возите.

[caption id="attachment_635399" align="alignnone" width="583"] фото Телеграф.рс[/caption]

- Можам да ви го кажам фактот дека многумина од нас не пијат додека возат и многумина од нас ги осудуваат возачите кои возат под дејство на алкохол, но студиите покажаа дека зборувањето на телефон додека возите е еднакво, во однос на количината на вниманието го одзема од воланот и од самиот пат, како да сте конзумирале алкохол од 0,8 промили. Ако сте почнале да сурфате на Интернет или да внесете порака, тоа е како да возите под дејство на алкохол со ниво на алкохол во крвта од 1,20 промили. Станува збор за состојба на тешка интоксикација, а таквиот возач е законски приведен за отрезнување - вели Стевиќ.

The post Ако зборувате на телефон додека возите е како да имате 0,8 промили алкохол, ако сурфате на интернет или пишувате порака е како да сте „мортус“ пијан appeared first on Република.

Секој паметен телефон може да се прислушува и да се шпионира без да се инсталира специјален софтвер за таа цел, предупреди денеска компанијата Даст Мобајл (Dust Mobile) на Меѓународниот форум за кибер безбедност во Лил, на северот на Франција.

„За 500 долари месечно на дарк нет (кој не е видлив на обичните пребарувачи), хакер може, само знаејќи го телефонскиот број, да го лоцира вашиот телефон од далечина и без ваше знаење, да пресретнува и слуша повици и да има пристап до вашите пораки. “ соопштија од компанијата.

Компанијата прецизира дека хакер може дури и да промени некои пораки и да ги испрати на некој друг од вашиот број. Може да остварува и телефонски повици од вашиот број.

Компанијата разви систем за заштита од овој малку познат ризик од хакирање. Овој систем може да открие дали хакерите користат некои безбедносни дупки на SIM-картичките или системите што овозможуваат комуникација помеѓу две лица кои немаат ист оператор

Овие недостатоци се присутни уште од самиот почеток, бидејќи овие протоколи за комуникација помеѓу операторите првично беа дизајнирани без заштита бидејќи само операторите имаа пристап до овие протоколи.

Сега секој може потенцијално да има пристап. Мобилната компанија Даст создаде заштитна СИМ-картичка која во случај на хакерски напад го активира алармот и веднаш го блокира нападот. Ваквата картичка е особено наменета за компании и владини институции.

Картичката може да детектира и напади од таканаречениот систем IMSI-Catcher, кој го користат разузнавачките служби.

Хакерските напади на мобилните телефони стануваат сè пософистицирани, со софтвер дискретно инсталиран на телефонот и шпионирање на неговата содржина.

Еден од најпознатите такви софтвери е Пегаз.

The post Секој паметен телефон може да биде прислушуван и без инсталирање посебен софтвер appeared first on Република.

Мартин Купер пред 50 години го измисли првиот мобилен телефон популарно наречен „цигла“.

Мартин Купер, човекот го измисли мобилниот телефон, прими награда за животно дело на Светскиот конгрес за мобилни комуникации во Барселона, најголем саем за безжични комуникации на светот.

Држејќи во рацете прототип на првиот мобилен телефон наречен „цигла“ кој го создал пред 50 години, Мартин Купер со оптимизам зборувал за иднината на мобилната технологија, но изразил и загриженост поради ризикот кој паметните телефони го претставуваат и за приватноста и за популацијата на младите, се наведува во извештајот на „Associated Press“.

„Моето најнегативно мислење е дека повеќе немаме никаква приватност бидејќи се за нас е некаде снимено и достапно некому кој има доволно силна желба тоа да го види или слушне“, изјавил 94-годишниот Купер.

Покрај „ерозијата на приватноста“ Купер изразил и загриженост и поради споредните негативни ефекти на кои се изложени корисниците на паметните телефони и социјалните мрежи, како зависност од интернет и лесен пристап на деца до штетни содржини.

Опишувајќи се себеси како сонувач и оптимист, Купер изразил надеж дека напредокот во технологијата на мобилните телефони има потенцијал револуционерно да ги унапреди областите како образование и здравствена заштита.

The post Пронаоѓачот на мобилниот телефон Мартин Купер доби награда за животно дело appeared first on Република.

Мобилните телефони добиваат разни нови опции функции од година в година, па една од нив е и препознавањето скриени камери.

Како да проверите дали вашата мобилна камера може да открие инфрацрвена светлина? Со далечинскиот управувач на телевизорот. Едноставно, се вклучува камерата и се насочува кон предната светилка од далечинското. Притиснете некое копче на него и набљудувајте го екранот на телефонот.

За да можат да снимаат при слаба светлина или без услови на осветлување, на пример, камерите за надзор го користат инфрацрвениот спектар светлина. Човечкото око не може да го види, но камерата од телефонот може, понекогаш.

