Министерот за одбрана Владо Мисајловски упатува искрени честитки до сите припадници на Армијата и сите македонски граѓани по повод 23 Октомври – Денот на македонската револуционерна борба.

Почитувани граѓани,

Ви го честитам 23 Октомври – Денот на македонската револуционерна борба.

Денеска со почит се сеќаваме и им се поклонуваме на сите револуционери кои со својата визија и пожртвуваност ги поставија темелите на слободна и независна Македонија, затоа што идеалите на македонската револуционерна организација за создавање на македонска држава се нераскинлив дел од нашата колективна свест и нашето постоење.

Стремежите на револуционерите за слободна и просперитетна држава, нè задолжија за навек. Решителни сме сите заедно да го продолжиме делото на Организацијата, да продолжиме да градиме иднина вредна за нивната борба.

Македонија заслужува да биде развиена, прогресивна и безбедна, да биде земја за среќен и хармоничен живот на сите граѓани. Нашата определба ја потврдуваме со максимална заложба, труд и посветеност во остварување на овие цели“, се вели во честитката.

The post Честитка од министерот Мисајловски по повод Денот на македонската револуционерна борба appeared first on Република.

Интензивирање на соработката со ЕУ во доменот на безбедноста и одбраната биле фокус на денешната средба на министерот за одбрана Владо Мисајловски со амбасадорот на Европската Унија, Дејвид Гир и нерезидентното одбранбено аташе, полковникот Пиетро Мостарди во Министерството за одбрана.

Од Министерството за одбрана соопштија дека амбасадорот Гир му го честитал изборот на министерот Мисајловски и му посакал успех во работата со очекување за продолжување на добрата соработка.

Гир се заблагодарил што нашата земја е меѓу топ пет држави по глава на жител во светот во однос на донациите кон Украина.

- На средбата се потенцираше за интензивирање на соработката со ЕУ во доменот на безбедноста и одбраната и за можноста за продлабочување на соработката со ЕУ во делот на реформи во системот за управување со кризи. Министерот Мисајловски изрази благодарност за брзата реакција на Механизмот за цивилна заштита на ЕУ со што се помогна во делот на пожарите кои ја зафатија нашата земја. Исто така министерот го информираше амбасадорот за потпишувањето на Писмото на намери за воспоставување на хармонизиран коридор за воена мобилност кој се потпиша на НАТО Самитот во Вашингтон, се вели во соопштението од МО.

The post Мисајловски – Гир: Интензивирање на соработката со ЕУ во доменот на безбедноста и одбраната appeared first on Република.

Денеска во просториите на Државниот завод за ревизија остварив продуктивна средба со Главниот државен ревизор, м-р Максим Ацевски, објави на својот фејсбук профил, Владо Мисајловски, министер за одбрана.

Соработката меѓу двете институции ќе се интензивира се со цел понатамошно унапредување на работата и транспарентноста во министерството.
На средбата беше дискутирано и за спроведувањето на препораките од ревизиите, како и за плановите за идни ревизии кои ќе овозможат понатамошно унапредување на работата на субјектите од областа на одбраната.
Со заедничка поддршка ќе работиме за успешна имплементација на препораките и за обезбедување на висок степен на транспарентност и отчетност.

The post Мисајловски на средба со Главниот државен ревизор, Максим Ацевски: Со заедничка поддршка ќе работиме за успешна имплементација на препораките и за обезбедување на висок степен на транспарентност и отчетност appeared first on Република.

Средбa на министерот Мисајловски со амбасадорката на Ср Германија, Н.Е. Петра Дрекслер

Благодарност до амбасадорката на Сојузна Република Германија, Н.Е. Петра Дрекслер и одбранбеното аташе потполковник Ханс Петер Вамслер за одличната одбранбена соработка, особено во процесот на интегрирањето во НАТО упати министерот за одбрана Владо Мисајловски на денешната средба во Министерството за одбрана.

