Вчераво 12.35 часот во СВР Тетово било пријавено дека Б.М. (19) од с.Волковија, тетовско, во с.Стенче, тетовско, кај местото викано Стенечки мост на реката Вардар, додека бил на риболов, од реката извлекол торба во која имало седум тромблонски мини.

Известен е јавен обвинител, а од страна на екипа на МВР тие се безбедно подигнати.

The post Рибар извлекол торба полна мини од Вардар appeared first on Република.

Турција, Бугарија и Романија, трите членки на НАТО, кои тагуваат по Црното Море, потпишаа денеска тројна спогодба за отстранување на мините во Црното Море, кои пловат како резултат на војната во Украина.

Од почетокот на руската инвазија на Украина на 24 февруари 2022 година приморските земји забележаа пловечки мини во водите на Црното Море, поставени од завојуваните страни за заштита на нивните брегови.

„Поради украинско-руската војна, мини се поставени и во украинските и во руските пристаништа. Тие понекогаш се отпуштаат и стигнуваат до нашата теснина поради морските струи“, рече турскиот министер за одбрана, Јашар Ѓулер, во декември по неколкумесечните разговори меѓу сојузниците во НАТО.

Иницијативата за борба против мините во Црното Море, потпишана во Истанбул, треба да овозможи безбедност на пловидбата, вклучително и извоз на украинско жито по должината на бреговите на Романија и Бугарија.

Романскиот министер за одбрана, Ангел Тилвар, и бугарскиот министер Атанас Запрјанов му се придружија на турскиот министер Ѓулер во босфорската палата за да го потпишат договорот. Секоја земја наизменично ќе претседава со иницијативата шест месеци.

„Одлучивме заеднички да потпишеме протокол меѓу трите земји за поефикасна борба против заканата од мини во Црното Море на начин да ја зајакнеме нашата постојна соработка и координација“, рече Ѓулер.

Групата беше основана во август 2023 година од Турција откога Москва одби да го продолжи договорот за извоз на украинско жито преку Црното Море.

Ѓулер особено истакна дека во оваа иницијатива може да учествуваат само бродовите на трите сојузнички земји, кои се потписнички на иницијативата, за да не се прекрши конвенцијата од Монтре. Турција се повикува на тој меѓународен пакт кога го спречува минувањето на воените бродови низ Босфорот и Дарданелите доколку нивните пристаништа не се стационирани на Црното Море.

Повелбата од 1936 година ѝ дозволува на Турција да го ограничи поморскиот транзит низ нејзината теснина за време на војна, но има клаузула со која се ослободуваат бродовите што се враќаат во својата матична база.

The post Турција, Бугарија и Романија потпишаа договор за чистење на Црното Море од мини appeared first on Република.

Плажата Софулар во црноморското одморалиште Шиле, недалеку од Истанбул, беше затворена откако денеска беа пронајдени 28 неексплодирани мини, соопштија властите.

Властите изјавија дека мините ги пронашле нуркачи, а осум мини се извлечени на брегот за да бидат уништени, објави турскиот телевизиски канал НТВ.

Најавено е дека мините ќе бидат неутрализирани на 2 август.

The post Плажа во Турција затворена откако биле пронајдени 28 мини appeared first on Република.

Експерти од Меѓународната агенција за атомска енергија (МААЕ) потврдија присуство на мини во близина на нуклеарната централа Запорожје, што е окупирана од руските сили.

За време на инспекцијата пред два дена тимот на МААЕ регистрирал мини лоцирани во тампон зоната помеѓу внатрешните и надворешните бариери на локацијата. Мините се лоцирани во ограничена област, недостапна за персоналот, се наведува во соопштението на МААЕ.

Агенцијата на ОН истакнува и дека присуството на такви експлозиви на локацијата не е во согласност со безбедносните стандарди на МААЕ и упатствата за нуклеарна безбедност и создава дополнителен психолошки притисок врз персоналот на централата и покрај првичната процена на МААЕ, дека евентуално детонирање не треба да влијае на системите за нуклеарна безбедност и безбедност на локацијата.

The post МААЕ потврди присуство на мини во близина на нуклеарната централа Запорожје appeared first on Република.

Невладината организација за човекови права „Хјуман рајтс воч“ (Human Rights Watch) соопшти дека се појавиле докази дека Украина неселективно користи забранети противпешадиски мини.

ХРВ ја повика украинската Влада да ги почитува преземените обврски и не користи такво оружје, како и да побара одговорност од тие што употребуваат забрането оружје.

Наодите беа проследени до украинската Влада минатиот месец, но досега не добивме одговор, соопшти ХРВ.

Украина во 2005 година го ратификуваше меѓународен договор од 1997 година со кој се забранува употреба на нагазни мини и требаше да ги уништи резервите.

Русија не се приклучи на договорот, но нејзината употреба на противпешадиски мини го прекршува меѓународното хуманитарно право, бидејќи тоа е неселективно оружје, соопшти ХРВ.

Противпешадиските мини се активираат при контакт или непосредна близина и можат да бидат фатални за цивилите долго време по завршувањето на конфликтот

The post ХРВ: Украина користи забранети противпешадиски мини appeared first on Република.

Најмалку 40 руски војници се повредени откако една коза со своето движење активира експлозив поставен околу болницата во Запорожје.

Украинската разузнавачка служба соопшти дека руски војници поставиле мини околу локалната болница во Запорожје, но козата која побегнала од фарма во село Кински Роздори, скокајќи ги предизвикала верижна експлозија, при што се повредени десетици војници.

Животното го добие името „Козата на Киев“, но не е познато дали козата преживеала.

Извор: МИА

The post Коза активирала мини во Запорожје, повредени околу 40 руски војници appeared first on Република.

На 10.05.2022 околу 11.00 часот во СВР Тетово било пријавено дека при чистење на подрумска просторија на основно училиште во с.Јегуновце, тетовско, биле пронајдени три школски противпешадиски распрскувачки мини, една школска противтенковска мина, две школски рачни бомби, 12 парчиња школски електрични детонаторски каписли и две школски мини ПМА 1А, кои потекнувале од периодот на поранешна СФР Југославија.

Увид бил извршен, а од стручно лице од Дирекцијата за заштита и спасување пронајдените предмети биле подигнати за понатамошна постапка.

The post Во подрум во училиште во тетовско Јагуновце пронајдени повеќе мини од југословенскиот период appeared first on Република.

Над 80.000 квадратни километри украинска територија се минирани, што ја прави земјата една од најминираните во светот. Ова се наведува во соопштението на Министерството за надворешни работи на Украина, повикувајќи се на податоци од ОН.

Во Украина, за наследството од еден месец војна – во форма на неексплодирани убојни средства, нагазни мини и касетна муниција – ќе бидат потребни децении за да се реши, заканувајќи им се на животи долго откако пушките ќе замолчат, изјави генералниот секретар на ОН Антонио Гутереш. Тој појасни и дека мините сега ја ограничуваат испораката на итна хуманитарна помош и ги спречуваат луѓето да избегаат на безбедно“.

Украинското МНР наведува дека по првиот бран на руска вооружена агресија врз Украина во 2014 година, било потребно да се исчистат околу 16.000 квадратни километри од регионите Луганск и Доњецк, денес, според прелиминарните проценки, станува збор за 80.000 квадратни километри од Украина.

Според ОН, „Украина е една од најминираните земји во светот. Дури и пред тековната воена офанзива, повеќе од 1,8 милиони луѓе од Донбас беа опкружени со мини осум години“.

The post ОН: Над 80.000 квадратни километри во Украина се минирани appeared first on Република.