Пристигна нова група Американци волонтери во Мировен корпус, кои ќе го споделат своето знаење и искуство волонтирајќи во училишта и организации во земјата.

Волонтерите денеска беа пречекани на аеродромот од страна на директорката на Мировен корпус во Македонија, Дебора Конор, како и од дел од вработените.

Ова е 26 група на волонтери коишто пристигнаа во Македонија, а втора откако беа евакуирани во 2020 година заради светската пандемија. Од година во година, бројот на волонтерите сè повеќе се зголемува. Ова го покажува големиот интерес кој постои кај Американците служат во Македонија, изјави Конер.

Од Мировниот корпус известуваат дека за време на нивниот двогодишен престој во државата, тие ќе работат како наставници по англиски јазик во училиштата, како и во областа на развојот на заедниците во невладини организации.

Мировниот корпус е американска владина организација и ги реализира своите програми во партнерство со Министерството за образование и наука, Министерството за локална самоуправа и со Министерството за труд и социјална политика.

Волонтерите ќе живеат и работат во градови и села низ Македонија. Од Мировниот корпус истакнаа дека волонтерите ќе ги изучуваат локалните јазици и ќе се запознаат со македонската култура, а својата служба во земјата ќе ја почнат во декември 2023.

Од 1996 година па се до денес, во нашата држава служеле повеќе од 800 американски државјани.

The post Пристигна нова група Американци волонтери во Мировен корпус appeared first on Република.

Нова група волонтери на американската федерална агенција Мировен корпус почнува со работа во Македонија. Дел од волонтерите кои денеска дадоа свечена заклетва, ќе соработуваат со девет основни и две средни училишта, во рамки на Програмата за англиски јазик и инклузија. Заменик министерот за образование и наука Лулзим Алиу, заедно со амбасадорката на САД во Македонија Анџела Агелер и директорката на Мировниот корпус во Македонија Дебора Конер, посакаа и овие волонтери да продолжат со посветеноста на нивните претходници да даваат придонес во напорите да се мотивираат учениците да напредуваат низ процесот на образование.

Волонтерите заедно со наставниците и професорите по англиски јазик ќе соработуваат со цел унапредување на наставата по англиски јазик, како на самите часови, така и во многубројни дополнителни активности како клубови и кампови, спортски активности, работилници за животни вештини, проекти за подобрување на училишата и обуки на наставниот кадар. Улогата на волонтерите во училиштата е особено важна сега, после еден тежок период во кој пандемијата имаше силно влијание врз образованието и младите луѓе, рече заменик министерот Алиу.

Соработката со волонтерите на Мировниот корпус датира од 1996 година, а е официјализирана со потпишувањето на Меморандум во 2014 година.

The post Волонтери на Мировниот корпус ќе соработуваат со девет основни и две средни училишта appeared first on Република.

Денеска во Македонија пристигнaа нова група Американци за да служат како волонтери во Мировен корпус. Тие ќе го споделат своето знаење и искуство волонтирајќи во училишта и организации во земјата.

Волонтерите беа пречекани на аеродромот од страна на директорот на Мировен корпус во Македонија, Дебора Конор, како и дел од вработените.

„Ова е прва група на волонтери коишто пристигнаа во Македонија после три години, откако беа евакуирани во март, 2020 година заради светската пандемија. Волонтерите повторно ќе бидат дел од програмите за настава по англиски јазик и развој на заедниците, како и во претходните години. Им посакуваме многу успешна работа – изјави Дебора Конер, директорка на Мировниот корпус во Македонија.“

За време на нивниот двогодишен престој во Македонија, тие ќе работат како наставници по англиски јазик во училиштата, како и во областа на развојот на заедниците во невладини организации. Мировниот корпус е американска владина организација и ги реализира своите програми во партнерство со Министерството за образование и наука, Министерството за локална самоуправа и со Министерството за труд и социјална политика.

Ова е 25-та група на волонтери кои ќе живеат и работат во градови и села низ Македонија. Волонтерите ќе ги изучуваат локалните јазици и ќе се запознаат со македонската култура, а својата служба во земјата ќе ја почнат во декември 2022. Повеќе од 800 американски државјани служеле во Македонија од 1996 година.

The post Новите волонтери на Мировниот корпус пристигнаа во Македонија appeared first on Република.