Повикот за финансирање проекти на општините не може да се дефинира како предизборен поткуп, затоа што сите градоначалници имаат можност да аплицираат и да добијат средства, изјави вечерва министерот за локална самоуправа Златко Перински.

Гостувајќи на телевизија „Сител“, тој додаде дека и Градот Скопје може да аплицира за проекти. Но, запрашан што ако добијат проект за набавка на 250 нови автобуси, тој подвлече дека тоа не е инфраструктурен капитален проект што градоначалничката Данела Арсовска не може сама да го исфинансира.

Бидејќи на средбата во Владата, рече дека Градот е во финансиска консолидирана состојба, истакна Перински.

Околу најавеното комплетно менување на Законот за локална самоуправа, Перински образложи дека „скопјани се сведоци на едно, за кое може да каже, недолично однесување од стана на еден од градоначалниците“.

Сметаме дека Законот не треба да го овозможи тој комфор да не може да биде променет градоначалник. Нашата интенција е да донесеме модерно издржано решение решение согласно модерните времиња во кое функционираат општините, рече Перински.

Според него, има потреба од измена на Законот, но тоа, како што посочи, не треба да биде од денес за утре, туку со широка дебата во која ќе бидат вклучени експерти и единиците на локалната самоуправа.

The post Перински: Повикот за финансирање проекти не е предизборен поткуп, сите градоначалници имаат можност да добијат средства appeared first on Република.

Шефот на грчката дипломатија Јоргос Герапетритис, утре ќе учествува на Состанокот на министрите за надворешни работи и на Самитот на шефови на држави и влади на учесниците во Процесот за соработка на Југоисточна Европа (ПСЈИЕ), јави дописничката на МИА од Атина.

Од Министерството за надворешни работи на Грција соопштија дека Герапетритис утре заминува за Македонија каде што ќе учествува на Самитот и на Министерскиот состанок во рамките на Процесот за соработка на Југоисточна Европа.

The post Шефот на грчката дипломатија утре доаѓа во Скопје appeared first on Република.

Поранешниот министер за економија на Казахстан денеска е осуден на 24 години затвор за убиство на својата сопруга, пренесоа британските медиуми. Новинарот на „Ројтерс“ во Астана пренесува дека долгогодишната затворска казна на поранешниот министер доаѓа по судењето кое се смета за тест на претседателот Касим-Жомарт Токаев и неговото ветување дека ќе изгради поправедно општество.

На шокантната снимка прикажана за време на судскиот процес, кој започна во март, се гледа како обвинетиот Куандик Бишимбаев (44) постојано удира, клоца и влече за коса витка млада жена облечена само во палто и чизми, пренесува „Танјуг“.

Жената е 31-годишната Салтанат Нукенова, сопругата на Бишимбаев, која подоцна беше пронајдена мртва.

Бишимбаев се изјасни за невин и во судницата тврдеше дека неговата сопруга починала од самоповредување.

Бишимбаев, кој беше министер за економија од мај до декември 2016 година, претходно беше осуден на 10 години затвор за примање мито, но беше ослободен по помалку од три години благодарение на амнестија и условно ослободување.

The post Поранешен министер осуден на 24 години затвор поради убиство на сопругата appeared first on Република.

Лицемерието на власта на СДС и ДУИ нема крај. Додека народот се тоне во сиромаштија поради високата инфлација, а власта вели дека тоа било така секаде, во владините бифеа цените стојат замрзнати и тоа на минимум, велат во партиското соопштение од ВМРО-ДПМНЕ.

Студентите нека се чудат што да јадат, пензионерите нека се борат секој ден дали да купат леб или лекови, ама затоа министрите ќе се гоштеваат по екстра ниски цени. Ако четврт бурек, ѓеврек и јогурт стануваат луксуз за народот, затоа што треба за него да одвојат околу две евра, во владините бифеа за истите пари кркаат сланина на скара( за 110 денари) или вешалица од свинско каре (за 135 денари).

Го слушате Ковачевски, Битиќи или Бектеши дека поскапуваат цените на детската храна затоа што тие тоа го сметаат за луксуз, а веројатно половина час порано јаделе омлет со свинско за 65 денари, тост со врат за 75 денари или тулумби и баклави за 30 денари.

