Специјалниот пратеник на Европската унија за дијалог, Мирослав Лајчак, по вчерашната средба на главните преговарачи во Брисел, изјави дека спроведувањето на Охридскиот договор меѓу Белград и Приштина „суштински“ допрва треба да започне, јави дописникот на МИА од Белград.

Во Брисел бев домаќин на главните преговарачи на Косово и Србија. Разговаравме за спроведувањето на Охридскиот договор, кој во суштина допрва треба да започне. Разговаравме и за голем број важни прашања кои произлегуваат од минатите договори и се договоривме за следните чекори, напиша Лајчак по средбата.

Договорот за патот кон нормализација на односите меѓу Косово и Србија беше објавен во февруари 2023 година, а во март во Охрид, Белград и Приштина се договорија за Анексот за негово спроведување, познат како Охридски договор.

Во првиот член од Договорот се вели дека страните меѓусебно ќе развиваат нормални, добрососедски односи засновани на еднакви права и „взаемно признаваат документи и национални симболи, вклучувајќи пасоши, дипломи, регистарски таблички и царински печати“.

Владата на Србија на 26 декември минатата година одлучи да дозволи слободно движење на сите возила од Косово на територијата на Србија, а од 2013 година ги признава косовските лични карти.

Српскиот претседател Александар Вучиќ за време на посетата на францускиот претседател Емануел Макрон изјави дека Србија исполнила три работи од Охридскиот договор.

Имаше договор и сите разговаравме за тоа дека прво мора да се исполни Заедницата на срспки општини (ЗСО), која не е поместена од мртва точка, а Србија сето тоа го исполни од лични карти, регистарски таблички, царински печати... рече тој.

Директорот на српската владина Канцеларија за Косово и Метохија, Петар Петковиќ, во Брисел, по вчерашната трилатерална средба со специјалниот претставник на ЕУ за дијалог меѓу Белград и Приштина, Мирослав Лајчак, и главниот косовски преговарач, Бесник Бисљими, изјави дека разговорите биле мачни и дека Србија, како и секогаш, инсистирала на формирањето на Заедницата на српските општини (ЗСО). об

The post Лајчак: Спроведувањето на Охридскиот договор меѓу Белград и Приштина суштински допрва треба да започне appeared first on Република.

Специјалниот пратеник на ЕУ за дијалогот меѓу Белград и Приштина, Мирослав Лајчак, соопшти дека денеска разговарал со помошникот државен секретар на САД за европски и евроазиски прашања Џејмс О'Брајан и заменик-помошникот државен секретар на САД за Западен Балкан Александар Касанов.

Лајчак на платформата Х објави дека се приклучил на средбата на двајца американски претставници со косовскиот премиерот  Албин Курти, со цел да се разговара за напредокот во односите меѓу Белград и Приштина.

„Се согласивме дека нема алтернатива за брзото спроведување на Договорот на патот кон нормализација на односите меѓу Белград и Приштина“, напиша Лајчак.

The post Лајчак разговараше со американски претставници и со Курти за нормализација на односите меѓу Белград и Приштина appeared first on Република.

Специјалниот пратеник на ЕУ за дијалог меѓу Белград и Приштина, Мирослав Лајчак, соопшти дека со српскиот претседател Александар Вучиќ, на маргините на Генералното собрание на ОН (ГС на ОН) во Њујорк, детално разговарале за последните случувања во рамките на дијалогот и спроведувањето на Охридскиот договор, во светло на Планот за раст за Западен Балкан, јави дописникот на МИА од Белград.

„Разговарав со претседателот на Србија, Александар Вучиќ, на маргините на ГС на ОН детално за последните настани во дијалогот и потребата од повторно ангажирање и спроведување на Охридскиот договор, исто така во светло на Планот за раст на ЕУ за регионот“, изјави Лајчак на социјалната мрежа Х.

Вучиќ претходно пред новинарите изјави дека во разговорот со Лајчак повторно укажал на уривањето на се што е потпишано и прифатено со Бриселскиот договор.