На средбата министерот Мисајловски напомена дека буџетот останува на 2% од БДП согласно заклучоците.

Во однос на Украина, Мисајловски извести дека македонската Влада ќе продолжи да ја помага и поддржува Украина.

Сојузништвото во рамки на НАТО и придонесот во операциите предводени од НАТО беа дел од денешниот разговор, на кој беше потенцирана регионалната стабилност како еден од главните фактори за натамошен просперитет на земјите од Западен Балкан во процесот на евроинтеграциите. Нашата земја е јасно позиционирана и почитувана од страна на сите членки на Алијансата, што беше забележливо на сите досегашни средби и состаноци на НАТО Самитот и останува да биде доверлив партнер за соработка, заклучија соговорниците.

Средба на министерот Мисајловски со францускиот амбасадор, Сирил Баумгартнер: Остануваме посветени на продлабочување на сојузничката одбранбена соработка со Франција

Денеска во Министерството за одбрана, министерот Владо Мисајловски оствари средба со амбасадорот на Француската Република, Н.Е. Сирил Бомгартнер.

На средбата во фокус на разговорот беше сојузништвото во рамките на НАТО, заедничкиот придонес кон целокупната политичка и безбедносна стабилност на регионот и обезбедувањето на одбранбениот Буџет согласно заклучоците на НАТО.
„Остануваме посветени на продлабочување на сојузничката одбранбена соработка со Франција која е наш сојузник и долгогодишен партнер, пред се во доменот на стратешки консултации во одбраната, затоа што модернизацијата и опремувањето на Армијата е наш највисок приоритет“, рече министерот Мисајловски.

Францускиот амбасадор, Сирил Бомгартнер истакна дека одлична билатерална одбранбена соработка во одбраната, военото образование и јазична обука ќе продолжи и понатаму и ја потенцира француската поддршка за членство на нашата земја во Европската Унија.

На средбата министерот Мисајловски го информираше амбасадорот Бомгартнер за актуелната кризна состојба во однос на повеќето од 30 активни пожари и за помошта која доаѓа од соседните земји.

Министерот Мисајловски оствари средба со косовскиот амбасадор, Н.Е. Флоријан Ќехаја

Регионалната стабилност, интеграцијата на земјите од Западен Балкан во Европската Унија и унапредување на добрососедските односи, беа темите на разговор на денешната средба меѓу министерот за одбрана Владо Мисајловски и амбасадорот на Косово, Н.Е. Флоријан Ќехаја.

Амбасадорот Ќехаја на средбата упати благодарност за досегашната билатерална соработка помеѓу двете земји.

The post Мисајловски на средби со Дрекслер, Бомгартнер и Ќехаја appeared first on Република.

Министерот за одбрана Владо Мисајловски денеска го посети Баталјонот на специјални сили – најелитната единица на Армијата.

Наши чувари на мирот, олицетворение на храброст и посветеност во службата, значајни за Армијата и за граѓаните на Македонија, објави Мисајловски на Фејсбук.

Тој им се заблагодари на припадниците за нивната служба и непоколеблива посветеност.

Вие сте инспирација и херои на нашата нација, им порача министерот.

The post Мисајловски во посета на специјалната единица „Волци“: Наши чувари на мирот, олицетворение на храброст и посветеност во службата, значајни за Армијата и за граѓаните на Македонија! appeared first on Република.

Потпретседателот на ВМРО-ДПМНЕ, Владо Мисајловски и носител на изборната единица број 2 преку изјава за медиумите вели дека Македонија победува, ова го очекуваа сите граѓани.

„Резултатите се во корист на Гордана Силјановска Давкова, сите треба да знаат дека Македонија има нова претседателка, Македонија има нова Влада. Македонија излезе и реши да ги порази ДУИ и СДСМ, а најголеми губитници се тие што не излегоа да гласаат и бојкотираа“, вели Мисајловски.