Еден министер со плата од 2000 евра јаде цел ден за 100-тина денари, а еден работник со минималец јаде месен нарезок по поскапи цени. И на крајот министерот ќе те убедува дека поскапувањето на цените на одредени производи било за твое добро, затоа што не било здраво тоа да се јаде.

Ситата влада не го верува гладниот народ. Ова мора да престане. Оваа власт мора да си замине, стои ви соопштението на партијата.

The post „Министер со плата од 2000 евра јаде цел ден за 100-тина денари, а работник со минималец јаде месен нарезок со поскапи цени- ситата власт не го верува гладниот народ“ appeared first on Република.

Турскиот заменик министер за образование Назиф Јилмаз на Твитер му напиша на Бенјамин Нетанјаху дека „ќе умре“, споделувајќи ја снимката од израелските напади на Газа.

Еден ден ќе те застрелаат и тебе. Ќе умреш, напиша Јилмаз како одговор на видеото објавено од Нетанјаху за израелските воздушни напади врз Газа.

Нетанјаху требаше да ја посети Турција во следните месеци, откако го одложи патувањето во јули затоа што му беше вграден пејсмејкер, објави „Тајмс оф Израел“. Минатиот месец Ердоган се сретна со Нетанјаху во Њујорк на првата позната средба меѓу двајцата лидери.

Односите меѓу Израел и Турција се одмрзнаа минатата година по долгогодишно непријателство меѓу лидерите на двете земји, главно поради поддршката на Турција за Хамас, пишува весникот.

Неименуван висок турски функционер денеска изјави дека неговата земја, која историски имала контакти со Хамас, води преговори за ослободување на цивилите што ги држи палестинската милитантна организација.

Турција води преговори за цивилите кои ги држи Хамас. По наредба на претседателот РеџепТајип Ердоган, во тој процес се ангажирани соодветните институции – изјави неименуваниот турски функционер, без да даде повеќе детали.

Во петте дена од почетокот крвавите судири на Блискиот исток животот го загубија над 2.300 луѓе. Според израелските и палестинските власти, во Израел се убиени повеќе од 1.200 луѓе, а бројот на загинати Палестинци е над 1.100. На двете страни на фронтот има повеќе од 5.000 ранети. Денеска започна шестиот ден од воените операции меѓу израелските воени сили и Хамас, а во војната е вклучена и либанската паравоена формација Хезболах, која е на страната на Хамас.

The post Ќе умреш: Турски заменик министер му испрати заканувачка порака на Нетанјаху appeared first on Република.

Судот за организиран криминал и корупција во Тирана му изрече казна затвор на поранешниот министер за животна средина Лефтер Кока во врска со обвинувањата за инсинераторот во Фиер, односно за договорот за концесија за изградба на пречистителната станица за урбан отпад и производство на енергија.

Поранешниот министер е осуден на 10 години затвор, но поради согласноста за скратен судски процес казната е намалена на 6 години и 8 месеци затвор.

Исто така донесена е одлука да се заплени имотот на Кока, поточно „ објект за продажба на алкохолни пијалаци Ѓерѓ Кастриот – Скендербег“ во Драч, во вредност од 442.972 леки, како еквивалентен имот со дел од износот за кој се товари во казниво дело.

Според обвинението Кока ги извршил кривичните дела „злоупотреба на службена положба“, извршено во соработка“, „пасивна корупција на високи државни функционери или избрани локални функционери“ и „активна корупција на високи државни функционери или локални избраници“.

Специјалното обвинителство за организиран криминал и корупција, СПАК, истрагата за инсинераторот во Фиер ја финализирана во декември 2022 година.

Кока на функцијата министер за животна средина беше во периодот 2013-2017 од редовите на Движењето за социјалистичка интеграција (ЛСИ), сега Патија на слободата на Илир Мета и беше дел од владината коалиција со социјалистите, а од 2017 до 2021 пратеник од редовите на Социјалистичката партија.

Во исто време Судот му изрече казна од 4 години на поранешниот социјалистички пратеник, Алќи Блако, кој со скратен судски процес во затвор ќе остане 2 години и 8 месеци, додека Клодијан Зото, главниот акционер на концесионерот на оваа печка е осуден на 12 години затвор, односно во ќелија ќе остане 8 години.