Тој на својот Инстаграм профил „buducnostsrbijeav“ додаде дека Косово и Метохија и опстанокот на српскиот народ во нивните огништа се главна тема на сите негови средби во Њујорк и дека со Лајчак разговарал „не само за ситуацијата на теренот, со што тој е многу добро е запознаен, но и за она што ЕУ и меѓународната заедница не го прават, а се обврзани да го прават, како и за тоа што Србија, во рамките на своите можности, има намера да направи за да го заштити својот народ и нивното право на живот и слобода“.

Извор: МИА

The post Лајчак и Вучиќ детално разговарале за дијалогот и спроведувањето на Охридскиот договор appeared first on Република.

Српскиот претседател Александар Вучиќ му порача на специјалниот претставник на ЕУ за дијалог на Белград и Приштина, Мирослав Лајчак, во „отворен и искрен“ разговор дека е крајно загрижен поради „последните насилства на Косово и Метохија, постојаното кршење на правата и загрозувањето на безбедноста на српското население од арогантните и незаконски потези на Приштина“, јави дописникот на МИА од Белград.

-Побарав конкретна и недвосмислена реакција од ЕУ и од земјите членки - не само во осуда на ваквите потези, туку и во нивното спречување и заштита на Србите. Србија останува одговорен партнер на ЕУ во процесот на нормализирање на односите со Приштина, но ќе ги искористи сите достапни дипломатски средства за да го спречи теророт врз нејзиниот народ“, напиша Вучиќ на Инстаграм.

Вучиќ и Лајчак се сретнаа денеска во Прага на маргините на Регионалниот безбедносен форум (ГЛОБСЕК).

The post Вучиќ на Лајчак му изразил загриженост за ситуацијата на Косово appeared first on Република.

Советот на Европската унија му го продолжи мандатот на специјалниот претставник на ЕУ за дијалог меѓу Србија и Косово, Мирослав Лајчак, до јануари следната година.

Како што јави радио Слободна Европа, одлуката била донесена на состанокот на амбасадорите на земјите-членки на ЕУ одржан на 4 јули.

Продолжувањето на мандатот на Лајчак доаѓа на барање на високиот претставник на ЕУ за надворешна политика и безбедност, Жозеп Борел.

За наследникот на Лајчак ќе одлучува наследникот на Борел, а за таа функција е предложена естонската премиерка Каја Калас.

За да се потврди нејзината позиција, потребна е согласност од Европскиот парламент, кој гласа за структурата на новата Европска комисија.

The post Советот на ЕУ му го продолжи мандатот на Лајчак appeared first on Република.

Портпаролот на Европската унија (ЕУ), Петер Стано потврди дека специјалниот пратеник на ЕУ за дијалогот меѓу Косово и Србија, Мирослав Лајчак планира следната недела да организира рунда состаноци со Србија и Косово на кои ќе се разговара за одлуката на Централната банка на Косово (КЦБ) да го укине користењето на динарот.

Стано исто така потврди и дека Лајчак упатил покана до Приштина и Белград за состанок што требаше да се одржи на 27 февруари.

„Обично не коментираме за преписките со партнерите. Меѓутоа, во писмото за покана на специјалниот претставник на ЕУ, Лајчак не е прецизирано кој треба да ги претставува Косово и Србија - тоа им останува на страните“, објасни Стано во писмената реакција што ја достави до медиумите.

Овие коментари на портпаролот на Брисел доаѓаат откако еден ден претходно, на 21 февруари, главниот преговарач на Косово, Бесник Бислими изјави дека ја одбил поканата на Лајчак, тврдејќи дека тоа не е состанок на кој мора да оди главниот преговарач, бидејќи, според за него, „прашањето за динарот не е дел од дијалогот“.

The post Лајчак планира идната недела да организира состаноци со претставници на Косово и Србија за одлуката на КЦБ за укинувањето на динарот appeared first on Република.

Специјалниот претставник на Европската Унија за Западен Балкан и за дијалогот меѓу Белград и Приштина, Мирослав Лајчак оцени дека треба да се искористи политичкиот замав во проширувањето на ЕУ.

Сумирајќи ја претходната недела, Лајчак синоќа на Фејсбук објави дека минатата недела бил во Давос на Светскиот економски форум, каде што беше ко-модератор на традиционалниот дијалог за западнобалканската дипломатија кога се расправаше за очекувањата и приоритетите во регионот и ЕУ во однос на проширувањето.