Тој вели дека изборниот ден поминал со притисоци од ДУИ и други партии, но ги пофали сите граѓани за поддршката која им ја дале на нив.

„Знаеме дека овие проблеми доаѓаа од ДУИ, сакаа да направат поткуп, уцени и закани, но неуспешно, тие се најголеми губитници денес“, вели Мисајловски.

Во изборната единица 2 вели дека одлични се резултатите, од Ѓорче Петров до Куманово.

The post Мисајловски: Македонија има нова претседателка, тие што бојкотираа се најголеми губитници appeared first on Република.

Во патриотско Љубанци на прекрасен настан организиран од страна на општина Бутел во чест на 121 година од смртта на нашиот најголем македонски револуционер, татко на македонската нација и борец за слобода – Гоце Делчев!, објави на социјалната мрежа на Фејсбук потпретседателот на ВМРО-ДПМНЕ и носител во Изборната единица 2 Владо Мисајловски.

Во патриотско Љубанци на прекрасен настан организиран од страна на општина Бутел во чест на 121 година од смртта на нашиот најголем македонски револуционер, татко на македонската нација и борец за слобода – Гоце Делчев!, објави на социјалната мрежа на Фејсбук потпретседателот на ВМРО-ДПМНЕ и носител во Изборната единица 2 Владо Мисајловски.

Да е вечна и вековита идејата и борбата за слободна Македонија. Да ги почитуваме македонските великани, македонската вековна традицијата, историја, култура и музика. Да си ја сакаме Македонија затоа што друга држава немаме!

Вечна слава Даскале!

Да ни е вечна и вековита Република Македонија!, пишува Мисајловски во својата објава.

The post Мисајловски од Љубанци: Да е вечна и вековита идејата и борбата за слободна Македонија, да ги почитуваме македонските великани, македонската вековна традицијата, историја, култура и музика appeared first on Република.

Младите се силата, енергија и иднината на ВМРО-ДПМНЕ и МАКЕДОНИЈА!, пишува на Фејсбук потпретседателот на ВМРО-ДПМНЕ и носител во Изборната единица 2 Владо Мисајловски.

Попладнево продолживме на дружење со младите од Бутел!

Младите се силата, енергија и иднината на ВМРО-ДПМНЕ и МАКЕДОНИЈА!

Подготвени заедно да ја донесеме најголемата двојна победа!

Ќе победиме за нашата Македонија, за сигурна и стабилна иднина на секој млад човек!

The post Младите се силата, енергија и иднината на ВМРО-ДПМНЕ и Македонија appeared first on Република.

На Велики Петок во посета на црквата Св. Никола во Љуботен која датира од XIII век!

Нека е напомош денешниот ден, да имаме единство, да правиме добри дела и да имаме позитивни мисли!, пишува во својата објава на Фејсбук потпретседателот на ВМРО -ДПМНЕ Владо Мисајловски.

The post Мисајловски и Мицкоски ја посетија црквата Св. Никола во Љуботен appeared first on Република.

Ова позитивна енергија која ја има сега треба да продолжиме и да создаваме нова иднина. Сакам да се приклучите сите во оваа убава приказна, да се сплотиме. Затоа имаме една прекрасна програма „Платформа 1198“, платформа за сите да биде среќни и да имате подобар живот, вели потпретседателот на ВМРО-ДПМНЕ и носител на листата за пратеници од втората изборна единица, Владо Мисајловски од централниот митинг во Гази Баба.

Идејата ни е, вели Мисајловски, економијата да има раст, затоа ние ќе одиме кон тоа економскиот раст да биде до 5 %,  да има инвестиции и од домашни, но и странски.

„Планираме 50 илјади нови работни места, планираме и 500 нови вработувања  за решавање на проблемот  со работниот однос на здравствените работници, и ветување од  5.000 денари за сите пензионери уште во првата година“, рече Мисајловски.

