Црната сатирична комедија „Бардо Тодор“, изготвенa во продукција на „New Clаp“, а поддржана од Центарот за истражување и информирање за животната средина „Еко-свест“, ќе се одигра во Младински Културен Центар во Денсинг сала на 23 ноември во 20:00 часот, влезот е слободен.

Автор на претставата е Сашо Кокаланов, а режисер – Сашо Миленковски.

Кокаланов за претставата вели дека „Бардо Тодор“е црна сатирична комедија која зборува за страшните последици по животот на луѓето кои живеат како први соседи на една термоцентрала со коп на јаглен, приклештени во противречноста – убиецот да им е и главен работодавец.

„Приказните се пародија направена според мотиви од приказните за треската, борџот и чумата на Марко Цепенков, како и „Бардо Тодол“, тибетски будистички текстови за искуството на душата по смртта, во западниот свет книга позната како „Тибетска книга на мртвите“. Идејата беше да се направи драмска нарација во која, паралелно, преку современи ликови и преку нивно карикирање во духот на антологиските ликови од народните преданија, ќе се зборува за апсурдноста на прифаќањето на реалноста да се живее во близина на масовен убиец само затоа што тој убиец обезбедува некаква егзистенција“, наведе авторот за претставата.

Ваквиот тип на претстави се наменети да допрат до широката јавноста за потребата да се направат промени во однос на производството на електрична енергија од фосилни горива, што носи страшни последици врз здравјето на луѓето.

„Струјата која доаѓа од јагленот е валкана енергија која ги труе луѓето и го загадува воздухот кој го дишеме, водата што ја пиеме и почвата каде садиме храна. Здравјето на луѓето кои живеат близу електраната е загрозено, но и здравјето на населението во целата држава. Постои начин да се направи етапна транзиција кон обновливи извори кои не загадуваат, без да се направи штета на економскиот развој на регионот, а локалните заедници се оние кои треба да ја започнат иницијативата за промена“

The post Сатиричната комедија „Бардо Тодор“ во режија на Сашо Кокаланов во МКЦ appeared first on Република.

„Youclidean“ е ликовна изложба на младата уметница Елена Гелева која ќе се отвори утре, (понеделник, 18 ноември) во 20 часот во Галеријата на Младинскиот културен центар.

Елена Гелева за својата иницијација околу изложбата „Youclidean“ вели: „Поаѓам од англискиот јазик;
Изговорот на двете букви ‘Е’ и ‘U’ напишани една по друга и изговорот на заменката ‘You’, речиси не се разликуваат“.

„Првите две букви ‘Eu’ од зборот Euclidean (Евклидова) ги одземам, и ги заменувам со зaменката ‘You’(Ти).
Идејно, го позајмувам првиот постулат на Евклидовите ‘Елементи’. ‘1.Права отсечка може да спои кои било две точки.’ за шеговито да го предлoжам единствениoт постулат на Youclidean; ‘Kонсензус (права отсечка) може да спои кои било два набљудувачи (точки)’“, вели Гелева.

Суштината во делата на Гелева кои кореспондираат со ‘Големиот бран’ на јапонскиот уметник Кацушика Хокусаи е повторливоста на космосот со секвенци на привидна оригиналност, се вели во најавата.

На изложбата ќе бидат претставени дваесетина дела со различен формат, од грандиозни големи платна до средни не помалку грандиозни по квалитет.

„Токму тие блесоци на временско индивидуално доживување можеме математички прецизно (ликовно) да го восприемеме од платната на Елена. Делата се вид на тантра која е холистички пристап кон животот, кој ги поканува спремните поединци да ги истражат и интегрираат своите духовни и физички размери за подлабоко и поврзано суштествување. Непотребно е било какво понатамошно анализирање и „дрдорење“ за делата на Елена Гелева која е земно млада уметница но од друга или иста страна, зрела и возрасна авторка која со своите дела има освоено врв, или една единствена точка од ‘големиот бран’“, вели Горјан Ѓорѓиев за изложбата.

„На секое пишување има почеток и крај, на секое дело има почеток и крај, но гледајќи ги делата на Елена Гелева се вивнувам во безвременски и бесконечен простор во кој само треба да СИ и да го вдишеш. Во нејзиниот внатрешен свет вдишувајќи навлегов и останав во еден свет на форми и симболи, бои и нијанси обидувајќи се да дешифрирам што сакал авторот да каже, пишува Весна Ничевска по повод изложбата.

Изложбата ќе биде отворена до 30 ноември.

The post „Youclidean“ – Изложба на Елена Гелева во МКЦ appeared first on Република.

Во понеделник, на 18 ноември, од 20 часот во Галеријата на Младински културен центар (МКЦ) ќе се отвори изложбата „Youclidean“ на Елена Гелева.

