Најмалку 23 лица загинаа, а неколку десетици се повредени во торнадото и силната бура со грмотевици што синоќа зафати дел од американската сојузна држава Мисисипи, соопшти државната агенција за вонредни состојби и извести дека торнадото предизвикало материјална штета во област подолга од 160 км.

Четири лица се водат како исчезнати, а тимовите за пребарување и спасување трагаат по преживеани откако невремето ја погоди областа Сивер Сити во западен Мисисипи, соопшти државната Агенција за вонредни состојби.

За жал, очекуваме овие бројки да се променат, најавија тие, мислејќи на бројот на загинати.

Си-Ен-Ен јавува дека тимови за пребарување и спасување биле и во Ролинг Форк, градот најтешко погоден од торнадото.

Никогаш досега не сум видела вакво нешто, изјави Бренди Шооа за Си-Ен-Ен. „Ова беше убав мал град, а сега го нема“.

Ловците на бури испратиле најмалку 24 извештаи за торнада до Националната метеоролошка служба во текот на ноќта.

На фотографиите објавени на социјалните мрежи се гледаат урнати згради и автомобили превртени на страните, како и групи луѓе кои се обидуваат да излезат од урнатините.

The post Најмалку 23 загинати во торнадo и силна бура во Мисисипи appeared first on Република.

По повеќе од четири часа во воздух, слета киднапираниот авион, а пилотот идентификуван како Кори Патерсон е приведен.

Тој  од аеродромот во Тупело, Мисисипи одзеде авион „Бичкрафт кинг ер 90“ (Beechcraft King Air 90), и се закануваше дека ќе се урне врз трговскиот центар „Волмарт“ (Walmart).

Мотивите за киднапирање на авионот сè уште се непознати.

Во тек е истрага за инцидентот

Дваесет и деветгодишен маж  со мал авион кружи над „Волмарт“ (Walmart) во градот Тупело во американската сојузна држава Мисисипи и се заканува дека ќе се урне над трговскиот центар.

Според локалните медиуми, со авионот управува наводно вработен на аеродромот во Тупело.

Исто така, медиумите објавија дека киднапираниот авион е „Бичкрафт кинг ер 90“ (Beechcraft King Air 90), со два мотора, кој може да прими девет патници

The post Мисисипи: Слета авионот чиј пилот се закануваше дека ќе се урне врз супермаркет appeared first on Република.