По долготрајна потрага, Мирнеса Бешлиќ, беше уапсена на аеродромот во Штутгарт поради кражба на милион евра, а по неа беше распишана потерница и награда од 37.500 евра.

Мирнеса преку својот адвокат ги известила германските власти дека сака да се предаде, по што беше уапсена од истражителите на сојузната полиција.

По нејзиното приведување, многу се шпекулира за висината на казната што ќе ја добие, а адвокатот Един Коца, кој работи во Германија, истакнува дека тоа што го направила Мирнеса се смета за обична кражба.

Видот на казната не зависи од тоа колку украла, туку од видот на кражбата. Со други зборови, има обична кражба и тешка кражба. Се гледа дали тоа го направила за да може да се издржува, но тоа никогаш нема да може да се докаже , вели Коца за Аваз.

https://republika.mk/vesti/balkan/uapsena-mirnesa-no-voopshto-ne-lichi-na-sebe/

Адвокатот посочува и дека доколку Мирнеса имала дозволен пристап до тие пари, без разлика што се работи за голема цифра, поинаку ќе се гледа на ситуацијата.

Доколку парите не биле заклучени, односно таа имала отворен пристап и ги земала, ќе добие максимална казна од пет години затвор. Тешката кражба е десет години, додека ако кражбата е организирана, тогаш казната е 15 години затвор. Но, колку што ми е познато, такво нешто никогаш не е докажано во Германија - посочува Коца.

Доколку Мирнеса не ги врати парите, адвокатот Коца смета дека таа нема да биде во затвор ни пет години, што е вообичаена казна, туку до три години.

https://republika.mk/vesti/balkan/uapsena-mirnesa-no-voopshto-ne-lichi-na-sebe/

Според адвокатот, судството во Германија многу работи ќе префрли на самата компанија.

Ако компанијата и дозволила да биде сама со толку пари, тогаш и тоа ќе се погледне, бидејќи во такви случаи секогаш мора да бидат присутни двајца, наведува Коца.

Тој истакнува и дека никогаш не слушнал да биде украдена толкава сума, без употреба на сила, затоа што во кариерата имал клиенти кои украле и до 50.000 евра, но се извлекле само со условна казна.

The post Колкава казна ја очекува Мирнеса: Германски адвокат вели дека ќе мине лесно и нема да мора да ги врати парите appeared first on Република.

По повеќе од четири месеци потрага, германската полиција ја уапси Мирнеса С., позната и по прекарот Мики, осомничена дека од фирмата во која работела украла 1 милион евра. Уапсена е во Штутгарт, градот каде што го извршила грабежот.

Германските медиуми пренесуваат дека Мирнеса преку својот адвокат ѝ соопштила на полицијата дека ќе се предаде, откако локалната полиција ја открила нејзината локација во текот на изминатите недели, па фаталната блондинка била свесна дека полицијата го стега кругот околу неа.

Сепак, не е јасно дали станува збор за точна информација, бидејќи таа е уапсена на аеродромот, па некои медиуми претпоставуваат дека сакала да ја напушти Германија. Многумина биле шокирани од изгледот на Мирнеса при нејзиното апсење – таа ни најмалку не наликува на жената од фотографиите кои ги преплавија медиумите последните недели. Сега е бринета која носи очила.

Мирнеса на 14 октомври украла 1 милион евра во кеш од германска транспортна компанија. Грабежот бил веднаш забележан, а полицијата распишала потерница по неа.

Мирнеса или Мики е родум од Бусовача, каде што живеела извесно време. Оваа атрактивна блондинка живеела луксузно. На фотографиите кои ги објави на Инстаграм може да се видат скапи чанти, накит, часовници Ролекс, а наводно има и профил на платформата Only Fans.

Новинари од Босна и Херцеговина ја посетија нејзината родна куќа во Бусовача, каде што ја нашле нејзината родна куќа. Таа наводно има брат близнак и уште една сестра, а нејзиниот татко починал минатата година.

The post Уапсена Мирнеса, но воопшто не личи на себе! appeared first on Република.

Компанијата за трансфер на пари од Штутгард, која неодамна ја ограби Босанката Мирнеса С., повторно се нашла на мета на крадците. Овојпат фирмата ја ограбил 27 годишен работник кој во ноќта меѓу петок и сабота, односно на Бадник, 24 декември, украл 135.000 евра во готовина. Мажот во меѓувреме е уапсен, соопшти германската полиција.

