Младен Самарџија (33), еден од најбараните бегалци барани од Европол, е уапсен во понеделникот во Јахорина, пренесува Klix.ba.

Во акцијата наречена „Токио“ на Министерството за внатрешни работи на Република Српска, уапсен е член на организирана криминална група која се занимавала со препродажба на наркотична дрога кокаин, соопштија во објава на Фејсбук, заедно со фотографии од апсењето.

- Во акцијата Токио со припадници на Дирекцијата за организиран и тежок криминал учествуваат и полициски службеници на Полициската управа Источно Сараево, Специјалната антитерористичка единица на МВР со поддршка на Европол, до сега одземени се: еден килограм од наркотичната дрога кокаин, 8.000 КМ, 122.580 евра и четири пиштоли, лаптоп, неколку мобилни телефони, помала количина „марихуана“, 20 парчиња куршуми калибар 9х19 мм и неколку возила - велат оттаму.

Младен Самарџија е роден 1990 година, а обвинет е дека бил член на меѓународна криминална група која дејствувала во рамките на поголема меѓународна криминална група од Црна Гора наречена „Кавачки клан“.

Словенечката полиција распишала потерница по Самарџија затоа што избегнувал да дојде во судот каде што се гони за организиран криминал и трговија со дрога.

Тој ја координирал испораката на нелегални дроги и пари и регрутирал нови членови на криминалната група преку шифрирана комуникација на Скај, која ја користат мафијашите и криминалците ширум светот. Со кривични дела противправно прибавил голема материјална корист за себе. Самарџија е означен како опасен на потерницата на Европол.

Повикувајќи се на документи од истрагата, словенечките медиуми наведуваат дека Самарџија се сметал за снабдувач на хероин кој бил цел на тајните словенечки полициски истражители во август 2020 година. Како што е соопштено, тајните агенти купиле хероин од куририте на Самарџија, а на кесите биле откриени неговите отпечатоци од прсти.

Самарџија во 2022 година бил уапсен и во Пале, при што пронашле 58.400 евра во кеш и четири мобилни телефони, кои привремено биле одземени заедно со автомобилот. Иако се знаеше дека е еден од најбараните бегалци, тој беше ослободен. Двојното државјанство го заштитило од екстрадиција во Словенија.

The post Во Босна и Херцеговина уапсен еден од најбараните бегалци во Европа appeared first on Република.