Не треба да се сменат судскиот совет и советот на јавни обвинители, треба да се отпуштат од работа сите судии и сите јавни обвинители, смета професорката Мирјана Најчевска коментирајќи ја веста дека по Изет Меџити, членот на Советот на јавните обвинители, призна вина и склучи спогодба со обвинителството, по што беше осуден на условна казна, од Обвинителството откриваат дека и врховниот судија Наке Георгиев поднел предлог за спогодба.

Не треба да се сменат судскиот совет и советот на јавни обвинители. Треба да се отпуштат од работа сите судии и сите јавни обвинители. Тие се легло на криминалот, заштитници и поддржувачи на криминалот. Корупцихата и криминалот во Македонија цветаат затоа штонема судии и јавни обвинители кои имаат интелектуален и морален капацитет да се спротистават. Засрамете се сите вие кои склучувате ваква спогодба и сите вие кои молчите за ова, порачува Најчевска.

The post Најчевска: Не треба да се сменат судскиот совет и советот на јавни обвинители, треба сите да се отпуштат од работа appeared first on Република.

Престанете да тресете зелени и дај одете на по една обука пред да излезете во јавност.
Единствен кој може да го смени Африм Гаши од функцијата се пратениците во Собранието.
НИКОЈ ДРУГ.
Пратениците се претставници на граѓаните.
Мицковски е само извршител.
Демократијата сепак не е за луѓе со интелигенција на ниво на собна температура, напиша на Фејсбук, Мирјана Најчевска.

The post Демократијата сепак не е за луѓе со интелигенција на ниво на собна температура, им порача Најчевска на СДСМ appeared first on Република.

Никогаш не сум сакала двојни стандарди, посебно кога станува збор за правото вели професорката Мирјана Најчевска коментирајќи ги реакциите на заклетвата на новата македонска претседателка Гордана Силјановска Давкова.

ЕУ не се потресе баш од настапите на бугарските европарламентарци кои излегоа со јасни територијални аспирации кон Македонија ниту од неспроведувањето на пресудите на ЕКЧП од страна на Бугарија.
Не ги возбуди премногу ни фактот дека Грција ја прекршува Рамковната конвенција за заштита на националните малцинства.
ЕУ не се потрес заради лапсусите и грешките кои намерно или ненамерно ги правеа европските државници во употребата на името на државата (сега и во периодот кога не нарекуваа ФИРОМ наместо да го употребат целиот назив под кој бевме примени во ООН).
Не се сеќавам ни дека Американците покажаа голема загрижа заради ова.
Ама кога Гордана при давање свечена заклетва (уште нестаната претседателка) не го употреби официјалното име на државата не пропуштија да излезат со изрази на длабока загриженост па дури и тивки закани.
Никогаш не сум сакала двојни стандарди.
Посебно кога станува збор за правото.
Ваквото однесување на ЕУ може само да ги подгрее негативните сили кои Македонија ја влечат во ќорсокак, надвор од генералната ориентација кон ЕУ и ЕУ вредносниот систем.

The post „А кога нè викаа ФИРОМ или Голема Бугарија?“: Најчевска укажа на двојните стандарди на ЕУ appeared first on Република.

Професорката по право Мирјана Најчевска побара кривична одговорност за министерот за надворешни работи Бујар Османи од ДУИ, зошто со изјавата: „Влада без принципот „победник со победник“ нема да има“, принцип кој токму ДУИ го наруши во 2017 година, тој врши насилство.

https://republika.mk/vesti/makedonija/toa-nema-da-se-sluchi-bujar-osmani-se-zakani-deka-nema-da-dozvoli-dui-da-ne-bide-vo-idnata-vlada/

Во која држава постои ваков принцип? Во нашиот Устав? Во закон? Се формираат секакви влади. И мнозински и малцински. ДУИ не е претплатено на власт. ДУИ мафијата мора да биде тргната од власта. Без тоа нема мрдање од смрдениот ќенеф во кој не заглавија. За ваква изјава Османи треба кривично да одговара. За обид за насилно рушење на уставниот поредок на државата. Ова е директен повик на насилство, на делување надвор од Уставот и законите. Насилниците мора да бидат отстранети од Собранието. За да почнеме да градиме демократска држава која се базира на правото, напиша Најчевска.