Кока и Блако по издржувањето на казната имаат забрана да се занимаваат со полтика во период од пет години.

Во меѓувреме, Специјалниот суд одлучи да ослободи три лица прогласувајќи ги за невини по покренатите обвиненија, додека условно се осудени уште шест лица.

СПАК вели дека за овој инсинератор биле исплатени четири милиони евра, за работа која не била извршена.

The post Поранешен албански министер за животна средина и екс пратеник осудени за корупција appeared first on Република.

Oчекувам и во интерес на правосудството е министерот за правда, Кренар Лога, да биде активен, да придонесува во решавањето на секој проблем со кој што се соочуваме како правосудство, изјави претседателот на Судскиот совет, Сашко Георгиев.

На прашање како ги коментира ставовите на министерот Лога, во однос на работата на Судскиот совет, тој рече дека смета дека тоа е видување на министерот.

Ова е негово видување, но да не заборавиме дека министерот за правда е член на Судскиот совет на секоја седница по функција на службеност тој е повикуван, ги добива материјалите, записниците за работа и очекувам и во интерес на правосудството е тој да биде активен, да придонесува во решавањето на секој проблем со кој што се соочуваме како правосудство, рече Георгиев.

Дополни дека не би се впуштал во гледиштето на министерот, но, како што рече, „го повикувам во иднина да биде активен и да преземе проактивно учество во работењето како член на Судскиот совет“.

Иако согласно Законот е ограничено правото на гласање и на учество во делот на гласањето, но во делот на решавањето на проблемите, во делот на соочувањето со реалните проблеми кои се дискутираат, а со кои се соочуваме во тековното работење, тука е неминовно дека може да даде свој придонес во решавањето на овие проблеми, рече претседателот на Судскиот совет.

Во однос на прашањето за тоа дека нема пријавени кандидати од Врховниот суд за член на Судски совет, со оглед дека се повтори огласот, односно по повлекувањето на претходниот кандидат, тој рече дека ќе се распише нов оглас.

Очекуваме да има претставник од Врховен суд, тоа е нивно право согласно Законот, согласно Уставот. Право за да имаат претставник во Судскиот совет во решавањето на тековните проблеми, во постапувањето во Судскиот совет. Но, можеби во период на летни одмори, во период кога беше судиска ферија, бевме заради законските обврски должни да постапиме со овие рокови, можеби и тоа има свој придонес. Но, во секој случај ќе следи на прва наредна седница, откако ќе биде констатирано дека нема кандидати ќе се распише нов оглас, рече тој.

Прашан за претседателот на Управниот суд, Бурим Сејдини, Георгиев рече дека има формирано работна комисија и се чека извештајот, по што ќе биде разгледан на седница на Советот.

Во делот на тоа што велите зошто сѐ уште колегата, односно претседателот на Управен суд е судија, односно претседател на овој суд, и додека нешто не се докаже не можеме да размислуваме во тој дел. Доколку сметате дека е нешто причина за кривична одговорност или слично, тоа е веќе друг елемент, не сме надлежни ние во тој дел. Седницата не ја одложуваме, го чекаме материјалот да биде изготвен и веднаш ќе биде ставен на разгледување на седница, рече Георгиев.

The post Претседателот на Судски совет го повика министерот Лога да присуствува на седниците на Советот appeared first on Република.

Српскиот помошник министер за труд и неговиот возач загинаа во сообраќајна несреќа што се случи синоќа околу 1.30 часот кај Пожаревац.

Станува збор за Милош Ковачевиќ (1992), вршител на должноста помошник министер за труд, вработување, ветерани и социјални работи, од Одделението за заштита на борците и инвалидите, кој бил сопатник во автомобилот, како и возачот на автомобилот Д.Б.(1957). Истрагата ја спроведе обвинителот на Основното јавно обвинителство во Пожаревац“, се наведува во соопштението на српското МВР.

The post Српскиот помошник министер за труд и неговиот возач загинаа во сообраќајна несреќа кај Пожаревац appeared first on Република.

