Најновото соопштение на Стејт Департментот го потврди тоа што ВМРО-ДПМНЕ подолг период наназад го зборува, дека ДУИ е криминализирана структура. Ставањето на Рамиз Мерко од ДУИ на црната листа на САД, е институционална потврда на сите сомнежи и афери кои ги вадеше ВМРО-ДПМНЕ за кадрите на ДУИ, вели Мирче Аџиоски, пратеник од редовите на ВМРО-ДПМНЕ.

Според соопштението на Стејт Департментот, Рамиз Мерко е вмешан во значителна корупција.

Дополнително се нотира дека Мерко како градоначалник злоупотребувал фондови, а се мешал и во судски постапки.

ВМРО-ДПМНЕ подолг период наназад алармира за злоупотреба на буџетски средства, а за тоа дававме и конкретни аргументи.

Истовремено со години алудираме на партизацијата во судството која се прави од страна на ДУИ и СДС. Дуизацијата на судството допринесе кадри на ДУИ да можат да влијаат на постапки, како што се нотира и во соопштението на Стејт Департментот.

Ова не е прв пат нашите меѓународни партнери да ја нотираат дуизацијата на судството, истото беше и со назначувањето на Ислам Абази за шеф на обвинителството за организиран криминал, кој беше фатен во друштво со цел врв на ДУИ, кои пред да излезат фотографиите тврдеа дека не го познаваат.

Ваквите соопштенија, извештаи и ставови на нашите меѓународни пријатели се уште една потврда на сето тоа што го зборува ВМРО-ДПМНЕ, дека ДУИ мора да замине во политичка пензија. Таа партија мора да се исчисти од криминалните и корумпирани кадри, време е за промени - додава Аџиоски.

The post Аџиоски: Ставањето на црна листа на САД на Мерко од ДУИ е потврда за се што ВМРО-ДПМНЕ го зборува за ДУИ и зошто тие треба да одат во опозиција appeared first on Република.

Тим предводен од пратеникот Мирче Аџиоски на ВМРО-ДПМНЕ, денес е во посета Пештани, и населените места Елшани и Долно Коњско во Охридскиот регион во рамки на акцијата “Ова е Македонија за сите“.

Во рамки на посетата, Аџиоски истакна дека ВМРО-ДПМНЕ почнува голема теренска активност во која ќе бидат опфатени голем број населени места во Македонија чија што цел на овие посети е да се одржува активна комуникација со граѓаните на кои ќе им укажеме дека сме тука за заеднички да се бориме и да се избориме за подобар живот и за подобар животен стандард.

Аџиоски со неговиот тим и граѓаните констатираа дека Македонија ја води една криминална влада која што државата ја движи во погрешни насоки и дека треба да се слуша гласот на народот затоа што, народот е тој кој што ја одредува патеката на движење на една држава, а не една мала група криминални политичари кои што се спремни на се, само да останат на власт и да продолжат да крадат.

Аџиоски посочи дека од самиот почеток од контактите со луѓето се гледа дека незадоволството на граѓаните од централната власт и од нивната негрижа за нивните потреби и незаинтересираноста за подобрување на нивните услови за живот е големо, при што Охрид и целиот охридски регион, како македонски туристички центар, е најзасегнат од нивното неработење затоа што не може да се развива туризмот без добра патна инфраструктура.

Веќе шест години се на власт, а изградбата на автопатот Кичево - Охрид не до никаде за сега да зафатат со нова автопатска делница за која уште непочната со реализација секојдневно на површина излегуваат криминални зделки.

„Автопатот Кичево – Охрид на шест години од нивното доаѓање на власт, гледаме дека нема никаква реализација на истиот и прашање е дали ќе се заврши овој автопат за кој што се потрошија 600 милиони евра. А, дополнително на ова и новиот проект за автопатиштата кој уште непочнат заглави во криминал и корупција и за кој секојдневно излегуваат на површина криминалните зделки на Артан Груби и на Димитар Ковачевски. Уште непочнат овој проект, гледаме дека владата исплатила 120 милиони евра пенали на изведувачот а оваа сума секако ќе биде, можеби и многу поголема затоа што се неспособни и не знаат ад работат“, рече Аџиоски.