За ова Османи треба кривично да одговара.
За обид за насилно рушење на уставниот поредок.
Ова е директен повик на насилство, на делување надвор од Уставот и законите.
Насилниците мора да бидат отстранети од Собранието.
За да почнеме да градиме држава која се базира на правото.

— Mirjana (@ibogovitelicno) April 29, 2024

Ваквите закани на Османи дојдоа откако веќе станува извесна коалицијата помеѓу ВМРО-ДПМНЕ и Вреди која ја предводи албанската опозиција.

Османи веројатно заборавил или не сака да се сети како дојде до ова победникот на изборите, во случајов ВМРО-ДПМНЕ да го бира албанскиот коалициски партнер во владата.

https://republika.mk/vesti/makedonija/shto-govoreshe-osmani-vo-2017-godina-dui-ne-donese-odluka-za-koalitsija-so-vmro-dpmne-iako-pobedi-na-izborite/

The post Најчевска бара кривична одговорност за обидот за насилното рушење на уставниот поредот од Бујар Османи appeared first on Република.

Тоа што Талат Џафери како премиер си дозволува јавно да го прекршува Законот за безбедност во сообраќајот, значи дека зад очите на јавноста прекршува многу посериозни закони со многу сериозни штетни последици за граѓаните. Тоа го прави недостоен за вршење на функцијата, коментира професорката Мирјана Најчевска, откако службените „мерцедеси“ се паркираа пред ресторан кај плоштад „Македонија“ и го чекаа техничкиот премиер да си го испие кафето.

https://republika.mk/vesti/makedonija/nemam-kompleks-so-shto-doagam-dali-so-mertsedes-ili-privatno-ke-si-odam-doma-reche-dhaferi/

И дајте бре престанете на функционерски места да ставате исфрустрирани шутраци кои немаат никаков интелектуален капацитет.
Има бре оваа држава подобри од Грујо и Заев и Мицковски и Груби и Османи и Иванов и Маричиќ и ...
Срамота е светот да не гледа низ призмата на шлајмото со кој се претставуваме, вели Најчевска.

The post Најчевска за „мерцедесот“ на Џафери на плоштад: Дајте бре престанете на функционерски места да ставате исфрустрирани шутраци appeared first on Република.

По низата скандали што го тресат М-НАВ, и по информациите за ставот на ДУИ дека нема доволно аргументи за разрешување на директорите, се огласи професорката Мирјана Најчевска.

Се согласувам.

Нема основа за разрешување на директорите на М-НАВ. Има основа за апсење на директорите на М-НАВ, целокупното раководство на ДУИ, сите министри, директори, судии, јавни обвинители и раководен кадар во полиција поставени од ДУИ. Како за почеток,  напиша таа на Фејсбук.

The post Нема основа за разрешување на директорите на М-НАВ, има основа за нивно апсење, порачува Најчевска appeared first on Република.

Професорката Мирјана Најчевска смета дека  странските државници кога се среќаваат со македонските претставници на власта кон нив се однесуваат како кон милениче кое го тапкаат по главата и го фалат кога ќе ја послуша командата. Но, според професорката, надвор од очите на јавноста, миленичето е непослушно и си тера по свое.

Не гледам Ковачевски, Маричиќ и Османи на било која од средбите кои ги имаат со претставници на други држави да ги претставуваат потребите и барањата и загрижите на граѓаните кои ги претставуваат.
Тие само се согласуваат со се што ќе кажат соговорниците и ја цинкарат опозицијата.
Имам впечаток дека странските државници веќе не се однесуваат кон нив како кон нерамноправен партнер туку како кон милениче кое го тапкаат по главата и го фалат кога ќе ја послуша командата од дресурата. Седи, лежи, моли, дај шепа, ...
Се разбира ова е за пред публика.
Надвор од очите на јавноста миленичето продолжува да моча по килимот и да ги крие коските џапнати од масата под намештајот, пишува Најчевска.

The post Најчевска: Странските државници кон Ковачевски, Маричиќ и Османи се однесуваат како кон милениче кое го тапкаат по главата кога ќе ја послуша командата appeared first on Република.