Сепак потрагата продолжува по 42 годишната Мирнеса С. од Бусовача, која на 14 декември минатата година, од фирмата во која работела украла повеќе од еден милион евра. Од германската полиција велат дека за време на празниците примиле повеќе од 150 пријави, што укажува на тоа дека Мирнеса најверојатно избегала во Босна и Херцеговина.

Мирнеса живеела во стан во неупадлива зграда во Канштат, само 250 метри од главниот влез во Државната канцеларија на криминалистичката полиција. Нејзиниот стан сега е празен, а полицијата ја променила бравата.

Бравата е заменета, клучевите се кај полицијата, стои на пораката на вратата на станот.

Миренса во овој стан се доселила во летото 2021, а нејзината сосетка вели дека се претставувала како директорка на филијала на компанијата.

Понекогаш ја гледав како шета со својот згоден партнер и куче- рекла продавачка од блиската пекара.

Нејзиниот пријател Мухамед Мујо О. поставил неколку видео снимки на Тик Ток.

Се зборува дека Миренса го сакала луксузот, ама не можела да си го дозволи, па носела копии на познати брендови.

Полицијата нагласува дека е распишана награда за информации  кои би можеле да одведат до крадливката.

Наградата изнесува 37.500 евра и се уште важи. Се молат сите кои знаат било што за осомничената 42 годишна жена, да се јават на криминалистичката полиција - соопшти полицијата од Штутгард.

The post Потрагата по крадачката се уште трае: Секоја информација што ќе одведе до неа ќе биде наградена со 37.500 евра appeared first on Република.

Германскиот весник „Билд“ пишува дека Босанката  Мирнеса која украде еден милион евра живеела во стан лоциран на третиот кат од незабележлива станбена зграда во Канштад,  Штутгарт на само 250 метри од главниот влез на Државната канцеларија за криминалистичка полиција. Нејзиниот стан денеска е празен и заклучен.

Мирнеса сакала луксуз, но не можела да си го дозволи. За брендирани производи како Rolex, кои таа сакала да ги покажува на фотографиите на Инстаграм, нејзините пријатели велат дека тоа се копии. Таа често зборувала дека повеќе не сака да работи, туку да се забавува.

The post Носела лажен „Ролекс“ за да импресионира: Мирнеса не сакала да работи туку само да се забавува appeared first on Република.

Германските медиуми се прашуваат каде исчезнала Мирнеса С., осомничена дека украла милион евра од компанија за транспорт на пари во Штутгарт.

Полицијата во Германија со денови трага по неа и исчезнатиот плен.

Медиумите јавуваат дека Мирнеса пролетта годинава почнала да работи како телефонски оператор во фирмата од која наводно украла повеќе од еден милион евра во кеш.

Таа не само што била на телефон за време на кражба туку помогнала да се вчита вредниот товар на компанијата во повеќе наврати.При транспортот, банкнотите се завиткуваат и по распакувањето се ставаат во касети за да се достават до банките.

Кражбата била извршена на 14 октомври, а оттогаш Мирнеши се води како исчезната. Полицијата смета дека е можно „впечатливата тетовирана русокоса“, како што ја опишаа германските медиуми, оттогаш заминала во странство со милион евра.

The post Мирнеса со еден милион евра е веќе некаде на Балканот? appeared first on Република.

Два дена откако е откриен идентитетот на жена од БиХ, по која трага полицијата од Штутгард, за кражба на милион евра, се појавија нови детали за нејзиниот живот.

Станува збор за Мирнеса С., по потекло од БиХ, која работела во компанија за транспорт на пари, од каде украла милион евра. Во Штутгард е позната под прекарот Мики, а пред оваа компанија, работела како келнерка.

Во разоткривање на нејзиниот идентитет, бил клучен нејзиниот Инстаграм профил, на кој објавувала фотографии кои покажуваат како се забавува, облечена во скапоцена облека.

Да, ова е крајно необичен животен стил на жена, која наводно работела како телефонска операторка во компанија за транспорт на пари, пишува Билд.

Новинарите на Билд го посетиле соседството во кое живеела, а еден од соседите, кој сакал да остане анонимен, рекол: Ја гледав кога шеташе, беше навистина упадлива појава. Своевремено се претставуваше како менаџерка на филијала- рекол тој

Како што пренесува Билд, едно е сигурно, парите не ги земала постепено во подолг период, туку целата сума ја украла одеднаш.

The post Баш беше упадлива: Сосед открива нови детали за Мирнеса, по која трага цела Германија appeared first on Република.