Суштината во делата на Гелева кои кореспондираат со „Големиот бран“ на јапонскиот уметник Кацушика Хокусаи е:
-повторливоста на космосот со секвенци на привидна оригиналност.
Токму тие блесоци на временско индивидуално доживување можеме математички прецизно (ЛИКОВНО) да го восприемеме од платната на Елена.
Делата се... вид на тантра која е холистички пристап кон животот, кој ги поканува спремните поединци да ги истражат и интегрираат своите духовни и физички размери за подлабоко и поврзано суштествување.
Непотребно е било какво понатамошно анализирање и „дрдорење“ за делата на Елена Гелева која е земно млада уметница но од друга или иста страна, зрела и возрасна авторка која со своите дела има освоено врв, или една единствена точка од „големиот бран“. 1,1,2,3...
Есенско утро, вели Горјан Ѓорѓиев.

The post Изложба на Елена Гелева во Галерија МКЦ appeared first on Република.

Новиот роман од Зоран Спасов Sоф – „И јас сум Сирма“ ќе биде промовиран вечер во 20 часот во Младинскиот културен центар – Скопје. Книгата, која е во издание на „Попули“, дел од „Арс Ламина – публикации“, ќе ја промовира Татјана Алексиќ, а модераторка на настанот ќе биде уредничката Татјана Димовска-Атанасова. Специјална гостинка, во улога на Сирма ќе биде младата актерка Јована Спасиќ. По промоцијата, забавата ќе продолжи со настап на „Сирма rock’n’roll бенд“.

- „И јас сум Сирма“ не е роман, туку нешто меѓу сага и еп. Станува збор за збирка приказни што „авторката“ ги има собирано во изминативе шеснаесет века. Таа вели дека сè што напишала e вистина, но искрено мислам дека некои делови се пренесени со прекумерна доза на патриотизам. Особено кон соседите. Но... таков е нејзиниот табиет: горд, искрен, чесен, мил, полн со емпатија. Напати ме потсетува на некого: на мајка ти, баба ти, на мајка ми... но најмногу од сè ми личи на Македонија. Двете делат иста судбина, со секој здив, со секој збор, со секоја реченица. „Авторката“ не ја познавам лично, но имам чувство дека цело време е тука некаде, на дофат. Кога издавачот ми го прати текстот да напишам рецензија, не наидов на ништо што не ми е познато. Имав впечаток дека секоја страница од оваа историска читанка ја има некаде во нашите гени. За некои од ликовите можеби не сте чуле или, пак, имате погрешна слика, но сите тие се јунаци. Драг читателу, ти можеш да кажеш дека ништо од ова не е точно, но нема да можеш да не ја дочиташ книгава докрај, затоа што цел живот ќе ти ја јаде душата. Однатре. Тивко, полека, наведуваат од „Арс Ламина – публикации“.

Зоран Спасов Sоф е познат скопски лик, филантроп и автор на хит-книгите „Тито, мојот претпоследен херој“, „Торонто експрес“, „Џабе живиш у Скопје“ и „Цепај сине: пошто џабе живиш у Македонија“. Важи за еден од најпродаваните автори во книжарниците „Литератира.мк“.са/

The post Промоција на „И јас сум Сирма“ од Зоран Спасов Sоф во МКЦ appeared first on Република.

Здружението за афирмација на младинската култура „Култура Бета“ денеска во Младинскиот културен центар организира книжевно читање „Тоа сме ние“.

Настанот ќе започне во 20 часот и ќе вклучи настапи на десет млади автори од новата книжевна генерација, меѓу кои Ивана Јовановска, Моника Стојановска, Ива Петреска и други.

„Култура Бета“ најавува дека настанот ќе биде потсетник за ослободувањето на книжевната сцена во чест на Денот на ослободувањето на Скопје. 

The post Книжевно читање „Тоа сме ние“ во МКЦ appeared first on Република.

Денеска во Младинскиот Културен Центар – MKЦ, во просториите на Кино Фросина, со почеток во 21:30 часот ќе се одржи премиерата на проектот „Безвременски прикаски” во кореографија и режија на Ирена Лозинска.

„Безвременски прикаски” е претстава со карактер на музичко-сценски и танцов перформанс, која опфаќа седум раскази на познатиот писател Франц Кафка.

Четирите учесници-актери преку танцови форми и техники ги оживуваат прикаските на Кафка, додека Енес Беговски – авторот на музиката за претставата, со својот Ханг (ударен музички инструмент), ја дополнува атмосферата со живи музички ефекти.

За визуелните ефекти е задолжен Видео арт, кој преку видео бим ќе создаде дополнителна сценска магија. Претставата трае 45 минути и нуди уникатна можност за актери да се изразат преку иновативни танцови форми и да ја искористат својата способност за импровизација.

Учесници: Исидор Јованоски, Ана Левајковиќ Бошков, Хакан Даци, Нела Павловска. Видео Арт: Доријан Миловановиќ.

Проектот е поддржан од Министерството за култура на Македонија.

The post Премиера на „Безвременски прикаски”, седум раскази на Кафка во МКЦ appeared first on Република.