„Како ко-модератор, ја споделив забелешката дека постои значителен ентузијазам од источните партнери, но и скептицизам од Западен Балкан. Сегашниот момент на експанзија е реален, но, како што добро знаеме во политиката, не трае вечно. Затоа, сега клучното прашање е дали тој моментум ќе можеме да го претвориме во нов квалитет на проширување или ќе биде засекогаш изгубен“, напиша Лајчак.

Тој рече дека, како и секогаш, Давос се покажал како непроценлива платформа за поврзување со пријателите, колегите, партнерите од регионот и пошироко.

„Нашите разговори го опфатија целиот спектар на важни настани што се очекуваат оваа година, во Западен Балкан, како и на светската сцена“, истакна Лајчак.

Тој вели дека сега е време целосно да се фокусираме на следните чекори во дијалогот.

Лајчак оцени дека годишниот состанок на Светскиот економски форум, одржан минатата недела во Давос, каде што овојпат фокусот беше ставен на враќањето на довербата, го означува почетокот на дипломатската година, собирајќи ги лидерите од владите, бизнисот и граѓанското општество од светот, кои расправаа „за најитните предизвици со кои се соочуваат сите општества“.

The post Лајчак: Треба да се искористи политичкиот замав во проширувањето на ЕУ appeared first on Република.

Специјалниот претставник на Европската унија за дијалогот меѓу Белград и Приштина, Мирослав Лајчак оцени дека треба да се искористи политичкиот замав во проширувањето на ЕУ.

Сумирајќи ја претходната недела, Лајчак синоќа на Фејсбук објави дека минатата недела бил во Давос на Светскиот економски форум каде, на традиционалниот дијалог за дипломатијата на Западен Балкан, бил ко-модератор кога биле разгледувани очекувањата и приоритетите во регионот и ЕУ ​​во однос на проширувањето.

Како ко-модератор, ја споделив забелешката дека постои значителен ентузијазам од источните партнери, но и скептицизам од Западен Балкан. Сегашниот замав во проширувањето е реален, но, како што добро знаеме во политиката, не трае вечно. Затоа, сега клучното прашање е дали тој замав ќе можеме да го претвориме во нов квалитет на проширување или ќе биде засекогаш изгубен, напиша Лајчак.

Тој додаде дека, како и секогаш, Давос се покажал како непроценлива платформа за поврзување со пријателите, колегите, партнерите од регионот и пошироко.

Нашите разговори го опфатија целиот спектар на важни настани кои се очекуваат оваа година, во Западен Балкан, како и на светската сцена, наведе Лајчак.

Подвлече дека сега е време страните целосно да се фокусираат на следните чекори во дијалогот.

The post Лајчак: Треба да се искористи политичкиот замав во проширувањето на ЕУ, нема да трае вечно appeared first on Република.

Специјалниот претставник на Европската Унија за Западeн Балкан и дијалогот Белград – Приштина Мирослав Лајчак изјави дека првпат по долго време ЕУ е подготвена за проширување, јави дописникот на МИА од Белград.

На денешниот самит за Балканот истакнав дека првпат по некое време ЕУ е подготвена за проширување. Крајно време е да ја искористиме таа можност, напиша синоќа Лајчак на платформата Х (Твитер).

Лајчак вчера учествуваше на самитот ЕУ-Западен Балкан организиран од бриселскиот политички институт „Пријатели на Европа“.

The post Лајчак: По подолго време ЕУ првпат е подготвена за проширување appeared first on Република.

Специјалниот претставник на Европската унија за дијалог меѓу Србија и Косово, Мирослав Лајчак, инсистира дека покрај основањето Заедницата на општини со мнозинско српско население (ЗСО), што е обврска на Косово, и Србија мора да ги спроведе и сите членовите од Договорот за патот кон нормализирање на односите.

Оваа (Заедницата) не е единствениот елемент што треба да се имплементира. Србија, исто така, има многу неподмирени обврски од Договорот и мораме да видиме дека имплементацијата напредува паралелно, така што и Косово и Србија ќе го добијат она за што се договорија, посочи Лајчак на социјалните мрежи, пренесува РСЕ.

Тој изјави дека наскоро ќе ги покани главните преговарачи во дијалогот да разговараат за следните чекори и подобрување на имплементацијата на Договорот на патот кон нормализација на односите меѓу Србија и Косово.