Посочи, „ќе создадеме услови за секое дете да има место во градинка, а не да има листи на чекање и за секое дете ќе има учебник, додека за мајките кои се вработени ќе има финансиска поддршка“.

„За општините планираме за четири години, една милијарда евра или 250 милиони евра за секоја година на сите општини за да можат тие да се развиваат и да им овозможуваат достоинствени услови за живот во општините на своите граѓани“, истакна Мисајловски.

Мисајловски порача дека за тоа да се случи треба сите во што поголем да го дадат гласот за ВМРО-ДПМНЕ и за Христијан Мицкоски да биде иден премиер кој што ќе ја развива Македонија и кој ќе се погрижи да имаме жестока борба со криминалот и корупцијата.

The post Мисајловски: Платформа 1198 е програма за подобар живот на граѓаните, за економски раст до 5%, за 50.000 нови вработувања appeared first on Република.

„Оваа власт, ова се криминалци, бандити, кои што пробуваат да го украдот македонскиот народ и го крадат, како што ќе каже мојот пријател Муки, вели јас сум Aлбанец и ќе гласам за ВМРО-ДПМНЕ затоа што овие сите крадат. Чаир од секогаш е убаво место и затоа Чаирчани не смеат да бидат граѓани од втор ред и тоа треба секој еден да го знае“ кажа потпретседателот на ВМРО-ДПМНЕ и носител на ИЕ2, Владо Мисајловски од митингот во Чаир.

Мисајловски посочи неколку проекти од програмата на ВМРО-ДПМНЕ како проектот 50 милиони евра за спортот, 50 милиони евра за културата и 250 милиони евра за општините.

„Ние во програмата на ВМРО-ДПМНЕ ветуваме 5 000 денари за сите пензионери ветуваме, 50 милиони евра во спортот за 4 години, ветуваме 50 милиони евра во културата, но исто така ветуваме дека 250 милиони евра годишно ќе се даваат за сите општини, но за оваа  приказна да биде успешна ни треба масовно сплотување. Затоа од Чаир да испратиме заеднички порака, гласаме на 24 април за Гордана Силјановска Давкова, а на 8 мај гласаме за ВМРО-ДПМЕ и коалицијата“ истакна Мисајловски.

The post Мисајловски: Ветуваме 50 милиони евра за спортот за 4 години, 50 милиони евра во културата, 250 милиони евра за општините и 5 000 денари за пензионерите appeared first on Република.

-Победничка енергија и преубаво дружење со младите од Изборна единица 2! Унијата на млади сили на ВМРО-ДПМНЕ е најсилната и наголемата младинска организација, секогаш била и ќе остане авангарда на младинскиот активизам!, -објави Владо Мисајловски, потпретседател на ВМРО-ДПМНЕ и носител на изборна единица 2, на социјалните мрежи.

Тој потенцира, затоа приоритет на идната влада на ВМРО-ДПМНЕ ќе бидат младите, со многу проекти кои ги предвидуваме во изборната програма!

„За младите се обврзуваме за:
-УЧЕБНИК ЗА СЕКОЈ УЧЕНИК;
-50 МИЛИОНИ ЕВРА ЗА СТИПЕНДИИ ЗА СТУДЕНТИ И СРЕДНОШКОЛЦИ;
-СТИПЕНДИРАНО ВИСОКО ОБРАЗОВАНИЕ;
-50 МИЛИОНИ ЕВРА ЗА СТИПЕНДИИ ЗА СТУДЕНТИ И СРЕДНОШКОЛЦИ!“ – нотираше во објавата Мисјловски.

„Заедно со младите ќе направиме промени и започнуваме со реализација на ветените проекти од програмата Платформа #1198! Македонија повторно твоја“!- потенцира Мисајловски.

The post Мисајловски: Заедно со младите ќе направиме промени и започнуваме со реализација на ветените проекти од програмата Платформа #1198! appeared first on Република.