Ако мобилниот уред може да детектира инфрацрвена светлина, таа на екранот ќе се прикаже како трајна или како испрекината светлина. Ако задната камера не може да го прави тоа, треба да се обидете и со предната.

Откривањето инфрацрвена светлина со камерата на вашиот телефон е корисно при проверување за скриена камера ако користите „Ер-БНБ“ или друго приватно сместување, а за коешто честопати се покажува дека не е доверливо. Во такви соби, просторијата се затемнува што е можно повеќе, се пушта камерата на телефонот, а потоа се врши подробно прегледување на просторот.

The post Како со мобилниот телефон да препознаете дали има скриени камери во собата во која сте сместени appeared first on Република.

Хрватска и Финска, како и Холандија и Канада, добија пилот-проекти за развој на дигитални пасоши на мобилни телефони, чија крајна цел е користење на најнова технологија за олеснување на патувањето и подобрување на безбедноста на патниците, пишува денеска весникот „Јутарњи лист“.

Хрватските граѓани ќе бидат меѓу првите во Европската Унија кои ќе можат да користат дигитална патна исправа во својот дигитален паричник во мобилниот телефон.

Дигиталниот патен документ ќе им овозможи на граѓаните, на пример, однапред да го најават своето пристигнување во некоја земја, а со тоа да го скратат времето на минување на граничните премини колку што е можно повеќе.

Проектот во Хрватска го спроведуваат Министерството за внатрешни работи и Агенцијата за комерцијална дејност (АКД), во кои објаснуваат дека се работи за обемен проект, во кој развој и бројни тестови допрва следуваат, што е причина што Европската Комисија одобри финансирање во износ од речиси 2,3 милиони евра.

Хрватските граѓани го користат еПасошот од 2009 година, чија сигурност во моментов се заснова на проверка на автентичноста на личните податоци во физичка и електронска форма. Тоа значи дека дигитализираните податоци зачувани во чипот за пасош се идентични со печатените податоци во книжниот пасош. Исклучок се биометриските податоци.

Како што појаснуваат во АКД, пилот-проектите што ќе ги спроведуваат Хрватска и Финска, како и Холандија и Канада, имаат за цел да имплементираат дигитална патна исправа, чија виртуелна компонента е поврзана со еПасошот, т.е. содржи делумна копија од биографските и биометриските податоци на лицето во еПасошот.

Ова ќе овозможи идентификација на патниците само врз основа на виртуелната компонента на дигиталната патна исправа.

За новиот дигитален пасош АКД ќе го продолжи развојот на мобилната апликација Certilia, која секој граѓанин кој има валидна лична карта со чип може да ја користи за дигитална потврда на идентитетот.

За потребите на пилот-проектот, АКД ќе му овозможи на носителот на пасош да креира дигитална патна исправа во рамките на мобилната апликација Certilia, што е средство за електронска идентификација од највисоко ниво. Бидејќи Certilia ги има сите предуслови за иден дигитален паричник на ЕУ, логично е АКД да им обезбеди на нашите граѓани дигитален пасош на мобилен уред“, посочува Јуре Сертиќ, директор на АКД.

The post Хрватите ќе бидат меѓу првите во ЕУ кои ќе можат да користат мобилен телефон како пасош appeared first on Република.

Д-р Јоханес Вимер тврди дека е лоша навика што повеќето луѓе го земаат мобилниот телефон в рака веднаш штом ќе се разбудат.

Притоа, во ваквата постапка се подразбира не само исклучување на алармот, туку и „задолжителна проверка“ на вестите на социјалните мрежи.

Треба веднаш да се ослободиме од оваа навика. Барем една до две минути без мобилен телефон се доволни. Навистина не е многу голема работа, но е неверојатно полезно. По оваа промена ќе почнете поинаку да се будите и оваа ситница ќе ви го промени целиот ден - вели д-р Вимер.

Истражувањето на консултантската компанија „Дилојт“ посочува дека дури 43 отсто од потрошувачите ги проверуваат своите мобилни телефони во рок од пет минути по будењето, а 17 отсто веднаш кога ќе се разбудат.

Со други зборови, за 60 отсто од испитаниците, мобилниот телефон е првото нешто што им паѓа на ум наутро. Ова е еден од показателите за дигиталната зависност на општеството воопшто.

The post Не го земајте телефонот в рака веднаш по будењето, оваа ситница може да ви помогне поинаку да се будите appeared first on Република.

Во првиот квартал од годинава претплатниците во мобилната телефонија просечно во тек на еден месец иницирале 103,38 повици, а зборувале просечно 243,67 минути. Најголем дел од разговорите се остваруваат во сопствена мобилна мрежа и изнесува 157,74 минути (64,74 проценти). Сообраќајот кон други мобилни мрежи во државата е значително помал и изнесува 80,98 минути (33,23 проценти).