Повикот на Лајчак доаѓа откако српскиот претседател Александар Вучиќ и косовскиот премиер Албин Курти минатата недела разговараа со лидерите на Франција, Германија, Италија и ЕУ на маргините на состанокот на Европскиот совет во Брисел.

Го поздравувам фактот што и двајцата лидери покажаа волја за спроведување на Договорот иако не можеа да се договорат за модалитетите, посочи Лајчак синоќа на Фејсбук во своето редовно неделно резиме на настаните од претходната недела.

Тој додаде дека лидерите имале коментари и прашања за европскиот предлог за статут за формирање ЗСО во Косово, што странските претставници го презентираа за време на заедничката мисија минатата сабота.

Тој изрази надеж дека отворените прашања и грижи ќе се разјаснат во наредните недели.

The post Лајчак: ЗСО не е единственото нешто што треба да се имплементира, и Србија има многу неспроведени обврски appeared first on Република.

Специјалниот пратеник на Европската Унија, Мирослав Лајчак, ги повика Србија и Косово повторно да воспостават дијалог за нормализација на односите, со цел да се избегне повторување на минатомесечното насилство на северот на Косово. По 24 септември, кога околу 30 вооружени Срби упаднаа во селото Бањска на северот на Косово со мнозинско српско население и се забарикадираа во српскиот православен манастир, тензиите меѓу Белград и Приштина се зголемија.

По пукањето, полицијата го опколи манастирот. Во престрелката загинаа тројца напаѓачи и еден косовски полицаец. „Нападите во Бањска променија многу работи и тие треба соодветно да се истражат… Во исто време, дијалогот мора да продолжи“, рече Лајчак по средбата со косовскиот премиер Албин Курти. „Доколку нема дијалог, може да има уште една ескалација“.

Лајчак допатува во посета на регионот со специјалниот пратеник на САД за Западен Балкан Габриел Ескобар и со претставници на Франција, Германија и Италија. По разговорот со Курти, тие во Белград се среќаваат со српскиот претседател Александар Вучиќ. Околу 50.000 Срби кои живеат на северот на Косово не ги признаваат институциите на Приштина и го сметаат Белград за главен град.

Тие често се судираат со косовската полиција и меѓународните мировници, но минатомесечното насилство беше најлошо во последните години.

Лајчак ја повика Приштина да почне да работи на формирање на Заедница на српски општини со цел да се овозможи поголема автономија за областите со српско мнозинско население, но Курти го отфрли предлогот, тврдејќи дека автономијата може да доведе до отцепување на областа со мнозинско српско население и обединување со Србија.

Властите во Приштина го обвинуваат Белград за вооружување и поддршка на српските борци во Бањска, што српските власти го негираат. Лајчак го повика Белград да ги истражи настаните и да ги казни сите сторители на нејзина територија. Србија одбива да ја признае независноста на Косово и се уште го смета за дел од својата територија.

The post Лајчак: Косово и Србија мора да воспостават дијалог, во спротивно постои закана од ескалација appeared first on Република.

Специјалниот претставник на Европската унија за дијалог меѓу Србија и Косово, Мирослав Лајчак, денеска изјави дека имал „интензивни и многу значајни консултации“ со дипломатските советници на лидерите на Франција, Германија и Италија и американскиот пратеник за Западен Балкан за следните чекори во спроведувањето на договорот за нормализација и ситуацијата на северот на Косово.

Вонреден состанок се одржа денеска во Брисел по вчерашниот напад врз припадниците на косовската полиција на северот на Косово во кој загина еден полицаец и најмалку тројца членови на вооружена група Срби.

На средбата присуствуваа дипломатските советници на францускиот претседател и германскиот канцелар, Емануел Бон и Јенс Плетнер, дипломатскиот советник на италијанскиот премиер Франческо Тало, како и американскиот пратеник за Западен Балкан Габриел Ескобар.

-Интензивни и многу значајни консултации со главните дипломатски советници Боно, Плетнер и Тал и заменик-помошникот државен секретар на САД, Ескобар, напиша Лајчак на платформата „Х“.