Во галеријата на Младинскиот културен центар вечер од 20 часот ќе биде отворена групната изложба „Млада уметност“, на која ќе бидат претставени над 20 млади автори.
16/09/2024
10:30

Како што информираат од МКЦ, на изложбата ќе учествуваат младите уметници Стефан Анчевски, Јоана Арсовска, Тамара Блажевска, Елена Гелева, Ивана Ивановска, Зафир Јованов, Методија Јованов, Павел Јовановски, Дурмиш Ќазаим, Ваџит Ќерими, Саре Ќерими, Давор Ќешкец, Ана Костовиќ, Петар Миљковиќ, Ивана Мојсовска, Сандра Нау, Доротеј Нешовски, Симона Новаковиќ, Ивона Петрова, Мартина Спасовска, Олимпија Камчева, Ана Тодоровска, Никола Тренов, Риџет Ферати и Димитар Чакар.

Дополнуваат дека изложбата потхранува дијалог меѓу уметници кои живеат и творат во ист социјално-културен предел.

Со самото поставување на дела од разни автори во еден заеднички простор, изложбата „Млада уметност“ потхранува дијалог меѓу уметници кои живеат и творат во ист социјално-културен предел. Тој заеднички простор сега е плодно поле за размена на идеи, искуства, инспирации, за менторство и колаборација. Со тоа, Галеријата на Младинскиот културен центар во Скопје станува динамично изложбено место каде индивидуалната креативност е потенцирана од колективната енергија на претставените дела, велат од МКЦ.

Изложбата е поддржана од Министерство за култура и туризам.

The post Над 20 млади автори на групна изложба „Млада уметност“ во МКЦ appeared first on Република.

Поради дефект на ул. „Кеј Димитар Влахов“ во Центар, прекинато водоснабдување од 09:30 часот ќе имаат МКЦ и МАНУ, соопшти ЈП Водовод и каналзиација - Скопје.

Водоснабдувањето ќе биде прекинато до санирање на дефектот.

The post МКЦ и МАНУ без вода appeared first on Република.

Вечерва во Продажниот ликовнен салон во Културно-информативниот центар во Скопје, со почеток во 20 часот ќе биде отоворена изложбата на слики од Вања Штркова, насловена „Мали настани, обични работи, скршени и реконструирани“.

Вања Штркова (родена 1987 година во Скопје) е графички дизајнер која работи во агенцијата New Moment во последните 5 години. Пред оваа изложба, Вања има една изложба во 2016 година насловена „Life”.

Нејзиниот најнов проект, изложбата „Мали настани, обични работи, скршени и реконструирани“, претставува серија на уметнички дела и слики инспирирани од секојдневните мали работи, мали разговори, мали моменти кои му даваат една значајна нота на животот. Во брзината и перфекционизмот кон кој секојдневно се стремиме, Вања со оваа изложба фрла светло на детското, на несовршеноста, на искривената линија… со други зборови, нѐ става во ситуација да го погледнеме детето во нас, да се фокусираме на сегашноста и ја истражува темата на малите и често неприметливи моменти во животот кои се претворени во визуелни наративи. Овој проект е посветен на нејзиниот внук Рубен, кој со неговото доаѓање го изврти погледот на битните и небитните работи во животот.

Со модерниот стил и интензивната употреба на бои, делата на Вања Штркова нудат нов поглед на обичните, но важни аспекти на секојдневието, пренесувајќи чувство на мир во моментот во кои се играат нејзините слики.

Изложбата ќе биде отворена до 14 септември 2024 година.

The post „Мали настани, обични работи, скршени и реконструирани“ – изложба на слики од Вања Штркова appeared first on Република.

Шестото издание на МакеКоПроДокс форумот во рамки на 15. „МакеДокс“ се одржува од 19 до 21 август во МКЦ. Главна цел на форумот е развој на стратегиски план за зголемување на копродукциите на документарни филмови меѓу балканските земји. Форумот на едно место собира претставници од регионалните филмски центри, професионалци од областа на документарниот филм и од филмската индустрија и 9 проекти што се во различни фази на продукција, избрани преку отворен повик.

Форумот беше отворен на 19 август со претставување на проектите и авторите кои учествуваа на работилницата за архивски практики во филмот „Замислување архиви“ на 15. „МакеДокс“, која ја модерираа Кумјана Новакова и Влад Петри. Во присуство на менторите беа претставени четири документарни филмски проекти кои се во фаза на развој.

Во рамки на сесијата беа претставени проектите „Forget me not“ на Ања Медвед од Словенија, „Journey... far away from Africa“ на Разван Марчис од Романија, „The gods must be mistaken“ на Јакоб Кресе како копродукциски проект помеѓу Словенија, Германија, Италија и Хрватска, и проектот „We hid everything important!“ на Карла Црнчевиќ од Хрватска. Менторите на работилницата истакнаа дека станува збор за интересни проекти кои заслужуваат поддршка за понатамошен развој.

Модератори и ментори на тридневниот форум се Хеле Хансен (консултантка за документарен филм, поранешна филмска застапничка за документаристика во Норвешкиот и Данскиот институт), Бриџид О’Шеа (коосновачка на Документарното здружение на Европа), Зејнеп Ѓузел (раководителка на „Doc Station“ во рамки на Програмата за таленти на „Берлинале“, виша консултантка во Документарното здружение на Европа) и продуцентот Виктор Еде (Cinephage Productions) од Франција.