250 милиони евра директна помош за општините во Македонија, од кои 22 милиони евра ќе добие Општина Ѓорче Петров за капитални инвестиции предвидува програмата на ВМРО-ДПМНЕ „Платформа 1198“.

Потпретседателот на ВМРО-ДПМНЕ и носител на листа во втората изборна единица, Владо Мисајловски објави дека во Ѓорче Петров интензивно се работи, се гради и се инвестира во секој дел од општината.

-Пролетната офанзива со градежните активности во Ѓорче Петров продолжува со засилено темпо и започнати се повеќе градежни работи:
– Изградба и реконструкција на 7 улици во Стопански двор;
– Изградба и реконструкција на 7 улици во Кисела Јабука;
– Изградба на нова детска градинка во Стопански двор;
– Изградба на ново игралиште во ООУ “Димитар Поп Георгиев Беровски;
– Изградба на мини фудбалско игралиште со вештачка трева;
– Втора фаза и започнување со последната фаза за целосна реконструкција со фекална и атмосферска канализација на улица Радушка;
-Изградба и реконструкција на нови улици во урбаниот и руралниот дел;
-Реконструкција на училиштата!

Ѓорче Петров се развива како никогаш досега! Честитки за градоначалникот Александар Стојкоски и општинската администрација за реализацијата на капиталните проекти во Ѓорче Петров, објави Мисајловски.

Нагласи дека со реални ветувања и нивна успешна реализација Македонија може да оди напред.

На граѓаните и порача да бидат дел од промените за Македонија да има подобра иднина.

The post Мисајловски: Со реални ветувања и нивна успешна реализација Македонија може да оди напред appeared first on Република.

Заедно со Дарко Костовски градоначалник на општина Бутел си подадовме рака со пензионерите од општина Бутел за линеарно зголемување на пензиите од 5.000 денари за сите пензионери кое е предвидено во програмата “Платформа 1198” и овозможување на мирен и спокоен пензионерски живот на сите пензионерите.

Пензионерите од оваа општина недвосмислено ни ја даваат поддршката и посакуваат промени и подобри времиња за сите граѓани, пишува во својата објава Мисајловски.

The post Мисајловски на средба со пензионерите од Бутел: Линеарно зголемување на пензиите од 5.000 денари appeared first on Република.

Масовно да се приклучиме сите на бранот промени, промени кои ќе донесат раст и развој на Македонија, промени за силна и горда Македонија!, пишува на социјалната мрежа на Фејсбук потпретседателот на ВМРО-ДПМНЕ Владо Мисајловски.

-Продолживме на средба со граѓани во населба Хиподром, заедно со пратениците Жаклина Пешевска и Зоран Коцевски, како и градоначалникот Бобан Стефковски.

Се согласивме сите заедно дека треба да ставиме крај на неправдите што и ги нанесоа на Македонија.

Масовно да се приклучиме сите на бранот промени, промени кои ќе донесат раст и развој на Македонија, промени за силна и горда Македонија!

Македонија повторно силна и исправена!

Македонија повторно твоја!

Промените во твои раце!, пишува Мисајловски во својата објава.

The post Мисајловски на средба со граѓаните на Хиподром appeared first on Република.

Денеска сме во Гази Баба во Хиподром. Сакам пред се да му честитам на градоначалникот Бобан Стефковски за целата работа што ја прави овие години. Навистина ми е драго еве како пратеник од ИЕ 2 и заедно со другите пратеници да бидеме дел од вакви убави настани и вакви убави проекти. Можев да слушнам не само дека денеска започнува еден спортски комплекс, дека се направени преку 50 нови улички во Гази Баба, навистина секоја чест. Направени се и реконструирани се повеќе од 20 игралишта за само две години, изјави Владо Мисајловски, потпретседател на ВМРО-ДПМНЕ и носител на изборна единица 2.