Тој рече дека разговарале за „следните чекори во спроведувањето на договорот за патот кон нормализација и ситуацијата на северот на Косово“ и додаде дека е „благодарен за нивната целосна поддршка“.

Лајчак претходно изјави дека по новиот инцидент на северот на Косово, кој го оцени како „страшен“ и „длабоко загрижувачки“ напад, во наредните денови „ќе се фокусира на изнаоѓање пат напред“.

The post Лајчак: Интензивни и суштински консултации со претставници на Франција, Германија, Италија и САД appeared first on Република.

Советот за безбедност на Косово одржа состанок по нападот што се случил рано утринава на северот на Косово во кој еден полицаец беше убиен, а друг е повреден.

Медиумите јавуваат дека во Косово дошол специјалниот претставник на Европската Унија за дијалогот меѓу Белград и Приштина, Мирослав Лајчак. Претходно шефот на ЕУЛЕКС, Џовани Пјетро Барбано, пристигнал во полициската станица во Cеверна Митровица.

Според медиумите, повторно се слушаат истрели на северот на Косово и има размена на оган меѓу „српските криминални групи“ и косовската полиција.

Блокирани се сите приоди кон селото Бањска од правец на Лепосавиќ, Зубин Поток и Звечан. Како што дознава „Косово онлајн“, премините Јариње и Брњак се блокирани.

https://republika.mk/vesti/balkan/ubien-politsaets-vo-severno-kosovo-istreli-i-natamu-se-slushaat-vo-tekot-na-utrovo/

The post Лајчак и Барбано итно допатуваа во Косово, одржан состанок на Советот за безбедност во Приштина appeared first on Република.

Процесот на имплементација на договорот за нормализација на односите меѓу Белград и Приштина, мора да почне оваа година, бидејќи во спротивно може да се изгубат повеќегодишните напори, изјави специјалниот пратеник на ЕУ за дијалог меѓу Белград и Приштина, Мирослав Лајчак.

Тој во интервју за ТАСР вчерашните преговори меѓу српскиот претседател Александар Вучиќ и премиерот на Косово, Албин Курти ги оцени како тешки.

„Курти инсистира на документ кој де факто започнува со признавањето на Косово од страна на Белград и дури потоа да го направи својот дел, што се разбира не е реален начин за напредување“, објасни Лајчак.

Тој посочи дека во овој момент не е потребно да се фокусира на понатамошни преговори со Белград и Приштина, туку да започне серија консултации со земјите членки на ЕУ, Британија и САД, за што ќе ја искористи и септемвриската сесија на ОН со цел да се постигне единствен и координиран одговор на меѓународната заедница на односите меѓу Белград и Приштина.

Лајчак посочи дека е од суштинско значење оваа година да започне имплементацијата на договорот за нормализација на односите, а доколку процесот може да се постави и започне, ќе продолжи и следната година.

„Доколку овие суштински одлуки не се донесат до крајот на годината, се плашам дека политичкиот календар во Европа и САД ќе биде таков што ќе ја турнат оваа агенда во втор план. Убеден сум дека Охридскиот договор е најдобриот документ. Двете страни го прифатија и би било штета да пропадне“, истакна Лајчак.

Тој оцени дека процесот на нормализирање на односите достигнал „пресвртница“ откако двете страни во февруари и март во Охрид се договориле за суштинските документи кои водат до нормализација на меѓусебните односи.

„Сепак, реалното спроведување на договорот не започна за шест месеци. Двете страни имаат огромен степен на недоверба една кон друга. Велат, дај ми го тоа што го заслужувам и потоа ќе го направам тоа што е потребно“, ја опиша ситуацијата Лајчак.

Тој додаде дека тоа не функционира така и затоа ЕУ претставила предлог од седум точки што им овозможува на двете страни да одат паралелно.

The post Лајчак: Белград и Приштина до крајот на годинава да почнат да го спроведуваат договорот за нормализација appeared first on Република.

Мирослав Лајчак одамна беше регрутиран од нарко картелот на Ѓукановиќ и даваше логистичка поддршка во Словачка, обвинува црногорскиот политичар Небојша Медојевиќ.