Втора сесија на форумот беше панелот „Архивски материјали и дигитализација“, кој го модерираше Хеле Хансен. Учесници на панелот беа Ериона Вишка од Албанскиот национален архив, Александар Трајковки од Кинотеката на С Македонија и филмските автори Кумјана Новакова и Влад Петри. Дискусијата на панелот се одвиваше помеѓу две позиции – потребата за дигитализирање на архивските снимки и потребите на филмските автори. Влад Петри и Кумјана Новакова низ искуствата на своите филмови „Помеѓу револуциите“, односно „Молкот на разумот“, истакнаа дека авторите се соочуваат со многу тешкотии во наоѓање на архивски материјали за своите филмови. Ериона Вишка од Албанскиот национален архив објасни дека 70 проценти од материјалите што ги поседуваат веќе се дигитализирани и објавени во каталог. Претставникот на македонската Кинотека, Александар Трајковски, рече дека неговата работна позиција е на дигитализација на архивски материјали и дека прават сѐ што е можно во условите во кои се наоѓа неговата установа да се дигитализираат повеќе архивски снимки.

Третата сесија на форумот беше со акцент на презентација на документарните архиви преку „Док Архив Маркет“, кој беше презентиран од директорката на „Док Индустри“ на фестивалот „Док Лајпциг“, Надја Тенстед. Таа ги претстави сите сегменти на професионалниот маркет за архиви, кој ќе се одржи од 28 октомври до 3 ноември оваа година. На маркетот се вклучени најголемите светски платформи за фотографија и видео со нивните архиви што се создавани со години наназад. Директорката Тенстед истакна дека маркетот е создаден со цел да се избегне комплексниот бирократски апарат за добивање информација од државните архиви и да се даде можност за полесен пристап до приватните архиви.

Дел од истата сесија беше и презентацијата на „Документарница“, лабораторија за развој на документарни филмови од Словенија, којашто е создадена од Словенечкиот филмски центар и Друштвото на режисери од Словенија. Презентацијата ја одржа режисерката Петра Селишкар. Станува збор за заедница на словенечките документаристи, кои изнаоѓаат нови и креативни форми на взаемна поддршка во процесот на создавање на креативните документарни филмови.

Во рамки на четвртата сесија на 19 август во соработка со Францускиот институт и Француската амбасада се одржа панел помеѓу претставници на балканските филмски центри и продуценти од Франција, а на панелот се зборуваше за договорите за копродукција помеѓу балканските држави и Франција. Модератор на сесијата беше Хеле Хансен, а учествуваа францускиот продуцент Виктор Еде, продуцентката Морана Икиќ Комљеновиќ од Хрватскиот аудиовизуелен центар и Јана Сари, директорка за промоција при „Хелас филм“ од Грција. Заклучок од дискусијата беше дека има многу малку копродукции помеѓу Франција и балканските држави, бидејќи француските продуценти создаваат високобуџетни продукции, а буџетските можности на балканските продуценти се мали, и тоа се причините што тешко се потпишуваат договори. Хеле Хансен инсистираше да се најде начин како да се надмине проблемот.

Форумот продолжи и на 20 август со поединечни пичинг-сесии помеѓу филмски автори носители на проекти и професионални претставници од филмски центри, продукции и фестивали. На крајот од сесиите ќе бидат објавени и наградените проекти. Раководител на индустри програмата на „МакеДокс“ е Сара Ферро.

The post 6. издание на МакеКоПроДокс форум од 19 до 21 август во МКЦ appeared first on Република.

МКЦ и Град Скопје распишуваат Јавен повик за учество на тема: ,,ВИА Скопје”, мурали на големи столбови или на рамна површина.

Пријавување со скица на муралот е до 3ти септември на: info@mkc.mk, а учесниците ќе бидат избрани од трочлена комисија.

Како што информираат организаторите, муралите кои содржат навредлива, несоодветна и неморална политичка , верска, национална и родова конотација нема да се земат во предвид а на избраните учесници им следуваат материјали за работа и авторски хонорари.

„CreArt излегува на улиците со програма на уметнички дела прикажани долж јавниот простор, сметајќи и на локални таленти (поканети преку кураторски проекти) и на уметници од нашата CreArt мрежа (избрани во Отворени повици). Оваa иницијативата има за цел да генерира уметнички мурали што ќе останат долгорочно и ќе коегзистираат со општата врева на уличниот живот“, велат од МКЦ.

Clear (Мрежа на градови за уметничко творештво) е мрежа на европски градови со средна големина, предводена од Ваљадолид (Шпанија), која работи од 2012 година, со цел да ја поттикне креативноста и да го максимизира економскиот, социјалниот и културниот придонес што визуелните уметности можат да го дадат во нивните локални заедници, преку соработка во постојана програма за европска размена за нови креатори.

Град Скопје е составен дел од меѓународниот проект CreArt 3 (Network of Cities for Artistic Creation )-Креарт (Мрежа на градови за уметничко творештво) што претствува европска мрежа која обединува 13 градови и од јавни и приватни културни институции.

