Министерството за труд социјална политика ги информира граѓаните дека во тек е исплата на образовниот додаток за третиот мерен период за учебната 2023/2024 година.

Исплатата на додатокот за образование се врши во четири мерни периоди, и тоа:

• за првиот мерен период во текот на месец декември во тековната календарска година,
• за вториот мерен период во текот на месец февруари во наредната календарска година,
• за третиот мерен период во текот на месец мај во тековната календарска година и
• за четвртиот мерен период исплатата се врши во текот на месец јули во тековната календарска година.

The post Во тек е исплата на образовниот додаток за третиот мерен период за учебната година 2023/2024 година appeared first on Република.

Вработените во градинките сѐ уште немаат земено плата за април. Министерката за труд најави дека ќе ја добијат следната недела, односно почетокот на јуни.

Но, на тие кои штрајкуваа, ќе им биде исплатено помалку. На негувателките околу 2.000, на воспитувачките речиси 4.000 денари.

Овие пари, според првиот човек на СОНК, ќе им бидат вратени следниот месец, односно со платата за мај.

-Да, точно е дека се уште не добиле плата, затоа што се правеше усогласување со законските измени во Колективниот договор. Инаку, 12 градинки сѐ уште немаат доставено пресметки за коригирана плата, се надеваме дека тоа ќе ќе го направат во текот на денот, за да можеме веќе од следната недела да им ја исплатиме платата, изјави Јованка Тренчевска, министерка за труд и социјална политика.

По постигнатиот договор на СОНК со Владата, се измени и Колективниот договор, каде стои дека за време на штрајк работодавачот е должен на работниците, учесници во штрајкот да им исплати плата во висина соодветна на придонесите и даноците од плата кои ќе се исплатат во износ утврден со посебни прописи на минималната основица за плаќање на придонесите. Ова значи дека придонесите за време на штрајк ќе им бидат исплатени врз основа на минималната плата, што значи од 180 до 400 денари помалку од ден, информира Сител.

Станува збор за околу 2.000 вработени во градинките, кои не згрижуваа дечиња за време на штрајк, иако според законот, беа обврзани на тоа. Со постигнатиот договор и тие ќе добијат зголемување на платите од септември за 15%. Инаку, платата на негувателките во градинките во моментов изнесува 18,821 денар, а на воспитувачките 24.900 денари.

The post Доцни платата во градинките – Ќе има и казни appeared first on Република.

Министерството за труд и социјална политика ја известува јавноста и родителите дека сите предучилишни установи ќе продолжат да ја обавуваат својата дејност згрижување и воспитание на децата и во деновите на најавениот штрајк, како и до сега, информираат од МТСП.

-Во согласност со Конвенцијата за правата на детето, одредбите во Уставот на Република Македонија и Законот за заштита на децата на Република Македонија, неприкосновено право на децата е да им биде пружено згрижување и воспитание во предучилишни установи како облик на заштита на децата.

Согласно Законот за заштита на децата, во преучилишните установи за деца, вршењето на дејноста згрижување и воспитание на деца од предучилишна возраст не смее да се прекинува освен за вонредни состојби (природни непогоди, епидемии и друго), за што решава основачот, а по претходна согласност од Министерството за труд и социјална политика, но не и за време на штрајк, стои во соопштението од МТСП и се додава:

„По повод најавениот штрајк од страна на СОНК и во предучилишните установи, а кое право е загарантирано право на работниците согласно со Уставот, при остварувањето на правото на штрајк вработените се должни да обезбедат непречено згрижување и воспитание на децата од предучилишна возраст.

За Министерството за труд и социјална политика, грижата за најмладите, децата е приоритет, а заштитата на нивните права, наша заедничка одговорност“.

The post МТСП: Градинките ќе продолжат со згрижувачката дејност и во време на штрајк appeared first on Република.

Министерството за труд и социјална политика ја  извести јавноста и родителите дека сите предучилишни установи ќе продолжат да ја обавуваат својата дејност згрижување и воспитание на децата и во деновите на најавениот штрајк, како и до сега.

Во согласност со Конвенцијата за правата на детето, одредбите во Уставот на Република Македонија и Законот за заштита на децата на Република Македонија, неприкосновено право на децата е да им биде пружено згрижување и воспитание во предучилишни установи како облик на заштита на децата.