Тој прашува која е улогата на Мирослав Лајчак во ширењето на активностите на нарко картелот  во Словачка?

https://www.youtube.com/watch?v=2T0-_6BbNYU&t=31s

Дали убиствата на новинари во Словачка се поврзани со истрагата за врските на словачките власти со нарко-мафијата ДПС?Долги години предупредувам дека францускиот доушник Дарзан бил задолжен за регрутирање политичари во Европскиот парламент за интересите на нарко картелот на Ѓулановиќ.Нарко картелот на Ѓукановиќ ги финансираше активностите на Даржан во Брисел, кој ги врбуваше Лајчак, Липка, Елцин, Јакиќ, Танок... и цела група корумпирани европски бирократи кои ги застапуваа нивните интереси во Брисел за мафијашки крвави пари!! Вие сте мизерни платеници на мафијата  и сите треба да бидете уапсени. Од Лајчак и така натаму!! Кутри платеници на нарко картелот!!

The post Meдојевиќ прашува: Kаква е поврзаноста на Лајчак со Радоје Звицер? appeared first on Република.

Ситуацијата на северот на Косово е сè уште кревка, и покрај преземените чекори за намалување на тензиите, изјави специјалниот пратеник на Европската унија за дијалог меѓу Белград и Приштина, Мирослав Лајчак, јави Мина.

Лајчак на Фејсбук напиша дека последните два дена ги поминал во Брисел, каде што тој и неговиот тим тесно соработувале со меѓународните партнери за да ги координираат следните чекори за решавање на кризата во северно Косово.

Тој додаде дека разговарал со членовите на Комисијата за надворешни работи на Европскиот парламент и со шефот на Генералниот директорат за соседство и проширување на Европската комисија, Герт Јан Купман, за ситуацијата на северот на Косово и за последните случувања во дијалогот меѓу Белград и Приштина.

The post Лајчак: Ситуацијата на северот на Косово и натаму е кревка appeared first on Република.

Премиерот на Косово, Албин Курти го критикуваше пратеникот на ЕУ Мирослав Лајчак за начинот на кој се работи на Заедницата на српските општини, додавајќи дека прво треба да има договор за принципите, а потоа да следи пишувањето на нацртот.
„Не се работи за дуплирање нацрти на текстови, туку за усогласување на принципите и потоа пишување текст. Можеме да донесеме различни текстови и да најдеме аритметичка средина, како што тоа обично го прави пратеникот Лајчак. Но, што нѐ води напред, ако не договорот за текстот. Бесмислено е да се обидуваме да се договориме за содржината на текстот“, рече Курти.

Курти истакна дека има многу документи кои се подвлечени со различна боја, а кои покажуваат кој дел од параграфот функционира, а кој не.

„Сакам да се договориме начелно што сакаме“, рече Курти.

The post Курти со критики до Лајчак: Ваков начин на преговори не нѐ води напред appeared first on Република.

Специјалниот пратеник на Европската унија за дијалогот меѓу Србија и Косово, Мирослав Лајчак, на фејсбук објави дека заедно со американскиот пратеник Габриел Ескобар продолжува со напорите за поддршка и овозможување на одржливо политичко решение, иако по нивната посета на регионот, и покрај некои позитивни сигнали, „тензиите продолжуваат да растат“.

Лајчак потсети дека патувал со Ескобар во Приштина и Белград со цел да се справи со тензичната ситуација на северот на Косово и да го истражи „потенцијалот за политичко решение“.

Во Косово се сретнавме со највисокото раководство, вклучително и претседателката Вјоса Османи, премиерот Албин Курти и првиот вицепремиер Бесник Бислими. „Нашата дискусија беше долга“, рече тој.

Ја пренесовме нашата загриженост за ситуацијата на северот и ја нагласивме потребата од итна деескалација. Го повторивме она што и ЕУ и САД побараа од партиите да го направат, кога повикаа на политичко решение: итна деескалација, предвремени избори со учество на косовските Срби и враќање на дијалогот за нормализација - нагласи Лајчак.

Лајчак објави дека разговарал и со опозициските водачи на косовските Албанци, објаснувајќи ги последиците од актуелната криза и штетата што таа ја предизвикува на меѓународниот углед на Косово.

Побаравме од нив да поддржат политичко решение за смирување на тензиите - рече Лајчак.