„Дали името на Демачи е ставено во листата на имиња која ја има одобрено Владата?

Ако не е тогаш преименувањето е ништовно“, потсетува професорката Мирјана Најчевска во врска со „приватната“ посета на Албин Курти на Чаир и преименувањето на улицата „Втора македонска ударна бригада“, по политичарот од Косово, Адем Демачи.

„Однесувањето на Курти е еднакво на бугарските асимилационисти и од Македонија прави непријател на Косово.

Македонските политички субјекти кои го користат Курти за подигање на сопствениот рејтинг се претставуваат како екстремни националисти кои не можат да бидат дел од изградбата на европска Македонија“ вели професорката Мирјана Најчевска во објава на Фејсбук.

Таа ја прозива „владејачката“ партија:

„А, да ја потсетам СДСМ дека се на власт 7 години и дека секој ден покажуваат дека немаат појма што да прават на таа позиција“.

The post Најчевска: СДСМ е 7 години на власт и појма нема што прави на таа позиција appeared first on Република.

Професорката и експерт за човекови права Мирјана Најчевска смета дека секој што го поддржува Димитар Ковачевски е виновен за лошата состојба во која се наоѓа Македонија во моментов

Според мене, секој член на СДСМ кој дозволува и понатаму на чело на нивната партија и на чело на извршната власт да стои мивка како Ковачевски е виновен за она што се случува во Македонија во моментов - коментира професорката на својот фејсбук профил.

The post Секој од СДСМ што дозволува мивка како Ковачевски да биде лидер е виновен за состојбата во Македонија appeared first on Република.

Како може СДСМ да тврдат дека се отворила/отвора дискусија за уставните промени и дека ќе има дискусија за истите во Собранието кога однапред ги прогласуваат сите кои имаат поинакво мислење за предавници, бугарофоби, противници на ЕУ интеграцијата, русофили, ...?, прашува професорката Мирјана Најчевска.

Ова е тоа погубно влијание на мафијата регистрирана како партија под името ДУИ на дело, пишува Најчевска.

The post Најчевска: Ова е тоа погубно влијание на мафијата регистрирана како партија под името ДУИ на дело appeared first on Република.

Изјавата на лидерот на ДУИ Али Ахмети од него да почне истрагата за целокупното делување на ДУИ, па да се се прошири на сите функционери, за поранешниот министер за економија Џевдет Хајредини е само сигнал дека Ахмети не ни знае дека на исгтражителот не му е потребна согласност од Ахмети за да си ја врши својата работа.

„Кутриот не знае дека истражителот, за да отвори истрага, не чека јавен повик и согласност од некого (во овој случај од него), туку писмено ги кани за да ги сослуша“, напиша ексминистерот за финансии и аналитичар, Џевдет Хајредини.

https://republika.mk/vesti/makedonija/od-mene-neka-pochne-istragata-za-tselokupnoto-deluvane-na-dui-reche-ahmeti/

Мирјана Најчевска, пак, ја коментира изјавата на Ахмети со забелешка дека истраги веќе се започнати. Таа предлага да се пуштат бомбите за ДУИ кои Заев ги крие.

Прво, веќе има отворено истраги кои се држат во фиока. Второ, може ако се тргнат сите криминалци кои наместо судии и јавни обвинители ги намести ДУИ. Трето, може ако се пуштат бомбите за ДУИ кои Заев ги прикри, рече Најчевска.

The post На истражителите не им треба дозвола од Ахмети за да работат: Да се пуштат бомбите за ДУИ што Заев ги крие appeared first on Република.

Од каде па то знаеш дали ќе има или нема дополнителни услови?, го прашува професорката Мирјана Најчевска премиерот Димитар Ковачевски, кој рече дека не постојат дополнителни услови во преговарачката рамка.

https://republika.mk/vesti/makedonija/kovachevski-ne-postojat-dopolnitelni-uslovi-vo-pregovarachkata-ramka/

Во самата преговарачка рамка стои дека секоја од државите членки ќе го разгледува и проценува напредокот на Македонија, го потсетува таа.

The post Најчевска го враќа на земја Ковачевски: Во самата рамка стои дека секоја од државите членки ќе го разгледува и проценува напредокот на Македонија appeared first on Република.