Согласно Законот за заштита на децата, во преучилишните установи за деца, вршењето на дејноста згрижување и воспитание на деца од предучилишна возраст не смее да се прекинува освен за вонредни состојби (природни непогоди, епидемии и друго), за што решава основачот, а по претходна согласност од Министерството за труд и социјална политика, но не и за време на штрајк.

По повод најавениот штрајк од страна на СОНК и во предучилишните установи, а кое право е загарантирано право на работниците согласно со Уставот, при остварувањето на правото на штрајк вработените се должни да обезбедат непречено згрижување и воспитание на децата од предучилишна возраст.

За Министерството за труд и социјална политика, грижата за најмладите, децата е приоритет, а заштитата на нивните права, наша заедничка одговорност, соопштија од МТСП.

 

The post МТСП: При остварувањето на правото на штрајк вработените се должни да обезбедат непречено згрижување и воспитание на децата од предучилишна возраст appeared first on Република.

Во Министерството за труд и социјална политика денеска се изврши примопредавање на функцијата министер за труд и социјална политика, при што новоименуваната министерка Јованка Тренчевска ја презеде функцијата од досегашната министерка Јагода Шахпаска.

Со тоа министерката за труд и социјална политика Тренчевска и официјално го започнува управувањето со овој сектор.

Чест и задоволство ми претставува да го предводам секторот во кој со години наназад активно учествував во креирањето на социјалните политики насочени кон граѓаните, а особено кон најранливата категорија. Приоритет ќе ми бидат, унапредување на правата од социјалната заштита, обезбедување на редовни и сигурни пензии, заштита и почитување на работничките права како и грижа за најмладите. Продолжуваме заедно да градиме едно општество за сите. Родовата еднаквост останува и понатаму високо на мојата и на агендата на Министерството за труд и социјална политика, истакна Тренчевска.

Досегашната министерка за труд и социјална политика Шахпаска на нејзината наследничка Тренчевска и посака успешна и плодна работа. Таа ја информираше за тековните проекти на кои работи Министерството, за предвидената динамика за нивна реализација и за евентуалните пречки со кои се соочуваат.

Тренчевска доаѓа од раководната позиција на Државниот инспекторат на труд, а претходно ја извршуваше функцијата државна секретарка во Министерството за труд и социјална политика. Таа е дел од ова Министерство 19 години со нејзино активно учество во креирањето на политиките за родовата еднаквост на жените и мажите, сектор во кој има водечка позиција.

Нејзината досегашна кариера е во насока на унапредување на правата на работниците како и родовата еднаквост меѓу мажите и жените. Министерката Тренчевска е магистер по социолошки науки.

The post Тренчевска ја презеде од Шахпаска функцијата министер за труд и социјална политика appeared first on Република.

Сојузот на синдикатите на Македонија бара за прв човек на Министерството за труд и социјална политика да се постави човек кој ќе знае да ги реши проблемите на работниците. Тие сметаат дека работодавачите веќе имаа свои министри во владите, а сега е редно времед на таа фотеља да седне и синдикалец.

Деновиве слушаме дека за Министерството за труд и социјална политика се водат ‚битки' со одредени коалициони партнери во владејачкото мнозинство.
Сојузот на синдикатите на Македонија најодговорно тврди дека ресорот труд и социјала треба да го води човек кој знае како да ги реши проблемите на работниците - важна е компетенцијата, а исто така важно е да ги познава процесите кои се водат за донесување на нов Закон за работните односи, нов Закон за безбедност и здравје при работа, нов Закон за мобинг и сл., за да не се случи овие процеси кои се водат веќе и по три години да започнат одново и да траат премногу долго, а на штета на работниците! На мандатарот за нова Влада му укажуваме дека доколку се избере таков човек, ние синдикатите ќе знаеме дека оваа Влада (и сите нови влади што следат) им мислат добро на работниците! Потсетуваме дека во изминатиот период равотодавачите имаа министер во Владите од своите редови преку коморите, па редно време е работниците да добијат министер, синдикалец од нивните редови, велат оттаму.

Дел од медиумите веќе објавија дека на местото на Јагода Шахпаска во Министерството за труд и социјална политика би дошла Јована Тренчевска, која сега е директорка на Државниот инспекторат за труд.

The post ССМ бара од Ковачевски синдикалец на местото министер за труд и социјала appeared first on Република.