Одговор за сето ова, потенцираше Аџиоски, се промените и оваа власт конечно да замине и затоа нашата борба е да ја обновиме Македонија, промените да победат за подобра иднина, Македонија за сите.

The post Аџиоски: Цели шест години власта не го гради автопатот Кичево – Охрид, а сега се зафаќа за нови делници за кои секојдневно излегуваат криминалните зделки на Груби и Ковачевски appeared first on Република.

Денес расправаме за разрешување на министри во една влада која треба што поскоро целата да се разреши а не да разрешуваме парцијално министри во зависност од тоа каков коалициски пазар постигнал премиерот Ковачевски за да купи уште некој ден за да остане на власт, уште некој месец, и да продолжат заедно со ДУИ да ја пустошат република Македонија. Денес на предлог на премиерот се бара да се разрешат министрите за здравство, за информатичко општество и администрација и министерот без ресор задолжен за дијаспора. Морам да констатирам дека пред точно една година истиот овој премиер имаше толку пофални зборови дека овие тогашни кандидати за министри се вистинскиот избор и дека тие ќе донесат добробит за граѓаните за сега после една година да бара разрешување на овие министри и уште неколку оставки од кадрите што доаѓаа од ДУИ и од СДСМ меѓу кои и министерот за правда Тупанчевски кој можеби најдобро ја опиша оваа влада и од какви принципи се води. Тој точно кажа дека ова е „Пазар3“ влада односно со други зборови купи продај влада од денес за утре, влада без капацитет, влада без визија за економски развој, влада без морал и морални вредности, влада која треба само да ја продолжи агонијата во која се наоѓа Република Македонија, истакна на денешната собраниска седница пратеникот од ВМРО-ДПМНЕ, Мирче Аџиоски.

Тој исто така го запраша премиерот Димитар Ковачевски за тоа што се смени кај овие министри кои бара да бидат разрешени кога пред само една година самиот тој ги предложил и за нив имаше само пофални зборови.

Затоа би го прашал премиерот што се смени кај овие луѓе за после една година да барате да се разрешат. Овие се истите луѓе кои пред една година, односно нивната партија гласаше за вас и ве направија премиер. Тоа треба да им го одговорите на македонските граѓани, а не тука само без никакво образложение да барате нивно разрешување. Овој министер за здравство е истиот оној министер кој го фалевте пред точно една година и истиот оној министер што ве информирал и барал од вас уште пред два месеци да донесете одлука на влада за да се обезбедат средствата и да се набави лекот за болните од цистична фиброза, но вас ви текна дека сте премиер и дека кај вас е клучот за решавање на овој проблем, за жал откако почина тој на кој што му беше најпотребен лекот, за без срам и грам човечност одма после тоа и оваа несреќа да ја искористите и да барате одговорност од сите, но не и од самиот себеси, рече Аџиоски и додаде:

Треба јавно да кажете дека сиот овој циркус е за продолжување на криминалот што го правите заедно со ДУИ и дека сето ова е со цел да продолжите да крадете, уште некој месец, да продолжат бизнисите уште некој месец. Треба да кажете дека им помина употребната вредност на овие министри од Алтернатива затоа што ДУИ си најде други другарчиња за да бидат министри кои исто така се со употребна вредност, но моментално се како пратеничка група бројчано повеќе и затоа се по атрактивни за политички пазарења.

The post Пред точно една година истиот овој премиер имаше толку пофални зборови за министрите за кои сега бара разрешување appeared first on Република.

Во денешното обраќање пратеникот од редовите на ВМРО-ДПМНЕ Мирче Аџиоски предложи промена на точката број 2 Одлука за објавување на јавен оглас за именување на членови на државната комисија за одлучување во управна постапка и постапка од редовен однос во втор степен согласно член 77 став 2 во точка број 10. Дополнително тој истакна дека има поважни работи на кои треба да им се даде приоритет и дека во тој дневен ред има закони се со технички грешки кој во иднина ќе биде многу тешко да се исправат.

