Унгарскиот премиер Виктор Орбан, по своите патувања во Украина, Русија и Кина, ги информираше лидерите на ЕУ за резултатите од својата „мировна мисија“ и за „мировните“ предлози на Будимпешта.

Балаш Орбан, советникот на унгарскиот премиер, во интервју за унгарскиот провладин весник Маѓар немзет рече дека од посетите на унгарскиот премиер на Киев и Москва „станало јасно дека Украина и Русија се решителни да се борат“.

И без интервенција од надворешни посредници, за жал, ќе видиме брутално уништување во следните месеци, рече тој.

Унгарскиот премиер испрати предлози до лидерите на земјите-членки на Европската унија за начините за решавање на украинскиот конфликт врз основа на исходот од неговата мировна мисија, за време на која од 2 до 11 јули ги посети Украина, Русија, Кина и САД, изјави неговиот советник.

Но, Европејците и сегашната американска администрација се за продолжување на војната. Премиерот им напиша на лидерите на ЕУ за разговорите, исходот од првата фаза од мировната мисија и унгарските предлози. Ако Европа сака мир и сака да има одлучувачки глас за решавање на војната и ставање крај на крвопролевањето, сега мора да развие и спроведе промена во курсот, рече тој.

Орбан, исто така, смета дека улогата на Унгарија како посредник не треба да се потценува, бидејќи верува дека земјата може да одигра „сериозна улога во посредувањето“.

Унгарија е способен посредник, како што покажаа последните две недели, а нашата задача сега е да го комбинираме овој нов пристап и да се обидеме да ги убедиме земјите-членки на ЕУ во планот на Виктор Орбан, заклучи тој.

Правната служба на Европската унија претходно утврди дека разговорите на унгарскиот премиер со Путин ги прекршиле договорите на ЕУ. Медиумските извештаи сугерираат дека земјите од ЕУ разгледуваат различни опции за казнување на Унгарија поради некоординираната посета на Орбан на Русија.

The post Орбан испрати свој „мировен план“ до лидерите на ЕУ по посетите на Украина и Русија appeared first on Република.

Унгарскиот премиер Виктор Орбан, по своите патувања во Украина, Русија и Кина, ги информираше лидерите на ЕУ за резултатите од својата „мировна мисија“ и за „мировните“ предлози на Будимпешта.

The post Орбан испрати свој „мировен план“ до лидерите на ЕУ по посетите на Украина и Русија appeared first on Република.

Кремљ денеска соопшти дека идејата за мировни преговори за војната во Украина без учество на Русија е „смешна“, бидејќи украинскиот претседател Володимир Зеленски изрази надеж дека ќе разговара за својата мировна визија со своите сојузници во Швајцарија.

„Спроведувањето на мировните планови без учество на Русија е несериозно и смешно“, изјавил портпаролот на Кремљ, Дмитриј Песков.

Шефот на кабинетот на украинскиот претседател Андриј Јермак во неделата изјави дека нацрт-документот поврзан со најавената средба во Швајцарија би можел да биде доставен и до Русија.

The post Песков: Спроведувањето на мировните планови без учество на Русија е смешно appeared first on Република.

Американскиот државен секретар, Eнтони Блинкен, го предупреди Советот за безбедност на ОН да не се залажува со повиците за привремен или безусловен прекин на огнот во Украина, велејќи дека само „праведен и траен“ мир нема да дозволи Русија да се санира, вооружи и да ја продолжи војната.

За мирот да биде праведен, тој мора да ги содржи принципите што се во темелите на Повелбата на ОН: суверенитет, територијален интегритет, независност. За мирот да биде траен, таа мора да обезбеди Русија да не може само да се одмори, да се вооружи и за неколку месеци или за две години повторно да ја почне војната, изјави шефот на американската дипломатија пред 15-члениот Совет за безбедност на ОН, што се состана на годишнината од почетокот на војната во Украина.

Предупредувањето на Блинкен доаѓа само неколку часа откако Кина повика на прекин на непријателствата со нејзиниот план од 12 точки за постигнување прекин на војната.

https://republika.mk/vesti/svet/rusija-i-ukraina-go-pozdravija-kineskiot-miroven-plan-no-na-zelenski-nekoi-tochki-od-dogovorot-ne-mu-se-jasni/

Секој мир што го легитимира насилното руско грабање територии ќе ја ослаби Повелбата (ОН) и ќе испрати порака до потенцијалните агресори дека можат да ги нападнат земјите и да се извлечат од тоа, изјави шефот на американската дипломатија.

Блинкен изјави дека ниту еден член на Советот за безбедност не треба да повикува на мир додека ја поддржува војната на Русија против Украина и Повелбата на ОН. Тој ја обвини Кина дека размислува да и испорача оружје на Русија и го предупреди Пекинг да не го прави тоа.

Од почетокот на војната, западните сили ја снабдуваат Украина со оружје вредно повеќе милијарди долари. Кина вчера пред Генералното собрание изјави дека „испраќањето оружје нема да донесе мир во Украина“.

The post Блинкен против кинескиот мировен план за Украина, ги повика ОН да не се залажуваат со повиците за примирје appeared first on Република.