Откако премиерот Ковачевски побара проверка на имотите на вработените во Царина и УЈП, нивните директори најавуваат засилени контроли. Ова барање на премиерот во време кога почнаа штрајкови за повисоки плати, синдикатите го оценуваат како закана и притисок.

Директорката на УЈП Сања Лукаревска ја прифаќа пораката на шефот на партијата во која е потпретседателка и не очекува вработените да бидат против.

Управата за Јавни приходи има законска надлежност да води посебна постапка за  имот на физички лица чие потекло не може да се докаже, од која не се изземени и вработените во Управата за јавни приходи, вели Лукаревска во интервју за Локално.

Соочена со закани од генерален штрајк кој реално може да предизвика колапс на економското работење на целата држава, директорката на УЈП Соња Лукаревска во интервју за „Локално“, изразува верба дека сепак ќе се најде заеднички прифатливо решение.

Воопшто не е пријатно да се  раководи со институција во која вработените искажуваат незадоволство особено што и јас пред да станам директор на УЈП, дојдов баш од редот на вработените и заеднички се залагавме за подобри права на вработените, вели Лукаревска.

На барањата на вработените во Царинската управа и Управата за јавни приходи кои веќе некое време бараат покачување на платите какво што им следува откако избраните функционери добија 78% повисоки плати, а вработените во Министерството за финансии покачување од 30%, премиерот Димитар Ковачевски одговори со барање да се провери имотната состојба на вработените во овие две институции, што  ќе придонесе во зголемување на транспарентноста и општествениот кредибилитет на институцијата.

Мислам дека ако тоа се примени во Царина, ќе се зголеми нивната транспарентост, ќе добијат на тежина и на општествен кредибилитет, бидејќи ако некој нема што да крие, нема ни потреба да не поддржи еден таков процес. Јас и мојата политичка партија сме за ветинг, но ветинг којшто ќе ги опфати сите општествени функционери и треба да се дефинира дали да бидат опфатени и други делови од општеството бидејќи со општествените ресурси не управуваат само избрани и именувани политичари, туку и луѓе кои на пример користат концесии, фреквенции...., изјави Ковачевски.
За синдикатите ова барање на премиерот во време кога почнаа штрајкови за повисоки плати е закана и притисок.

Прво треба да се почне со нив самите, затоа што овие скрининзи за Европската Унија што треба функционерите да ги направат, ги водат токму административните службеници. Голем број од административните службеници се веќе во тие преговори. Сметам дека првично треба да се почне од функционерите, а потоа, зошто да не се дојде и до вработените. Изјавата на премиерот Ковачевски може да се окарактеризира и како притисок, вели генералниот секретар на УПОЗ Бојан Трипуноски.

Ковачевски ќе чекал резултати од проверката на имотна состојба на вработените, бидејќи сметал дека платите треба да се услогласат со имотот. Дали ако го погледнеме анкетниот лист на Ковачевски, може да заклучиме дека неговата плата треба да се намали и за колку, прашува во својата реакција портпаролската на ВМРО-ДПМНЕ Марија Митевска.

Во недостиг на храброст да се поведе постапка за проверка на имот на политичарите, со цел да не се покаже пред јавноста како во Македонија функционерите од власта на ДУИ и СДС повеќекратно имаат зголем имот и банкарски сметки за време на нивното владеење, реперкусиите ги чувствуваат вработените. Додека инфлацијата го јаде животниот стандард, додека во Македонија се живее на работ на сиромаштијата, Ковачевски со ваквите изјави како да има цел да ги предомисли вработените од протести преку кои си ги бараат своите права кои воедно ги заслужуваат, реагира Митевска.

Професорката Најчевска, овој предлог го нарече „политичка перверзија“.

Наместо да се проверува имотот на функционерите, ќе го проверуваат имотот на администрацијата. Наместо да се стават во затвор мафијашите од ДУИ, ќе ја отпуштат Перса дактилографката. Наместо да одговараат сите оние кои ги злоупотребија законите за лична корист (за што постојат јасни и гласни ревизорски извештаи) ќе дигаат прашина и ќе плашат ситна боранија. Која политичка перверзија. Како што реков, потребна ни е технократска влада за да се врати сета оваа гамад под камењата од под кои исползе пред 30 години, напиша таа.