Партнери се Шпанија: Ваљадолид (Fundación Municipal de Cultura) – лидер на проектот, Португалија: општина Авеиро Полска, општина Лублин, Хрватска: HDLU-Загреб (Хрватско друштво на ликовни уметници), Македонија: Скопје, Литванија: Арткомас-Каунас (културна институција финансирана од општината)• Франција: Руан и Клермон-Феран, Италија: Венеција (општина), Латвија: Лиепаја (Градски совет), Чешка: Budweis 2028- Ческе Будејовице (Јавна организација), Финска: Оулу , Германија: Регенсбург.

Поврзани партнери се Atelierhaus Salzamt (Линц), Bluecoat (Ливерпул), Хафенкомбинат (Лепициг) и Дијалог на Совет.

The post МКЦ распишува конкурс за мурали appeared first on Република.

Во галеријата на МКЦ во Скопје, вечерва на 14 август, во 20 часот, ќе биде отворена самостојната изложба „Ноќна шума: неизвесни значења и патот низ непознатото“ на Доротеј Нешовски.

Својата најнова уметничка продукција, која Доротеј Нешовски ја насловува како „Ноќна шума“, е продолжување на неговите истражувачки методи долгорочно посветени на трансформативниот потенцијал на неколку едноставни формални елементи и материјали со кои работи во различни формати: дрвени боици, вертикали, сенки, транспарентни слоеви, кои ја имаат главната улога и во оваа поставка.

Во уметничката практика на Доротеј тие се искористени не во нивната очигледна функција, туку како приказ на комплексни формални и метафорички структури – носители на неизвесни значења. Дрвените боици формираат микросредини кои личат на градови или урбани објекти и формации; струготините кои произлегуваат како вишок отпаден материјал од процесот на острење на дрвените боици во овој случај нè тераат да се прашаме што (може) да се прави со акумулациите на преостанати форми и материјали. Како преку ова натрупување на значења би можеле да го формулираме сложениот однос помеѓу природните средини и човечките заедници? – посочува визуелниот уметник Дарко Алексовски, кој е куратор на изложбата и автор на текстот за каталогот.

Проектот е финансиран од „Prince Claus Fund Seed Award“.

Доротеј Нешовски (1989, Скопје) е интердисциплинарен уметник кој се занимава со концептите за креативна спонтаност, ликовнa артикулација, социјална инклузија, педагогија и апстрахирање на релацијата галерија – публика – уметник чии интереси вклучуваат партиципативни активности, методологии на мапирањe и резонантност, вонинституционално делување, истражувачки практики и детска едукација. Од 2012 година тој е еден од основачите и член на уметничката група „ЅЕЕ“ со која има реализирано повеќе проекти.

Нешовски дипломирал на Факултетот за ликовни уметности во Скопје на отсекот за вајарство со поднасока сценографија (2012 г.). Неговата книга „Уметноста не е тоа што сакате“, издание на „Приватен принт“ од Скопје, излезе од печат во 2017 година. Живее и работи во Скопје. Од 2015 година активно организира и конципира детски работилници во Детски креативен центар при МКЦ.

The post Самостојна изложба на Доротеј Нешовски во МКЦ appeared first on Република.

Со документарниот филм „Целулоидно подземје“ во иранско-британска продукција, чиј режисер е Ехсан Кошбахт, на 15 август ќе биде отворено 15. издание на Фестивалот на креативен документарен филм „МакеДокс“. Мотото на Фестивалот оваа година е „Копање на емоции низ времето“, затоа што тематски оваа година Фестивалот се фокусира на архивата, односно користењето на архивскиот материјал во документаристиката.

Пред „Целулоидно подземје“, ќе биде прикажан документарниот филм „Како се мери годината“ на американскиот режисер Џеј Росенблат. Фестивалот ќе се одржува до 22 август, во Крушумли ан, Музеј на Македонија, Сули ан, МКЦ и „Лабораториум“ во Скопје.

Како што најави на денешната прес-конференција извршниот директор на фестивалот Дарко Набаков, програмата оваа година е сочинета од 92 филмови кои што се натпреваруваат во пет натпреварувачки категории - главната награда „Кромид“, наградата „Млад кромид“ за млади автори, „Сецкан кромид“ за краток документарен филм, „Кокарче“ наградата за студентски документарен филм и наградата за етички идеи во документарниот филм.

Петнаесет години ги копаме слоевите на кромидот и дојдовме до нашето 15 издание. Овој пат Фестивалот ќе се одржува од 15 август до 22 август на пет локации во градот и ќе угости повеќе од сто странски гости, рече Набаков.

Програмскиот координатор на „МакеДокс“ Петрула Вељановска на прес-конференција напомена дека оваа година фокусот ќе биде на балканските кинотеки и користењето на архивскиот материјал во документарните филмови, секако и негова дигитализација, чување и реставрација.

Со текот на годините сфативме дека архивскиот материјал посебно е симбиотски врзан за документарните филмови и дека е многу значаен за авторите на документарни филмови, затоа што тие најчесто преку користење на архивскиот материјал ги преобликуваат нивните приказни и даваат некои свои нови идеи, нов поглед на работите и на општествено социјалните настани. Иако архивите најчесто ги врзуваме со минатото, сепак преку архивите имаме и длабок поглед на авторите кон иднината, рече Вељановска.

