Денеска 16 јуни 2023 година го чествуваме 80 години од ѕверското стрелање на 12 деца токму тука на ова место Моклиште од бугарскиот окупатор на ѕверски свиреп начин беа убиени 12 деца. Во нивна чест и во јубилејни 80 години од стрелањето општина Кавадарци заедно со Советот на Општината во програма изготви 12 бисти. Денес беа свечено отворени, а исто така се отвори и спомен соба во чест на децата кои беа стрелани 1943 година на 16 јуни, истакна Митко Јанчев, градоначалник на општина Кавадарци, кој присуствуваше на одбележување на 80 годишнината од стрелањето на 12-те ваташки младинци во Кавадарци.

-Спомен-собата има повеќе намени, преставени се делови од животот на децата, во делот на нивното стрелање, во делот на градење на споменик од 1961 година и содржи нивни лични документи од самиот живот меѓутоа и посмртно од самите деца.

Денес гордост е дел да си од Ваташа, гордост е да си дел од Кавадарци зошто овие деца го дале животот за слобода на Република Македонија, тука заедно со ваташани, кавадарчани, со повеќе наши граѓани и политичките партии заедно да го прославиме овој ден за да ја градиме иднината на основа на минатото и она што значи 80 години од ѕверското стрелање на овие 12 младинци. Сите немале ниту 120 години заедно на денот на нивното стрелање, а тоа е еден човечки живот кој го има живеено еден човек. Така да, да се убие дете, да се стрелаат 12 деца е незаборавен чин. Меѓутоа ние сме народ, христијански православен кој знае да проштева, меѓутоа прошката ја бараме со она што значи извинување и поклонување токму пред овие бисти и споменик.

The post Во чест на ѕверски убиените деца во Ваташа отворени 12 бисти и спомен-соба appeared first on Република.

Казна затвор доби кавадарчанецот З.Б., кој ја загрозил сигурноста на градоначалникот на Кавадарци Митко Јанчев, потврдија за МИА од Основниот суд во Кавадарци.

Основен суд Кавадарци известува дека денеска, 22.09.2022 година, по одржаната главна јавна и усна расправа по Кривичниот предмет К.бр.191/22 кон обвинетиот З.Б. од Кавадарци за кривично дело Загрозување на сигурноста од член 144 став 4 од КЗ, судот донесе пресуда со која обвинетиот го огласи за виновен и му изрече казна затвор во траење од 8 месеци, се вели во известувањето.

Основното јавно обвинителство Кавадарци претходно оформи предмет и поведе постапка против едно лице за кривично дело – Загрозување на сигурноста според член 144 став 4 од Кривичниoт законик. Лицето, преку коментар на социјалната мрежа Фејсбук, упатило закана кон актуелниот градоначалник на Кавадарци дека „нема да умре од болест или старост“.

Според обвинителството, осомниченото лице претходно било осудувано за повеќе кривични дела за закани кон градоначалникот и неговото семејство. Обвинителството на 22 август соопшти дека по предлог на надлежниот јавен обвинител, судијата на претходна постапка му определил мерка куќен притвор во траење од осум дена на осомничениот.

The post Осум месеци затвор за кавадарчанецот кој му се заканувал на градоначалникот Јанчев преку Фејсбук appeared first on Република.

Основното јавно обвинителство Кавадарци оформи предмет и поведе постапка против едно лице за кривично дело „Загрозување на сигурноста“.

Лицето, како што информира Jавното обвинителство, преку коментар на социјалната мрежа Фејсбук, упатило закана кон актуелниот градоначалник на Кавадарци Митко Јанчев дека „нема да умре од болест или старост“.

Осомниченото лице претходно е осудувано за повеќе кривични дела за закани кон градоначалникот и неговото семејство.

По предлог на надлежниот јавен обвинител, судијата на претходна постапка му определи мерка куќен притвор во траење од осум дена на осомничениот

The post „Градоначалниче, нема да умреш од болест или старост“ стрпа во затвор кавадарчанец appeared first on Република.

Зимската служба на општина Кавадарци во моментот е на терен со три возила, од кои едното е во градското подрачје и првично интервенира на покритичните улици (угорници), а подоцна и на сите други, информира градоначалникот Митко Јанчев.

Возило е упатено на регионалниот пат Михајлово и кон Бошавијата, и истите вршат чистење на снежната покривка и посолување со ризла и сол, пишува Јанчев на Фејсбук.

The post Јанчев: Зимската служба на општина Кавадарци во моментот е на терен со три возила appeared first on Република.