The post Наместо да ја одбрани Перса дактилографката, Лукаревска ќе ѝ го тресе имотот, како што побара шефот Ковачевски appeared first on Република.

Мора да се отпуштат од работа сите партиски вработени кадри, порачува во објава на социјалните мрежи професорката Мирјана Најчевска.

„Мора да се формира технократска влада“, нагласува таа.

Во напишаното Најчевска предлага да се отстранат од раководни позиции сите кадри на ДУИ.

„Мора да се отпуштат сите судии и јавни обвинители и да се направи нов избор. Мора да се затвори академијата за судии и јавни обвинители. Мора да се воспостави нормална агенција за администрација“, пишува Најчевска.

Според неа треба да се определат принципи на јавното живеење кои се граѓански а не како што вели, етнички дефинирани.

„И дајте да го средиме тоа Уставот кој го изнашлака Фрле а потоа сите по ред го крпеа и шиеја и го претворија во бесмисол“, пишува Најчевска во објавата.

The post Најчевска: Мора да се отстранат од раководни позиции сите кадри на ДУИ appeared first on Република.

Професорката Мирјана Најчевска во емисијата „Само вистина“на Канал 5 го изгуби трпението при дебатирањето со новинарот Зоран Иванов кој важи за еден од најголемите поддржувачи на оваа власт при што во еден момент му рече:

The post Најчевска до Зоран Иванов: Mислев дека имам работа со човек што има два грама мозок appeared first on Република.

Бујар Османи го приватизира Министерството за надворешни работи, му одговори Мирјана Најчевска, сопругата на доскорешниот амбасадор во Прага, Сашко Тодоровски, на Османи по информацијата дека Тодоровски предвреме е вратен од Прага заради нерегуларности, меѓу кои и лажно претставување на неговата сопруга како културен аташе во амбасадата.

Мојот сопруг поднесе оставка. Лакејот на Али Ахмети кој се претставува како министер за надворешни работи започна хајка против мојот сопруг заради моите критички настапи како професор и експерт, и заради несогласувањето на мојот сопруг како амбасадор во Прага со начинот на функционирање на министерството кое Османи го приватизираше. Мојот сопруг не се согласи со барањето на Османи (кој самиот изјави дека одговара единствено пред Али Ахмети) да го известува него и само него на дневна основа и во лична комуникација надвор од каналите на министерството, со заобиколување на Владата и на Претседателот на државата за случувањата во државата во која е поставен за амбасадор“, напиша професорката Најчевска во објава на Фејсбук.

Според неа, Османи ги прекршил Уставот и законите што дипломат професионалец како нејзиниот сопруг не можел и не си дозволил да го толерира (за што пред неколку месеци достави претставка до Владата и до претседателот на државата).

Со оглед на тоа дека никој не реагираше на наводите во дописот во кој беа посочени отворени акти на дискриминација од страна на Османи, мобинг и основи за сомневање за направени кривични дела, мојот сопруг поднесе оставка. А на неписмениот лакеј на Али Ахмети кој се претставува како министер за надворешни работи некој треба да му каже дека сопругите и сопрузите на амбасадорите добиваат средства во висина од 10% од платата на амбасадорот не за да се шетаат и да се проводат туку за извршување на дипломатски задачи кои им ги доделува амбасадорот, вели Најчевска.

Османи на денешниот онлајн брифинг соопшти дека на македонскиот амбасадор во Прага Сашко Тодоровски му бил скратен мандатот и тој предвреме е вратен во Македонија. Според него, Тодоровски е вратен поради слабости и нерегуларности во работењето.

Имаше констатирани нерегуларности во неговата работа, нефункционалност, лажно претставување на сопругата како културен аташе, непочитување на инструкциите од МНР, и тоа е подолг процес. Постапката за неговото враќање трае повеќе месеци – рече Османи одговарајќи на новинарско прашање.

The post Најчевска му одговори на Османи: Лакејот на Ахмети започна хајка против мојот сопруг заради моите критики appeared first on Република.