Како што напомена, во фокус програмата оваа година ќе бидат прикажани архивски филмови од кинотеките од поширокиот балкански регион, при што селектираа филмови од повеќе балкански кинотеки.

Програмата во фокус ќе ја отвориме со нашата македонска кинотека во Сули ан, потоа ќе ги имаме програмите со архивски филмови од југословенската кинотека, словенечката, црногорската, унгарската, романската, бугарската и албанската кинотека. Овој пат немаме земја во фокус, туку имаме регион во фокус и тоа се кратки архивски филмови од 60-тите и 70-тите години снимани, дигитализирани и реставрирани во балканските кинотеки, додаде Вељановска.

Што се однесува до главната програма, како што потенцираше, има филмови нови на документаристичката сцена, тоа се „Најмила Фиона“ - холандски филм кој што целосно е изработен од архивски материјали, филмот „Агент на среќата“, „Баломанија“, „Кикс“ и многу други филмови.

Меѓу другото, тука е и филмот „Холивудгејт“, чиј монтажер  е нашиот Атанас Георгиев, а имаме и некои филмови кои што се значајни за македонската документаристика, пред се филмот на Кумјана Новакова - „Молкот на разумот“, кој што доби награда на Амстердамскиот филмски фестивал. Во програмата на „Македокс“ ќе се најде и победникот на Берлинале - „Дахомеј“ на Мати Диоп, а ќе биде прикажан и филмот „Архитектон“ на Виктор Косаковски, додаде Вељановска.

Таа појасни дека покрај другите филмови, на фестивалот македонска премиера ќе има филмот на нашиот режисер Бојан Тантуровски „Градина“.

На затворањето на Фестивалот ќе биде прикажан филмот на Тамара Котевска - „Патување пеш“.

Во програмата за кратки филмови ќе имаме околу 14 филмови. Меѓу нив е филмот од македонската режисерка Марија Џиџева „Сјајот на ѕвездата“ и филмот „Хембој“ на Елизабета Конеска. Во детската програма оваа година донесовме чешки филмови од постарата чешка анимирана школа, додаде Вељановска.

Раководителката на индустри програмата на „МакеДокс“ Сара Ферро напомена дека индустрискиот дел од Фестивалот ќе го почнат со два мастеркласа. Првиот матсерклас ќе се одржи на 17 август од 11 до 13 часот во „Лабораториум“ со режисерот Столе Попов.

Следниот мастерклас е на 18 август на истата локација со холанската режисерка Инеке Смитс и Јероеен Стаут, кој што е уредник на радио содржини.

Ферро информираше дека на почетокот на Фестивалот, од 15 до 18 август ќе се одржи работилница за користење на архивски материјали во документарниот филм „Замислување архиви“, со Кумнјана Новакова и Влад Петри, а одбрани се четири проекти од поширокиот балкански регион кои ќе работат со овие режисери.

The post 15. издание на „МакеДокс“ под мотото „ Копање на емоции низ времето“ од 15-22 август со 92 филмови и повеќе од 100 странски гости appeared first on Република.

Драги мои пријатели и поддржувачи на АП(о)ТЕКА....сите вие кои со месеци ме прашувате кога повторно просторот ќе биде отворен и кога ќе можете да поминете да си купите некоја музика или книга или некој сувенир. И сите оние кои со месеци ме прашувате што станува со вашите производи кои се оставени за продажба во АП(о)ТЕКА.....со Вашите пари кои повеќе од една година не ви се исплатени !!!!, напиша на својот фејсбук профил Тошо Филиповски.

The post Тошо Филиповски: Ап(о)тека is dead! МКЦ е пред банкрот со долгови… и час поскоро мора институциите да проверат каде се потрошени парите appeared first on Република.

Пробиен е законскиот рок за исплата на јунските плати, а вработените во Младинскиот културен центар сѐ уште не ги добиле, реагираат од Синдикатот за култура.

The post СКРМ поднесе тужба за камата за задоцнета исплата на плата во градските установи од културата appeared first on Република.

Во Младинскиот културен центар (МКЦ) вечер ќе се одржи проекција на независниот македонски краток филм „Мавера“.

Овој краток филм, како што соопшти режисерот и продуцент Батухан Ибрахиме, е независен, снимен без никаква надворешна или државна финансиска поддршка, а е во копродукција со Факултетот за драмски уметности во Скопје и Апофенија Пост.

– Мавера е независен филм, го снимивме со сопствени средства, иако овој принцип на работа е многу тежок и навидум делува ограничувачки, на тимот кој што беше со мене тоа воопшто не им беше битно, тие ги овозможија сите можни услови за да се реализира овој филм. Многу сум среќен поради тоа што сите, неуморно, ми овозможија да снимам 14 дена краток филм, веројатно ова се случува прв пат кај нас, еден краток филм да се сними во толку многу денови. Но јас и мојот тим, одлучивме да покажеме дека ние не снимаме туку создаваме филм. Според мене сетоа ова е доказ дека независниот филм постои, вели режисерот и продуцентот Батухан Ибрахим.