Од лични причини, министерот за заштита на граѓаните на Грција, надлежен за полицијата Нотис Митаракис денеска си поднесе оставка, која била прифатена од грчкиот премиер Кирјакос Мицотакис, јави дописничката на МИА од Атина.

Како што соопштија од кабинетот на Мицотакис, на местото на Митаракис доаѓа досегашниот алтернативен министер за образование, религија и спорт, надлежен за спорт и поранешен владин портпарол Јанис Иконому.

На местото на Иконому, пак, поставен е Јанис Вруцис кој во минатото беше и министер за труд и социјални прашања.

Митаракис, кој денеска си поднесе оставка, во конкретното Министерство беше само еден месец со оглед на тоа што новата грчка Влада положи свечена заклетва на 27 јуни.

Во претходната Влада на Нова демократија, Митаракис беше министер за миграција и азил.

Весникот „Катимерини“ во денешното печатено издание објави коментар во кој се упатува критики до Митаракис дека додека земјата се соочува со големи пожари и сериозна криза, министерот за заштита на граѓаните вчера заминал на одмор на островот од кој потекнува.

The post Министерот за заштита на граѓаните на Грција надлежен за полицијата си поднесе оставка appeared first on Република.

Кинескиот министер за надворешни работи Чин Ганг нема да присуствува на дипломатски собир во Индонезија оваа недела како што се очекуваше, рекоа извори запознаени со ова прашање, продолжувајќи го неговото необјаснето отсуство од јавноста повеќе од две недели.

Тројцата извори, кои побараа анонимност бидејќи не се овластени да зборуваат со медиумите, рекоа дека главниот кинески дипломат Ванг Ји ќе ја претставува земјата на состаноците во Џакарта наместо Чин.

Дипломатските шефови на Асоцијацијата на нациите од Југоисточна Азија (АСЕАН) и Кина ќе се состанат во четврток пред самитот на Источна Азија и Регионалниот форум на АСЕАН во петок.

57-годишниот Чин го презеде министерството за надворешни работи од Ванг во декември, а последен пат беше виден во јавноста на 25 јуни во Пекинг по состанокот на официјални лица од Шри Ланка, Русија и Виетнам. Кинеското Министерство за надворешни работи не одговори на истрагата за локацијата на Чин.

Портпаролот на Министерството, Ванг Венбин, во петокот беше прашан за напис на американскиот портал Политико во кој се шпекулираше дека здравствените проблеми може да се причина за отсуството на Чин. Ванг рече дека „не слушнал“ за извештајот.

Чин требаше да се сретне со шефот за надворешна политика на ЕУ, Жозеп Борел, во Пекинг минатата недела, но состанокот беше одложен откако Кина ја извести ЕУ дека назначувањето „повеќе не е можно“, рече портпаролот на Унијата.

Ванг Ји, шефот за надворешна политика на Кинеската комунистичка партија, му поднесува извештај на Чин, кој како министер е одговорен за надворешната политика на владата.

The post Со недели никој не знае каде е кинескиот министер за надворешни работи appeared first on Република.

Белорускиот министер за транспорт и врски Алексеј Николаевич Авраменко ненадејно почина на 4 јули на 46-годишна возраст, соопшти Министерството за белоруската државна новинска агенција BelTA. Агенцијата не ја коментираше причината за смртта. Авраменко е роден во Минск во 1977 година.

Во 1999 година дипломирал на Белоруската државна политехничка академија. Работел на изградба и одржување на патишта, по што бил на повеќе функции во Министерството за транспорт. Тој беше заменик министер од 2013 година, а потоа прв заменик министер од 2016. Конечно ја презеде министерската фотелја во 2019 година.

Покојниот министер беше ставен под меѓународни санкции. Како министер за транспорт, тој беше одговорен за нелегално пренасочување на патничкиот лет FR4978 кон аеродромот во Минск на 23 мај 2021 година, што доведе до апсење на опозицискиот новинар Раман Праташевиќ.

Инаку, ова не е единствената ненадејна смрт на белоруски министер. Во ноември минатата година на 64-годишна возраст ненадејно почина министерот за надворешни работи Владимир Макеи. Само неколку дена пред неговата смрт, тој учествуваше на конференцијата на Организацијата на Договорот за колективна безбедност (CSTO).