Амбасадорот на Македонија во Чешка, Сашко Тодоровски, е отповикан од функцијата на сред мандат, поради, како што рече на деншниот брифинг министерот за надворешни работи Бујар Османи - констатирани нерегуларности во извршувањето на својот мандат.

Да информирам дека имаме отповикан амбасадор на средина на мандатот поради констатирани нерегуларности во рамките на извршувањето на својот мандат, има лажно претставување на сопругата како културен аташе, непочитување на инструкции на Министерството за надворешни работи. Ова е процедура што трае повеќе месеци, рече Османи.

Сопругата на Тодоровски е професорката Мирјана Најчевска.

Тодоровски, кој во Прага функцијата амбасадор ја извршуваше од март 2021 година, во последно време е гласен противник на политиките на власта, а особено јавно негодуваше против премиерот Димитар Ковачевски и самиот министер Османи.

The post Лажно ја претставувал сопругата Најчевска како аташе: Отповикан амбасадорот во Чешка appeared first on Република.

Професорката Мирјана Најчевска ги критикува министрите од ДУИ, откако вицепремиерот Артан Груби објави фотографии од нивната денешна дружба, на кои се гледа како министрите се разонодуваат играјќи фудбал и кошарка во канцелариите на Министерството за политички систем.

Знаете дека ве прават будали во очи? Нели? Мислам не е можно да не гледате. По 11 години во власт со ВМРО-ДПМНЕ која ја прогласивме за партија која практикуваше авторитаризам до ниво на фашизам, тие излегоа чисти како солза. Го освоија правосудството кое е прогласено за најкорумпирано во регионот и пошироко, ни ја диктираат надворешната политика која ја претвори државата во земја за спрдачина, го прекршуваат секој закон, измислуваат закони за да го направат нелегалното легално, криминалот го претворија во стопанска гранка, непотизмот го прогласија за легитимен во кариерното напредување, поткупот и рекетот ги промовираа во највисоки вредности, успеваат да претворат во кал сѐ што ќе допрат, а се промовираат како европски ориентирана зелена партија која е столб на напредокот на Македонија. Колку треба да си будала за да го проголташ ова и да молчиш? Па не молчевме пред Груевски. Зошто молчиме пред Али Ахмети? Затоа што ако го спомнеме, некој како мојот поранешен пријател Џабир Дерала ќе не нарече националисти? Или…?, прашува Најчевска.

The post Најчевска: Не молчевме пред Груевски, зошто молчиме пред Ахмети? appeared first on Република.

И не, не е точно дека синот на Талат Џафери треба да се третира како секој друг.
Токму затоа што е син на висок функционер мора да се внимава на можноста да бенефицира од позицијата на таткото.
Токму заради тоа постојат и членовите 56 и 74 од Законот за спречување на корупцијата и судирот на интереси.
Ама, како што реков, не можам да очекувам од човек кој дошол на функција како награда за своите терористички активности и останува на функцијата заради припадноста на мафијашката организација ДУИ да го знае, а камо ли да го спроведува правото, пишува на Фејсбук, Мирјана Најчевска.

The post Најчевска: И не, не е точно дека синот на Талат Џафери треба да се третира како секој друг! appeared first on Република.

Професорката Мирјана Најчевска жестоко реагира на изборот на кандидатите што ја поминале обуката и го положиле завршниот испит на Академијата за судии и обвинители „Павел Шатев“ за кои медиумите објавија дека се снаи, деца, роднини на политичари и судии.

Обвинителство и судовите не се стартап претпријатија во кои некој започнува бизнис па ајде да видиме како ќе испадне. Таму треба да бидат луѓе со неверојатно искуство, со морал, со кредибилиотет, веќе проверени и препечени и оние кои поминале сито и решето. Дај бре престанете да се измотавате со државата и со институциите, пишува на фејсбук професорката Најчевска.

Е најсериозно ќе пукнам веќе.
Ма сериозни сте или се правите блесави или не сметате нас за блесави, додава Најачевска.

https://republika.mk/vesti/makedonija/sudovite-i-obvinitelstvata-polni-so-sinovi-i-kerki-na-funktsioneri/

The post Најчевска: Обвинителство и судовите не се стартап претпријатија, престанете да се измотувате со државата и институциите appeared first on Република.