Според податоците на Агенцијата за електронски комуникации (АЕК), во првите три месеци од годинава, споредено и со првиот и со четвртиот квартал минатата година има намалување на волуменот на сообраќај кон сите дестинации.

Извештајот на АЕК за развојот на пазарот на електронски комуникации во првиот квартал годинава покажува дека вкупниот број активни претплатници во мобилната телефонија изнесува 1 920 834, што претставува пад од 1,06 проценти во однос на претходниот, четвртиот квартал лани, кога беа регистрирани 1 941 352. Во однос на првиот квартал минатата година, пак, има раст од 2,61 процент.

Заклучно со 31 март годинава во државава имало 1 403 888 претплатници со пристап до интернет со широк и тесен опсег преку мобилни мрежи (2G/3G/4G), или за 0,92 проценти помалку споредено со претходниот квартал. Со пристап до интернет со широк опсег, пак, се регистрирани 499 331 претплатници односно раст од 0,11 процент во однос на четвртиот квартал од 2021 година, додека споредено со првиот квартал од 2021 година бројот на активни претплатници е зголемен за 4,53 проценти.

Уделот на мобилните оператори на пазарот на мобилна телефонија по број на активни претплатници заклучно до 31 март годинава покажува дека А1 Македонија учествува со 48,14 проценти, Македонски Телеком учествува со 47,45 проценти, Лајкамобајл има пазарен удел од 3,12 проценти, Роби има пазарен удел од 1,22 проценти додека Греен Мобиле има пазарен удел од 0,07 проценти.

Кај резиденцијалните пост-пеид претплатници во мобилната телефонија има раст од 0,54 проценти од претходниот квартал додека во однос на истиот квартал од претходната година се забележува раст од 3,67 проценти, деловните бележат раст од 0,12 проценти во однос на претходниот квартал додека во однос на првиот квартал од 2021 година се забележува пад од 2,05 проценти.

Се бележи намалување на бројот на испратени СМС пораки во однос на четвртиот квартал од 2021 година од 7,42 проценти. Кај вкупниот број испратени ММС пораки во првиот квартал од 2022 година има раст од 6,07 проценти во однос на претходниот квартал и пад од 0,88 проценти споредено со првиот квартал од 2021 година.Извештајот на АЕК покажува дека во државава има 426 255 претплатници на фиксни линии и по тој основ има намалување на годишно ниво од 4,6 проценти. Резиденцијални претплатници на фиксна линија се 373,523, а деловни се 52 732. Целокупниот обем на сообраќај во првиот квартал годинава во однос на истиот квартал од претходната година бележи пад од 6,15 проценти, додека во однос на четвртиот квартал од 2021 година бележи пад од 20,24 проценти. Во однос на вкупниот број на појдовни повици споредено со првиот квартал од 2021 година се забележува пад од 9,27 проценти, додека во однос на четвртиот квартал од 2021 година бројот на повици е намален за 15,43 проценти.

Во вкупниот број фиксни линии учеството на Македонски Телеком е 52,52 проценти, додека од алтернативните оператори/ даватели на услуги најголемо учество има А1 Македонија со 41,07 проценти, по што следуваат: Роби (4,31 проценти) и Неотел (2,10 проценти).

Од 83 нотифицирани субјекти во службената евиденција на АЕК, 79 субјекти обезбедуваа услуги за пренос на податоци во првиот квартал од 2022

Во првиот квартал годинава се регистрирани и 430 119 претплатници на ТВ услуги и пакети, што е намалување од 4,60 проценти во однос на првиот квартал лани, кога биле регистрирани 450 865. 211.348

The post На мобилен се разговара четири часа месечно appeared first on Република.

Полицијата и обвинителството сѐ уште истражуваат дали младата 22-годишна кумановка загинала од струен удар.

Телото е предадено на обдукција, што треба да ги утврди точните причини за смртта на девојката. Во истрагата што ја води обвинителството земени се изјави од сведоците на настанот.

Тие, пренесува ТВ Телма, рекле дека биле на моминска вечер, предбрачна прослава, на која учествувале само жени, во луксузен спа-центар во хотел со 5 ѕвездички во Старата скопска чаршија.

Девојката се бањала во базен и кога излегла, со рака го зела мобилниот што бил приклучен на полнач. Девојката паднала. Веднаш поради спој се исклучила струјата во целиот објект, по што вчера веднаш по полноќ била повикана полиција и итна помош. Констатирале смрт на девојката, која на забавата дошла од Куманово.

Полицијата во соопштение објави дека трагичниот инцидент се случил во угостителски објект без потенцирање дека станува збор за елитен скопски хотел.

Истрагата проверува и како дошло до електричниот спој и од што е предизвикан.

The post Обдукција ќе покаже како настанала смртта на 22-годишната девојка крај базен во елитен скопски хотел appeared first on Република.