The post Ненадејно почина белорускиот министер за транспорт appeared first on Република.

Министер за труд на Уганда, Чарлс Енгола денеска е убиен од неговиот телохранител, најверојатно поради приватни несогласувања, објавија локалните медиуми.

Енгола беше пензиониран армиски полковник. Според државната телевизија на Уганда, напаѓачот, чиј идентитет не се соопштува, пукал во министерот, а потоа и во себе.

Инцидентот се случил во домот на Енгола во главниот град на Угранда, Кампала.

Според локалните медиуми спорот бил за платите на обезбедувањето.

Очевидци тврдат дека војникот викал дека долго време не добил плата, иако работел за министерот, објави порталот „Најлпост“.

The post Министер убиен поради доцнење на плата appeared first on Република.

Шефот на дипломатијата Бујар Османи утре ќе биде домаќин на казахстанскиот вицепремиер и министер за надворешни работи Мухтар Тлеуберди, кој ќе престојува во официјална посета на земјава.

Како што информираат од МНР, во фокус на разговорите ќе бидат билатералните односи, особено мултилатералната соработка на двете држави, со посебен акцент во Организацијата за безбедност и соработка на Европа (ОБСЕ), со која Македонија ќе претседава по две месеци, а ќе бидат разменети мислења и за други актуелни прашања во надворешната политика.

Во рамки на неговиот престој во Скопје, Тлеуберди се очекува да се сретне и со шефот на државата Стево Пендаровски, како и со претседателот на Собранието, Талат Џафери.

The post Mинистерот за надворешни работи на Казахстан утре во официјална посета на Скопје appeared first on Република.

Во Собранието денеска треба да продолжи 88. седница на која ќе се расправа за изборот на Ристо Пенов за министер за локална самоуправа и за изборот на уставните судии.

Предлогот Пенов да биде министер за локална самоуправа доаѓа откако неговиот сопартиец и претходник Горан Милевски поднесе оставка од функцијата од лични причини.

Премиерот Димитар Ковачевски во вторникот од собраниската говорница рече дека е убеден оти Владата со Ристо Пенов во областа на локална самоуправа ќе направи многу повеќе во стратешките политики и на локално и на централно ниво.

Станува збор за значаен ресор за нашите општини кои за една година гледаме дека се наоѓаат во проблеми кои ги водат неспособни градоначалници. Предлагам вистински човек, на вистинско место, во вистинско време. Господинот Ристо Пенов е синоним за успешен градоначалник, за макотрпна работа, за резултати и успех. Тој е потврда за скромност, чесност и работливост. Тој е човек кој интерира, соработува и има визија. За него најдобро говорат капиталните проекти во Скопје, улиците, мостовите, инфраструктурата, километрите нови патишта, тротоари, нови плоштади, поддршка на локалните бизниси и на културата – рече Ковачевски.

Изминатите денови, опозицијата и власта излегоа со спротиставени ставови.Според првите, власта со овој предлог прави дефокус на јавноста од вистинските проблеми и наместо да понуди решенија за економската и енергетската криза и да им помогне на граѓаните таа предлага нов министер, за кој не веруваат дека е добро решение. За пратениците од владејачките партии, Пенов е добар избор и побараа поддршка од опозициските пратеници.

На денешната седница како втора точка е изборот на двајца уставни судии за кои дебатата заврши и треба само да се гласа. Вчера, претседателот на Собранието Талат Џафери на средбата со новинарите, одговарајќи на прашање дали досега имало ваков случај на пленарна седница да се стави точка за која дебатата не е завршена во собраниската комисија, рече дека за кандидатите за уставни судии се гласа поединечно, но и дека во 2012 година за Буџетот извештајот од комисиската седница го потпишало мнозинството.

Оваа седница, на која на дневен ред се и законите поврзани со мерките за справување со енергетската криза и законите за здруженија и фондации и за политичките партии, според Џафери, би требало да продолжи од понеделник.

The post Изборот на Пенов за министер и денеска во Собрание appeared first on Република.

Собранието денеска се очекува да отвори дебата за предлогот Ристо Пенов да биде нов министер за локална самоуправа, откако неговиот сопартијец и претходник Горан Милевски поднесе оставка на функцијата од лични причини.