Повторно ќе треба да правите правна гимнастика и да го кршите деловникот, но не ги враќате на доработка и преработка со образложение дека немате право да ја цените содржината на истиот закон, а од друга страна знаевте да ја оцените иницијативата за референдум дека не била во согласност со уставот нешто што не е ваша работа и обврска да го правите, но нема каде да бегате од народот. Од народот не се бега и за брзо ќе треба да се соочите со гневот на народот, кои ќе ви каже на следните предвремени и парламентарни избори што мисли за вас и работењето на ова парламентарно мнозинство и дивеењето на ова парламентарно мнозинство во институциите и општо со целата држава. Ова посебно важи за СДСМ кои немаат храброст да се соочат со македонскиот народ и да ја прифатат инцијативата за референдум, па се затскриваат позади претседателот на Собранието Талат Џафери кој е познат по кршењето на Уставот и деловникот на Собранието на Република Македонија и така дозволува таа иницијатива да се отфрли, но ќе ви кажам дека не можете да избегате од народот, а тој ќе ви го каже своето мислење на следните парламентарни избори - посочи тој.

The post Аџиоски: Не можете да избегате од народот, а мислењето за вашето дивеење во институциите ќе ви го кажe народот на следните парламентарни избори appeared first on Република.

Почитувани македонски граѓани ви се обраќам вам и вам ќе ви зборувам затоа што на овие пред мене џабе е да им зборувам затоа што ова се луѓето што ја продаваат Македонија. Ова се луѓето што ја продаваат иднината на сите Македонци и на сите граѓани на Република Македонија. Затоа што со овој предавнички договор што го имаат потпишано, а овде планираат да го изгласаат, Македонија никогаш нема да стане членка на ЕУ. Овие се криминалци што го потпишаа овој асимилаторски договор за да продолжат со нивниот криминал, крадење и удобен живот - истакна Мирче Аџиоски, пратеник од редовите на ВМРО-ДПМНЕ на денешната седница.

Аџиоски додаде дека власта потпишува се што им сервираат тие што со векови наназад сакаат да ја разнебитат Македонија за таа да не постои.

Но, да ви кажам дека ниту еден агресор не успеал никогаш да ја разнебити Македонија затоа што македонскиот народ е истраен и цврст народ кој знае кој е, каков јазик зборува и која е неговата татковина, за разлика од вас што душата си ја продавате за пари и за удобноста.

 

Се повикувате дека сте биле наследници и потомци на асномците и партизаните кои се бореа и гинеа за оваа Македонија, но да ви кажам дека вие сте потомци на предавниците кои историски многу ги имало и за жал, ги предавале тие што се бореле за независна Македонија, дали тоа биле комити, дали тоа биле партизани. Вие сте нивни наследници и затоа продолжувате да ја продавате државата за која што генерации и генерации се бореле и гинеле. Но, ако тие се ваши предци тогаш чинот на предавство го вршеле сами како кукавици за грст златници, вие сега сте подобро организирани во предавничка партија која носи само предавства и понижувања кога и да е на власт во Република Македонија.

 

Како наследници на комунистите кои ги затворале Македонците кои имале идеја и мисла за слободна и независна Македонија од осамостојувањето па наваму прво бевте најголемите Срби, па ги обвинувавте Вмровците дека се Бугари, за после тоа со предавничкиот договор од Преспа станавте најголемите Грци. А, во меѓувреме и станавте и најголема албанска партија во Република Македонија за сега на крај со овој договор да станете најголеми Бугари - им рече Аџиоски на пратениците од СДСМ.

Пратеникот укажа дека со ова може да се заклучи дека од власта никогаш не ни биле Македонци и никогаш нема да бидат. Бидејќи од власта се предавници кои распродаваат се македонско.

Ако е така како што кажувате дека бил заштитен македонскиот јазик, зошто денес добивте демант од заменичката портпаролка на ЕК која појасни дека вчера од оваа говорница претседателката на ЕК зборувала за јазикот на луѓето во Република Македонија која таа го нарекла македонски. Зошто тоа не го кажавте - праша Аџиоски.

Тој додаде дека власта добива деманти дури и од Брисел дека македонскиот јазик не е заштитен како што тие го уверуваат македонскиот народ.

The post Аџиоски до СДСМ: За разлика од вас што душата си ја продавате за пари, македонскиот народ знае кој е и каков јазик зборува appeared first on Република.