Бидејќи ниедно решение не може да се постигне без вклучување на засегнатото население, јас и Ескобар се сретнавме и со претставници на Српската листа и граѓанското општество, со цел да ги слушнеме и да објасниме зошто е важно косовските Срби да учествуваат на новите избори, нагласи европскиот дипломат.

Пренесувајќи ги своите впечатоци од Белград, Лајчак рече дека тој и Ескобар имале „подеднакво долги, но воопшто не лесни разговори со претседателот Александар Вучиќ“.

Му објаснивме како треба да придонесе за излез од актуелната криза и се осврнавме на сложената ситуација на Србите во Косово. Посебно нагласивме дека, иако сите граѓани имаат право на мирен протест, насилството никогаш не е прифатливо и не може да има неказнивост - рече Лајчак.

Ескобар и јас се надевавме на повисок резултат од нашата мисија, но за жал, и покрај некои позитивни сигнали, тензиите продолжуваат да растат. По кратка посета на Годишниот состанок на Европскиот совет за надворешни односи во Стокхолм, каде што имав можност да разговарам со голем број луѓе од Европа и САД, сега сум повторно во Брисел за да ги информирам ЕУ и земјите-членки за моите наоди и следни чекори - рече Лајчак.

The post Лајчак: Ескобар и јас се надевавме на повисок резултат, но, за жал, растат тензиите меѓу Србија и Косово appeared first on Република.

Специјалниот пратеник на Европската унија за дијалог меѓу Косово и Србија, Мирослав Лајчак, денеска во Приштина соопшти дека во понеделник во Брисел ќе се одржи средба меѓу вицепремиерот на Владата на Косово, Бесник Бислими, и директорот на Канцеларијата на Владата на Србија за Косово, Петар Петковиќ, јави дописникот на МИА од Белград.

По средбата со премиерот Албин Курти, Лајчак за новинарите изјави дека разговарал за следните чекори во дијалогот со Србија, вклучувајќи го и формирањето на Заедницата на српските општини.

Тој најави дека во текот на денот ќе го посети и северот на Косово, а за следните чекори во дијалогот во петок ќе разговара со претседателот на Србија, Александар Вучиќ,.

Имаме договор, анекс и мораме да разбереме дека ќе следат и наредни чекори, имавме интензивни, но многу важни разговори, изјави Лајчак за средбата со Курти.

Може да имаме нормализација или конфронтација и затоа се фокусираме на нормализација, бидејќи конфронтацијата не е во ничиј интерес, нагласи Лајчак.

-Детално разговарав со премиерот Курти за тоа како Европската унија гледа на процесот на изработка на Статутот и верувам дека имаме договор за овој процес. Имаме договор, имаме жалба и ни требаат јасни идеи за следните чекори, рече Лајчак.

Според него, ЕУ јасно ставила до знаење дека секој модел на Заедницата на српски општини заснован на европски вредности и принципи и европски модели е прифатлив за нив.

Рековме дека од почеток сме јасни по тоа прашање, рече Лајчак, кој најави посета на северно Косово и разговори со градоначалникот на Јужна Митровица, за да се најде решение.

Не сакам да навлегувам во детали од разговорите, ова е прв дел од моите разговори, а ќе ги продолжам утре во Белград, рече Лајчак.

The post Лајчак: Во понеделник во Брисел нова рунда технички дијалог меѓу Белград и Приштина appeared first on Република.

Портпаролот на ЕУ Петер Стано потврди дека специјалниот претставник на Европската унија за дијалог, Мирослав Лајчак, оваа недела ќе ги посети Приштина и Белград. Лајчак утре ќе ја посети Приштина, а в петок ќе го посети Белград.

„Специјалниот претставник на ЕУ за дијалог редовно патува во регионот и често ги посетува Приштина и Белград, особено по состаноците на високо ниво во Брисел за да следи и продолжи со она што беше одлучено или договорено во Брисел и да ги подготви следните чекори и состаноци, изјави Стано.

Се очекува Лајчак да се сретне и со лидерите на Србија и на Косово, како и со главните преговарачи, бидејќи во моментов работи на подготовка на средбата на шефовите на преговарачките тимови. Посетата на Лајчак се случува по средбата на највисоко политичко ниво што се одржа на 2 мај во Брисел.

The post Лајчак утре и задутре во Приштина и во Белград appeared first on Република.