Изборот на Пенов е на дневен ред на продолжението на 88. седница, на која денеска се најавува и присуство на премиерот Димитар Ковачевски.

Пенов е поранешен пратеник и градоначалник на Скопје. Еден од основачите на Либерално-демократската партија и нејзин поранешен претседател. Магистрирал на Правниот факултет во Скопје, а дипломирал на Економскиот факултет.

The post Изборот на Пенов за министер пред пратениците appeared first on Република.

The post Ристо Пенов прифати да биде министер за локална самоуправа appeared first on Република.

Министерот за надворешни работи Бујар Османи утре ќе биде домаќин на Жоао Гомес Кравињо, шефот на дипломатијата на Португалија, кој престојува во официјална посета на Република Македонија.

Како што соопшти МНР, на средбата е предвидено да се разменат мислења за евроинтегративниот процес на нашата држава, билатералните односи и перспективите за нивното натамошно унапредување, со посебен осврт на економските релации и можностите за нивно зајакнување.

Предвидено е двајцата министри да одржат тет-а-тет средба, ќе следи пленарен состанок меѓу делегациите на двете земји, а потоа и заедничка прес – конференција на Османи и Кравињо.

Покрај средбата со својот хомолог, португалскиот министер за надворешни работи ќе биде примен од претседателот Стево Пендаровски, а ќе има одделни средби и со претседателот на Владата, Димитар Ковачевски и со заменик претседателот на Владата, задолжен за европски прашања, Бојан Маричиќ.

The post Шефот на дипломатијата на Португалија Жоао Гомес Кравињо во посета на Скопје appeared first on Република.

Министерот за економија Крешник Бектеши се налути што при посетата на Албанија го нарекоа „македонски министер“ и веднаш реагираше.

На конференцијата за односи меѓу министерката за финансии и економија на Албанија, Делина Ибрахимај, новинарите му упатиле прашање за легализација на медицинскиот канабис. Но, не беше среќен кога новинарка му се обрати со „македонски министер“.

Новинар: Имав прашање до македонскиот министер…

Бектеши: Извинете, јас сум министер на Cеверна Македонија, не сум Македонец, јас сум Албанец.

https://youtu.be/HEHDMxJcz-w

The post Бектеши се налути: Јас сум министер на Cеверна Македонија, не сум Македонец, јас сум Албанец! appeared first on Република.

Кремљ ги отфрли шпекулациите за тоа каде се наоѓа министерот за одбрана Сергеј Шојгу, кој со недели не се појавуваше во јавноста, јави ДПА.

Министерот за одбрана е многу зафатен, рече прес-секретарот на Кремљ Дмитриј Песков, додавајќи дека е „сосема разбирливо“ што ова не е момент за појавување во медиумите.

Руските медиуми изразија изненадување што Шојгу не се појавил во јавноста од 11 март, по што се појавија шпекулации за можни здравствени проблеми поврзани со срцето.

Песков ги отфрли овие извештаи и им рече на новинарите да се обратат до Министерството за одбрана.

Руската војна против Украина трае еден месец. Портпаролот на Министерството за одбрана секојдневно даваше извештаи за операциите на руските трупи, а рускиот претседател Владимир Путин исто така даде неколку јавни изјави.

Путин беше присутен на состанокот на Советот за национална безбедност во четвртокот, каде што, според Песков, Шојгу го информирал советот за „напредокот на специјалните операции“ – термин што се користи во Русија за да се опише инвазијата на Украина.

Во меѓувреме, Руската телевизија прикажа фотографии на кои се гледа како Путин денеска одржува состанок на Советот за безбедност со највисоките функционери, вклучувајќи го и министерот за одбрана Сергеј Шојгу.

The post Кремљ ги негира гласините за здравjето на Шојгу: Министерот е многу зафатен appeared first on Република.

Украинскиот министер за земјоделство, Роман Лешченко, поднел оставка.

Веста ја објави „Ројтерс“ повикувајќи се на изјава на неговиот помошник, кој не ја навел причината за таквата одлука.

Украинскиот парламент во текот на денот треба да гласа дали ќе ја прифати оставката.

The post Украински министер поднесе оставка appeared first on Република.