– Замислете сето тоа го прави Боби со својот буџет, го прави со буџетот од општината затоа ние како ВМРО-ДПМНЕ предлагаме во новата изборна кампања дека ќе посветиме посебно внимание за општините и 250 милиони евра ќе распределиме на сите општини. Тоа значи дека многу средства ќе влезат во Општина Гази Баба зошто Општина Гази Баба е една од најважните општини во Македонија, посебно во Скопје и мора да има повеќе и повеќе проекти тука, навистина честитки, но сакам да ги повикам сите граѓани да ги повикам сите граѓани да ни се придружат во нашата кампања за претседателски избори зошто се многу важни.

Сакам да ги повикам сите граѓани да бидат дел од промените, бидејќи со гласање за Гордана Силјановска Давкова започнуваат промените, доста беа црнила, афери и скандали. Време е за позитивни нешта, затоа ги повикувам сите граѓани да бидат дел од промените и да ја направиме Македонија повторно горда со нови проекти, нов развој и навистина едно убаво место за живеење – рече Мисајловски.

https://www.youtube.com/watch?v=mqPk4-OeZUI

The post Мисајловски: Со гласање за Силјановска Давкова започнуваат промените, доста беа црнила, афери и скандали appeared first on Република.

Ние сме на една страна на страната на Македонија и сите граѓани, се друго треба да го кажат македонските граѓани на каде ќе се движиме и дали тоа ќе биде Европската унија. И затоа овој блок кој го најавуваме е за сите оние што и мислат добро на Македонинија да се обединиме заедно и да не се понижуваме од вакви политичари како што ги гледаме како Ковачевски, Груби и Пендаровски и тие се оние што велеа дека штетните договори се оние што треба последно нешто да се прифати и потоа се ќе цвета во Република Македонија. Не смее да го заборавиме тоа, бидејќи Македонија е на ова дереџе поради такви политичари, ова денеска во Дневникот на телевизија Сител го истакна потпретседателот на ВМРО-ДПМНЕ, Владо Мисајловски.

-Затоа добро е за секој еден кој сака да ја види Македонија исправено, а не наведната со наведната кичма да ни се приклучи. Сега започнува онаа енергија за предвремени извори каде на терен граѓаните бараат избори, почнуваме огромен процес на формирање на блокот, но и процес на правење на програма која ќе биде најголема програма на идната влада на ВМРО-ДПМНЕ. Ние мора да се спремаме имаме доволно време да ги слушнеме граѓаните и да добиеме од нив порака што им треба и што е најважно за нив. Ние сега ќе правиме и една турнеја низ европски земји каде ќе собереме проекти, но и да ни пренесат знаење, како и со нашите комисии да започнеме да ја правиме програмата, вели Мисајловски.

Тој додава дека Македонија е заглавена во секој еден сектор и треба реформи на секое поле.

-За брзо ќе има и техничка влада и избори, вели Мисајловски.

Тој додава дека реални се избори оваа есен.

-Што ако не успеат тие уставни измени? Дали ќе понесат одговорност? Ако главната агенда им е уставни измени, а отпорот од граѓаните е преку 70 проценти каде 70 проценти од граѓаните се против уставни измени и сега овие политичари сакаат да одат во спротивно на волјата на граѓаните? Затоа изборите се најдобро решение, вели Мисајловски.

The post Iваа есен реални се предвремени избори – не може власта да оди против волјата на народот! appeared first on Република.

Главна тема во земјава е здравството, а во здравство имаме хакиран систем. Се разрешува овој министер за здравство, а сега дебатираме за разрешување на министерот за информациско општество и администрација. Овој министер е задолжен за интегрирана информатичка мрежа и безбедност на податоците. А тоа го немаме. Но, ниту министерот за здравство, ниту министерот за информациско општество не  се разрешуваат поради овие скандали, туку поради менување партиски дресови, рече Владо Мисајловски, пратеник од ВМРО-ДПМНЕ на денешната собраниска расправа за разрешување на министри во Владата.