Двете сестри, Билјана и Вики, се соочуваат со сложени предизвици по смртта на нивниот татко. Постарата Билјана ја сноси одговорноста да ја продаде семејната куќа за да ја обезбеди иднината на Вики. Наративот се развива додека таа се соочува со бирократскиот лавиринт, обидувајќи се да докаже дека нејзиниот татко е починат.

Минатата година, се додава во соопштението, на филмот му беше доделено специјално признание во ракмите на ИФФК „ Браќа Манаки“ од познатиот кинематографер Питер Бижу. На премиерата во Скопје, во склоп на филмскиот фестивал „Sирни“ ја доби наградата за најдобар филм – “Данчо Чеврески”. Оваа година „Мавера“ беше претставен на маркетот за кратки филмови во склоп на интернационалниот филмски фестивал Clermont-Ferrand.

Режисер и сценарист на филмот е Батухан Ибрахим, продуценти се Батухан Ибрахим и Стефан Ѓоргиевски, директор на фотографија е Стефан Ѓоргиевски, а монтажер е Драган Спасов, дизајнот на звук е на Ристо Алчинов, костимограф на филмот е Андреј Ѓоргиевски-Папаз. Улогите ги толкуваат Симона Спировска и Мирјана Трпковска – Костовска.

The post Проекција на краткиот филм „Мавера“ во МКЦ appeared first on Република.

Галерија ГРАЛ и Младинскиот културен центар (МКЦ) на 24 јуни, понеделник, од 20 часот во МКЦ организираат отворање на изложбата „Чемерски: Низ цртеж, отпосле“ на македонскиот уметник Глигор Чемерски.

Во текот на 1980-тите и на почетокот на 1990-тите, Чемерски често престојуваше во Париз, каде што беше застапуван од галеријата Galerie du Fleuve (1983 - 2003). Постојано присутен на тамошната ликовна сцена, во тој период Чемерски реализираше повеќе изложби во таа галерија. Најголем дел од цртежите и гвашевите претставени на оваа изложба се неизложувани дела, интимни формати од колекцијата на Galerie du Fleuve, создадени во тој период.

Глигор Чемерски (1940- 2016, Кавадарци, Македонија) сликар, графичар, мозаичар. Еден од најплодните македонски модерни автори, неговите дела се застапени во голем број на галерии и музеи во земјата и надвор од неа. Добитник е на голем број на награди и признанија. Чемерски работел и како ликовен есеист и критичар, телевизиски уредник, сценограф и костимограф. Автор е и на повеќе монументални дела: „Топла Земја“ (1971, фреска, Стопанска Банка, Скопје), „Човекот и светлината“ (1975, мозаик, ХЕЦ Вруток) „Споменик на слободата“ (1981, меморијален мозаички комплекс, Кочани), „Македонија- светла земја“ и „Македонија - земјата памети“ (2006, мозаици, Кабинет на Претседател на Република Македонија, Скопје) итн.
Живеел и работел на релација Скопје – Беград - Париз. Бил член на Македонската академија на науките и уметностите и почесен член на Руската академија на уметностите.

Отварањето на изложбата ќе се оддржи на 24 јуни (понеделник) во 20:00 часот, во галеријата на Младинскиот културен центар. Изложбата ќе биде отворена до 09 јули.

Куратор на изложбата е м-р Елена Чемерска.

Изложбата е поддржана од Министерството за култура на Република Македонија и Europe House- Скопје.

The post Изложба на Глигор Чемерски во Младински културен центар appeared first on Република.

Галерија ГРАЛ и Младинскиот културен центар (МКЦ) на 24 јуни, понеделник, од 20 часот во МКЦ организираат отворање на изложбата „Чемерски: Низ цртеж, отпосле“ на македонскиот уметник Глигор Чемерски.

Организаторите велат дека од почетокот на 1960-тите години, па се до неговото заминување речиси 60 години подоцна, во сите преобразби на неговиот ликовен јазик, Глигор Чемерски (1940-2016) интензивно се бавеше со сликата. Преку неа, тој учеше за светот и ги искажуваше своите сомнежи за „однапред зададените вистини.

„Во текот на 1980-тите и на почетокот на 1990-тите, Чемерски често престојуваше во Париз, каде што беше застапуван од галеријата Galerie du Fleuve (1983 – 2003). Постојано присутен на тамошната ликовна сцена, во тој период Чемерски реализираше повеќе изложби во таа галерија, а често беше и нивен главен консултант при откуп на дела. Најголем дел од цртежите и гвашевите претставени на оваа изложба се неизложувани дела, интимни формати од колекцијата на Galerie du Fleuve, создадени во тој период,

Зошто Чемерски денес, низ цртеж, отпосле?

И покрај сета парализирачката неизвесност на нашето време што е предизвикана од низа на горливи прашања, а чиј мотор е насилството на капитализмот, еколошката деградација, неповратното исцрпување на ресурси, геополитичките тензии и конфликти, економска нерамноправност и технолошки нарушувања, средбата со цртежите на Чемерски, кои по еден чуден и случаен сплет на околности допатуваат „дома”, произведе нешто занимливо.

Чудните хипертрофирани суштества и нивните хибридни светови, кои по зборовите на Глигор: „минале низ виделината на затворените очни капаци” – беа поттик одново да се погледне во ликовната програма која ги врзува.

