Во текот на вчерашниот ден Државната изборна комисија ги објави конечните резултати од Парламентарните избори 2024 година со што мојот мандат како министер за внатрешни работи во преодната Влада за спроведување на избори на пратеници официјално заврши, а согласно Законот за Влада досегашниот заменик министер за внатрешни работи, Назим Буши ја презема надлежноста, односно ќе ја врши функцијата министер за внатрешни работи до избор на нова Влада, извести преку соопштение досегашниот министер во техничката влада, Панче Тошковски.

Во оваа прилика сакам да истакнам дека изминатиот период беше исполнет со многу предизвици, но заедно со мојот тим покажавме дека со макотрпна работа, професионализам и чесност може да се постигне многу за нашата држава. Успеавме да обезбедиме стабилност и доверба во изборниот процес, односно слободно можам да кажам дека ги организиравме најдемократските избори досега, што впрочем беше и нашата главна цел.

Покрај тоа, вложивме напори за подобрување на безбедноста и редот во нашата земја, справувајќи се со повеќе предизвици и ситуации кои бараа брзи и ефикасни реакции. Со гордост можам да кажам дека како тим кој раководеше со Министерството во овие четири месеци, функциониравме транспарентно и одговорно, секогаш со целосна посветеност на потребите на граѓаните и државата.

Посакувам што поскоро да се формира новата Влада, за да можат државните институции да профункционираат со целосен капацитет. Потребни се итни и темелни реформи кои се неопходни за Македонија што поскоро да се стабилизира и да го продолжи својот раст и развој. Верувам дека со заеднички напори можеме да создадеме подобра и поквалитетна иднина за сите нас.

На крајот, уште еднаш сакам да се заблагодарам на мојот тим кој вложи натчовечки напори во изминатите четири месеци, но и на сите вработени во Министерството за внатрешни работи кои навистина беа на висина на задачата. Благодарност и до граѓаните кои во континуитет нѐ поддржуваа и веруваа во нас. Заедно ќе продолжиме да се залагаме за безбедна, стабилна и просперитетна Македонија, се додава во соопштението.

The post Тошковски: Изминатиот период исполнет со многу предизвици, покажавме дека со макотрпна работа, професионализам и чесност може да се постигне многу appeared first on Република.

Поранешниот советник на министерот за одбрана на таа Украина, Алексеј Селиванов, изјави дека министерот за внатрешни работи на Украина, Денис Монастирски, бил убиен од украинската армија.

Селиванов вели дека хеликоптерот што се урна над Бровари, во кој загина министерот за внатрешни работи, бил соборен од украинската армија. Ваквата информација, Селиванов ја добил од негов извор во Министерството за одбрана.

Инаку, Генералното обвинителство на Украина утврдило дека хеликоптерот во Бровари бил соборен од проектил од ракетниот систем МАНПАДС.

https://republika.mk/vesti/svet/ukrainskiot-minister-za-vnatreshni-raboti-zagina-vo-helikopterska-nesreka/

The post Министирот за внатрешни работи на Украина бил убиен од украинската војска appeared first on Република.