Според него единствениот мотив за разрешување на министрите е смена на партиски дресови, вклучување на партија во Владата.

Во земјава се тргува на големо со базите на податоци и никој не одговара за тоа, туку премиерот е заинтересиран за смена на министри и партиски дресови. Притоа не го интересира што здравствените работници не земале плата и зошто некој тргува со податоци на граѓаните, рече Мисајловски.

Според него токму оваа Влада која се залагаше за транспарентност нема ништо со транспарентноста.

Премиерот го нема никаде, новинари не можат да добијат информација, граѓаните не добиваат соодветни информации. Ова е се само не е транспарентност. И притоа никој не повикува никого на одговорност. Дали директорите од ФЗО се криви? Дали министрите се разрешуваат поради скандалите. Има многу прашања одговори нема. Премиерот тера само партиска математика“, рече Мисајловски кој заклучи дека и додека немало ништо направено ниту во здравството ниту во областа на информатичкото општество и администрацијата.

The post Мисајловски: Премиерот е заинтересиран за смена на министри, не го интересира што здравствените работници не земале плата и зошто некој тргува со податоци на граѓаните appeared first on Република.

Ова е нешто што го нема во Македонија, односно што го немало во минатото. Ми се допаѓа што е транспарентно, градоначалниците да покажат што направиле, каде се фокусирале во една година. И 365 дена е доволно вака време за да сите граѓани ја видат разликата. Во минатото честопати граѓаните велеа дека исти се градоначалниците, сите се исти, но има разлика, има голема разлика бидејќи слушнавме дека преку 120 милиони евра се вложени директно во инфраструктура и тоа само од градоначалниците, истакна потпретседателот на ВМРО-ДПМНЕ, Владо Мисајловски денес од политичкиот саем, „Саем на промени што носат иднина”.

Мисајловски додаде дека градоначалниците на ВМРО-ДПМНЕ имаат сработено многу повеќе и од владата.

Може да се воочи дека по шатндовите ги има проектите на градоначалниците кои што ги имаат сработено во овие 365 дена. тука е расчистување на депониите, преубаво зеленило, преку 4 милиони евра за зеленило се издвоени. Десетици милиони евра се издвоени за училишта, за градинки, појасни потпретседателот на ВМРО-ДПМНЕ.

Потпретседателот на ВМРО-ДПМНЕ посочи дека ВМРО-ДПМНЕ на локалните избори излезе со програми кои содржат многу проекти, и тие треба да се реализираат.

Една третина, половина од програмите се веќе во првата година реализирани и тоа е навистина за поздрав, заклучи Мисајловски.

Тој потсети дека кога бил министер имало посебни програми за водовод, за канализација, за локални патишта преку што директно ги помагал општините.

А, сега можеме да видиме дека централната власт не помага, не дава доволно средства. Значи централната власт е таа што ги собира приходите на државата и треба да им помага на општините, рече тој.

Мисајловски додаде дека додека ВМРО-ДПМНЕ работеше, СДСМ ветуваше дека ќе направат над 1.000 километри регионални патишта, над 600 километри автопати, па ветуваа 1.000 локални патишта. Но од сите тие ветувања за жал граѓаните не добија ништо.

The post Мисајловски: 365 дена се доволен период да граѓаните ја воочат разликата помеѓу ВМРО-ДПМНЕ и СДСМ, се што вети ВМРО-ДПМНЕ се остварува appeared first on Република.

Џафери си го приватизира Собранието и уште еднаш покажа власта дека се плаши од народ и затоа беа приморани да измислат небулозни причини да ја отфрлат Иницијативата за референдум, изјави на денешната прес конференција портпаролот на ВМРО-ДПМНЕ, Владо Мисајловски.

Работа на претседател на Собрание не е да толкува Устав, тоа е работа на Уставниот суд, рече тој.

The post Мисајловски: Џафери си го приватизира Собранието appeared first on Република.