Претседателот на Собранието, Јован Митрески вечерва соопшти дека претседателските избори ќе ги распише на 14 февруари. Посочи дека планира на истиот ден да ги распише и парламентарните избори.

-Во однос на вашето прашање за распишувањето, во Уставот вели од 70 до 90 дена пред одржувањето на изборите, што значи 24 април е првиот круг за претседателските избори, враќајќи наназад од 70 до 90 дена, фактички тоа му доаѓа некаде средина на февруари. Направив консултација и со ДИК во смисла на броење на деновите што би значело тоа. Денес имам конечен заклучок дека претседателските избори ќе ги распишам на 14 февруари и планот ми е на истиот ден да ги распишам и парламентарните избори, рече Митрески вечерва во интервју за „360 степени“ на МРТ 1.

Спикерот Митрески нагласи дека Собранието би функционирало до крајот на март или почетокот на април.

-Значи, тука станува збор за почитување на Уставот и уставните рокови предвидени за одржување на избори, зашто станува збор за редовни парламентарни избори кои се случуваат првпат по 16 години. Постои мала забуна во јавноста во смисла на функционирањето на Собранието затоа што кога се одржуваат предвремени парламентаерни избори, парламентот се распушта со одлука за распуштање којашто ја гласаат пратениците, а во овој случај Собранието работи до крајот на својот мандант. Впрочем, ако ја земаме таа пракса за работа на Собранието до пред почеток на кампања, значи Собранието би функционирало некаде до крајот на месец март или првите денови на месец април, рече Митрески.

The post Митрески ќе ги распише претседателските и парламентарни избори на 14 февруари appeared first on Република.

Денеска во Собранието целата јавност се увери дека пратениците на ВМРО-ДПМНЕ се плашат од вистината, аргументите, обраќањето на премиерот Димитар Ковачевски. Нервозни се затоа што сите нивни лаги, измислици и шпекулации се поразени. Ги видоа заклучоците со кои јасна е целосната заштита на јазичните, идентитетските, историските и културни посебности на македонскиот народ, рече координаторот на пратеничката група на СДСМ и коалицијата Јован Митрески на прес-конференција попладнево во Собранието.

Народот, како што рече тој, ги слушна силните пораки од претседателката на Европската Комисија Урсула фон дер Лајен: „Македонци со чист македонски јазик во ЕУ без додавки, модификации и квалификации“.

– Македонската вистина е една и ниту едни лажни патриоти со вувузели не можат да ја замолчат. Антиевропската коалиција толку може, тензиите и крвавите сценарија кои намерно ги ширеа по улиците и не им успеаја, сакаа да ги пресликаат и овде во Собранието. ВМРО-ДПМНЕ се плаши и не сака дебата, затоа се нервозни, бидејќи ги лажеа граѓаните, рече Митрески.

Митрески нагласи дека ќе продолжат да говорат без разлика на свирењето и вревата.

– Македонскиот јазик ќе ечи и во ЕУ, а овие примитивци, осудени криминалци нема да ја закочат државата. Продолжуваме по европскиот пат, ние ќе влеземе во ЕУ како Македонци кои зборуваат македонски јазик, нагласи Митрески.

The post Митрески: Продолжуваме по европскиот пат, македонскиот јазик ќе ечи и во ЕУ appeared first on Република.

Материјалите на кои инсистира опозицијата во врска Информацијата за содржината на предлог-преговарачката рамка, испратена од Владата до законодавниот дом, ќе им бидат дополнително доставени до пратениците преку претседателот на Собранието, информира денеска координаторот пратеничката група на СДСМ, Јован Митревски по денешната координација посветена на Информацијата.

Во однос на тоа дали ќе се одржи нова средба на работната група на собраниските политички партии во врска со предлог-преговарачката рамка, Митревски информира идејата на првата средба била да се договорат заклучоци по однос на Информацијата и по завршување на дискусијата по неа, тие заклучоци да бидат предмет на гласање.

Заклучоците се ставаат на гласање и врз основа на тие предлог-заклучоци пратениците се изјаснуваат. Од друга страна, имавме предлози за промени во преговарачката рамка што не се возможни. Значи, не е возможно ние да ја задолжиме Владата да ја промени преговарачката рамка, која што ја доставува ЕУ. По таа логика би требало ние да ја задолжиме ЕУ да ја промени преговарачката рамка. И во однос на тоа прашање дали ќе продолжат тие разговори еве јавно кажувам дека сме отворени и денес и вечер и утре и кога ќе одлучат пратениците од опозицијата да разговараме за предлог-заклучоците, изјави Митревски.

Тој додаде дека со тие предлог-заклучоци ќе бидат избиени сите дилеми во јавноста, во делот на јазикот, иако е чист, и за делот на историјата, билатералните прашања, образованието, за посебноста на македонскиот народ, за посебноста со сите нејзини елементи, за идентитетот.

Сѐ она што ќе го донесеме како заклучок тоа ќе биде задолжение на Владата како да се однесува во периодот којшто следи. Со тие заклучоци ја обврзуваме Владата дека македонскиот јазик останува и ќе остане секогаш чист за оваа Влада, за следна влада, за која и да било влада во следниот период затоа што ова ќе биде процес којшто не почнува и не завршува со чинот на гласање, туку ќе биде процес кој ќе трае во следните години, неколку години, истакна Митревски.

The post Митревски: Заклучоците на Собранието ќе бидат задолжение за Владата appeared first on Република.

Во ваква сериозна состојба во светот и кај нас, наметната од тоа тоа што се случува во Украина и претходно со енергетската криза, сите заедно треба да размислуваме кои се последиците од одлуките коишто ние ги носиме заедно," истакна пратеникот на СДСМ Јован Митрески.

Тој рече дека денес на дневен ред се две точки, измени во законот за ДДВ и во законот за акцизи, кои се дел од пакетот од 26 мерки коишто владата ги донесе заедно со коморите, заедно со синдикатите и потрошувачите, заедно бидејќи сите ги чувствуваат последниците од оваа наметната, евроспка, економска криза и повика собранието да влезе во процедура на носење на овие закони и да продолжат сите други мерки.

Мислам дека ова не е период во државата кога треба да размислуваме кој ќе добие некакви политички поени, туку според тоа што се случува во целиот период должни сме како пратеници треба да излеземе во пресрет на оваа ситуација,“ истакна Митрески.

Тој додаде дека може на решенијата да се гледа различно, но тие ќе им помогнат на граѓаните бидејќи на крајот на денот пратениците се избрани од граѓаните да ги решаваат проблемите, особено во ваква тешка економска светски наметната криза.

Да ги најдеме заедничките мерки, коишто најдобро, со сите расположливи средства кои стојат на располагање ќе помогнат на граѓаните на фирмите, за сите заедно да излеземе од криза,“ порача пратеникот на СДСМ Јован Митрески.

The post Сите пратеници да ги поддржат антикризните мерки на Владата, порача Митрески appeared first on Република.