Она што Чемерски го прави релевантен денес, е можноста, одново да се препрочита длабоко хуманистичката позицијата која тој ја завзема во својата уметност, а зад која стои апсолутното убедување дека човекот е способен да создаде нешто од ништо. Целата негова ликовна поетика е во знак на еден егзистенцијален немир кој води до бескомпромисен и автентичен израз кој разрешил со умереноста. Во инсистирањето на една ликовна транспозиција на светот, тој инсистира на пресоздавање на светот во неговата слика, на редот на сликата која нудејќи се како форма и како израз, ја заменува реалноста и создава нова реалност, посилна и поубедлива од случајниот реалитет на стварноста која ја живееме.

Нурнувајќи се во сликата како суштина на културата во која се втемелени корените на сопственото несвесно, Чемерски создава простор за слобода и за делување, навраќајки се најнепосредно на своето тело и светот околу него наспроти сето отуѓување на современиот живот. Надоградувајќи ја стварноста со ова искуство, можноста за создавање и остварување на радикална промена, што е толку потребна денес, губи нешто од својата недостижност“, стои во текстот кон изложбата.

Инаку, Глигор Чемерски (1940- 2016, Кавадарци, Македонија) е сликар, графичар, мозаичар. Еден од најплодните македонски модерни автори, неговите дела се застапени во голем број на галерии и музеи во земјата и надвор од неа.

Добитник е на голем број на награди и признанија, Чемерски работел и како ликовен есеист и критичар, телевизиски уредник, сценограф и костимограф. Автор е и на повеќе монументални дела: „Топла Земја“ (1971, фреска, Стопанска Банка, Скопје), „Човекот и светлината“ (1975, мозаик, ХЕЦ Вруток) „Споменик на слободата“ (1981, меморијален мозаички комплекс, Кочани), „Македонија- светла земја“ и „Македонија – земјата памети“ (2006, мозаици, Кабинет на Претседател на Република Македонија, Скопје) итн.

Живеел и работел на релација Скопје – Беград – Париз. Бил член на Македонската академија на науките и уметностите и почесен член на Руската академија на уметностите.

Изложбата е во организација на галерија ГРАЛ и на Младинскиот културен центар во Скопје. Куратор на изложбата е м-р Елена Чемерска.

Изложбата е поддржана од Министерството за култура и Europe House – Скопје.

The post Неизложени дела на Глигор Чемерски во МКЦ appeared first on Република.

Во Младинскиот културен центар (МКЦ) во Скопје вечер ќе биде отворена изложба на фотографии на белградскиот фотограф Иван Иванов насловена „Хор од солисти“. Промотор на изложбата со фотографии од најпознатите артисти од поранешните југословенски простори ќе биде Владимир Галевски.

Иванов целиот работен век го минал како фоторепортер на неделниците „Дуга“ и „Практична жена“ за кои подготвил голем број насловни страници и фоторепортажи од општествено политичкиот живот и културните манифестации и фестивали во поранешна Југославија. Објавувал фотографии во „Политика“, „Ослобоѓење“, „Дело“, во ревиите Екран (Скопје), Студио (Загреб), Стоп ( Љубљана), Полски Екран, Руски Екран...

Со својот фотоапарат во рацете снимал и се што ќе му привлече внимание од секојдневието но со својот фотоапарат ги забележувал возбудливите ревии на Пјер Карден, Живанши, Александар Јоксимовиќ и светските артисти и режисери кои доаѓале на ФЕСТ и БИТЕФ. На фото портретите на Иванов може да се забележи нешто искрено, топло и старинско, нешто што отскокнува од студенилото на дигиталните снимки, наведува МКЦ во најавата за изложбата.

Во 2012 година, Јован Ќирилов, филозов, писател, театролог и директор на БИТЕФ, во Галеријата на Академијата на уметности на Србија во Белград , ја отворил неговата самостојната изложба „Некад и сад“.

Изложбата ќе трае до 30 јуни.

The post Изложба „Хор од солисти“ на белградскиот фоторепортер Иван Иванов во МКЦ appeared first on Република.

Факултетот за ликовни уметности (УКИМ) и оваа година учествува на годишната изложба „Професори и студенти”. Изложбата ќе биде отворена на 14 јуни (петок), во 19 часот во Галеријата на Младинскиот културен центар (МКЦ).

Настанот има цел да стави акцент на широкиот спектар од наставни програми со кои располагаат приватните и државни универзитети во Македонија, да ја потенцира разликата меѓу нив, како и да ги актуелизира наставните потенцијали и квалитетот на нивните ученици со дела од областа која ја студирале. Изложбата, всушност ќе биде еден селектиран избор на веќе етаблирани, но и автори чијшто потенцијал допрва ќе се развива, уметници од различни генерации, сликари, графичари, фотографи, скулптори, илустратори, но и претставници од модниот дизајн и индустрија, кои посветено работат на полето на визуелните уметности години наназад.

Изложбата ќе биде отворена до 29 јуни.

The post Отворање на годишната изложба „Професори и студенти” appeared first on Република.